Villuráfandi VG í ESB-þokunni

Að loknum fámennum flokksráðsfundi á Hólum er staða VG í ESB-málinu vægast sagt óljós og ruglingsleg. Þegar í setningarræðu varpaði Katrín varaformaður olíu á eldinn með grófum árásum á andstæðinga ESB-aðildar. Að sjálfsögðu varð fátt um svör enda almennar umræður ekki leyfðar.

 

Flestir þeir félagar í VG sem látið hafa að sér kveða um ESB-mál á undanförnum árum ákváðu að sitja heima og mæta ekki á fundinn á Hólum eftir að fréttist að almennar umræður yrðu aðeins leyfðar í vinnuhópum. Til dæmis var Jón Bjarnason, fyrrverandi sjávarútvegs- og landbúnaðarráðherra, ekki á fundinum. Hins vegar gagnrýndi hann Katrínu Jakobsdóttur, varaformann VG, harðlega fyrir þau ummæli sem hún viðhafði í setningarræðu sinni og sagði m.a. í gær í viðtali við Stöð 2:

 

„Mér finnst mjög ómaklegt þegar hún [Katrín] veitist að hörðustu andstæðingum ESB aðildar innan flokksins, þeirra sem hafa staðið vörð um grunnstefnuna frá byrjun, að þeir skuli vera helstu óvinir flokksins að hennar mati og hún kalli þá einsmáls fólk. Þetta er jú eitt stærsta mál þjóðarinnar. Þannig að mér fannst hún tala um þetta mál af alltof mikilli léttúð, hreinlega eins og hún átti sig ekki á þeirri alvöru sem þarna er á ferð.

 

Við ætluðum aldrei að sækja um ESB aðild, við lofuðum því í kosningunum. Við höfum misst þrjá þingmenn úr flokknum. Fjöldi forystufólks víða um land hefur einnig sagt skilið við flokkinn og skoðanakannanir sýna að staða flokksins einmitt út af umsókninni er mjög erfið. Mér finnst að það eigi að standa með því fólki sem ver gildin frekar en að vera að tala niður til þeirra, því miður“, sagði Jón Bjarnason.

 

Eins og rakið var í gær hér á Vinstrivaktinni brást Huginn Freyr Þorsteinsson, aðstoðarmaður Steingríms J. Sigfússonar, skjótt við eftir ræðu Katrínar og fagnaði ræðu hennar mjög á heimasíðu sinni en kallaði jafnframt andstæðinga ESB-aðildar í VG „nátttröll“ og „Moggahvolpa“ sem lítið hefði orðið vart við á fundinum. Þetta opinskáa og „málefnalega“ framlag Hugins til umræðunnar hefur vakið feikna athygli í netheimum og menn velta því mjög fyrir sér hvort orðfæri aðstoðarmannsins beri vott um umræðuhefðina í þröngum hópi kringum Steingrím J Sigfússon.

 

Í Morgunblaðinu í morgun er það haft eftir Steingrími J., að „mikil samstaða sé innan flokksins um að fara þurfi yfir stöðuna í Evrópumálunum. Hann vildi þó ekki gefa nákvæmlega upp hvort flokkurinn hefði það á stefnuskránni fyrir næstu kosningar að hætta aðildarviðræðum við ESB.“

 

Aðspurður hafnaði Jón Bjarnason þessu mati Steingríms J og bætti við á Stöð2: „Það getur enginn hælt sér af því að vera að reka stefnu sem gengur þvert á grunnstefnu flokksins. ESB umsóknin gengur þvert á stefnu flokksins, það er alveg klárt.“

 

Flokksráðfundurinn sem reyndar var svo fámennur að hann var ekki ályktunarfær samþykkti engu að síður ályktun þar sem málefnum ESB er vísað til frekari umræðu innan flokksins og samfélagsins alls. Steingrímur tók í viðtali við RÚV undir kröfu þriggja ráðherra og formanns utanríkismálanefndar sem nýlega fóru fram á að aðildarviðræðurnar yrðu endurmetnar. Nú er að sjá hvernig að því verður staðið.

Bjarni og Jón mættu ekki

Athugasemdir

[Ómar Bjarki Kristjánsson, 27.8.2012 kl. 11:54]

Nátttröll og Moggahvolpar. Hahaha.

[Hilmar (IP-tala skráð) 27.8.2012 kl. 14:01]

Það verður nú að hrósa Samfylkingu fyrir árangursríkan rekstur á VG í útrýmingarbúðir kjósenda.

