Ísland hefur neitunarvald í EES en nánast ekkert í ESB

Að sjálfsögðu er reginmunur á aðild að EES eða ESB-aðild, ekki síst hvað umfang varðar. EES-samningurinn nær ekki til viðkvæmustu hagsmunamála Íslendinga. Annar helsti munurinn er réttur ESB-ríkjanna til að neita að taka upp tilskipun frá ESB en það gerðu Norðmenn nýlega.

Oft er reynt að telja fólki trú um að við séum nánast þegar kominn inn í ESB vegna EES-samningsins og það sem við bætist með „fullri aðild" sé sáralítið. Þetta er fráleitur áróður. Regluverk EES snýst fyrst og fremst um leikreglur á innri markaði ESB en ekki um sjávarútvegs- og landbúnaðarmál, ekki fiskveiðisamninga, ekki utanríkismál, ekki um viðskiptasamninga við ríki utan ESB og ekki um fjölmörg önnur svið.

Úttekt er gerð á lögum og tilskipunum sem ESB sendir frá sér í sameiginlegri nefnd EES-ríkja og ESB og þar eru tíndar út þær ESB-gerðir sem falla undir EES-samstarfið en síðan er samningur undirritaður um innleiðingu þeirra í löggjöf Íslands, Noregs og Lichtenstein. Á því stigi geta þessi ríki gert þann fyrirvara að viðkomandi lög eigi ekki við hjá þeim vegna sérstakra aðstæðna og hefur það oft gerst. Það skilyrði er sett í EES-samningnum um afgreiðslu málsins að allir fulltrúar í sameiginlegu nefndinni séu sammála um að mæla með innleiðingu viðkomandi gerðar. Ef einn skerst úr leik er hún ekki tekin með inn í EES-samninginn og kemur ekki til afgreiðslu í þjóðþingum Íslands, Noregs og Lichtenstein. Þar hafa því EES-ríkin þrjú hvert fyrir sig neitunarvald. Það sama gildir ekki innan ESB.

Nýlega beittu Norðmenn neitunarvaldi sínu gagnvart svonefndri þriðju pósttilskipun ESB. Norskum stjórnmálamönnum er umhugað að vernda þjóð sína gegn einkavæðingaráráttu ESB sem bitnar æ meira á samfélagslegri þjónustu og hafa ekki síst áhyggjur af veikri stöðu dreifbýlisins. Íslendingar kannast að sjálfsögðu vel við þetta vandamál. Eftir að póstur og sími var einkavæddur hér á landi hefur einkafyrirtækið Pósturinn jafnt og þétt fækkað póstafgreiðslum og nú seinast á að svipta íbúa í Breiðholti því hagræði að hafa póstþjónustu í hverfinu en Breiðholtið er eitt stærsta hverfi höfuðborgarinnar, ef ekki það stærsta.

Þess ber að geta að EES-ríkin hafa aðstöðu og rétt til að koma á framfæri athugasemdum við lög og tilskipanir ESB áður en þær eru afgreiddar þar á bæ en þar hafa þau að sjálfsögðu ekki atkvæðisrétt. Það breytir þó sáralitlu því að atkvæðavægi Íslands í ráðherraráðum og á þingi ESB yrði langt innan við eitt prósent ef Ísland gengi í ESB.

Páll H. Hannesson ritar stórfróðlega grein um rétt EES-ríkja til að beita neitunarvaldi 18. febrúar s.l. á bloggið: ESB og almannahagur: http://www.esbogalmannahagur.blog.is/

- RA

 

Athugasemdir

[Ásthildur Cesil Þórðardóttir, 29.2.2012 kl. 13:44]

Páll hefur skrifað margt gott um ESB og EES þökk sé honum.  Ég verð nú að segja að við höfum allof lítið gert af því að neita að taka upp tilskipanir frá EES, margt af því sem þar er fyrirskipað er miðað við milljóna samfélög, og samrýmist enganveginn fámennum byggðalögum á Íslandi, þar sem stórlega hefur verið þrengt að frelsi dreyfbýlisins.

Við ættum að gæta þess betur að samþykkja ekki hvað sem er, jafnvel yfirfara fyrri tilskipanir og afskrifa það sem ekki kemur okkar litla samfélagi vel. 

Þarna má til dæmis nefna heimaslátrun, hún hefur verið stórlega skert út af svona ESB regluverki.  Það hefur aldrei komið til í sögunni að einhver hafi dáið af því að eta heimaslátrað kjöt, hér áður fyrr slátruðu allir svokallaðir hobbybændur heima við misjafnar aðstæður.  Síðan var mönnum gert að setja allt fé í sláturhús.  Og síðan var þeim fækka niður í fimm eða eitthvað slíkt. Nú er sláturdýrum ekið landshorna á milli við oft hræðilegar aðstæður, sem stríðir algjörlega á móti dýravernd.  Þarna stangast á og þá eru gróðrapungarnir í þessu tilfelli sláturhúsaleyfishafar látnir gjalda vafans á kostnað vesalings dýranna.

