Spyrjum þjóðina hvort hún vilji inn í eldhafið, segir Ögmundur

Ögmundur Jónasson innanríkisráðherra leiðréttir í dag þá fullyrðingu Þorsteins Pálssonar að VG hafi enga fyrirvara gert þegar samningsmarkmið Íslands í peninga- og gjaldmiðlamálum voru þar til afgreiðslu. Hann krefst þess að þjóðin verði spurð þegar í vetur hvort hún vilji ganga inn í eldhafið í ESB.

Grein Ögmundar birtist í Fréttablaðinu í dag. Jafnframt birtir Ögmundur ítarlegri grein um sama mál á heimasíðu sinni, ogmundur.is. Greinin í Fréttablaðinu er svohljóðandi:

ESB OG LÝÐRÆÐISRÉTTURINN

"Þorsteinn Pálssonskrifar greinar í Fréttablaðið um helgar. Greinar hans eru mjög áþekkar og  jafnan þar að finna sömu stefin. Eittslíkt stef er að VG sé tvísaga í aðildarviðræðunum við ESB; sé fylgjandi aðildinnan veggja Stjórnarráðsins en andvígt utandyra. Þjóðin hafi orðið þess vitni,skrifar hann nýlega, þegar ráðherrar VG stóðu „utan veggja Stjórnarráðsins og lýstu því yfir að réttværi að endurmeta umsókn Íslands vegna óróa í peningamálum á evrusvæðinu. Umleið ítrekuðu þeir andstöðu sína við aðild og upptöku evru. Þetta lýstigrundvallarágreiningi stjórnarflokkanna í sama máli. Annað hvort eru ráðherrarVG að segja ósatt sitjandi innan veggja Stjórnarráðsins eða standandi utan þeirra.“

Ekki er þetta nú svo. Á fundiríkisstjórnarinnar 13. júlí sl. komu samningsamarkmið Íslands í peningamálumtil umfjöllunar, svo og aftur 21. ágúst eftir þessi svikabrigslaskrif ÞorsteinsPálssonar, sem af hálfu stjórnvalda gegnir trúnaðarstöðu í ESB ferlinu. Hið réttaer að þrír fyrirvarar komu fram á þessum fundum: Varðandi afnámgjaldeyrishafta; varðandi inngöngu í ERM II gjaldeyrissamstarfið og varðandiupptöku evru.

Sá sem ekki vill ganga í ESB er varla áhugasamur um upptöku evru og hélt ég að ÞorsteiniPálssyni væri kunnugt um afdráttarlausa afstöðu VG í þeim efnum. VG gerðifyrirvara um málið í heild sinni og hefur frá upphafi haldið því opnu aðendurskoða málið ef aðstæður breyttust. Það hafa þær svo sannarlega gert.

Samfylkingin hafnaði því í aðdraganda stjórnarmyndunar að spyrja þjóðina hvorthún vildi sækja um aðild. En réttur þjóðarinnar verður ekki af henni tekinnendalaust, ekki síst þegar aðstæður breytast. Það stóð aldrei til að draga viðræðurá langinn þar til ESB og sambandssinnar hér á landi finna heppilegri tímapunkten nú er í augsýn til að ljúka málinu. Samkvæmt skoðanakönnunum er yfirgnæfandimeirihluti Íslendinga andvígur því að ganga í ESB. Það er ekkert undarlegt þvíEvrópa logar. Að sjálfsögðu á þjóðin rétt á því að vera spurð hvort hún viljiinn í eldhafið.

Það verður að gerast áður en þetta kjörtímabil er úti. Þá verða kaflaskil.

ÖgmundurJónasson"

 

Gerðu þrjá fyrirvara við peningamálin

Athugasemdir

[Birgir (IP-tala skráð) 29.8.2012 kl. 12:55]

Ráðherraferill Ögmundar í hnotskurn.

Stór orð. Litlar efndir.

[Ásmundur (IP-tala skráð) 29.8.2012 kl. 15:48]

Undarlegur máflutningur eins og oftast þegar Ögmundur er annars vegar.

Hann berst einmitt gegn því að þjóðin verði spurð, þegar það er tímabært, hvort hún vilji ganga í ESB. Hann gengur þar þvert gegn afdráttarlausu loforði í stjórnarsáttmálanum sem hann á sínum tíma samþykkti. 

Hann vill svíkja samstarfsflokkinn og þjóðina og leggja þar með VG í rúst sem flokk sem í engu er treystandi. Þar á hann sér marga sjálfstæðismenn fyrir bandamenn.

Það voru engir fyrirvarar varðandi aðildarumsóknina í stjórnarsáttmálanum. Fyrirvararnir náðu eingöngu til frelsis VG til að tala gegn aðild þó að þeir samþykktu að þjóðin fengi tækifæri til að hafa síðasta orðið. 

