Nokkur orð um samræmda stafsetningu ESB

Nú berast þær fréttir úr stórríkinu ESB að ein, og aðeins ein stafsetning sé leyfð þegar nafn gjaldmiðilsins er annars vegar. Lettum ku nefnilega hafa dottið í hug sú fásinna að stafa nafn evrunnar eftir sínum eigin málfræðireglum og samkvæmt því vildu þeir skrifa „eiro" í stað „euro". En nú hefur Evrópski seðlabankinn - sem ekkert efnahagslegt er óviðkomandi nema fátæktin sem fær að þrífast í stórríkinu - látið það boð út ganga að ekki megi í nokkrum tilfellum skrifa „euro" öðruvísi en „euro".

Það er áhugavert að velta þessu fyrir sér nú á Degi íslenskrar tungu, þarna getum við séð, líkt og í sjónhending, alræðishyggjuna hreina og tæra. Íslendingar yrðu sum sé að leggja allt „evru" -kjaftæði á hilluna ef ske kynni að stjórnmálamönnum tækist að nauðga þjóðinni inn í efnahagslegt böl
Evrópusambandsins.

Eins og allt alræðisvald kemur Evrópski seðlabankinn fram af uppgerðar auðmýkt í málinu, gagnvart Lettum - auðmýkt sem er svo hol að þar mætti fyrirkoma heilu skjalasöfnunum. En fram kemur í yfirlýsingu bankans að notkun nafnsins „euro" í lettneskum lagaskjölum hafi engin áhrif á málfræðireglur lettneska tungumálsins sem þegar séu í gildi. Guð sé lof og dýrð fyrir þá miklu miskunn.

Þetta er auðvitað ekki stórmál í flokki þeirra málefna sem birta skuggahliðar miðstýringarinnar í Brussel. En þetta er táknrænt mál og sýnir svo ekki verður um villst hvernig allt og allt skal lúta samræmdu regluverki, Evrópski seðlabankinn hugar þannig að samræmdri stafsetningu og þá getum við rétt ímyndað okkur hvernig þeir vinna sem sannanlega eiga að fást við samræmingar af ýmsu tagi innan sambandsins. En það er ekki fámennur hópur og lítt iðjulaus eins og fjöldamörg dæmi sanna, í því samhengi er Evrópski seðlabankinn eins og þunnskipuð nefnd.

- gb.

Athugasemdir

[Benedikt Bjarnason (IP-tala skráð) 16.11.2012 kl. 17:25]

Getur verið að þú sért að tala annarsvegar um ritmál Letta og staðfæringu Evru hins vegar?

Það vill svo til að hvert land er með sína "eigin" Evru þannig að bakhliðin ber einhver sérkenni þjóðarinnar. En Evrur eins ríkis eru löglegur gjaldmiðill annars Evruríkis líka og þess vegna er nauðsynlegt að peningarnir heiti það sama. Þannig grunar mig að umræðan snúist minnst um tal- og ritmál aðildarþjóðar og meira um staðfærslu myntarinnar. Það sama á við um dali, dollars, dólares eða hvað menn kjósa að kalla þá mynt. Svo má vel vera að einhver bjúrókrati hafi verið með vangaveltur um ritmál en þá týpu má finna alls staðar.

Eigum við ekki svo að forðast að notast við myndrænar samlíkingar eins og "að nauðga" þegar við tjáum skoðanir okkar? Það færir umræðuna á óttalega aumt plan.

[Ásmundur (IP-tala skráð) 16.11.2012 kl. 17:32]

Þetta hljóta að vera ýkjur eins og svo margt annað sem kemur frá Vinstrivaktinni.

Að sjálfsögðu fer enginn að skipta sér af því þó að ég kalli evrur evrur.

[Kolbrún Hilmars, 16.11.2012 kl. 19:13]

Að sjálfsögðu ekki, Ásmundur. 

Þú mátt kalla köttinn þinn Snata,  hundinn Kitty, eiginkonuna Ástin Mín og evru Evru.  Þangað til ESB bírókratar ákveða annað.

[Jón Frímann Jónsson, 16.11.2012 kl. 21:34]

Þegar menn eru með ofsóknarbrjálæði. Þá finnst þeim það sem þeir segja vera allt í lagi og virkar fullkomnlega eðlilegt fyrir þeim. Þetta á vel við um þá sem skrifa á Vinstri vaktin gegn ESB. Þar sem höfundar þessa bloggs eru með alvarlegt ofsóknarbrjálæði á mjög háu stigi. Ég er ekki að grínast með þetta mat mitt.

