Vill Steingrímur senda ESB viðræðurnar til Alþingis

Við hljótum að horfa á það hvort evruhópurinn reynist þeim vanda vaxinn að taka á minni og meðalstórum aðildarríkjum, sem eru i vandræðum. Ef ekki þá hlýtur það að hafa áhrif á viðhorf manns til þess hversu skilvirkt þetta samstarf er. Verði breyting þar á þurfi til þess nýjar og sjálfstæðar ákvarðanir á vegum Alþingis.

Ofanritað eru orð Steingríms J. Sigfússonar sem hann lét falla í viðtali við Morgunblaðið nú í vikubyrjun í tilefni þeirrar stöðu sem komin er upp í evruríkjunum. Það að fjármálaráðherra opni hér á umræðu um það að ESB málið fari aftur til Alþingis markar mikil tímamót í öllu því ferli sem hófst með umdeildri samþykkt þingsins í júlí 2009.

Í þeirri umræðu sem þá stóð í nokkra daga lét Steingrímur J. þau ummæli meðal annars falla að hvenær sem yrði Alþingi að vera tilbúið til að taka málið til sín að nýju. Undir það var tekið af ýmsum sem líkt og formaður VG samþykktu að ganga til aðildarviðræðna en lýstu yfir andstöðu við aðild.

Skiljanlega eiga margir einlægir og vinstri sinnaðir ESB andstæðingar erfitt með að fyrirgefa þingmönnum sínum þá einkennilegu afstöðu sem birtist í kosningunum 16. júlí 2009. Það getur engu að síður verið komið að þeim tímamótum að þeir sem áður hleyptu ESB lestinni af stað taki nú höndum saman með okkur að stöðva hana. Þá verðum við að sýna þann þroska að geta þrátt fyrir allt unnið saman.

Athugasemdir

[Elle_, 10.8.2011 kl. 19:07]

Eins og ég skil það hafði alþingi aldrei leyfi fyrir þessari fáránlegu umsókn.  Maður sækir ekkert bara um inngöngu í eða undir erlent veldi bara af því mann langar sjálfan.  Og það sem gerðist 16. júlí, 09, var ekkert öðruvísi.  Það var einkamál Jóhönnu og co. og kom alþingi ekki við, hvað þá Íslandi í heild.  Það er þeirra skylda að draga vitleysuna til baka og svo ættu þau að borga okkur til baka eyðsluna og skemmdirnar. 

[Sigurður Haraldsson (IP-tala skráð) 11.8.2011 kl. 03:54]

Því miður held ég að það sé fullreynt með Steingrím J. Sigfússon. Hann er ekki lengur talsmaður vinstrimanna, og hefur líkast til aldrei verið og vísa ég þá til stórfurðulegrar afstöður hans til eftirlaunafrumvarps stríðsglæpamannanna.

Steingrímur J. Sigfússon er hugleysingi sem hræðist lögfræðinga og er undirgefinn undir erlent vald og er besti samstarfsmaður AGS og valdnýðingur gegn íslenskum almenningi

Sigurður Haraldsson, fyrrverandi kjósandi Steingríms J. Sigfússonar

[Jóhann Elíasson, 11.8.2011 kl. 12:00]

Afsal fullveldis er GRÓFT brot á stjórnarskránni og samningurinn um EES á sínum tíma var brot á stjórnarskránni og er það alveg með ólíkindum að EKKERT SKYLDI VERA FJALLAÐ UM ÞAÐ á sínum tíma.  Hvar voru "spekingar" eins og Sigurður Líndal þá, sem tjáir sig um alla hluti, getur verið að málið hafi bara verið þaggað niður???????????????