Evran, sameiningartáknið, er að sundra Evrópu

Eftir hrunið varð evran sú tálbeita sem gaf aðildarumsókn Íslands byr undir vængi sumarið 2009. Nú vara æ fleiri við því að einmitt evran sem átti að stuðla að auknum samruna ESB verði fremur til að sundra Evrópu en sameina. ESB er við það að klofna í tvennt milli norðurs- og suðurs um Alpafjöll og Pyreneafjöll. Aðstæður eru gjörbreyttar.

 

„Evran má ekki verða að slíku bitbeini að hún grafi gjá á milli Norður-Evrópu og landanna í suðurhluta álfunnar, sem hafa átt í efnahagserfiðleikum að undanförnu,“ sagði Mario Monti, forsætisráðherra Ítalíu, s.l. sunnudag. „Mesti harmleikurinn fyrir Ítalíu og Evrópu væri að sjá evruna kljúfa álfuna, sem myndi ala á fordómum íbúa Norður-Evrópu gegn Suður-Evrópubúum og öfugt. Sú hætta er til staðar.“

 

Mats Persson, forstöðumaður hugveitunnar Open Europe í Bretlandi, ritar grein í breska blaðið The Daily Telegraph 20. ágúst s.l. um vaxandi spennu milli íbúa í Norður- og Suður-Evrópu, milli skattgreiðenda í norðurhlutanum sem er nóg boðið og suðurlandabúa sem hafa fengið sig fullsadda af fyrirmælum um niðurskurð að norðan. Hann segir að hið sorglegasta við evru-kreppuna sé að áform sem ætlað var að færa þjóðir nær hvor annarri stefni nú í að skilja þær í sundur. Hann nefnir fimm átakamál sem vert sé að hafa auga með næstu mánuði:

 

Grikkland gegn Þýskalandi: Mun Þýskaland – eða Alþjóðagjaldeyrissjóðurinn – láta landið sigla sinn sjó í haust. Hvaða leið sem farin verður mun auka pólitíska spennu milli Grikkja og Þjóðverja.

 

Spánn gegn norðrinu: Spánverjar kunna að fara fram á neyðarlán frá ESB í september. Vegna þess hve hagkerfi þeirra er stórt er ekki unnt að veita þeim samskonar neyðaraðstoð og Grikkjum. Spænska ríkisstjórnin sættir sig ekki heldur við að lúta efnahagsstjórn frá Brussel og Berlín.

 

Neyðarsjóðir gegn fullveldi: Stjórnlagadómstóll Þýskalands birtir 12. september niðurstöðu sína um hvort aðild að varanlegum björgunarsjóði evrunnar – the European Stability Mechanism (ESM) – samræmist þýsku stjórnarskránni. Hver sem niðurstaðan verður sýna málaferlin að ESM-sjóðurinn er illa þokkaður í Þýskalandi og að grundvallarágreiningur er milli stjórnmálamanna í norðri og suðri um stærð hans og hlutverk.

 

Holland gegn ESB: Hinn 12. september verður gengið til þingkosninga í Hollandi. Hollenskir sósíalistar, vinsælastir um þessar mundir samkvæmt könnunum, hafa lofað að leggjast gegn ríkisfjármálasamningi ESB og frekara framsali á valdi til ESB án þess að það sé samþykkt í þjóðaratkvæðagreiðslu.

 

Þýskaland gegn Frakklandi: Á það mun reyna á þessu hausti hvort ríkin á evru-ríkin taki næsta stóra skrefið í átt til sambandsríkis um efnahagsmál með sameiginlegu bankaeftirliti og útgáfu evru-skuldabréfa. Umræður um þetta kunna að breikka bilið milli Þjóðverja og Frakka. Þjóðverjar vilja fyrst pólitískt sambandsríki, það er aukin áhrif Þjóðverja á efnahagsstefnu annarra ríkja áður en þeir ábyrgjast hana. Frakkar vilja fyrst slaka á með því að nota Seðlabanka Evrópu og síðan huga að ákvörðunum um sambandsríkið. Hið nána samstarf Þjóðverja og Frakka mun ekki rofna en spennan innan þess magnast.

 

Í lok greinar sinnar segir Mats Persson: „Kreppan á evru-svæðinu hefur leyst úr læðingi pólitísk öfl sem enginn veit hvert stefna. Leiðtogar ESB-ríkja kunna að verða að velja milli evrunnar og fullveldis þjóða sinna eins og við þekkjum það núna. Hvort sem þeir velja vitum við ekki hvernig kjósendur í norðri eða suðri bregðast við niðurstöðunni.“

 

Heimildir: AFP, The Daily Telegraph og Evrópuvaktin

Umsóknin um aðild að Evrópusambandinu

Athugasemdir

[Jón Frímann Jónsson, 21.8.2012 kl. 12:56]

Nei.