Fylgir VG þar með í fótspor írskra grænna, sem kjósendur afmáðu af þingi, eftir setu í ríkisstjórn í fyrsta sinn.

Ég held að eina óvissan í kringum VG, sé hvað einstakir þingmenn flokksins gera. Hverjir kjósa að fylgja formanninum yfir bjargbrúnina, og hverjir vilja viðhalda einhverjum trúverðugleika gagnvart kjósendum sínum. Þetta tvennt fer ekki saman.

[Ásmundur (IP-tala skráð) 27.8.2012 kl. 14:57]

Jón Bjarnason er ekki alveg í lagi.

Hann studdi myndun ríkisstjórnarinnar og var meira að segja ráðherra í henni en taldi sig þó ekki þurfa að framfylgja stefnu hennar. ESB-menn höfðu aldrei kynnst öðru eins.

Nú einbeitir Jón sér að því að trufla störf VG og Alþingis á fullu kaupi frá mér og þér.

[Ásmundur (IP-tala skráð) 27.8.2012 kl. 15:25]

Rétt hjá Hilmari. Spurningin er um trúverðugleika VG.

Hávaðasamur minnihluti vill rústa trúverðugleikanum með því að láta flokkinn svíkja bæði samstarfsflokkinn og þjóðina í því úrslitaatriði málefnasamningsins sem tryggði myndun ríkisstjórnarinnar.

Við myndun ríkisstjórnarinnar lofaði VG þjóðinni að hún fengi að kjósa um aðild að loknum aðildarviðræðum. Nú vill minnihlutinn svíkja það eins og ekkert sé sjálfsagðara.

Maður spyr sig hvernig hagar þetta fólk sér í persónulegum samskiptum við aðra? Ég mundi ekki treysta því horn.

Það er ekki brot á stefnu VG að virða lýðræðið með því að leyfa þjóðinni að kjósa um aðild. Það er allt annað mál að flokkurinn er andsnúinn aðild í samræmi við stefnu hans.

Ef minnihlutinn fengi að ráða myndi þvílíkt hrun blasa við VG að flokkurinn myndi varla bera sitt barr eftir það.

Þessi hávaðasami minnihluti ber ábyrgð á að fylgið er að hrynja af VG því að fátt er eins slæmt fyrir fylgið og innanflokkssundrung.

Flokkur sem sýnir í verki að hann er ekki trausts verður á ekkert erindi.

[Kolbrún Hilmars, 27.8.2012 kl. 17:23]

Því má ekki gleyma að stjórnmálaflokkur er annað og meira en klíka innvígðra. Allir flokkar reyna að höfða til hins stóra meirihluta almennra kjósenda með því að bjóða uppá stefnu sem hugnast þeim.

Sumum finnst það eflaust í góðu lagi að plata hinn almenna, óflokksbundna kjósanda á þeim forsendum að tilgangurinn helgi meðalið!

En það tekst ekki tvisvar!

[Árni Gunnarsson, 27.8.2012 kl. 17:50]

Maður nefnir sig Ásmund og tekur til máls af mikilli einurð um afstöðu forystu Vg annars vegar til aðlögunarviðræðna og hinsvegar afstöðu minnihlutans í Vg sem hann nefnir svo.

"Ásmundur" þessi er handhafi mikils pólitísks heiðarleika og ber lof á þá VG hafa lofað þjóðinni því að hún fengi að kjósa um aðild að loknum aðildarviðræðum. Ásmundur nefnir ekki stefnumál VG í aðdraganda kosninga og að flokkurinn fékk glæsta kosningu út á einarða afstöðu GEGN aðildarumsókn. Hann minnist ekki einu orði á það opinbera leyndarmál að nokkur hópur sjálfstæðismanna treysti kosningaáróðri VG svo vel að þeir fórnuðu þeim atkvæðum sínum! Ég leyfi mér að vona að framvegis megi treysta stjórnmálaflokkum til þess að uppfylla kosningaloforð sín fremur en að hefjast handa við að svíkja þau þegar að loknum kosningum. Og ég leyfi mér að vona að ánægja með pólitískan óheiðarleika verði ekki þjóðarmein.