Þessu þarf að breyta, þetta atriði var ekki tekið svona alvarlega í Noregi til dæmis.  Þar geta bændur rekið sitt eigið sláturhús í sérhönnuðum gámi, eða sameinast í sveitinni um slíkt.

[Ásthildur Cesil Þórðardóttir, 29.2.2012 kl. 13:45]

Njóta vafans ekki gjalda. 

[Ásmundur Harðarson (IP-tala skráð) 29.2.2012 kl. 15:49]

Þetta neitunarvald í EES hlýtur að vera mjög takmarkað. Hafa Íslendingar nokkurn tímann notfært sér það? Furðulegt ef farið er að slá því upp núna sem einhverju sem skiptir máli.

Einstakar þjóðir í ESB geta haft áhrif til breytinga á settum reglum og/eða lögum. Dæmi um þetta er kvörtun Breta vegna kaupa Spánverja á breskum sjávarútvegsfyrirtækjum . Kvörtunin bar árangur og voru sett skilyrði um efnahagsleg tengsl við landið.

Með EES-samningnum þurfa Íslendingar að taka upp um 75% af lögum og reglum ESB án þess að eiga neinn þátt í samningu þeirra. Við tökum þannig við tilskipunum annarra. Með ESB-aðild verður þetta liðin tíð. Þá tökum við fullan þatt í samningu þessara laga og reglna.

Að gera litið úr smæð Íslands í ESB ber vott um vanmáttatkennd fyrir hönd þjóðarinnar og lítinn félagsþroska. Íslendingar munu hafa 12.5 sinnum meira atkvæðamagn á Evrópuþinginu en íbúafjöldinn segir til um. Lagafrumvörp verða til í Framkvæmdastjórn þar sem allar þjóðirnar hafa aðeins einn fulltrúa.

Það sem skiptir mestu máli varðandi áhrif Íslands í ESB eru einstaklingarnir sem veljast til starfa. Á sama hátt og einstaklingur frá Kálshamarsvík getur orðið valdamesti maður Íslands getur Íslendingur orðið mjög áhrifamikill í ESB. Í EES eru áhrifin hins vegar engin.

Það er rétt að EES-samningurinn nær ekki yfir sjávarútveg og landbúnað. En vegna reynslu okkar af sjávarútvegi og mikilvægi greinarinnar tel ég vist að áhrif okkar verði mikil á því sviði í ESB.

Ég sé einnig fyrir mér mjög jákvæða byltingu í landbúnaði. Vistvænar og lífrænar vörur verða fluttar út í stórum stíl á háu verði. Grænmeti, lambakjöt og mjólkurvörur koma helst til greina. Markaðurinn er svo stór að þetta mun gera meira en að vega upp á móti innfluttum landbúnaðarvörum.

Varðandi viðskiptasamninga við lönd utan ESB er ESB auðvitað í aðstöðu til að ná betri samningum en Ísland. Ísland getur beitt sér innan ESB fyrir slíkum samningum sem myndu þá væntanlega gilda fyrir allar ESB- þjóðirnar þó að Ísland væri í reynd kannski eini útflytjandinn. 

Það eru gífurleg tækifæri fólgin í ESB-aðild. 

[Ásthildur Cesil Þórðardóttir, 29.2.2012 kl. 17:13]

Ekki segja finskir bændur það, las það einhversstaðar að þeir væru að flosna upp margir hverjir eftir inngönguna, sé eftir að hafa ekki geymt þær upplýsingar.  Sama er að segja um danskan landbúnað, hann berst í bökkum vegna ESB.  Á Spáni og fleiri suðræðnum löndum hafa erlendir peningamenn fyrir  löngu keypt upp öll gróðavænleg fyrirtæki, vegna þess að um leið og við erum komin inn í ESB geta öll Eu löndin gengið inn og keypt upp það sem þá lystir.  það er nú öll sælan. 

En það þýðir víst ekkert að ræða þetta við suma á þessum nótum.  Allt eins hægt að tala við stokka og steina.

[Elle_, 29.2.2012 kl. 17:14]

Ekki ´Ásmundur´ hlustar ekki enn.  Neitar enn.  Þrætir enn þó yfirtaka dýrðarsambandsins blasi við.  Þýðingarlaust að rökræða við manninn.