[Lúðvík Júlíusson, 21.8.2012 kl. 13:26]

Kæra Vinstrivakt,

ef þið eruð að vitna í netheimildir þá væri mjög gagnlegt að vísa í slóðina.  Nafn blaða- og netgreinanna þarf að koma fram, nafn bókarinnar, höfundur og dagsetning.  Einnig væri mjög gott ef þið mynduð vísa í heimildir þar sem það á við í greininni sjálfri í stað þess að hafa þær allar í lokin.

Heimildir eru gagnlegar þegar þær eru notaðar rétt en ekki eins og gert er hér.  Við eigum ekki að þurfa að leita að heimildunum, þið eigið að vísa í þær.

bestu kveðjur

[Guðmundur Ásgeirsson, 21.8.2012 kl. 14:44]

ESM/EFSF og hvað svo sem þessir sjóðir heita, eru raunverulega bara skuldvafningar utan dóms og laga. Hluti af Enron-fléttu til að hylma yfir það sem er í raun ekkert annað en stórt og feitt gjaldþrot.

[Hilmar (IP-tala skráð) 21.8.2012 kl. 19:38]

Fyrir okkur sem eru þokkalega tölvuglögg, og getaq fundið bloggpistla á Telegraph á nokkrum sekúndum, er þessi pistill hrein skemmtilesning. Um sorglegt mál, en við getum réttlætt skemmtunina með tílvísun í að þetta sé tragikómedía.

Eftir lesturinn situr maður eftir með alveg nýjar skilgreiningar.

ESB er skuldabandalag Evrópu; og evran, "cheap money".

[Vinstrivaktin gegn ESB, 21.8.2012 kl. 21:54]

Það kemur skýrt fram í pistlinum að meginhluti hans er fenginn úr breska blaðiinu The Daily Telegraph 20. ágúst s.l. Evrópuvaktin er nefnd sem heimild vegna þess að þýðingin birtist þar og ástæðulaust þótti að endurþýða tilvitnanir.

[Ásmundur (IP-tala skráð) 21.8.2012 kl. 22:18]

Þegar vitnað er í heimild fer best á að gera það með hlekk á heimildina.

Ef það er ekki gert á pólitískri áróðurssíðu og frumheimildin ekki heldur birt innan gæsalappa er full ástæða til að efast um að rétt sé haft eftir og að heimildin sé ekki túlkuð frjálslega.

Ég les alltaf heimildir sem vísað er í með hlekk en sé sjaldan ástæðu til að hafa fyrir því leita að öðrum heimildum. Ég held að það eigi við um mjög marga, kannski flesta. 

Við sitjum því uppi með þá tilfinningu að tiltekin skrif geti verið bull.      

[Hilmar (IP-tala skráð) 21.8.2012 kl. 22:35]

Það er sko meira en tilfinning, Mundi. Öll þín skrif eru bull, og engar tilvitnanir gætu bjargað því við.

Hurru karlinn, er ekki lausnin á skuldavanda heimilanna bara að láta Seðlabankann prenta fullt af peningum?

[Gunnlaugur I., 21.8.2012 kl. 22:39]

Ásmundur - Við sitjum bara því miður uppi með þig hér á síðu "Vinstri Vaktarinnar gegn ESB" með þín tilteknu eilífu ESB sinnuðu skrif hér, sem eru að mínu mati hreint bull !

Ég held að þannig líti flestir lesendur þessarar síðu á þín skrif hér. Þú ert reyndar alls ekki að hafa nokkur einustu áhrif á skoðanir lesenda þessarar síðu!

[Ásmundur (IP-tala skráð) 21.8.2012 kl. 23:20]

Gunnlaugur, þú heldur margt og hefur yfirleitt rangt fyrir þér enda endurspegla skrif þín aðeins óskhyggju.

Hilmar er óttalegur kjáni sem hefur ekki vit á að halda sig frá umræðu um mál sem hann ber ekkert skynbrag á. 

Um daginn hélt hann því fram að Ísland gæti ekki lent í greiðsluþroti við útlönd því að ríkið gæti alltaf prentað peninga rétt eins og hægt væri að greiða erlendar skuldir með krónum.

Nú hlær hann að því að ríkið geti  prentað peninga til að greiða skuldir í eigin mynt þó. Þvílíkur rugludallur!

