Siðlausir þróunarstyrkir

Þegar keisarinn sjálfur gekk nakinn um strætið þurfti barn til að benda á endileysuna. Hinir siðavöndu þóttust ekkert sjá.  

Nú eru borgarar og skattgreiðendur ESB skattlagðir mitt í bágindum sínum til þess að greiða fyrir þróunarhjálp hjá ríkum Íslendingum. ESB-vildarstyrkirnir sem nú eru auglýstir í blöðum á Íslandi bjóðast ekki Grikkjum eða Spánverjum þar sem meira en helmingur af öllu ungu fólki gengur atvinnulaust og sér litla framtíð. Sá lýður fær ekki annað en skammir frá Brussel fyrir meinta óráðssíu og það þó að hann sé alsaklaus af efnahagslegum ógöngum evruríkjanna. Hér skulu sko hengdir bakarar fyrir smiði og áður mega þeir borga fyrir þróunarhjálp hjá jeppafólki uppi á Íslandi. 

IPA styrkir eins og þeir sem flæða yfir Ísland bjóðast aðeins ríkjum sem eru í aðlögun að ESB og aðeins meðan á aðlöguninni stendur. Þetta eru vitaskuld ekki styrkir fyrir ríki sem eru komin á heljarþröm vegna veru sinnar í ESB og eiga í reynd enga leið færa nema fara út úr evrudraumnum. Þeir sem ætla út fá hvorki skaðabætur né styrki heldur skulu þeir borga fyrir að losna.  

Hræsnin og óréttlætið er í þeim hæðum að það hlýtur einhver með réttlætiskennd að rísa upp og mótmæla. Þeim sem kenna sig við jöfnuð og eru jafnvel í jafnaðarmannaflokkum er örugglega misboðið. Eða hvað?

En hvernig endaði þetta annars. Jú, líkt og í sögunni um keisarann. Það var breskur íhaldsmaður sem stakk á kílinu og benti á að þetta næði auðvitað ekki nokkurri átt. Frásögn Telegraph lýkur með háðuglegu viðtali við fulltrúa þeirra Íslendinga sem taka við hluta af þeim 400 milljónum króna sem ESB ver hér í IPA þróunarverkefni. Svarið er einfalt, við gátum fengið peninga, ég sé ekki afhverju við ættum ekki að taka við þeim!

Er þetta siðferðið á hinu nýja Íslandi. 

Finnst óþarfi að styrkja Ísland

Athugasemdir

[Ásthildur Cesil Þórðardóttir, 30.9.2012 kl. 13:51]

Ég segi það bara hreint út ég skammast mín fyrir þessar sníkjur og mútur alveg niður í tær. 

[Elle_, 30.9.2012 kl. 14:07]

Allt sem flokkur Jóhönnu kemst í nánd við verður að skaða og skömm.  Styrkirnir eru ekkert nema mútur og til háborinnar skammar.

[Ásmundur (IP-tala skráð) 30.9.2012 kl. 14:13]

Það er alrangt að meira en helmingur af ungu fólki gangi atvinnulaus í Grikklandi og á Spáni.

Hið rétta er að um það bil jafnmargir eru á atvinnuleysisbótum og þeir sem eru í vinnu. Meirihlutinn er hins vegar í skóla. Sennilega er fjöldi atvinnulausra ungmenna í þessum löndum undir 15%.

Menn geta haft mismunandi skoðun á þessum styrkjum. En að tala um Grikkland og Spán í því sambandi er rangt vegna þess að þetta eru ekki styrkir ætlaðir aðildarþjóðum.

Þær fá aðra styrki sem eru auðvitað margfalt hærri en þessir.

Það er einnig rangt að kalla þessa styrki mútur vegna þess að þeir eru óafturkræfir þó að aðild sé hafnað. Það er því fráleitt að ætla að þessir styrkir hafi áhrif á hvort þjóðin samþykki aðild.

Það sem hefur áhrif á val kjósenda er það sem stendur þjóðinni til boða eftir að aðildin er orðin staðreynd. Þá fáum við ekki lengur þessa umræddu styrki. Þeir eru því engin tálbeita.

Auk þess er ekkert athugavert við að kostnaður við aðild og aðlögun skiptist milli beggja aðila þegar tveir semja.