Er hægt að hugsa sér meiri loddaraskap en að berjast gegn því að þjóðin fái að kjósa um aðild en snúa svo öllu á hvolf og reyna að sannfæra einfaldar sálir um að hann sé einmitt að berjast fyrir því að þjóðin fái að kjósa um aðild?

Ögmundur veit að andstæðingum aðildar hefur orðið þó nokkuð ágengt í að blekkja þjóðina. Þess vegna vill hann að þjóðin kjósi um aðild áður en blekkingaráróðurinn verður afhjúpaður með hagstæðum samningi.

Ögmundur vill ekki að kosið verði um hvort samningaviðræðum verði haldið áfram. Hann vill að kosið verði um aðild á þessu ári. Það er auðvitað  með algjörum endemum að ætlast til að þjóðin kjósi án þess að hún vita hvað er í boði.

Hvað ef þjóðin segir já? Á þá ESB að hafa sjálfdæmi um alla hluti sem ekki verður búið að semja um? Það er eitthvað mjög alvarlegt að hjá þjóð með slíkan ráðherra.

Alþingi nýtur lítils trausts. Framganga Ögmundar á stóran þátt í því.

[Sigurður Þórðarson, 29.8.2012 kl. 16:33]

Evrópusambandið er allt annað í dag en það var þegar umsókin var lögð  inn.

Ég vona svo sannarlega að Ögmundur hafi þetta fram og hann mun hafa stuðning mikils meirihluta þjóðarinnar til þess.

[Hilmar (IP-tala skráð) 29.8.2012 kl. 18:45]

Það skemmtilega við pistil Ögmundar, er sá æsingur sem hann veldur meðal lattelepjandilopatrefla eins og Egil Helga.

Það er verra, að Ömmi meinar aldrei það sem hann segir, eða í öllu falli, kemur ekki til með að fylgja orðum sínum eftir. Það hefur hann aldrei gert, og kemur aldrei til með að gera.

Ögmundur væri alveg ágætis stjórnmálamaður, jafnvel frábær, ef restin af líkamanum fylgdi munninum.

Staðan er sú, að Ömmi aðstoðar lítinn hóp Samfylkingar-lattefroðu úr 101, við að kúga hinn mikla meirihluta landsmanna, sem vill ekkert af þessu ESB brölti vita.

Ömmi er einn af þeim, sem kemur í veg fyrir að þjóðin fái að ráða sínum örlögum. Einhver meiningarlítill orðaflaumur gerir ekki annað en að minna kjósendur hans á þá staðreynd, og hjálpa þeim við að verða fyrrverandi kjósendur hans.

En EF aðgerðir fylgdu nú orðum......

[Bragi, 29.8.2012 kl. 20:45]

Þessi þjóð mun aldrei segja já við ESB, sama hvenær hún verður spurð. Skynsöm þjóð. Því er þetta ekkert nema tímasóun og enn einn sandkassaleikur íslenskra (ó)stjórnmála.

Okkur fossblæddi eftir hrun, við vorum viðkvæm og leituðum að lausnum. Okkur tókst með samvinnu að sauma sárin saman. Saumarnir halda.

[Elle_, 29.8.2012 kl. 21:28]

´Ásmundur´: >Hann vill svíkja samstarfsflokkinn og þjóðina - - - <

-------

ÞÚ SKALLT EKKI VOGA ÞÉR AÐ NEFNA LÝÐRÆÐI SEM RÖK FYRIR ÁFRAMHALDI Á AÐILDARVIÐRÆÐUM, ÁSMUNDUR!!

Það voru aðildarsinnar sem fótum tróðu lýðræðið og þingræðið til að hefja förina til Brussel. Því hafa þeir aðilar ekkert leifi til að taka orðið lýðræði sér í munn til rökstuðnings þeirri vitleysu sem meirihluti þjóðarinnar hefur nánast allann tímann frá því þessi umræða hófst, snemma á tíunda áratug síðustu aldar, verið á móti, aðildarumsókninni. Einungis er hægt að nefna eina eða tvær skoðankannanir þar sem aðildarumsókn fékk jafnan hlut og þeirra sem á móti voru. Allar aðrar hafa sýnt meirihluta gegn aðild og hefur heldur hallast á sveif með lýðræðissinnum í seinni könnunum.

Að öðru leyti eru athugasemdir þínar hér fyrir ofan ekki svaraverðar. Engin rök koma þar fram, einungis draumsýn og henni er ekki hægt að svara!