[Ásthildur Cesil Þórðardóttir, 29.2.2012 kl. 17:40]

Já nákvæmlega Elle.

[Gunnlaugur I (IP-tala skráð) 29.2.2012 kl. 19:54]

Mjög góð og upplýsandi grein hér á Vinstri Vaktinni.

En ég lýsi mig einnig algerlega sammála þeim sjónarmiðum Ásthildar C. Þórðardóttur og Elle E sem hér koma fram að ofan um það að það er ekki möguleiki að rökræða málefnalega um ESB mál við Ásmund "þennan" Harðarson, sem hér kommenterar í sífellu eins og forritaður páfagaukur frá Brussel.

Því málið er að þessi "forritaði ESB páfagaukur" tekur alls engum rökum og virðist bæði blindaður, óforskammaður og algerlega óforstokkaður að engu tali tekur.

Það er þó kannski ágætt að hafa hér svona eitt stykki sýnishorn af svona ESB aftaníossa fyrirbæri, öðrum þjóðhollum íslendingum sem eitthvað hugsa til sérstakrar viðvörunnar !

[Ásthildur Cesil Þórðardóttir, 29.2.2012 kl. 20:11]

Gunnlaugur þeir eru fleiri svona hér, eða ef til vill allt sami maðurinn margskiptur, sem þykjast vera að hugsa sinn gang, en eru ekkert nema forritaiðir páfagaukar.  Sem ekki vilja kynna sér málin eða hreinlega skilja þau ekki.  Málið er að fáir íslendingar eru svona fáfróðir að taka mark á svona páfagaukum sem betur fer.  Þess vegna ef til vill er það að aukning við málstað andstæðinga ESB er að aukast. 

[Ásthildur Cesil Þórðardóttir, 1.3.2012 kl. 02:12]

Í fyrirsögninni segir Ísland hefur neitunarvald í EES en nánast ekkert í ESB.  Þetta "nánast" tel ég vera ofaukið.  Við munum ekkert hafa að segja um Esb ef við álpumst þar inn.  

[palli (IP-tala skráð) 1.3.2012 kl. 10:33]

Vandamál Ásmunds/Jón Frímanns er að hann er geðsjúkur. Það kallast þráhyggja, þú sérð bara það sem þú vilt sjá og ekkert annað.

Og já, það ætti að banna hann. Maðurinn er með áróður og lygar, engar rökræður. Það yrði honum sjálfum fyrir bestu. Kanski byrjaði hann að hugsa sinn gang og leita sér hjálpar.

Og mundu, Ásmundur, að þegar þín heimsmynd hrynur eða þjóðin hafnar þessu kjaftæði í þér og þínum (sem hún mun gera), að þá er sjálfsmorð engin lausn. Það er fullt af fólk sem væri til í að hjálpa þér og veita þér aðstoð. Leitaðu eftir aðstoðinni. Það er enginn skömm í því.

Gangi þér vel.

[Ásmundur Harðarson (IP-tala skráð) 1.3.2012 kl. 10:45]

Það er með ólikindum að fylgjast með athugasemdum hér.

Einhver hugsanlegur smá möguleiki á neitunarvaldi í EES, sem enginn hefur látið reyna á, er talinn mikilvægari en full þátttaka til jafns við aðrar þjóðir í að setja sambandinu lög og reglur.

Þetta hlýtur að vera hámark ruglumræðunnar. Það er varla hægt að toppa þetta. Eru andsinnar algjörlega að fríka út?

[palli (IP-tala skráð) 1.3.2012 kl. 10:51]

Nei, Ásmundur, það er með ólíkindum að fylgjast með þér.

Og þetta hefur ekkert að gera með með eða á móti ESB aðild Íslands. Þú tekur ekki þátt í rökræðum, þótt þú haldir kanski annað.

Þú átt við geðræn vandamál að stríða.

Leitaðu þér hjálpar áður en það verður um seinan.

[palli (IP-tala skráð) 1.3.2012 kl. 10:54]

"....full þátttaka til jafns við aðrar þjóðir í að setja sambandinu lög og reglur."

0,8% er sem sagt "til jafns við aðrar þjóðir".

Þeir sem mótmæla þessari staðhæfingu eru að "fríka út" í "ruglumræðu".

QED

[palli (IP-tala skráð) 1.3.2012 kl. 10:59]

En nei, Eiríkur Bergmann segir annað, svo það hlýtur bara að vera þannig.

Já, og tökum þetta skrefinu lengra... segjum bara að 0,8% sé MEIRA fullveldi en að standa fyrir utan þetta, með eða ekki EES aðild.

Já, segjum að fullveldi aukist því 0,8% í ESB er í hausum talið meira en íslenska þjóðin.