[Kolbrún Hilmars, 30.9.2012 kl. 14:31]

Það er í rauninni alveg sama hvort þessir styrkir séu réttlætanlegir eða ekki ef þjóðinni er stillt upp sem sníkjudýrum á alþjóðavettvangi fyrir að þiggja þá. 

Skynsamlegast væri að hafna öllum þeim styrkjum sem ESB apparatið "gefur" okkur í aðlögunarskyni.  Það heitir að gefa ekki höggstað á sér!

[Hilmar (IP-tala skráð) 30.9.2012 kl. 19:49]

Við skulum bara nota réttu orðin hérna, alveg eins og í Bretlandi.

Þetta eru mútur.

ESB gengur í almannasjóði og dregur til sín fé, sem það notar til að múta á réttum stöðum.

Auðvitað stöðvast múturnar sjálfar þegar búið er að múta á réttum stöðum, og blekkja almenning til að kjósa með ESB.

Spillingin heldur þó áfram, og þeir einstaklingar sem ráðnir eru á jötuna í Brussel (þeir sem þáðu mútur) halda áfram að víla og díla með almannahagsmuni í eigin þágu, og klíkunnar í Brussel.

Þetta þýðir á mæltu máli, að hagsmunir Íslendinga ganga kaupum og sölu í Brussel, eins og hagsmunir allra smærri þjóðanna, sem ekki fá rönd við reist.

[Helga Kristjánsdóttir, 30.9.2012 kl. 22:08]

Ég velti þessari frétt lengi fyrir mér í dag,ég er ég afar ánæð að sjá að Vinstri vaktin tekur þetta fyrir. Þannig eru þá reglurnar við úthlutin IPA styrkjana,segi nú eins og Ásthildur,það er skömm að þessum mútum. Hvar er stolt þessara ,,eðal Krata,,.

[Ásthildur Cesil Þórðardóttir, 30.9.2012 kl. 22:16]

Stolt er ekki til í þeirra orðabók, þannig er það bara Helga mín.

[Elle_, 30.9.2012 kl. 22:19]

Samfó (meina ekki almenna flokksmenn), landsölumenn og mútuþegar, verður aldrei skráður með þjóðhetjum í sögubókum.

[Ásthildur Cesil Þórðardóttir, 30.9.2012 kl. 22:30]

Nei Elle frekar sem landsölumenn og lagabrjótar. 

[Ómar Bjarki Kristjánsson, 30.9.2012 kl. 22:44]

Samkvæmt þessari kenningu þá er bara yfirhöfuð bannað og siðlaust að veita og/eða taka við styrkjum af nokkru tagi í ríkari hluta heimsins.

Að venju villast þjóðrembingar fljótlega af leið í rökleiðslunni og enda utanvegar spólandi drullunni svoleiðis upp útí skurði kallagreyin.

[Ásthildur Cesil Þórðardóttir, 30.9.2012 kl. 22:51]

Já það er það Ómar, þegar rúmur helmingur jarðarbúa eiga ekki í sig og á, sættu þig bara við það, að öðru leyti sýnir þetta algjörlega hugsunargang þinn. 

[Elle_, 30.9.2012 kl. 22:55]

Brussel-öfgaþjóðrembingurinn mættur?  Hví ætli hann búi enn í landinu??  Nenni annars varla að lesa háfleygu rökin.

[Ásmundur (IP-tala skráð) 30.9.2012 kl. 23:38]

Það er ömurlegt fyrir sunnlendinga að lenda í eldgosum og öskufalli með miklu tjóni og fá svo á sig árásir eigin landa fyrir að þiggja styrk sem þeir eiga rétt á til uppbyggingar eftir tjónið. Dæmigerðar villigötur þjóðrembinga.

Ekki bætir úr skák að "rökstuðningurinn" er hreint bull. Mútur er það kallað þegar menn greiða undir borðið fyrir að fá fyrirgreiðslu sem þeir hafa engan rétt á.

Styrkir skv lögum og reglum án nokkurra skuldbindinga eru því eins víðs fjarri því að vera mútur og hugsast getur.

Styrkir sem ákveðnum aðila stendur til boða og hann þiggur getur ómögulega flokkast undir sníkjur. Menn sníkja ekki það sem þeir eiga rétt á.

Þannig virðist íslenskukunnáttu Ásthildar, Elle og Hilmars vera verulega ábótavant. Málflutningur þeirra er því tómt þvaður.

