Ögmundur: Fá mál hafa verið skoðuð eins ítarlega og ESB-málið

Ögmundur Jónason segir að ESB vilji þæfa málið og draga það á langinn. Íslendingar megi ekki láta bjóða sér að velkjast í þessu árum saman. Hann vill ekki fara með málið óútkljáð inn í nýtt kjörtímabil. Jón Bjarnason minnir á að hreyfingin VG var m.a. stofnuð til að verja sjálfstæði landsins og standa gegn aðild að ESB.

Tímaglasið er brátt útrunnið, sagði Ögmundur Jónasson, innanríkisráðherra, í viðtali við Mbl. nú fyrr í vikunni um stöðu mála varðandi umsókn Íslands um inngöngu í ESB og sagðist hafa rökstuddan grun um að sambandið sjálft vilji draga málið á langinn enda vilji það alls ekki að innganga í það verði felld hér á landi.

„Þannig yrðum við að velkjast í þessu árum saman þangað til niðurstaða fengist og það er eitthvað sem við getum ekki látið bjóða okkur. Ég tel reyndar að það sé komið á daginn hvernig þessi samskipti öll líta út og að það sé ekki eftir neinu að bíða að spyrja þjóðina álits.“

„Ég vil láta spyrja einfaldrar spurningar og hún er þessi: Á grundvelli þess sem þegar liggur fyrir, og með hliðsjón af því sem er að gerast innan Evrópusambandsins, vilt þú að Ísland fái aðild að sambandinu?“

„Við erum búin að lifa með þessu Evrópusambandi og öllu þessu aðlögunar- og aðildarferli núna í nokkur ár og að gefa sér það að það viti enginn neitt um það hvað hann er að tala þegar hann tekur afstöðu í skoðanakönnunum eða á opinberum vettvangi. Það er hrokafull afstaða. Það eru fá mál sem hafa verið skoðuð eins ítarlega ofan í kjölinn.“

„En nú er hins vegar að koma á daginn að menn vilja þæfa málið og draga það á langinn og það er nokkuð sem við getum ekki látið bjóða okkur. Þess utan er þetta svo eyðileggjandi fyrir allt þjóðlífið, hvort sem það er hinn pólitíski angi eða sá efnahagslegi, að hafa þetta hangandi yfir okkur. Þetta rífur allt samfélagið á hol og deilir því í fylkingar og hefur staðið ýmsum öðrum hagsmunamálum okkar fyrir þrifum auk þess sem þetta er náttúrulega gríðarlega kostnaðarsamt," segir Ögmundur ennfremur.

„VG hefur fært miklar fórnir í þessu ríkisstjórnarsamstarfi með Samfylkingunni, misst öfluga þingmenn, stuðningsfólk, félaga og baráttufólk úr forystusveit til þess eins að þóknast Samfylkingunni í ESB-umsókninni, þessu eina baráttumáli hennar.“ sagði Jón Bjarnason, alþingismaður á heimasíðu sinni s.l. miðvikudag og lagði áherslu á að flokkurinn hafi á sínum tíma meðal annars verið stofnaður til þess að verja sjálfstæði Íslands og standa gegn umsókn og aðild að ESB.

„Meirihluti þingflokks VG hefur því miður stutt dyggilega öll þau skref sem hingað til hafa verið stigin í aðildar- og aðlögunarferlinu að ESB og nú síðast lagst svo lágt fyrir tæpum tveimur mánuðum að samþykkja aðlögunarstyrkina, (IPA), peningana, dúsurnar sem ESB bauð til að greiða fyrir í aðlögun Íslands og aðild að sambandinu,“ skrifaði Jón.

Hann sagði það fagnaðarefni að fleiri þingmenn VG lýsi nú efasemdum um umsóknina um aðild að ESB en lagði áherslu á að orðum fylgi efndir. „Orð eru til alls fyrst en að sjálfsögðu verður spurt um trúverðugleikann og efndir í þeirri umræðu.“

Athugasemdir

[Sigurður #1 (IP-tala skráð) 18.8.2012 kl. 13:12]

En að halda þjóðaraktvæðagreiðslu um hvort eigi að halda viðræðunum áfram?

Spurningin gæti þá verið, "vilt þú að næsta ríkisstjórn haldi viðræðunum áfram og setji samning í þjóðaratkvæði, eða slíti viðræðum strax og hætti þessu.

Væri þessi spurning þóknanleg andstæðingum ESB?

Að leyfa þjóðinni að ákveða það sjálf hvort ferlið verði klárað enda endað strax?

[Pétur Örn Björnsson (IP-tala skráð) 18.8.2012 kl. 14:40]

Hjá þinginu hófst þetta ferli, með valdnauðgun þar fyrir rúmum 3 árum

og án þess að spyrja þjóðina um svo gríðarlega mikla ákvörðun.