Þessi geðsýki er alveg ótrúleg upp á að horfa, og sorglegt að til sé einstaklingar eins og Ásmundur. Hann er ekki Íslendingur, hann er Esbingur.

Og Ási, mundu, sjálfsmorð er engin lausn þegar allt þitt líf molnar niður. Leitaðu geðlækna og fáðu aðstoð. Það er nákvæmlega ekkert að því.

[Elle_, 1.3.2012 kl. 12:05]

Hið stórkostlega vægi okkar yrði enn minna eða um 0,6%.  Það kalla Eiríkur Bergmann og ÓMAR Harðarson og Össur Skarpi MIKIÐ VÆGI. 

[Elle_, 1.3.2012 kl. 12:07]

Æ, misskrifaði: Össur Skarphéðinsson heitir hann víst.

[Jón Valur Jensson, 1.3.2012 kl. 16:00]

Þetta er rangt hjá þér, Elle. Atkvæðavægi okkar bæði í ráðherraráðinu og í leiðtogaráðinu yrði (frá 1.1. 2014 eða frá inntöku í Esb. eftir það) 0,06%, ekki 0,6%. Með Lissabon-sáttmálanum hefur þegar verið endanlega ákveðið, að atkvæðavægi stærstu ríkjanna í Esb. aukist gríðarlega fræa nefndri dagsetningu, en atkvæðavægi hinna smærri, ekki sízt þess smæsta, Möltu, minnki afar mikið (Möltu úr 0,87% í 0,08% – Möltubúar eru nú um 417.000). Samanlagt verða FJÖGUR stærstu ríkin (af 27), Þýzkaland, Frakkland, Bretland og Ítalía, með 53,64% atkvæða. Sex þau stærstu (að viðbættri Ítalíu og Póllandi) verða með 70,4% atkvæðamagns, en öll hin 21 verða samanlagt með 29,6%! Sjá nánar hér: Evrópubandalagið leggur snörur sínar. Hér eru YFIRRÁÐ STÆRSTU RÍKJANNA afhjúpuð!

[Jón Valur Jensson, 1.3.2012 kl. 16:03]

Þarna var misritun. 1.1. 2014 átti að vera 1. nóv. 2014.

[Ásmundur Harðarson (IP-tala skráð) 1.3.2012 kl. 18:06]

Jón Valur, þú ert heldur betur á villigötum. Í fyrsta lagi er það Evrópuþingið sem er til umræðu.

Eftir gildistöku Lissabon-sáttmálans verður lagmarksfjöldi þingmanna hvers ríkis 6 þingmenn. Þingmenn verða 251 svo að vægi Íslands verður 0.8% eða 12.5 sinnum meira en íbúafjöldinn segir til um.

http://en.wikipedia.org/wiki/Treaty_of_Lisbon#Parliament

Í ráðherraráðinu þarf samþykki 55% ríkja, eða minnt 15 þeirra, og 65% eða 72% atkvæðamagns. Það er því fjarri því að stærstu ríkin geti leitt mál til lykta. Sum mál krefjast samþykki allra ríkjanna.

"The treaty has expanded the use of qualified majority voting(QMV) in the Council of Ministers by having it replace unanimity as the standard voting procedurein almost every policy area outside taxation and foeign policy. Moreover, taking effect in 2014, the definition of a qualified majority will change: A qualified majority will be reached when at least 55% of all member states, who comprise at least 65% of EU citizens, vote in favour of a proposal. When the Council of Ministers is acting neither on a proposal of the Commission nor on one of the High Representative, QMV will require 72% of the member states while the population requirement remains the same."

http://en.wikipedia.org/wiki/Treaty_of_Lisbon#European_Council

Langflest mál sem eru samþykkt í ráðherraráðinu þurfa samþykki Evrópuþingsins til að ná fram að ganga svo að valddreifingin er mikil í ESB.  

[Elle_, 1.3.2012 kl. 20:03]

Já, eg skrifaði það vitlaust.

[Elle_, 1.3.2012 kl. 20:03]

Og var að svara no. 17.

[Jón Valur Jensson, 1.3.2012 kl. 21:07]

OK, þið voruð að ræða Esb-þingið, og ég vissi þetta um það.

Voldugri ríkin munu einnig þar hafa í fullu tré við þau smærri, enda með mesta fólksfjöldann og þar með mest atkvæðavægi.

[Elle_, 1.3.2012 kl. 22:38]

Meintirðu ekki Póllandi og Spáni þarna í 3ju neðstu línunni fyrir ofan?

[Jón Valur Jensson, 1.3.2012 kl. 23:17]

Jú, það er rétt. Spánn er nú með 7,83% atkvæðavægi í raðherraráðinu, en verður með 9,17% eftir 1.11. 2014.