[Ásmundur (IP-tala skráð) 30.9.2012 kl. 23:52]

Kolbrún, þó að einn Breti sé að öfundast út í okkur út af þessum styrk er fráleitt að tala um að okkur sé stillt upp sem sníkjudýrum á alþjóðavettvangi.

Íslendingar hafa ekki sníkt þennan styrk. Og skoðun eins manns má sín einskis á alþjóðavettvangi. Allar reglur orka tvímælis.

[Jón Steinar Ragnarsson, 1.10.2012 kl. 01:32]

Utan efnis en athyglivert um sæluríkið.

[Ásmundur (IP-tala skráð) 1.10.2012 kl. 08:06]

Ásthildur, Elle og Hilmar vita greinilega ekki hvað mútur eru. Það eru mútur að greiða fé eða annað verðmæti undir borðið til að fá eitthvað annað í staðinn sem maður hefur ekki rétt á.

Þessir styrkir eru hins vegar uppi á borðinu enda algjörlega skv lögum og reglum. Þeim fylgja heldur engin skilyrði um endurgjald. Þeir eiga því ekkert skylt við mútur.

Ásthildur talar einnig um sníkjur. Það er auðvitað fjarri lagi enda eru þetta styrkir sem eru í boði skv reglum ESB. Það þarf ekki að sníkja það sem maðir hefur rett á. 

Áthildur, Elle og Hilmar ættu að íhuga hvort þau þurfi ekki á íslenskukennslu að halda enda ljóst að kunnáttu þeirra í móðurmálinu er mjög ábótavant.

[Hilmar (IP-tala skráð) 1.10.2012 kl. 09:22]

Segðu mér Ómar/Lyga-Mundi, styðst þú við reglugerðir frá Brussel vaðrandi skilgreiningar á mútum, þegar þú talar um þær?

Ef svo er, þá verð ég að hryggja þig, sú skilgreining er röng, eins og flest allt annað sem frá því arma batteríi kemur, og þú lepur upp.

Mútur eru gjafir, greiðslur eða greiðar sem eiga að tryggja ákveðna hegðun frá mútuþeganum, eða hafa áhrif á ákvarðanatöku. Mútur þurfa ekkert endilega að vera undir borðið, heldur geta verið fjármunir eða framlag augljós öllum.

Í tilviki ESB og Samfylkingar, þá eru augljósir hagsmunir ESB sem mútugjafnas og Samfylkingar sem mútuþega. Báðum aðilum er það í mun að hrekja íslenska þjóð í ESB, augljóslega gegn vilja sínum, og því er mútur færðar fram til þess að smyrja kerfið á réttum stöðum, til að tryggja framgang landsölunnar.

Þetta mútufé er einungis í boði fyrir útvalda aðila, og stendur einungis til boða þar til búið er að þröngva Íslandi í ESB.

Menn verða að vera verulega siðblindir, að sjá ekki þessar augljósu mútur.

Sú skilgreining á vel við þig, Ómar minn.

[Elle_, 1.10.2012 kl. 11:10]

Ásthildur og Hilmar, þá vitum við það.  Við kunnum ekki íslensku.  Ætli Samfó, kannski Eiríkur Bergmann og Þorvaldur Gylfason, já eða Vilhjálmur Þorsteinsson og Össur, geti kannski kennt okkur að skrifa m-ú-t-u-r.   Það er til mikils að vinna. 

Kannski ekki skrýtið að maðurinn verji þetta, menn verja oft það sem þeir eru sjálfir á kafi í.

[Ásmundur (IP-tala skráð) 1.10.2012 kl. 14:24]

Fyndin þessi frjálshyggjutúlkun Hilmars á mútum. En jafnvel þó að hann fari út á ystu nöf, eins og hans er von og vísa, gengur dæmið ekki upp.

Í fyrsta lagi eru mútur ólöglegar. Þær eru glæpur. Umrædd styrkveiting er í fullu samræmi við lög og reglur og byggir auk þess á langri hefð.

Í öðru lagi eru engar líkur á að Íslendingar kjósi aðild vegna þessara styrkja enda er það í góðu lagi að þyggja styrkina og hafna aðild.

Kannski að Hilmar haldi að Íslendingar séu einfaldlega hálfvitar sem láti slíka styrki ráða atkvæði sínu. Ég er viss um að svo er ekki.