Það átti að fela skít bankaglæpamanna undir Brusseldreglinum.

Samansúrrun Icesave og ESB hefur margoft komið fram og verið rakin af Atla Gíslasyni á óyggjandi hátt.  Enginn hefur enn mótmælt þeim orðum Atla.  Enginn þingmaður,  enginn ráðherra hefur dregið þau orð Atla í efa.

Þinginu ber, í ljósi allra aðstæðna og almenns vantrausts á því,

að sjá sóma sinn í því, að afgreiða málið til þjóðaratkvæðagreiðslu.

Þjóðaratkvæðagreiðslu eigi síðar en nóvember 2012.

Spurningin er einföld:

Vilt þú að aðildarferlinu að ESB verði haldið áfram?

Ég segi Nei.  Ég vil heiðarlegt uppgjör hér innanlands og þegar því er lokið, þá fyrst má endurskoða málið, en einungisa í sátt og samlyndi við almennan þjóðarvilja.

[Birgir (IP-tala skráð) 18.8.2012 kl. 15:32]

Þorsteinn Pálsson upplýsir í Fréttablaðinu í dag að "fyrir nokkrum vikum samþykktu ráðherrar VG, þar sem þeir sátu við ríkisstjórnarborðið í Stjórnarráðshúsinu, samningsmarkmið Íslands í peningamálum fyrir viðræðurnar við Evrópusambandið, m.a. upptöku Evrunnar. Um þetta ríkti fyrirvaralaus eining í ríkisstjórn". Sjá http://www.mbl.is/frettir/innlent/2012/08/18/evran_samthykkt_fyrirvaralaust/

Fyrir einungis nokkrum vikum!

Og nú talar þetta sama fólk um að það þurfi að "endurskoða" umsóknina ... og heldur að einhver taki mark á því??

Nei, ráðherrar VG hafa allir með tölu fyrirgert trúverðugleika sínum og það tekur einfaldlega ENGINN lengur mark á neinu sem þetta fólk segir. Ögmundur er þar ekki undanskilinn og það er óneitanlega með vissum vonbrigðum sem maður flokkar hann nú með raðlygaranum Steingrími J.

[Ásmundur (IP-tala skráð) 18.8.2012 kl. 22:20]

Valdnauðgunin sem Pétur minnist á var öll á hinn veginn. Hún náði þó ekki tilætluðum árangri.  

Margir sjálfstæðismenn voru jákvæðir gagnvart ESB-aðild þar á meðal formaður og varaformaður flokksins.

En valdanauðgunin innan Sjálfstæðisflokksins kom í veg fyrir að þeir kysu skv eigin sannfæringu. Aðeins Ragnheiður Ríkharðsdóttir hafði hugrekki til þess.

Fleiri þingmenn greiddu ekki atkvæði skv eigin sannfæringu. Þar á meðal voru þrír þingmenn Hreyfingarinnar sem seldu sannfæringu sína og sviku kosningaloforð í tilraun til að hafa áhrif á Icesave. 

Þannig hefði ESB-umsóknin verið samþykkt með  yfirgnæfandi meirihluta ef allt hefði verið með felldu.

Engin nauðgun átti sér stað í VG eða Samfylkingunni vegna ESB-umsóknarinnar. Samfylkingin var einhuga í málinu án þess að þrýstingi væri beitt. Þingmenn VG greiddu atkvæði sitt á hvað skv eigin sannfæringu. 

Þingmenn VG tóku þó fram að þeir styddu ekki aðild en töldu að svona stórt mál ætti að koma til kasta þjóðarinnar og samþykktu því aðildarumsókn.

[Elle_, 19.8.2012 kl. 12:38]

Sigurður1 vill klára ferlið og sjá samninginn.  Hvaða ´samning´, Siguður?  Og hví ættum við að ´klára ferli´ sem var nauðgað í gegn í fyrstunni án aðkomu þjóðarinnar?  Og sem dregst og dregst á langinn?   Og sem kostar okkur offjár í þokkabót?

Við vorum aldrei í neinum ´samningaviðræðum´ og ættum að hætta að nota þetta rangyrði.  Málið snýst um upptöku Brussellaga, um 100 þúsund blaðsíðna af óumsemjanlegum lögum.  Það þarf enginn að segja að þú vitir þetta ekki.

[Sigurður #1 (IP-tala skráð) 19.8.2012 kl. 18:37]

Elle,

Klára þá "aðildarviðræðurnar", en ekki samningaviðræðurnar ef mönnum finnst skipta einhverju máli hvað þetta er kallað.