[Ásmundur Harðarson (IP-tala skráð) 1.3.2012 kl. 23:25]

Á Evrópuþinginu hafa minnstu ríkin 0.8% atkvæða hvert eftir gildistöku Lissabon-sáttmálans. Þetta eru Malta, Luxembourg, Kýpur, Eistland og Ísland ,ef það kýs aðild. Stærsta þjóðin, Þýskaland, hefur 12.8% atkvæða.

Til að fá meirihluta fyrir tillögu á Evrópuþinginu vantar Þýskaland 37.2% frá öðrum þjóðum en Ísland vantar 49.2%. Munurinn er því ekki svo gífurlegur á minnstu og stærstu þjóðinni.

Í ráðherraráðinu er atkvæðamagn Þýskalands 16.5% en Íslands 0.1%. Til að ná tilskyldum auknum meirihluta upp á 65% vantar Þýskaland 48.5% atkvæðamagn frá öðrum þjóðum en Ísland vantar 64.9%.

Þetta segir þó ekki alla söguna vegna þess að mál eru ekki samþykkt í ráherraráðinu nema 55% þjóðanna, 15 samtals, samþykki frumvarpið.

Það nægir því ekki að sex stærstu þjóðirnar samþykki það þó að atkvæðamagn þeirra nái 65%. Níu þjóðir til viðbótar vantar þá  til að frumvarpið verði samþykkt sem lög.

Þegar við bætist að Leiðtogaráðið, sem mótar stefnuna, og Framkvæmdastjórnin, sem semur lagafrumvörp, hafa aðeins einn fulltrúa frá hverri þjóð, er ljóst að áhrif Íslands i ESB geta orðið mikil.

Það fer allt eftir því hverjir veljast sem fulltrúar Íslands. Það mega alls ekki vera gamaldags fyrirgreiðskupólitíkusar. Þá gætum við orðið algjörlega áhrifalaus.

Með hæfu fólki, sem enginn högull er á, getum við haft mikil áhrif. Þetta er því spurning um að bera gæfu til að velja hæfasta fólkið.

Af þessu má sjá  að allar hugmyndir um að Ísland muni ekki hafa nein áhrif í ESB endurspegla fyrst og fremst mikla vanmáttarkennd fyrir hönd þjóðarinnar. 

[Jón Valur Jensson, 1.3.2012 kl. 23:38]

Helztu ríkin, sem hefðu hug á fiskveiðum hér – Bretland með 12,33% atkvæðavægi í ráðherraráðinu frá 1. nóv. 2014, Spánn (9,17%), Frakkland (12,88%), Þýzkaland (16,41%), Belgía (2,15%), Danmörk (1,10%) og Portúgal (2,13%) – hefðu samanlagt 56,17% atkvæðavægi í þessari voldugustu valdsstofnun ESB, ráðherraráðinu. Ítalir (12,02%) gætu bætzt í hóp áhugasamra, enda stunda Ítalir nú þegar fiskveiðar í sænskri landhelgi. Svo eru alltaf ýmis önnur ríki, sem yrðu viðhlæjendur hinna ráðandi, enda er sennilegt að þau myndu leggja áherzlu á sameiginleg atvinnuréttindi ESB-borgara hér sem annars staðar.

Það er rangt, sem "Ásmundur" heldur (rétt eins og Jón Frímann Jónsson gerði fyrir allnokkrum mánuðum), að Ísland fengi 0,1% hlut í ráðherraráðinu. Við fengjum 0,06%. Wikipedia-síðan um þetta er ónákvæm.

[palli (IP-tala skráð) 2.3.2012 kl. 07:27]

Ásmundur segir

"Af þessu má sjá að allar hugmyndir um að Ísland muni ekki hafa nein áhrif í ESB endurspegla fyrst og fremst mikla vanmáttarkennd fyrir hönd þjóðarinnar."

Geðlyf, Ásmundur. Geðlyf. Þú ert veruleikafirrtur.

[Ásmumdur Harðarson (IP-tala skráð) 2.3.2012 kl. 08:57]

Jón Valur, hefurðu ekki enn náð því að 15 ríki þurfa að samþykkja lagafrumvörp í ráðherraráðinu auk þess sem aukins meirihluta atkvæða er krafist, annaðhvort 65% eða 72%, eða jafnvel 100%?

Aðalatriðið er þó að lagabreytingar hafa ekki nein áhrif á varanleg　sérákvæði í samningum.

Þó að norðmenn hafi ekki fengið slíkt sérákvæði er það engin vísbending um　hvað við eigum í vændum enda er sérstaða okkar miklu meiri með staðbundna stofna og landhelgi úr tengslum við landhelgi ESB-ríkja.