Þegar maður les álit ECB um þetta mál. Þá kemur í ljós að yfirlýsingar Vinstri vaktin gegn ESB hérna eru ekkert nema tómt kjaftæði.

Hægt er að lesa álit ECB hérna (pdf skrá). Lettland ætlar sér að taka upp evruna sem gjaldmiðil þann 1. Janúar 2014. Hvort að það tekst hjá þeim á hinsvegar eftir að koma í ljós.

[Elle_, 16.11.2012 kl. 22:07]

Ef Jón Frím. væri sakaður um ofsóknarbrjálæði og ég tala ekki um ofsóknarbrjálæði á háu stigi, væri hann að hóta kærum og lögsóknum, vegna ofsóknarbrjálæðis.  Frá Danaríki að sjálfsögðu.

[Elle_, 16.11.2012 kl. 22:49]

- - - leggja allt „evru" -kjaftæði á hilluna ef ske kynni að stjórnmálamönnum tækist að nauðga þjóðinni inn í efnahagslegt böl - - -.

Skil ekki hvað Benedikt finnst rangt við að kalla svona nauðgun nauðgun.

[Ásmundur (IP-tala skráð) 17.11.2012 kl. 11:20]

Elle, þjóðin fer ekki inn í ESB nema meirihlutinn samþykki það í lýðræðislegri kosningu eftir að samningur liggur fyrir. Það er eins víðs fjarri því að geta talist nauðgun og hugsast getur.

Það er miklu nær því að vera skylt við nauðgun, þó að ekki myndi ég nota það orð, að reyna að þröngva fram með offorsi að aðildarviðræðunum verði slitið áður en þjóðin fær tækifæri til að taka upplýsta ákvörðun um aðild.

Augljóst er að bak við slík vinnubrögð er hræðsla við að þjóðin samþykki aðild þegar blekkingaráróðurinn verður afhjúpaður eftir að samningur liggur fyrir. Hér er því um að ræða tilraun til að koma í veg fyrir að lýðræðið nái fram að ganga. 

[Elle_, 17.11.2012 kl. 12:17]

Ekki varst þú Benedikt?  Lesið sáttmálana við sambandsríkin, fólk sem viljið sjá svokallaðan ´samning´.  Og skýringar Brussel um stækkun sambandsins, bls. 9.  Not negotiable eru lykilorðin.  Við erum ekki voða hrædd.  Þið eruð með frekar tapað mál.

[Ásmundur (IP-tala skráð) 17.11.2012 kl. 13:39]

Elle er gott dæmi um afneitun ESB-andstæðinga. Hér kemur enn ein sönnun þess að allar fullyrðingar um að um ekkert sé að semja hjá ESB sé uppspuni frá rótum: 

Henrik Bendixen, yfirmaður hjá sendinefnd ESB á Íslandi:    

"Ef semja þurfi um undanþágur á einhverjum sviðum þá verði það gert. Þetta séu raunverulegar samningaviðræður. Öll 12 aðildarríkin, sem gengið hafa í ESB að undanförnu, hafi fengið undanþágur og það sé að sjálfsögðu opið gagnvart Íslandi líka."

http://ruv.is/frett/oll-hafa-fengid-undanthagu

[Elle_, 17.11.2012 kl. 15:16]

Óvaranlegar, já, við vitum það.  Við erum sjálfstætt ríki núna og þurfum ekki pínulitlar, ómerkilegar og óvaranlegar undanþágur frá neinu þarna.  Viljum það ekki, það ERU rök.

[Ásmundur (IP-tala skráð) 17.11.2012 kl. 17:12]

Að sjálfsögðu á Bendixen við varanlegar undanþágur.  

Fyrir utan tímabundnar undanþágur fáum við varanlegar sérlausnir eins og svo oft hefur komið fram td hjá Joe Borg fyrrverandi sjávarútvegsstjóra ESB, sjá hlekk.

http://www.pressan.is/pressupennar/LesaOlafArnarson/borg-blaes-a-babiljur?Pressandate=20110723

Varanlegar sérlausnir fást þegar taka þarf tillit til sérstakra aðstæðna. Sérstaða Íslands er augljóslega mjög mikil. Við getum því búist við mörgum og margvíslegum varanlegum sérlausnum.

Aðildarsinnar bíða spenntir eftir þeim en ESB-andstæðingar vona að blekkingaráróður þeirra verði aldrei afhjúpaður og vilja því slíta viðræðunum.   