Og klára þetta einfaldlega til að þjóðin geti sjálf ákveðið hvort hún vilji inn eða ekki á grundvelli skriflegra og óumdeildra staðreynda en ekki misvísandi fullyrðinga jóns og gunnu úti í bæ.

Er eitthvað að því?

[Elle_, 19.8.2012 kl. 19:37]

Sigurður, hvað viltu eyða löngum tíma og miklum skattpeningum í að klára að rústa embættum og stofnunum landsins svo þau falli að lögum ríkja á meginlandinu?  Og með mútustofu þeirra opna í landinu?  Nei, segi ég, ekki fyrr en þjóðin sjálf hefur sættst á það.  Og það gerðist ekki.  Það er verið að draga hinar svokölluðu ´viðræður´ endalaust.  Viljandi.

[Elle_, 19.8.2012 kl. 20:40]

Það er líka ómerkilegt að vera að ýja að því eins og Brusselsinnar gera í sífellu og þú gerðir sjálfur þarna að við viljum ekki lýðræði þegar við höfum verið að fara fram á það oft og lengi.

[Ásmundur (IP-tala skráð) 19.8.2012 kl. 20:56]

Elle, hvaða heilaþvottastöð hefur farið svona með þig? Hefurðu hugleitt að lögsækja hana?

[Elle_, 19.8.2012 kl. 21:27]

Heyrðu ´Ási´, var það á heilaþvottastöðvum sem þið í hverfandi flokki Jóhönnu lærðuð að kallast ´Ásmundur´ og vera vinnumenn EC COMMISSION?  Veit yfirstjórn Hagstofu Íslands (ICELAND STATISTICS) um þetta?

[Elle_, 19.8.2012 kl. 21:48]

Hinsvegar var svar Hilmars nærra lagi.  Hann sagði: Einungis fáráðlingar vilja þarna inn. Fólk sem hefur ekki það nauðsynlegasta fyrir heilaþvott. Heilann sjálfan.

[Ásmundur (IP-tala skráð) 19.8.2012 kl. 23:10]

Elle, gott hjá þér að vera með með þessa tilvitnun í skrif Hilmars. Hún er mjög dæmigerð fyrir andstæðinga aðildar þó að hún sé að vísu með alversta móti.

Innantóm slagorð og upphrópanir eru ær og kýr andstæðinga aðildar. Hvergi örlar á rökum. Að vilja ekki aðild eru ekki rök þó að þú hafir haldið því fram.

[Elle_, 19.8.2012 kl. 23:27]

Að vilja ekki eru rök.  Og svo hefurðu ekki efni á að gagnrýna Hilmar.  Hann var augljóslega að svara skítlegu commenti þínu um heilaþvott.  Og svo var það líka satt sem hann sagði um ´yfirþjóðlegu glæpasamtökin´.

[Ásmundur (IP-tala skráð) 19.8.2012 kl. 23:42]

Elle, þú ert ekki viðræðuhæf.

Þú verður að fara að gera kröfur til sjálfs þín ef einhver á að taka mark á þér.

Að halda því fram að "ég vil" séu rök er fáránlegt.

[Elle_, 19.8.2012 kl. 23:58]

Að vilja ekki eru rök fyrir að segja NEI.  Verst það verður að stafa það ofan í þig, aftur og aftur og aftur, færslu eftir færslu.  Vilji þjóðin ekki dýrðina ykkar, dugir 1 NEI.  Voðalega ertu annars taugaveiklaður núna.  Þú veist aumi litli hverfandi ömurlegi flokkurinn ykkar er með gjörtapað skítlegt mál.

[Ásmundur (IP-tala skráð) 20.8.2012 kl. 00:08]

Nei, það eru aldrei rök.

En það getur verið ástæða fyrir þá sem telja sig ekki þurfa að rökstyðja mál sitt eins og sérhagsmunaaðilar. Þeir geta auðvitað ekki rökstutt hvers vegna þeir eigi að stórgræða á sameign þjóðarinnar á kostnað almennings.

Rok höfða til þess sem er réttlætanlegt eða rökrétt afleiðing en ekki bara hvað maður vill.

[palli (IP-tala skráð) 20.8.2012 kl. 08:30]

Þarftu ekki bara að reyna að ná örlitlum tökum á þessari þráhyggju þinni, Ásmundur.

Þú ert eins og vangefinn páfagaukur sem gargar endalaust eitthvað óskiljanlegt röfl.

Heldurðu að þú sért virkilega að ná einhverjum árangri með þessum trúarofstækisáróðri þínum?

Leitaðu þér hjálpar við þessum geðrænum erfiðleikum þínum. Jésús hvað þú ert bilaður einstaklingur!!