Hvort atkvæðahlutföll í ráðherraráðinu eru reiknuð með einum eða tveimur aukastöfum er algjört aukaatriði. Ég efast um að þú vitir það betur en Wikipedia.

[Jón Valur Jensson, 2.3.2012 kl. 14:13]

Stórveldin, sem einnig eiga hagsmuni af fiskveiðum (Þýzkaland, Frakkland og Bretland) og hafa stundað þær hér (þar bætast m.a. Spánn, Holland og Belgía í hópinn), fara afar létt með að ná tilskildu atkvæðavægi (sem miðast alfarið við fólksfjölda frá 1.11. 2014) í ráðherraráðinu um þessi mál, enda eiga þau sér jafnan ýmsa fylginauta meðal hinna ríkjanna.

Þú ert í afneitun hér um að læra af fordæminu í Noregi. Lestu um það fróðlega kafla í bók Ragnars Arnalds: Sjálfstæðið er sístæð auðlind – fæst væntanlega enn hjá höfundi.

Jú, ég vissi þetta síðastnefnda hjá þér "betur en Wikipedia" – ég bakaði Jón Frímann í umræðu um þetta á evropa.blog.is í haust eða undir lok síðasta árs. (Get fundið textana.)

[Ásmundur Harðarson (IP-tala skráð) 2.3.2012 kl. 15:05]

Bíðum róleg þangað til samningur liggur fyrir.

Ég er bjartsýnn á að við fáum varanleg sérákvæði sem tryggir okkar rétt til að sitja einir að fiskveiðum í okkar landhelgi  enda eru öll rök sem hníga að því.  

Það verður þá hluti af lögum og reglum ESB eins og önnur sérákvæði þó að það samræmist ekki aðalreglunni. Það er einkenni sérákvæða að gera það ekki. Þess vegna eru þau kölluð sérákvæði eða á ensku special arrangements.

Sérákvæði eru sett við sérstakar aðstæður. Enginn deilir um það að sérstaða Íslands yrði mjög mikil í ESB.

Jón Valur virðist eiga erfitt með að skilja hvernig sérákvæði virka.

[Ásmundur Harðarson (IP-tala skráð) 2.3.2012 kl. 15:28]

Varðandi fullyrðingar Ásthildar og Jóns Vals um að utanríkismál ESB-ríkja séu alfarið á vegum ESB er fróðlegt að sjá hvað Wikipedia segir um utanríkismál ESB-ríkisins Danmörku:

"Foreign relations

Main article: Foreign relations of Denmark

Danish foreign policy is based on its identity as a sovereign nation in Europe. As such its primary foreign policy focus is on its relations with other nations as a sovereign independent nation. Denmark has long had good relations with other nations. It has been involved in coordinating Western assistance to the Baltic states (Estonia,^[61] Latvia, and Lithuania).^[62]The country is a strong supporter of international peacekeeping.

Denmark is today pursuing an active foreign policy, where human rights, democracy and other crucial values are to be defended actively. In recent years Greenlandand The Faroe Islandshave been guaranteed a say in foreign policy issues such as fishing, whaling, and geopolitical concerns."

Hér er ekki minnst á ESB. Hér er talað um ESB-ríkið Danmörku sem óháð sjálfstætt ríki.

En auðvitað vita Ásthildur og Jón Valur betur alveg eins og þau vissu betur en norska sérfræðinganefndin sem rannsakaði fullveldisafsal vegna EES-samningsins.

[Ásmundur Harðarson (IP-tala skráð) 2.3.2012 kl. 16:01]

Það er fróðlegt að bera saman þingmannafjölda Íslands og Danmerkur á Evrópuþinginu.

Þrátt fyrir að Danmörk sé 17-18 sinnum fjölmennara en Ísland eru þingmenn þeirra aðeins rúmlega tvöfalt fleiri en við munum fá. Víð fáum 6, Danir hafa 13.

Eistland sem er 4-5 sinnum fjölmennara land en Ísland hefur jafnmarga þingmenn og við fáum.

Hlutfall Danmerkur í atkvæðum á Evrópuþinginu er 1.7%, okkar 0.8%. Þetta þýðir að Danir þurfa meira en 48.3% atkvæða frá öðrum þjóðum en við 49.2% til að ná meirihlutasamþykki fyrir máli.

Munurinn er sáralítill þrátt fyrir 17-18-faldan mun á íbúafjölda.　