Gunnar Heiðarsson, 16.8.2012 

 

Þögnin og staða Steingríms

 

 

 

 

 

´Ásmundur´: >Það voru engir fyrirvarar varðandi aðildarumsóknina í stjórnarsáttmálanum.<

-------

 

Það er ýmislegt í stjórnarsáttmálanum Ásmundur og margt þar sem ekki hefur verið staðið við og engar líkur eru á að staðið verði við!

Það sem snýr að ESB umsókninni er þetta:

•  Ákvörðun um aðild Íslands að Evrópusambandinu verði í höndum íslensku þjóðarinnar sem mun greiða atkvæði um samning í  þjóðaratkvæðagreiðslu að loknum aðildarviðræðum. Utanríkisráðherra mun leggja fram á  Alþingi tillögu um aðildarumsókn að Evrópusambandinu á vorþingi. Stuðningur stjórnvalda við samninginn þegar hann liggur fyrir er háður ýmsum fyrirvörum um niðurstöðuna út frá hagsmunum Íslendinga í sjávarútvegs-, landbúnaðar-, byggða- og gjaldmiðilsmálum, í umhverfis- og auðlindamálum og um almannaþjónustu. Víðtækt samráð verður á vettvangi Alþingis og við hagsmunaaðila um samningsmarkmið og umræðugrundvöll viðræðnanna. Flokkarnir eru sammála um að virða ólíkar áherslur hvors um sig gagnvart aðild að Evrópusambandinu og rétt þeirra til málflutnings og baráttu úti í samfélaginu í samræmi við afstöðu sína og hafa fyrirvara um samningsniðurstöðuna líkt og var í Noregi á sínum tíma.

Ekki verður séð að vilji VG liða til umræðu um aðildarviðræður séu neitt brot á þessu atriði sáttmálans og ef þær viðræður leiði til slita eða frestunnar viðræðna, er ekki annað séð en VG liðar standi við sinn hluta sáttmálans varðandi ESB umsóknina.

Hins vegar er ljóst að utanríkisráðherra hefur farið nokkuð frjálslega með þennan hluta stjórnarsáttmálans, þar sem samráð við hagsmunaaðila um samningsmarkmið hafa einungis verið í mýflugumynd, þar sem á annað borð eitthvað samráð hefur átt sér stað!!

Þér væri hollt að renna yfir þennan stjórnarsáttmála Ásmundur. Það er fljótlegra fyrir þig að telja upp þau atriði sem staðið hefur verið við af honum, heldur en að reyna að telja þau atriði sem eftir eru og hafa mörg ekki enn komist á dagskrá ríkisstjórnarinnar!

Þetta er reyndar nokkuð langur lestur en ekki að sama skapi skemmtilegur, en stundum verður að gera fleira en gott þykir og full ástæða fyrir þig að taka örlítinn tima í að lesa þá stefnuyfirlýsingu sem þú gjarnan vitnar til. 

Stjórnarsáttmálinn

Gunnar Heiðarsson, 15.8.2012

Þögnin og staða Steingríms

 

 

 

Get ekki svarað betur og nenni ekki að lemja höfðinu núna í brusselska dýrkendaveggi.  Hverjum er ekki sama um ólýðræðislegan Jóhönnusáttmálann??  Þjóðin vill ekkert með þetta þvingunarveldi hafa.

[Ásthildur Cesil Þórðardóttir, 29.8.2012 kl. 23:17]

Og svo vogar þessi kerling sér að fara með utanríkisráðherra dana á Þingvöll af öllum stöðum, sem ætti í raun og veru að banna henni að stíga fæti á þ.e. Jóhönnu þessari landsölumanneskju.  Hún hefði átt að sjá sóma sinn í því að koma ekki nærri Þingvöllum með þetta landráðabrugg sitt segi og skrifa.  Segi ekki meir í bili því það gæti orðið mér óþægilegt síðar.

[Ásmundur (IP-tala skráð) 30.8.2012 kl. 00:00]

"ÞÚ SKALLT EKKI VOGA ÞÉR.........." 

Gunnar, þú ert ekki alveg í lagi. Hvað ætlarðu að endurtaka þessa fáránlega setningu oft?  

Það er fullkomlega í samræmi við lýðæðisreglur að leyfa þjóðinni að kjósa um aðild. Það er í rauninni hámark lýðræðisvitundar að samþykkja að það sé þjóðarinnar að taka ákvörðun um aðild jafnvel þó að maður sjálfur sé á móti henni. 

Þetta var frjálst val þingmanna VG enda greiddu sumir þeirra atkvæði gegn umsókninni. En jafnvel þeir geta ekki krafist þess að umræðunum verði slitið því að þeim ber að virða meirihlutasamþykktir flokksins eða yfirgefa hann ella. 