[Elle_, 17.11.2012 kl. 19:44]

Blekkingar og lygar ykkar eru löngu orðnar gegnglærar.  Þessvegna vill venjulegt hugsandi fólk hætta þessu rugli meðan þið vaðið enn í ykkar drullufor.

[Kolbrún Hilmars, 17.11.2012 kl. 20:25]

Þar kom lausnarorðið; Sérlausnir!

Ég elska sérlausnir.  Ekki síst varanlegar sérlausnir.  Margvíslegar varanlegar sérlausnir mest af öllu.

Merkilegt að ég skuli ekki vera aðildarsinni...

[Vinstrivaktin gegn ESB, 17.11.2012 kl. 23:30]

#1 Það að nauðga á ekki einvörðungu við um það þegar fólki er þröngvað til kynferðislegs samræðis gegn vilja sínum. Þetta ættir þú að vita - en þú kýst að horfa fram hjá því. Af því að það hentar þér að dylgja um að hér sé farið fram með lágkúru. Hún hittir þig sjálfan fyrir.

#4 Það er athyglisvert hvað þú ert vel að þér um ofsóknarbrjálæði. Þú ættir kannski að halda þessari greiningu fyrir sjálfan þig. Hún er ekki smekkleg. En það skiptir þig sjálfsagt engu máli.

Annað er ekki svara vert - og í raun heldur ekki það sem hér var svarað. En eitthvað verður maður að dunda sér.

Tek undir með Kolbrúnu, þær eru dásamlegar þessar sérlausnir! Það er hlýtur að vera hverri frjálsri og fullvalda þjóð mikið fagnaðarefni að geta verið komin upp á aðrar þjóðir í gegnum sérlausnir.  

[Ásmundur (IP-tala skráð) 18.11.2012 kl. 00:28]

Athyglisvert! Svo að Vinstrivaktin vill ekki neinar sérlausnir. Hún vill sem sagt engan samning. Þannig verður hún ekki uppvís að lygaáróðri. 

Bæði Vinstrivaktin og Elle eru svo einföld að trúa því að frekar sé tekið mark á þeim en mörgum núverandi og fyrrverandi háttsettum embættismönnum ESB að ógleymdum öllum samningunum með varanlegum sérlausnum fyrir hinar ýmsu aðildarþjóðir.

Það er ekki bara lágkúrulegt að kalla umsókn, sem fyrst er samþykkt í báðum stjórnarflokkunum og síðan á Alþingi og verður svo að lokum borin undir þjóðaratkvæði, nauðgun. Það er varla hægt að hugsa sér neitt lágkúrulegra enda er þetta svívirðileg vanvirðing við lýðræðið.

Minni á að hverjum þingmanni VG var frjálst að greiða atkvæði gegn umsókninni. Nokkrir þeirra gerðu það. Á hinn bóginn kusu margir þingmenn stjórnarandstöðunnar gegn sannfæringu sinni.

Þar á meðal voru formaður og varaformaður Sjálfstæðisflokksins, allir þrír þingmenn Hreyfingarinnar og jafnvel formaður Framsóknarflokksins.

Þrátt fyrir þetta var umsóknin samþykkt með öruggum meirihluta (33 atkvæðum gegn 28 ef ég man rétt). 

http://evropa.blog.is/blog/evropa/entry/1258510/

[Ásmundur (IP-tala skráð) 18.11.2012 kl. 00:39]

Kolbrún, þeir kalla þetta "special arrangements" hjá ESB. 

Nákvæmari þýðing væri sérstakar ráðstafanir. En mér fannst fara betur á að kalla þetta sérlausnir.

Að sjálfsögðu bíður þú eftir þeim sérlausnum sem við fáum áður en þú tekur endanlega ákvörðun. Það ætla ég að gera.

Ég tel þó yfirgnæfandi líkur á að þær verði okkur hagfelldar. 

[Jón Frímann Jónsson, 18.11.2012 kl. 00:48]

Kæra #14. Ofsóknarbrjáæði er alvarlegur sjúkdómur sem hrjáir fólk á öllum aldri og kynjum. Óháð búsetur, vinnu og pólitískri stefnu. Þetta ofsóknarbrjálæði á sitt upphaf eins og annað. Þetta upphafi er að finna í baráttu Kalda stríðsins á Íslandi og þeim pólitískum deilum sem þar áttu sér á sínum tíma.

Gott dæmi um þetta er að höfundur "Game Theory" var maður sem var með ofsóknarbrálæði og geðklofa. Þeir sem vilja kynna sér þetta nánar er bent á þessa heimildarmynd frá Adam Curtis. Heimildarmyndin heitir The trap.

