Sýnikennsla í því ofbeldi sem ESB aðild hefði í för með sér

ESB hefur lengi heimta að við veiðum lítið og helst ekki neitt af makríl sem fyllir hér flóa og firði stóran hluta árs og fitnar og dafnar með því að ryksuga allt kvikt sem hann kemst í tæri við. Nú ætlar ESB að hóta okkur Íslendingum löndunar- og viðskiptabanni til að knýja okkur til hlýðni.

Sá blekkingaleikur virðist senn á enda að ESB blandi ekki saman makríldeilunni og aðildarumsókninni. Í Brussel liggja þegar fyrir drög að reglugerð sem heimilar framkvæmdastjórn ESB refsiaðgerðir gegn Íslendingum og Færeyingum og verður reglugerðin lögð fyrir fund sjávarútvegsráðherra ESB sem haldinn verður um næstu helgi, 27. - 29. apríl. 

Fram hefur komið í fréttum að danska ríkisstjórnin viti hreint ekki í hvorn fótinn hún eigi að stíga. Annars vegar þorir hún ekki að mótmæla fyrirhuguðum aðgerðum ESB; hins vegar óttast hún reiði Færeyinga ef hún gengur í berhögg við hagsmuni þeirra. Því er talið líklegast að Danir velji þann kostinn á ráðherrafundinum að stinga höfðinu í sandinn og sitja hjá í atkvæðagreiðslu um refsiaðgerðir.

Steingrímur J. Sigfússon lýsi því yfir á Alþingi 20. mars s.l: „Það væri auðvitað erfitt fyrir Íslendinga að halda áfram viðræðum við ESB ef draga ætti inn í þær óskylt mál eins og makríldeiluna. Það væru ekki boðlegar aðstæður ef það væri gert." Hann bætti því við að það væri „ólíðandi ef farið væri út í viðskiptaþvinganir vegna annarra vara sem ekki tengdust makrílnum." Það yrði ekki liðið. (mbl.is 20/3)

Í viðtali við Morgunblaðið 10. apríl s.l. boðaði Steingrímur „hörku ef íslenskum sjávarútvegi verður refsað vegna makríldeilunnar."

Katrín Jakobsdóttur sagði á Alþingi í gær (20/4): „Það er mín eindregna afstaða, og ég held ég deili henni með öllum... eða flestum háttvirtum þingmönnum, að við eigum að sjálfsögðu að vera föst fyrir þegar kemur að okkar hagsmunum og sjávarútvegsmálin eru auðvitað eitt stærsta hagsmunamál okkar..." 

Ljóst ætti að vera miðað við fyrrnefndar yfirlýsingar forystumanna VG að aðildarviðræðunum verður sjálfhætt ef ESB gerir alvöru úr hótunum sínum um löndunar- og viðskiptabann á Ísland. - RA

Athugasemdir

[Elle_, 21.4.2012 kl. 15:07]

En voðalega orðaði Katrín vörnina fyrir Ísland veiklulega, næstum eins slapplega og Bjarni Ben í ICESAVE, kæra Vinstrivakt: - - - ég HELD - - - og ég LÍT SVO Á - - - .  Og jú, - - - föst fyrir - - - hvað sem það nú þýðir í þessu samhengi.  Varnir þeirra eru grjótharðar í fiskveiðimálinu eins og öðru þegar kemur að Brussel, eins og í ICESAVE.  Það skyldi enginn halda að Steingrímur hafi meint neitt með að þetta yrði - - - ekki liðið - - - .

[Ómar Bjarki Kristjánsson, 21.4.2012 kl. 15:37]

það er alveg ótrúlegt að lesa þessi skrif.

[Kolbrún Hilmars, 21.4.2012 kl. 16:21]

Já, Ómar Bjarki, er þetta ekki alveg ótrúlegt?  En svona er nú bara ESB-ið þitt.

Nú nýlega las ég athugasemd frá einhverjum ESB sinnanum, sem þótti ekki í frásögur færandi framkoma apparatsins gagnvart íslendingum því ESB væri hvort sem er í stöðugum málaferlum gegn eigin aðildarþjóðum. 

(Varst það þú, Ásmundur, Jón Frímann eða Magnús Helgi?  Verst að ég man það ekki sjálf.)

En eins og Vinstri vaktin bendir á, þá er ESB sannarlega ekki aðlaðandi "viðskipta"bandalag.

[Gunnlaugur I (IP-tala skráð) 21.4.2012 kl. 16:51]

Ja með fullri virðingu fyrir öllum ykkar góðu pennum sem halda hér úti Vinstri Vaktinni, þá segi ég nú eins og Elle hér að ofan. Ég treysti VG ekki til að standa í lappirnar gagnvart Samfylkingunni í þessu máli.

Því að þá væri þessu viðræðuferli löngu lokið og ekkert ESB sendiráð væri hér, hvað þá ESB áróðursstofa. VG hefur bilað á öllum póstum, ekki einu sinni staðið við eigin samþykktir. Fyrirvararnir allir verið veikir og hrakist hrakist verið úr einu víginu í annað.