[Jón Valur Jensson, 2.3.2012 kl. 16:44]

Ég hef hvergi sagt né skrifað, að utanríkismál Esb-ríkja séu "alfarið á vegum Esb." ÁH er að skálda það upp eins og kannski nafnið "sitt". Hins vegar gefur Lissabon-sáttmálinn vegvísi um, að Esb-löndin skuli samræma utanríkis- og varnarstefnu sína, og er jafnvel með opnar valdheimildir í þá átt að knýja fram meiri samræmingu af þeim toga.

[Ásmundur Harðarson (IP-tala skráð) 2.3.2012 kl. 17:35]

Jón Valur, Ásthildur spurði hvort Páll væri sáttur við að Ísland afsalaði sér réttinum til sjálfstæðrar utanríkisstefnu með inngöngu í ESB.

Ég svaraði og sagði  í lengra máli að þetta væri misskilningur. Þú mótmæltir og sagðir mig ljúga og nefndir Lissabon-sáttmálann.

Þetta var ekki hægt að skilja þig öðruvísi en að þú værir sammála Ásthildi. Þú getur sjálfum þér um kennt ef svar þitt hefur misskilist. Það er lágmark að menn tilgreini lygarnar ef menn álasa aðra um lygar.

EF þeir gera það ekki hlýtur maður að álykta að átt sé við aðalatriði málsins. 

Allavega er það á hreinu skv Wikipedia að eftir inngöngu í ESB verður Ísland sjálfstætt, óháð ríki með sjálfstæða utanríkisstefnu.

[Ásthildur Cesil Þórðardóttir, 2.3.2012 kl. 18:30]

Nei það er einfaldlega ekki rétt Ásmundur, skoðaðu bara Grikkland og fleiri ríki, danir voru harðlega gagnrýndir af Evrópusambandinu af því þeir ætluðu að setja meiri hölur við og landamæraeftirlit.  Þetta samband hefur breyst mikið bara núna undanfarnar vikur og mánuði.  Þú er svona ömurlegur trójuhestur sennilega á launum við að fegra sambandið á allan hátt.  Minnir mig óneitanlega á sælgætishús nornarinnar í Hand og Grétu.

[Jón Valur Jensson, 2.3.2012 kl. 18:33]

"Samkvæmt Wikipediu" !!!!!!!!! En ekki samkvæmt inngöngusáttmálanum!!!

Á hvoru tekurðu nú meira mark?!

Utanríkisstefna getur ekki orðið með öllu sjálfstæð innan Esb., þegar sambandið verður farið að nota valdheimildirnar sem ég vísa til, úr Lissabon-sáttmálanum. Viltu að ég stafi þær fyrir þig?

Hitt er allt annað, ólíkt orðalag að segja, að utanríkismál Esb-ríkja séu "alfarið á vegum Esb." Það gefur t.d. í skyn, að Frakkar hafi enga eigin utanríkisstefnu, til viðbótar við þá stefnu sem þeir hafi sameiginlega með Evrópusambandinu.

Notkun valdheimilda Lissabonsáttmálans til að samræma utanríkisstefnuna, m.a. í ágreiningsmálum við önnur ríki, verður hins vegar skerðing á valfrelsi einstakra Esb-ríkja til að móta alveg sjálf alla sína utanríkisstefnu. Í öryggis- og hernaðarsamhengi verður þessi samræmda stefn a einna alvarlegust fyrir hin áður sjálfstæðu ríki um sína utanríkis- og hermálastefnu.

[Jón Valur Jensson, 2.3.2012 kl. 18:34]

Og hér var ég að svara Ásmundi eða gerviásmundi.

[Elle_, 2.3.2012 kl. 22:50]

Já, trojuhestur eins og Ásthildur sagði.  Ætli Eiríkur Bergmann sitji við hliðina á honum?  Ætli talva RÍKISEMBÆTTISINS Statistics Iceland sé notuð í hin blóðugu skrif?????

[Ásmundur Harðarson (IP-tala skráð) 2.3.2012 kl. 23:50]

Lissabon-sáttmálinn leiðir til "skerðingar á valfrelsi einstakra ESB-ríkja til að móta alveg sjálf sína utanríkisstefnu" segir Jón Valur.

Hann viðukennir þar með að þrátt fyrir Lissabon-sáttmálann þá hafa Íslendingar næstum því fullt frelsi til að móta sjálf sína utanríkisstefnu.

Allt samstarf takmarkar frelsi svo að við megum vel við una. Einir á báti án bandamanna með ónýtan gjaldmiðil er dæmi sem gengur ekki upp. 

Ásthildur er hins vegar á öðru máli og þykist vita betur en Wikipedia. Hún ruglar hins vegar saman ESB og Schengen. 

Lítið landamæraeftirlit er vegna Schengen-samstarfsins en ekki vegna ESB. Við erum nú þegar í Schengen. Landamæraeftirlitið hér mun því ekkert breytast með inngöngu í ESB.  