Það væri auk þess slæmt ef skilgreining mannbjálfans á meiri-og minnihluta fólks í VG til áframhalds viðræðna við ESB væri rétt. Ég er þess hinsvegar fullviss að nokkuð stór meirihluti flokksins er andvígur þessu brölti og verður ekki sáttur fyrr en bjánaganginum lýkur.

Það er stór hópur úrvalsfólks í Vinstri grænum. Eftir að hafa farið yfir ræðu varaformannsins á Hólafundinum er greinilega brýnasta verkefnið að losna við það fyrirbæri úr áhrifastöðu. Næst því er svo brýnast að losna við formanninn.

[Elle_, 27.8.2012 kl. 18:10]

´Ásmundur´ fer enn mikinn um minnihlutann.  Í gær var það ´veruleikafirrti minnihlutinn´ en núna er það ´háværi minnihlutinn´ og fólk ´ekki í lagi´.  Hann meinar að sjálfsögðu miklu-minni-hlutann, forhert Kötu Steingríms og Steingrím.  Já, og hvolpa Steingríms.

Hluti VG sem vill framfylgja stefnu flokksins er ekki háværi og veruleikafirrti hlutinn.  Heldur öfugt eins og skynsamir menn sjá.  Fullveldi landsins er forgangsmálið, ekki skítlegur Jóhönnusáttmálinn.  Það er samt ekki vonarglæta að veruleikafirrtir forherðingar skilji samhengið. 

[Hilmar (IP-tala skráð) 27.8.2012 kl. 18:46]

EF heiðarlegum flokksmönnum VG tækist að losa flokkinn við Steingrím J, og restina af ESB þingmönnum flokksins, þá er ekki útilokað að hann næði vopnum sínum með tíð og tíma.

En hver trúir því, að Steingrími verði velt?

Persónulega vona ég að Steingrímur sitji, og heiðarlegir þingmenn VG láti reyna á annan flokk.

Það væri náttúrulega frábært að sjá VG og Samfylkingu berjast um þetta 20-25% ESB fylgi. Ekki má gleyma, að Gummi Steingríms, varaframboð Samfylkinga, rær á sömu mið.

Dílemman er þessi, ef VG losar sig við Steingrím og hjörðina, þá fara ESB sinnarnir alfarið á Samfylkingu og Gumma Steingríms, og verða stærri en góðu hófi gegnir.

Með Steingrím í VG sundrast ESB fylgið á tvo smáflokka og einn aðeins stærri. Það væri ágæt niðurstaða. 15-18 ESB þingmenn í þrem litlum flokkum ógna ekki velferð og framtíð Íslands.

[Elle_, 27.8.2012 kl. 19:01]

Eins og Árni benti á, sleppti ´Ásmundur´ hinn heiðarlegi alveg að minnast á stefnu VG fyrir kosningar.   Eins og vanalega þegar hann af falsi talar um lýðræðið sem honum er skítsama um, og að þjóðin ´fái að kjósa´, sleppti hann líka að minnast einu orði á að þjóðinnni var meinað að yfirlögðu ráði um að hafa nokkuð með málið að gera í fyrstunni. 

Það er alveg sama hvað við endurtökum þetta oft, hann nær þessu ekki frekar en hinir í miklu-minni-hlutanum.  Eða vill ekki vita það vegna þess að honum er nákvæmlega sama um sannleikann.  Eins og pólitískum forherðingum er lagið.

[Kolbrún Hilmars, 27.8.2012 kl. 19:06]

Guðmundarframboðið kann að vera ESB sinnað, en það væri ekki til ef það vildi ekki selja eitthvað í skiptum. Aðeins spurning hvað?

Sama gildir um hin framboðin; Dögun og Samstöðu. Öll þrjú eru að berjast um vinstri sinnaða kjósendur sem eins og horfir verða ekki til skiptanna.

Að því leyti sé ég ekki að smáflokkaframboðin nái nokkrum manni inná þing til þess að styðja ESB aðildarumsóknina.

[Ásmundur (IP-tala skráð) 27.8.2012 kl. 19:53]

Árni Gunnarsson staðfestir það sem ég hef verið að halda fram að sjálfstæðismenn séu áberandi í hópi minnihlutans sem vill að VG svíki bæði samstarfsflokkinn og þjóðina.

Ég held reyndar að þeir séu í meirihluta þessa minnihluta. Það skýrir hvers vegna þeim er alveg sama um afdrif flokksins og einnig hvers vegna Katrín kallar þá eins máls menn.