Góðir þingmenn og forystufólk um land allt hrakið úr flokknum auk þúsunda stuðningsmanna sem eru farnir og koma aldrei aftur.

Allt til að þóknast Samfylkingunni og ESB.

VG er bara því miður ekki lengur trúverðurgur valkostur fyrir sanna ESB aðildar andstæðinga.

[Kristján Hilmarsson, 21.4.2012 kl. 22:19]

Það er ekkert annað að gera í stöðunni varðandi makrílinn, en sitja sem fastast á því að veiða það sem íslendingar telja sjálfbærann kvóta, ESB hefur samkvæmt reglum ekki heimild til að beita öðrum aðgerðum í makríldeilunni, en löndunarbanni og/eða viðskiftabanna á MAKRÍL, fari þeir út í víðtækari viðskifta og eða bönn, eru þeir komnir með allt niðrum sig gagnvart eiginn reglum.

Svo það besta sem íslendingar geta gert, er einmitt að gera ekki neitt, annað en að veiða makríl auðvitað, tíminn vinnur með Íslandi í þessu máli, íslendingar yrðu þar með ekki að blanda deilunni við aðildarviðræður, boltinn hjá ESB og hvert ESB spilar honum verður athyglisvert, svo ekki sé meira sagt.

MBKV

KH

[Kristján Tryggvi Sigurjónsson (IP-tala skráð) 22.4.2012 kl. 03:06]

Tek skarplega undir skrifin þín, nafni.

Vitanlega veiðum við Íslendingar áfram makríl og allan annan fisk inni í okkar eigin lögsögu hér eftir sem hingað til og spyrjum engan álits á því annan en okkur sjálf.

Það er svo annað mál að ég tel að við ættum öll að forðast það eftir megni og ekki vitandi vits að gefa útlendingum, nokkurn staðar og við engin tækifæri, höggstað á undirstöðu atvinnuvegs okkar Íslendinga, sem eru fiskveiðar og verða  um ókomna framtíð meðan að land byggist.

Ég hef fulla trú á forustu og þingliði VG og túlka því orð Katrínar J. sem "a...ha, og hvað svo!!?"

Ég skil ekkert frekar en margir aðrir, hvers vegna verið er halda áfram samningum við ESB við lýði, en það er sjálfsagt ánægjuauki einhverra....!

[Ásmundur Harðarson (IP-tala skráð) 22.4.2012 kl. 07:33]

ESB-aðildarumsóknin og makríldeilan eru tvö óskyld mál.

Makríldeilan væri ekkert öðruvísi þó að Ísland væri ekki að sækja um ESB-aðild. Auk þess er makríldeilan við Norðmenn, Rússa og Færeyinga auk ESB.

ESB-aðildarumsóknin hefur sinn gang alveg óháð makríldeilunni. ESB er iðulega í málaferlum við einhverjar aðildarþjóðir án þess að það hafi áhrif á aðildina. Á sama hátt hefur makríldeilan engin áhrif á aðildarumsóknina. 

ESB styður sínar aðildarþjóðir. Í makríldeilunni erum við andstæðingar ESB. En eftir aðild breytist það. Þá erum við í aðstöðu til að tala okkar máli innan sambandsins og njótum þar stuðnings til jafns við aðrar aðildarþjóðir.

Það er til marks um vanþroska að móðgast vegna þess að ESB styður sínar aðildarþjóðir í ágreiningi við Íslendinga. Í stað þess að vilja alls ekki ganga í ESB af þessum ástæðum ættum við að fagna því sem er í vændum ef við kjósum aðild.

Með ESB-aðild fáum við bráðnauðsynlega bandamenn í viðsjárverðum heimi.

[palli (IP-tala skráð) 22.4.2012 kl. 08:23]

vælivælivælivæl....    geturðu ekki gert einhverntíman eitthvað annað en að væla, Ásmundur?

Án gríns, þú ert eins og vælandi lítil skólastelpa, grátbólgin og bendandi putta.

Þú hvarfst hér af ummælum um daginn eftir að bulla út í eitt um ábyrgðir Íslendinga vegna Icesave.

Lætur þig hverfa þegar þú getur ekki svarað fyrir kjaftæðið í þér, mætir svo aftur með síendurteknar möntrur og fullyrðingar.

..og svo heldurðu að fólk taki mark á þér!!  Hahahahaha!!!

Spurningunni var ósvarað:

Hvernig eiga Íslendingar að bera ábyrgð á nokkrum hlut vegna Icesave, ef það er engin ríkisábyrgð??

Svaraðu ef þú getur, hálfviti.

[Gunnlaugur Ingvarsson (IP-tala skráð) 22.4.2012 kl. 08:32]

@ Ásmundur Harðarson.

Þú ert samur við þig alltaf sami ESB dindillinn, alveg sama hvað !

Víst eigum við og Færeyingar líka í deilum við Norðmenn og Rússa út af fullkomlega löglegum makríl veiðum okkar innan okkar eigin 200 mílna fiskveiðilögsögu ríkja okkar.