Þvingunin var öll á hinn veginn. Margir þingmenn Sjálfstæðisflokksins voru jákvæðir fyrir aðild, þar á meðal bæði formaður og varaformaður flokksins.

En það kom greinilega fyrirskipun að ofan. Enginn hafði hugrekki til að rísa gegn henni nema Ragnheiður Ríkharðsdóttir.  

Þetta var mál Samfylkingarinnar og því varð að stöðva það. Eins og Davíð hefur viðurkennt í viðtalsbók ÁHB tekur hann afstöðu gegn andstæðingnum þó að hann sé í hjarta sínu samþykkur málinu.Davíð ræður greinilega enn öllu í flokknum þó að hann sé óhæfur. 

Til viðbótar Sjálfstæðismönnum, sem gengu úr skaftinu, ákváðu þrír þingmenn Borgarahreyfingarinnar að ganga gegn eigin sannfæringu og kosningaloforði eftir að hótun þeirra um slíkt missti marks í Icesave-málinu. 

ESB-umsóknin var samt samþykkt með öruggum meirihluta 33 gegn 28. Ef allir hefðu kosið skv eigin sannfæringu hefði meirihlutinn verið yfirgnæfandi.

Þetta var meirihlutasamþykkt fyrir því að leyfa þjóðinni að kjósa um aðild en ekki fyrir aðild enda rangt að taka slíka afstöðu fyrr en samningur liggur fyrir.  

Að svíkja loforð sem var gefið þjóðinni um að hún fengi að skera úr um ESB-aðild að loknum aðildarvíðræðum, þegar samningur liggur fyrir, væri auðvitað mjög alvarlegt lýðræðisbrot.  

Brotaviljinn stafar greinlega af réttmætri hræðslu um að þjóðin samþykki samninginn. Því á að reyna að plata þjóðina til að hafna áframhaldandi viðræðum með blekkingaráróðri og koma þannig á sviksamlegan hátt í veg fyrir aðild og að blekkingarnar verði afhjúpaðar.    

[Elle_, 30.8.2012 kl. 00:07]

´Ásmundur´: >Gunnar, þú ert ekki alveg í lagi.<

Gunnar sagði ekki orð.  En skítt með Jóhönnusáttmálann.

[Ásmundur (IP-tala skráð) 30.8.2012 kl. 09:23]

Athugasemd Gunnars #6 var birt hér 15.8 sl. Hér er svar mitt frá því þá:

Hvort staðið hafi verið við allt í stjórnarsáttmálanum kemur málinu ekkert við. 

Ytri aðstæður geta valdið því að það sé ekki hægt eða hafi reynst of erfitt. Þá er hætt við ef um það er samkomulag á milli ríkisstjórnarflokkanna.

Það er allt annað mál ef annar aðili í stjórnarsamstarfi ákveður að standa ekki við stjórnarsáttmálann gegn vilja hins flokksins. Slík svik eru fáheyrð ef ekki einsdæmi. 

Ákvæði stjórnarsáttmálans, um að sótt skuli um ESB-aðild og aðldarviðræður til lykta leiddar með eftirfarandi þjóðaratkvæðagreiðslu, eru afdráttarlaus. Þar eru engir fyrirvarar.

Katrín virðist átta sig á þessu enda sagði hún að yfirlýsingar þeirra Svandísar hafi vakið harðari viðbrögð en tilefni var til. Auk þess sagði hún að engin hætta væri á stjórnarslitum vegna þeirra.

Það er hins vegar ljóst að ef VG myndu valda viðræðuslitum við ESB að þá er stjórnin fallin.

Fyrirvararnir í stjórnarsáttmálanum varða augljóslega önnur atriði. Þar er verið að árétta að VG styðji ekki aðild og eru því frjálsir að því tala gegn henni. Aðeins sé um að ræða skuldbindingu um að gefa þjóðinni kost á að kjósa um aðild.

Að sjálfsögðu er og verður haft samráð við hagsmunaaðila. En samráðið gengur ekki út á að hagsmunaaðilar ákveði hvort aðildarviðræður halda áfram.

Sú ákvörðun er í stjórnarsáttmálanum. Ef einhverjir hagsmunaaðilar hafa ekkert til málanna að leggja þá nær það ekki lengra. En það stöðvar að sjálfsögðu ekki aðildarferlið.

Ertu virkilega að gefa í skyn að það sé tilefni til að hætta við umsóknina ef einhver hagsmunaaðili neitar samráði? Að sjálfsögðu ekki.

Það má vera að þú sért duglegur að lesa stjórnarsáttmálann. En það dugar skammt ef þú rangtúlkar hann jafnillilega og í þessari athugasemd þinni.