Það er hlægilegt að sjálfstæðismenn ætlist til að VG taki sérstakt tillit til þeirra og láti hagsmuni flokksins sér í léttu rúmi liggja.

Þeir geta sjálfum sér um kennt að hafa ekki haft  hugmyndaflug til að sjá að VG gæti samþykkt aðildarviðræður til að geta myndað vinstri stjórn en samt staðið við loforðið um að vera andsnúnir aðild.

Gaman að því að þeir skyldu stuðla að myndun vinstri stjórnar með því að selja atkvæði sitt vegna eins máls. Mátulegt á þá. 

Það er engin mótsögn í því að styðja lýðræðið, með því að gefa þjóðinni kost á að kjósa um aðild, en vera samt á móti aðild.

Skv nokkurra mánaða gamalli skoðunarkönnun nýtur Steingrímur langmests fylgis sem formaður VG. Hann nýtur stuðnings um 2/3 stuðningsmanna flokksins. Katrín og Svandís voru í 2. og 3. sæti með aðeins brot af fylgi Steingríms. 

Ég varð ekki var við að forkólfar hávaðasama minnihlutans, Ögmundur og Jón Bjarnason, kæmust þar á blað. Það sýnir hve lítils trausts minnihlutinn nýtur.

PS: Leiðrétting á athugasemd #4:

"Maður spyr sig; hvernig hagar þetta fólk sér í persónulegum samskiptum við aðra? Ég mundi ekki treysta því fyrir horn"

[Ásmundur (IP-tala skráð) 27.8.2012 kl. 20:01]

Kolbrún, Björt framtíð nær manni á þing skv nýjustu skoðanakönnun sem ég hef séð. Önnur smáframboð eru langt frá því.

Björt framtíð jók verulega fylgi sitt í könnuninni. Hún styður aðild en auðvitað með þeim fyrirvara að samningurinn verði okkur hagstæður.

[Ásmundur (IP-tala skráð) 27.8.2012 kl. 21:01]

Ég veit allt um flokksmenn Vinstri grænna, enda kaus ég ESB-ESB-ESB-Samfylkinguna.

Þegar ég sagði að Steingrímur nyti stuðnings 2/3 hluta stuðningsmanna flokksins gleymdi ég auðvitað að minnast á það að meginhluti stuðningsmannanna er löngu hættur að styðja flokkinn. Með sjúka forystu í Katrínu og Steingrími, villuráfandi asna sem allt svíkja og öllu ljúga er það ekki undarlegt. 2/3 af þeim sem eru eftir eru því engar fréttir, ef það er þá satt. Þið athugið að ég er ekki sannsögull.

[Ásmundur Harðason (IP-tala skráð) 27.8.2012 kl. 21:14]

Ég á kannski að vera upp með mér yfir því að palli psychopath skuli velja mína undirskrift  í athugasemd #13 til að fá athygli.

[Ásmundur (IP-tala skráð) 27.8.2012 kl. 21:26]

Ég var að fíflast. Palli þarf ekki mína psychopath ESB-undirskrift til að fá atygli. Svo heiti ég heldur ekki Ásmundur í raunveruleikanum, sem vefst reyndar mikið fyrir mér þó ég haldi að allir sem vilja ekki sjá ESB-ið okkar í Samfylkingunni (og Katrínar og Steingríms) séu þeir veruleikafirrtu.

[palli (IP-tala skráð) 28.8.2012 kl. 09:07]

Þú átt bara svvoo bágt, Ásmundur.

Sem sést best á því að þú heldur úti þessum áróðri þínum á þessari vefsíðu, þótt það sé augljóst öllum að það er fullkomlega tilgangslaust.

Reyndu bara að ná tökum á þessari þráhyggju þinni. Þú hættir þá kanski að gera þig að þessu fífli sem þú ert.

En jú, það er fátt betra málstað anstæðinga aðildar að hafa gimp eins og þig að skjóta þig síendurtekið í löppina, þótt þú sért óþolandi hrokabytta og heimskingi.

Án gríns, Ásmundur, farðu í greindarvísitölupróf. Þá sérðu sjálfur hvað þú ert mikill fábjáni.

[Kolbrún Hilmars, 28.8.2012 kl. 14:53]

Ásmundur #12.

Væri ég eindreginn ESB sinni, myndi ég kjósa Samfylkinguna.

Hvað hefur Björt framtíð á stefnuskránni sem laðar að ESB sinna?