[Elle_, 3.3.2012 kl. 00:08]

Já, trojuhestur eins og Ásthildur sagði.  Ætli Eiríkur Bergmann sitji við hliðina á honum?  Ætli talva RÍKISEMBÆTTISINS Statistics Iceland sé notuð í hin blóðugu skrif???

[Ómar Bjarki Kristjánsson, 3.3.2012 kl. 00:43]

þetta er rangt.

Sjá 102&103 grein EEA Agreement þar að lútandi.

Lesa, fræðast - síðan tala.

[Elle_, 3.3.2012 kl. 01:00]

FORHERÐING: - - - Ásthildur er hins vegar á öðru máli og þykist vita betur en Wikipedia. Hún ruglar hins vegar saman ESB og Schengen. - - -

ESB TEKUR YFIR LANDAMÆRAEFTIRLIT

Framkvæmdastjórn ESB undirbýr frumvarp sem afnemur eða dregur mjög úr yfirráðarétti einstakra aðildarríkja yfir eigin landamæraeftirliti.

Að sögn Jótlandspóstsins er frumvarpið svar við ákvörðun dönsku stjórnarinnar fyrr í ár um að taka upp landamæraeftirlit að nýju. Blaðið hefur eftir háttsettum embættismanni að markmiðið sé að endurvekja traust á Schengen-samstarfinu og koma í veg fyrir að lönd eins og Danmörk, Ítalía og Frakkland misbeiti reglunum og taki upp landamæraeftirlit af innanríkispólitískum ástæðum. Samkvæmt frumvarpinu fær framkvæmdastjórnin neitunarvald á þessu sviði. Ef tímabundið landamæraeftirlit er tekið upp vegna straums flóttamanna verður framkvæmdastjórnin að leggja tillöguna fram og hún svo samþykkt af aðildaríkjunum og Evrópuþinginu. Aðildarríkin geta tekið upp landamæraeftirlit einhliða vegna ófyrirséðra atburða svo sem hryðjuverka eða sjúkdómsfaraldra en þá aðeins í fimm daga, framkvæmdastjórnin getur svo framlengt eftirlitið.

[Ásthildur Cesil Þórðardóttir, 3.3.2012 kl. 01:20]

Já Elle einmitt það er reynt allt til að verja þetta apparat.  Danir eiga í erfiðleikum með landamæri sín, vegna nálægðar við önnur lönd er þjófnaður af allskonar stærðargráðum orðin daglegt brauð í landinu, og þeir vildu þess vegna grípa til þessa ráðs í óþökk esb.   það er svo langt í frá að ESB lönd hafi sjálfstæði í utanríkismálum, og þar er sífellt verið að þrengja meira og meira að.  Það er bara spurning um hversu langt þessi löng láta teyma sig á asnaeyrum og til hvers? Jú til að þjóna einhverjum óviðkomandi aðiljum sem sjá heimsyfirráð eða dauða sem sitt æðsta takmark í lífinu, og það án íhlutunar þjóðanna sjálfra, því þeim er meinilla við þjóðaratkvæðagreiðslur, enda hefur þetta lið komist til áhrifa án þess að nokkur maður hafi lagt blessun sína yfir það.  I don´t knowe you, I don´t knowe whera you came from and I don´t like you. 

[Elle_, 3.3.2012 kl. 01:29]

Og svo sagði hann í sama commenti að ofan: - - - Landamæraeftirlitið hér mun því ekkert breytast með inngöngu í ESB. - - - 

Ekkert nema Brusselvinnumaður og þeim má ekki hlífa.  Ætli Eiríkur Bergmann sitji við hliðina á honum?  Ætli talva RÍKISEMBÆTTISINS Statistics Iceland sé notuð í hin forhertu skrif -  allavega oft á virkum dögum??

[Ásmundur Harðarson (IP-tala skráð) 3.3.2012 kl. 08:31]

Þetta breytir engu um það sem ég sagði. "Markmiðið sé að endurvekja traust á Schengen." ESB-ætlar að taka að sér eftirlitshlutverk fyrir Schengen.

Hver ESB-þjóð getur því ráðið sínu landmæraeftirliti með því að vera ekki í Schengen. En sumir vilja bæði éta kökuna og eiga hana. 

Ég endurtek því að þetta breytir engu fyrir Ísland enda er Ísland ekki í  hópi þeirra Schengen-ríkja sem hafa brotið reglurnar.

Við getum hins vegar tekið upp strangt landamæraeftirlit fyrir eða eftir inngöngu í ESB með því að segja okkur úr Schengen-samstarfinu.