Hilmar, þú verður ekki gáfaður þó að þú látir sem þú sért það. Þú verður bara að athlægi.

[Hilmar (IP-tala skráð) 21.8.2012 kl. 23:37]

Hurru Mundi, það er ekki við mig að sakast, þó svo að þú haldir að peningar séu ekkert vandamál, bara prenta meira af þeim.

Mér finnst óþarfi að þú verðir svona sár, þó svo að fólk hlægi að þér, þú heitir ekki einu sinni Ásmundur, og enginn þekkir þig.

Ætli þetta sé ekki fyrsta sinn í sögunni sem tilbúin persóna verði svona rosalega móðguð?

Neibb kúturinn minn, þú sekkur bara einn, þýðir lítið að reyna einhverjar kúnstir og leggja öðrum til skoðanir eða orð, bara til að reyna að draga það niður með sér.

Annars legg ég til að ríkið bæti þér þér þennan álitshnekk upp, með ímynduðum peningum. Væri aldeilis fínt, þú getur þá verið ímyndunarsár, með ímyndaða peninga í ímyndaðri ESB Paradís.

[Ásmudur (IP-tala skráð) 22.8.2012 kl. 00:08]

Taugaveiklunarhlátur þess, sem í örvæntingu er að reyna að fela vanmátt sinn og takmarkað vit, snertir mig ekki. Ég hef enga samúð með þeim sem gera sig að fíflum.

En þér til fróðleiks get ég upplýst að öll ríki með eigin gjaldmiðil prenta peninga. Peningaprentun er þó beitt í hófi enda getur hún haft slæmar hliðarverkanir ef ekki er farið varlega.

Þó að peningaprentun leysi lausafjárvanda verður engin aukning á verðmæti fjármuna í umferð þó að krónum fjölgi. Aukin eftirspurn fylgir aukningu peninga í umferð. Vð það hækkar verðlag og krónan rýrnar að verðgildi.

[Hilmar (IP-tala skráð) 22.8.2012 kl. 00:45]

Hvað segir þú Múndón, búinn að skipta um skoðun?

Of seint, alltof seint. Það þýðir lítið að fletta í Víkípídíu, núna þegar ljónheppnir lesendur Vinstri vaktarinnar gegn skuldabandalagi Evrópu, ESB, eru búnir að hlægja sig máttlausa yfir steypunni í þér.

Það er þetta með kúkinn og brækurnar.

En ekkert er svo illt, að ekki boði gott. Með áframhaldandi niðurlægingu þinni hér, og reglulegum buxnaræpum, er aldrei að vita nema þú raunverulega lærir eitthvað.

Við sjáum það, þegar þú viðurkennir að evran er ruslpeningur sem flestir vilja losa sig við. Þá fyrst verður þú búinn að kúka þig til manns.

[palli (IP-tala skráð) 22.8.2012 kl. 06:46]

Hahaha....  Margur heldur mig sig. Ásmundur (Jón Frímann) vælir út í Hilmar en allt sem hann segir á við um hann sjálfan.

Hann er eins og trítilóður og skrækjandi páfagaukur að ráðast á spegilinn í búrinu, enda með álíka stóran heila.

Verst að geta ekki bara sett lak yfir búrið, eða hent honum út um gluggann, en svona er þetta.

Samt ágætt að hafa svona rugludall sífellt að opinbera sína sorglegu og vitfirrtu tilvist. Hann heldur að hann sé tekinn marktækur en ekki hlegið að dellunni í honum.

Þvílíkt fífl!  Hahaha...

Keep it up, stupid. Það er fátt jafn gott fyrir málstað aðildarandstæðinga en svona brandarar eins og þú.

[Ásmundur (IP-tala skráð) 22.8.2012 kl. 07:58]

Ekki ætla ég að verða valdur að því að Hilmar hrapi niðir i hyldýpið til palla þar sem geðveikin hefur tekið öll völd.

Hilmar er kominn á bjargbrúnina. Mál er að linni.

[palli (IP-tala skráð) 22.8.2012 kl. 08:25]

hahaha 

Já fyrst að þú segir það, þá er það auðvitað rétt, eins og allt sem kemur frá þér.

Þú ert nefnilega svo klár og jarðbundinn. Þú ert ekkert veruleikafirrtur vitleysingur, neinei, auðvitað ekki.

Reyndu nú bara að ná smá stjórn á þessari veruleikafirrtu óskhyggju þinni, að þú gangir yfirleitt heill til skógar.

Þú getur líka farið í greinarvísitölupróf og séð það svart á hvítu að þú átt ekkert erindi í viðræður við vitiborið fólk.

Ignorance is bliss.