Reyndar held ég að þegar kemur að atkvæðagreiðslunni séu þessir styrkir flestum löngu gleymdir enda um margt annað að hugsa í sambandi við ESB-aðild.

Furðulegt að Íslendingar skuli sjá slíkum ofsjónum yfir því að landar þeirra fái styrk til að byggja upp eftir hamfarir vegna eldgoss og öskufalls.

[Kolbrún Hilmars, 1.10.2012 kl. 15:12]

Ásmundur, þessa bresku ráðherrarödd set ég í stærra samhengi hvort sem hún stafar af öfund eða lýðskrumi.

Þetta er ekki í fyrsta skipti sem styrkveitingar til Íslands hafa verið í breskri umræðu - að frumkvæði stjórnvalda þar,  og svo virðist sem einhverjir þarlendis séu sammála ráðherrum. 

Þessi styrkjaumræða bætist ofan á "þjófnað íslendinga á sparifé minnimáttar"  og "makrílþjófnað á kostnað almúga-sjómannsins"  í UK.

Þú getur varið þessa íslensku styrkjastefnu hér á blogginu, en hver gerir það í UK?

[Ásmundur (IP-tala skráð) 1.10.2012 kl. 15:33]

Kolbrún, þeir eru svo fáir í Bretlandi sem láta sig þessa styrkveitingu einhverju varða að þetta breytir engu fyrir orðstír Íslands. Flestir Bretar vita eflaust ekkert af þessum styrk.

En eins og þú bendir á að þá liggja eflaust þarna að baki Icesave og makríldeilan. Með öðrum orðum eru þetta ekki marktæk ummæli frekar en athugasemdir andstæðinga aðildar. 

[Kolbrún Hilmars, 1.10.2012 kl. 16:43]

Ásmundur, andstæðingar aðildar sýna þó snefil af sjálfsvirðingu. 

Hvað með ykkur hin; huggið þið ykkur við að "flestir" fylgist ekki með áróðrinum og að orðstír Íslands skipti ekki máli?

[Ásthildur Cesil Þórðardóttir, 1.10.2012 kl. 17:00]

Þeir vona það örugglega, því málstaðurinn helgar meðalið hjá þeim, skiptir hvorki máli stolt né heiður.

[Elle_, 1.10.2012 kl. 17:19]

As defined, bribery is the offering, giving, receiving, or soliciting of something of value with the intent of influencing the actions of a government official or employee.

A common misconception about bribery is that it involves only the exchange of money, when in actuality it involves the exchange of anything that the government official may find valuable. This includes gifts, personal favors, discounts, jobs, and promises.

Because bribery is an intent crime, meaning that the person offering, giving, receiving, or soliciting a bribe must intend to influence or be influenced, it's not difficult to see what kind of statements and actions can lead to prosecution.

Hvað vantar á að mútustyrkir Brussel og Samfó-stjórnarinnar kallist ólöglegar mútur?  Og svo fannst mér þetta ekkert frjálsleg túlkun frá Hilmari.  Mútustyrkirnir eru til heimsskammar.  En Samfó (meina ekki almenna flokksmenn) hefur ekki æru. 

Skil samt ekki af hverju stafirnir urðu svona stórir að ofan. 

[Ásmundur (IP-tala skráð) 1.10.2012 kl. 17:38]

Kolbrún, ég sagði ekki að orðstír Íslands skipti ekki máli, heldur að þetta mál væri þess eðlis að það hefði engin áhrif á orðstír Íslands.

Það myndi hins vegar hafa slæm áhrif á orðstír Íslands að hætta aðildarferlinu í miðjum klíðum enda hefur það aldrei gerst í sögu ESB.

Það er engin sjálfsvirðing fólgin því að gagnrýna andstæðinginn af litlu sem engu tilefni í stað þess að gera hreint fyrir eigin dyrum.

[Kolbrún Hilmars, 1.10.2012 kl. 17:58]

Ásmundur, ég held að ef Ísland hætti aðildarferlinu í miðjum klíðum, þá hefði það meiri áhrif á orðstír ESB en Íslands. 

En ef bresk stjórnvöld halda áfram að viðra and-íslensk viðhorf, þá verður það líklega aðeins tímaspursmál hvenær íslenskir ferðalangar verða fyrir aðkasti í UK. 