Það er hinns vegar stór munur á framgöngu Norðmanna og Rússa annars vegar og hinns vegar hrokafullrar og ögrandi framgöngu ESB stjórnsýsluapparatsins í þessu máli.

Meðan Rússar og Norðmenn beita diplómatískum leiðum til þess að leysa þessa deilu friðsamlega.

Þá beitir ESB stjórnsýslan nú valdhroka og hótunum um alþjóðlega ólöglegar viðskiptaþvinganir gegn smáþjóðunum Færeyingum og Íslendingum.

Þesssar alþjóðlega ólöglegu aðgerðir ESB, ver auðvitað ESB aftaníossinn Ásmundur Harðarson, nema hvað !

Ef til slíkra ólöglegra viðskiptaþvingana kemur eins og þeir hafa þegar hótað og allt stefnir í, þá þverbrýtur ESB stjórnsýslan alþjóðalög og sáttmála sem bæði ESB og Ísland hefur undirgengist.

Í fyrsta lagi myndu slíkar þvingunaraðgerðir brjóta gegn réttindum okkar sem fullvalda og sjálfsstæðrar þjóðar og strandríkis sem er fullgildir stofnaðili að Hafréttarsáttmála Sameinuðu þjóðanna.

Í öðru lagi myndu slíkar viðskiptaþvinganir líka brjóta gegn ákvæðum EES samningsins.

Í þriðja lagi myndu slíkar þvingunar aðgerðir af hálfu ESB líka brjóta gegn ákvæðum Alþjóða Viðskiptamálastofnunarinnar WTO.

En valdníðsla og hroki ESB gagnvart smáþjóðum er löngu orðin ljós og skiptir þá engu hvort að þær smáþjóðir eru innan þeirra vébanda eða ekki, eins og ótal nýleg dæmin sanna.

ESB valdið skirrist nefnilega aldrei við að beita hnefaréttinum til að verja hagsmuni þeirra voldugu og Stórkapítalsins í Evrópu !

[Ásmundur Harðarson (IP-tala skráð) 22.4.2012 kl. 10:28]

Gunnlaugur, þetta er nú meiri steypan hjá þér.

Það að benda á að að makríldeilan hafi ekkert með ESB-umsóknina að gera er auðvitað ekki að styðja kröfur ESB. Ég er aðeins að benda á staðreyndir.

Það er einnig ljóst að hver þjóð getur ekki veitt eins og henni sýnist. Við verðum að semja um skiptingu kvótans annars verður stofninn ofveiddur. ESB og aðrir munu auðvitað grípa til tiltækra ráðstafana til að reyna að koma í veg fyrir það.

Mikið er ég orðinn þreyttur á þessu aumingjavæli um að smáþjóðir eigi að geta leyft sér allt vegna þess að enginn getur leyft sér að fara gegn þeim. Sem fullvalda þjóð verðum við að taka því sem því fylgir. 

Smáþjóðum í ESB hefur vegnað sérstaklega vel. Það er því hreinn uppspuni að ESB ráðist sérstaklega gegn þeim. Þeim er heldur ekki sýnd meiri linkind en öðrum. Það er styrkur ESB að gera ekki upp á milli þjóða.

Hitt er svo annað mál að ég tel að við höfum rétt á miklu stærri kvóta en hefur verið í boði. En við þurfum að rökstyðja hve mikið með mælingum.

Ofstopi og yfirgangur skilar okkur engu i samskiptum við ESB. Við erum ekki lengur undir verndarvæng BNA.

[palli (IP-tala skráð) 22.4.2012 kl. 10:57]

Hvernig er það, Ásmundur?

Verður þér aldrei illt í rassgatinu? Þú hefur náð þeirri vafasömu hæfni að geta tala og tjáð þig með því, og dælir niðurgangnum út úr kjaftinum.

Já og af hverju heldurðu áfram á þessari vefsíðu?

Heldurðu að fólk sé að taka mark á þér, þegar þér er sífellt sagt af öllum að troða þessu kjaftæði í þér?

Er það ekki merki um þráhyggju?

Frekar einfaldar spurningar, Ásmundur, en þú kýst auðvitað að stinga hausnum í sandinn, skiljanlega.

Afneitun og veruleikafirring. Þú ert sorglegur einstaklingur.

Hvernig líður þér annars þessa dagana, nú þegar líður að því að þessari umsókn verður troðið aftur í kok á þér og þínum?

Eykurðu bara við lyfjaskammtinn? Heldurðu að það nægi?

[Elle_, 22.4.2012 kl. 12:49]

Hann er ekki hlutlaus manneskja með persónulegar skoðanir.  Hvað ætli hann fái fyrir vinnuna í 5. herdeildinnni?

[Elle_, 22.4.2012 kl. 19:09]

Og við erum enn með herverndarsamning við Bandaríkin og erum sannarlega enn undir verndarvæng þeirra.  Og í NATO.

[Elle_, 23.4.2012 kl. 12:11]

Og hvaða ´ofstopa og yfirgang´ var hann að tala um þarna í 5. herdeildinni í no. 10?  Í honum og Jóhönnu?  Svo er ´þjóðrembings´ talið í honum orðið þreytandi.