Aðild að ESB stríðir gegn stjórnarskrá Íslands

Sumir ímynda sér að innganga í ESB feli einfaldlega í sér þátttöku í alþjóðlegu samstarfi. Þeir gera sér ekki grein fyrir því að ESB-aðild stríðir beinlínis gegn ýmsum ákvæðum stjórnarskrárinnar og er óhugsandi án stórfelldra breytinga á stjórnarskrá.

 

Því miður er það algengur misskilningur að ESB-aðild sé hliðstæð því að taka þátt í störfum Sameinuðu þjóðanna, Norðurlandaráðs eða Evrópuráðsins. En á þessu tvennu er eðlismunur. Íslensk stjórnskipun byggir á þeim grundvelli að Ísland sé sjálfstætt ríki sem ráði sjálft lögum sínum og hafi ótvíræð yfirráð yfir landi sínu og efnahagslögsögu. En með inngöngu í ESB er þeirri skipan kolvarpað, og því væri óhjákvæmilegt við ESB-aðild að breyta mörgum mikilvægustu ákvæðum stjórnarskrárinnar.

 

ESB-aðild felur það í sér að við framseljum að hluta til löggjafarvaldið til stjórnarstofnanna ESB í Brussel, svo og dómsvald og framkvæmdavald í vissum þáttum, t.d. rétt íslenskra stjórnvalda til að gera viðskipta- og fiskveiðisamninga við önnur ríki. Yfirráð þjóðarinnar yfir auðlindum sjávar á svæðinu milli 12 og 200 mílna umhverfis landið væri þó stærsta fórnin sem færð væri með aðild að ESB.

 

Þetta mættu menn hafa í huga þegar þeir hlusta á þann áróður ESB-sinna að þjóðin sé að einangra sig með því að standa utan við ESB. Við tökum áfram þátt í víðtækri alþjóðlegri samvinnu við önnur ríki þótt við höfnum því að afsala okkur réttinum til yfirráða yfir landi og landhelgi með inngöngu í verðandi miðstýrðu stórríki sem kennir sig við Evrópu en er ekki Evrópa.        - RA

Athugasemdir

[palli (IP-tala skráð) 7.5.2014 kl. 18:39]

Já, og svo þóttist þetta lið vera voða frábært, ætluðu sko að endurskoða stjórnarskrána út af hruninu, en voru bara enn eina ferðina að ljúga sig áfram í þessari þráhyggju sinni. Töluðu nær ekkert um grein 111. sem leyfir framsal fullveldis Íslands "í þágu friðar og samvinnu" eða eitthvað álíka froðukennt rugl.

Þetta eru lygarar. Það kemur ekkert nema lygar frá þeim. Aftur og aftur og aftur. Lygar, lygar og enn meiri lygar.

Um leið afhjúpar þetta pakk eigin sálartetur, sem telur sig merkilegra en alla aðra. Það hikar ekki við að ljúga að þjóðinni til að ná sínu fram. Það sér ekkert að því að ljúga. Tilgangurinn helgar meðalið hjá þeim, no matter what.  

Hrokabyttur, frekjudollur og lygarar. Óþolandi helv pakk. Össur auðvitað fremstur meðal jafningja. Þetta eru sálfræðileg úrhrök samfélagsins.

Það á að taka upp aftur útlegð sem refsingu á Íslandi. 3ggja ára útlegð fyrir landráð myndi kanski minnka hrokann í þessu pakki.  

[Helga Kristjánsdóttir, 7.5.2014 kl. 22:12]

Já svona er manni innanbrjósts Palli og er í dag farin að tortryggja hverja einustu aðgerð þeirra. Sjáið mótmælalistann,með yfirlýsingu fjölmargra sem ekki vildu láta nafns síns getið,sem er bara ekki mark takandi á.

[Jón Valur Jensson, 8.5.2014 kl. 11:49]

Laukrétt hjá þér, Ragnar. Það eru ekki færri en á annan tug greina í stjórnarskránni sem samþýðast ekki Evrópusambandsþátttöku.