[Ásmundur (IP-tala skráð) 1.10.2012 kl. 18:00]

Elle, þessi skilgreining staðfestir það sem ég sagði um mútur og sýnir að túlkun Hilmars stenst ekki.

Þarna kemur fram að mútur eru glæpur. Þær fara því ekki fram fyrir opnum tjöldum. Það sem er byggt á lögum og reglum getur ekki verið glæpur sérstaklega þegar komin er margra ára eða áratuga hefð á það.

Síðast en ekki síst eru engar líkur á að það hafi áhrif á atkvæðagreiðsluna hvort styrkurinn er þeginn eða ekki.

Eðli málsins skv er útilokað að múta almenningi skv þessari skilgreiningu. Mútur eru einnig þess eðlis að það er verið að hygla einhverjum gegn endurgjaldi á kostnað annarra.

Hér er ekki neitt slíkt á ferðinni. Allar þjóðir sem sækja um ESB-aðild sitja við sama borð.  

[Hilmar (IP-tala skráð) 1.10.2012 kl. 20:49]

Ómar/Lyga-Mundi, maður þiggur ekki boð bankamanns um að ávaxta fé, ekki barnanýðings til barnapössunar eða Samfylkingarmanns um siðferðiskennslu.

[Elle_, 1.10.2012 kl. 22:44]

Hvað segirðu (27), hafa glæpir ekki farið fram fyrir opnum tjöldum?  Í ofanálag getur enginn vitað um allt sem gerist fyrir lokuðum tjöldum.

Fólkið í landinu bað ekki um þessa niðurlægjandi peninga.  Það var ekki spurt frekar en fyrr.  Ætla að setja inn hvað einn maður skrifaði:

Þetta fólk er bara ekki í lagi

Það vefst ekki fyrir þessum snillingum að gera venjulegan Íslending orðlausan.

Hversu margir hafa verið keyptir fyrir þetta mútufé og eru orðnir eign jakkalakkanna þarna úti?

Líklega fleiri en margan grunar og ekki er ég orðinn undrandi á kappseminni við að troða okkur þarna inn  með blíðmælum og blekkingum.

[Ásmundur (IP-tala skráð) 1.10.2012 kl. 23:27]

Elle, þetta eru heimskuleg ummæli sem þú ert að vítna í.

Þau eru til vitnis um mikla málefnafátækt andsinna. Allt er fundið til, en varla nokkuð bitastætt.

Auðvitað fremur enginn með réttu ráði glæp fyrir opnum tjöldum.

[Ásthildur Cesil Þórðardóttir, 1.10.2012 kl. 23:32]

Málefnafátæktin er öll ykkar megin Ásmundur, heimskuleg ummæli koma eins og skrattinn úr sauðaleggnum frá þér, þú hefur ekki rökstutt neitt af því sem þú ert að reyna að segja.  Ekki tala um málefnafátækt, það kemur úr hörðustu átt, því þú átt ekkert nema innistæðulausa frasa og tilkynningar um ágæti ESB, án þess að færa fyrir því nokkur haldbær rök. 

[Elle_, 1.10.2012 kl. 23:47]

Ekki sagði ég að þau væru ´með réttu ráði´.  Hvílík fjarstæða að halda að þau séu það.  Glæpir fara nefnilega fram fyrir opnum tjöldum.  Og meira að segja líka í bakherbergjum svona með. 

Stal, nei Steingrímur mikli veit það líka vel hvað Brussel-liðið er yfirgangssamt að það hikaði ekki við það.  Þó hann þegi eins og lamb núna til að halda völdum.  Hann, já Steingrímur sjálfur, kallaði ICESAVE ´grímulausa kúgun´.  En það var fyrir apríl, 09 þegar hann datt á höfuðið og fór á hvolf.

[Ásmundur (IP-tala skráð) 1.10.2012 kl. 23:48]

Ásthildur, nefndu eitthvað sem ég hef sagt en ekki rökstutt. Þá skal ég bæta úr því.

Ef þú gerir það ekki er það staðfesting á fyrri ummælum mínum um málefnafátækt ykkar.

[Ásthildur Cesil Þórðardóttir, 1.10.2012 kl. 23:50]

Hahaha já Elle og svo kom þessi stórkostlegi Svavarssamningur sem við YRÐUM AÐ SAMÞYKKJA.  Úbbs það er von að fólk þurfi að grípa til lyga og áróðurs til að afsaka svoleiðis bellibrögð.