Skýrsla um áhættuþætti spillingar innan 10 helstu stofnana ESB; veikleikarnir eru innbyggðir

Þann 24. apríl síðastliðinn var gefin út merkileg skýrsla í Brussel. Hún er úttekt á helstu áhættuþáttum spillingar innan 10 helstu stofnana ESB, meðal annars framkvæmdastjórnarinnar, þingsins og dómstóls ESB. Það er ESB-skrifstofa óháðra alþjóðlegra samtaka Transparency International sem vann þessa skýrslu og hún er sögð fyrsta úttekt sinnar tegundar, sem út af fyrir sig eru harla merkileg tíðindi.

Skýrslan er ítarleg, 246 síður að lengd og er slóðin á hana í heild hér að neðan.

Höfundar skýrslunnar byrja á að taka fram á margt hafi verið gert til þess að vinna gegn spillingu innan stofnana ESB, ekki síst vegna langvinnrar gagnrýni á að þar þrífist mikil spilling. Engu að síður eru veikleikarnir sem skýrslan bendir á af býsna alvarlegum toga og það sem verra er, innbyggðir í kerfið. Í fréttatilkynningu í tilefni af útkomu skýrslunnar segir um meginniðurstöðuna: Stofnanir ESB eru viðkvæmar fyrir spillingu vegna þess að margar smugur er þar að finna og regluverki um siðferði, gagnsæi og fjármálastjórn er ekki fylgt eftir.

                                         

Það kemur því ef til vill ekki á óvart að um 70% þegna ESB telja að spilling þrífist innan þessara stofnana.

 

Það sem helst er talið að sé ábótavant innan stofnana ESB er meðal annars:

 

·         Sárlega vantar regluverk um lobbíisma ESB. En eins og flestum er ljóst eru sterkustu lobbíistarnir í ESB fulltrúar gríðarlegs auðs, valda og fjármagns.

·         Stofnanir ESB hafa í síauknum mæli haft tilhneigingu til að undirbúa lagasetningu bak við luktar dyr.

 

Þá er bent á það í skýrslunni að þrátt fyrir að ESB-lög kveði á um að þeir sem greina frá spillingu innan stofnana ESB eigi að njóta verndar laganna, þá sé aðeins ein af þessu tíu stofunum ESB að fylgja því eftir með raunverulegum aðgerðum.

 

Loks má nefna að síðla árs 2013 var staðan sú að einungis sjö einkafyrirtækjum hafði verið meinað að starfa á vegum ESB vegna framkominna sannana um spillingu og var það fjarri því að vera í samræmi við þann málafjölda sem upp hefur komið. 

 

Til að gefa hugmynd um eðli og vægi skýrsluhöfunda og samtaka þeirra, Transparency International, er hér stutt klausa úr Wikipedia og líklegt að spillingarstuðullinn sem samtökin hafa gefið út fyrir heiminn allan hringi bjöllum hjá einhverjum. Og að þessu sinni eru samtökin einmitt að beina sjónum sínum að fulltrúum ,,forréttindalandanna“ en margir hafa einmitt kveinkað sér yfir því hversu illa þróunarlöndin hafa komið út úr fyrri könnunum samtakanna, án þess þó yfirleitt að draga í efa þá spillingu sem þær hafa afhjúpað:

,,Transparency International was founded in May 1993, with the participation of Peter Eigen,  a former regional director for the World Bank. Other founding board members included Hansjörg Elshorst, Joe Githongo, Fritz Heimann, Michael Hershman, Kamal Hossain,  Dolores L. Español, George Moody Stuart, Jerry Parfitt, Jeremy Pope and Frank Vogl.

 In 1995, Transparency International developed the Corruption Perceptions Index (CPI). The CPI ranked nations on the prevalence of corruption within each country, based upon surveys of business people. The CPI was subsequently published annually. It was criticized for poor methodology and unfair treatment o  f developing nations, while also being praised for highlighting corruption and embarrassing governments.

In 1999, Transparency International began publishing the Bribe Payers Index (BPI) which ranked nations according to the prevalence that a country's multinational corporations would offer bribes.“

Þannig að seint verður víst sagt að þau sem standa að Transparency Interational séu hópur úr herbúðum hinna villtu vinstrimanna. Því ætti að vera erfitt að slá þessa skýrslu út af borðinu á þeim forsendum, eins og svo oft hefur verið gert ef menn vilja stinga mikilvægum upplýsingum og uppljóstrunum undir stól.

 

http://www.transparencyinternational.eu/european-union-integrity-system-study/the-euis-report-latest-news/