Fræg eru orð Ragnar Arnalds, ábyrgðarmanns þessa bloggs um aðild Íslands að EFTA á árinu 1969.  Þetta reyndist síðan vera kjaftæði í Ragnari Arnalds. Sama má segja um spádóma hans um EES samninginn. Núna er komið að dómstalinu hjá Ragnari Arnalds um Evrópusambands aðild Íslands. Þetta er þó bara endurtekning frá árinu 1969. Það eina sem hefur breyst eru orðin og hvernig þau eru sögð.

Staðreyndinar tala sínu máli hérna eins og annarstaðar. Það er ekkert sem höfundar þessa bloggs geta gert til þess að stoppa það.

[Elle_, 18.11.2012 kl. 10:37]

Hvað skildirðu ekki í no. 15?  Við erum fullvalda núna, við erum sjálfstætt ríki og þurfum ekki og viljum engar undanþágur frá hinu svokallaða ´Evrópu´-sambandi (um 42% af álfunni Evrópu) um eitt eða neitt.  Við vorum ekki að segja neitt torskilið en viljinn fyrir útúrsnúningum er merkilegur.

[Ásmundur (IP-tala skráð) 18.11.2012 kl. 13:58]

Elle, finnst þér við vera fullvalda núna þrátt fyrir að við verðum vegna EES-samningsins að taka við tilskipunum frá Brüssel sem við höfum ekkert um að segja? Það verður liðin tíð með ESB-aðild.

Þá tökum við þátt í öllum ákvörðunum ESB. Það er því frekar hægt að tala um fullveldisafsal vegna EES-samningsins en ESB-aðildar. Þetta hefur norsk sérfræðinganefnd staðfest eftir tveggja ára rannsókn. 

[Kolbrún Hilmars, 18.11.2012 kl. 15:10]

Kæri Ásmundur, ekki koma illu orði á EES samninginn líka - nógu margir hafa efasemdir um ágæti hans nú þegar. 

Hitt er svo annað mál að við "verðum" ekki að taka við tilskipunum frá Brussel undir yfirskyni EES frekar en hundurinn þarf að éta beinið sem að honum er kastað.

[Elle_, 18.11.2012 kl. 15:47]

Já, ég meinti það, við erum fullvalda núna, sjálfstætt ríki.  Og verðum ekki að taka við neinum fyrirskipunum eða neinu öðru frá Brussel. 

Og ekki tala við okkur um lýðræði eins og þú gerðir í no. 15 og víðar.  Þar ert þú á röngu róli.

[Ásmundur (IP-tala skráð) 18.11.2012 kl. 17:29]

Kolbrún, það verðum við víst að gera og höfum gert það möglunarlaust.

Meira að segja hefur Jón Bjarnason gleypt allar tilskipanirnar eins og hann væri að drekka vatn. 

En auðvitað fer Elle létt með að horfa framhjá því eins og öðru og sjá eitthvað allt annað.

[Kolbrún Hilmars, 18.11.2012 kl. 18:08]

Ásmundur, það er engin afsökun að þingið hafi möglunarlaust hleypt allri vitleysunni í gegn.  Bognar agúrkur, ólögulegir tómatar, smávaxnir bananar, sjálfslökkvandi sígarettur, venjulegar glóperur - og guð má vita hvað margt annað smálegt sem hefur farið fram hjá almenningi.

En það er ágætt að þú bendir á alla agnúa við EES samninginn - þótt tilgangur þinn sé aðeins í þágu stóra samningsins, ESB.

EES samningurinn var gerður fyrir 18 árum.  Ítreka; 18 árum!  En endalaust er verið að auka við skilyrði hans af öðrum samningsaðilanum.  Alveg óskiljanlegt að enginn fylgist með þessu af okkar hálfu.

Setjum þetta í persónulegt samhengi; þú skildir við konuna þína fyrir 18 árum og þið skiptuð búi og gerðuð um það endanlegan samning.  Hver fær börnin, hver fær postulínið, hver fær köttinn o.s.frv.  Endanlegt?

Hvað gerir þú svo ef fyrrverandi kona þín gerir reglulegar og árlegar kröfur til þín að auki?   Neitar, lest yfir skilnaðarsamninginn og tékkar á því hvaða lagagöt hún spilar á eða  lúffar við hverja kröfu?

Ergo: afar óheppilegt að gera skilnaðarsamning í anda  EES...

[Ásmundur (IP-tala skráð) 18.11.2012 kl. 20:40]

Alveg rétt, Kolbrún. ESB er mun betra en EES.