Er hægt að endurheimta traustið?

Betra seint en aldrei hugsa eflaust einhverjir félagar í Vinstri grænum nú, þegar svo virðist sem meirihluti þingflokksins sé að snúast á sveif með óbreyttum félögum í andstöðu sinni gegn ESB-aðildarviðræðunum. En traustið er laskað. Það þarf að taka nokkuð myndarlega á ef unnt verður að endurheimta traust þeirra kjósenda sem trúðu því í aðdraganda síðustu kosninga að stuðningur við VG væri öruggasta leiðin til að vinna gegn aðild Íslands að ESB.

 

Framundan er flokksráðsfundur vinstri grænna. Þótt rætt verði um utanríkismál og Ísland á norðurslóð í einum málefnahópnum eru engar almennar stjórnmálaumræður á fundinum eins og bent hefur verið á hér á Vinstrivaktinni. Þótt sumum forsvarsmönnum flokksins þyki eflaust leiðinlegt að sitja undir gagnrýni flokkssystkina sinna í almennum umræðum þá hafa þær fram til þessa verið vettvangur fyrir frjálsa umræðu án annarra fjötra en þröngra tímamarka. Reynslan mun sýna hvort unnt verður að halda umræðunni jafn lifandi með hinu nýja fyrirkomulagi eða ekki. Því miður hafa margir einlægustu ESB-andstæðingarnir í flokknum þegar hrökklast á brott og ekki fundið sig í flokknum. Aðrir hugsa sinn gang. Hvort þetta fólk mun skila sér í flokksstarfið á nýjan leik eða ekki veltur meðal annars á því hvað gerist á næstu vikum. Í gærkvöldi ályktaði VG í Reykjavík á þann veg að ókyrrðin leynir sér ekki, ólgan er víða að koma upp á yfirborðið en ekki auðvelt að ráða í það hvort og hvertnig brugðist verður við því frekar en öðru.

 

Ef Vinstri græn ná að stöðva þá ESB-vegferð sem þorri þjóðarinnar og ekki síst stuðningsfólk VG er andvígt þá má vera að traustið megi endurheimta. Enn er allt óljóst um það hvort það sé raunverulegur vilji og geta til að gera það. - ab

Athugasemdir

[Anna Sigríður Guðmundsdóttir, 16.8.2012 kl. 13:11]

Vinstri Grænir eru bara að tala um frestun fram yfir kosningar. Það er augljóst.

Ögmundur vill láta kjósa um skoðun þjóðarinnar, en ekki afgerandi afstöðu þjóðarinnar til ESB, í þjóðaratkvæðagreiðslu í haust.

Orðalag og merking þeirra, skiptir öllu máli í spillingarheimum og dómsmála-völundarhúsum spillingarinnar.

Ekki treysti ég manni sem er með "lífverði" við heimili sitt, til að "verja hann" sem talsmann lýðræðis og almennings. Hvað gera "lífverðirnir" ef Ögmundur gerir ekki eins og "lífverðirnir" vilja, heldur fer eftir vilja almennings?

Ég bið fólk um að taka ábyrgð á skoðunum sínum, lýðræðinu og samfélaginu öllu, og horfast í augu við blekkingarnar sem hafa alla tíð stjórnað pólitíkinni, og gera enn.

M.b.kv.

[Hilmar (IP-tala skráð) 16.8.2012 kl. 14:02]

Er hægt að endurheimta traustið?

Nei, það er ekki hægt.

Framlög kjósenda við flokkinn verða skorin niður um a.m.k. 50%, sem er eðlilegur niðurskurður í ljósi þess hversu illa flokkurinn misfór með atkvæðin sem þeim var treyst fyrir.

Og auðvitað á það að vera svo. Það gengur ekki í lýðræðisríki að flokkar geti komið fram kortéri í kosningar, og treyst á að yfirbót færi þeim fyrirgefningu og endurnýjað umboð.

Yfirbót og fyrirgefning í framhaldi af henni, er andlýðræðisleg. Flokkur sem svíkur loforð sín og stefnumál á ekki að fá endurnýjað umboð. Sá sem svíkur sín stefnumál og loforð blygðunarlaust, gerir það aftur, við fyrsta hentuga tækifæri. Svikulir starfsmenn eru reknir, það er eðlilegt, og allir búast við því. Þannig reynum við að halda uppi siðferði.

Persónulega er mér nákvæmlega sama hvort þingmenn VG skipti um skoðun á þessum tímapunkti. Ég er búinn að sætta mig við, að þessi stjórn hangi út kjörtímabilið, valdanna vegna. Hún er ófær um að koma sínum verstu málum í gegn, þ.m.t. ESB aðlöguninni, og landsmenn vera bara að þreyja þorrann, góuna og einmánuð.

Þeir þingmenn VG sem viðurkenna að ESB aðlögunin hafi verið misráðin, eiga að segja af sér. Hinir verða reknir. Þeir sem segja af sér, geta hlotið fyrirgefningu landsmanna, þó svo að þeir fái starfið ekki aftur.

[Anna Sigríður Guðmundsdóttir, 16.8.2012 kl. 14:17]

Hilmar. Ég tek undir þín orð hér. Réttlætiskennd almennings er stórlega misboðið. Meðan réttlætiskennd almennings er misboðið, er ekki von á siðferðislegu og réttlátu samfélagi.

Allir flokkseigendur ættu að taka þá staðreynd til athugunar.

M.b.kv.

[Pétur Örn Björnsson (IP-tala skráð) 16.8.2012 kl. 19:07]

Sammála Hilmari og Önnu Sigríði. 

Þegar valdhafar beita ríkisvaldinu, markvisst og ítrekað,

og misbjóða þannig réttlætiskennd almennings, þá rofnar friðurinn.

Slíkt er að gerast hér, slíkt er að gerast út um allan heim.

Ekkert er fast, þó valdhafar haldi það alltaf, í hroka sínum og vitfirru.

Nei, traust til þannig valdhafa verður ekki endurheimt.

Vatnið streymir og einnig 4-Flokkurinn mun fyrr en síðar líða undir lok.

Því trúa ekki hinir hræddu, sem alltaf reisa sér stundleg virki,

en öll hrynja virkin að lokum.  Það er sagan.  Það er vatnið.  Það er lífið.

[Vinstrivaktin gegn ESB, 16.8.2012 kl. 20:33]

Svör ykkar eru ákveðin vísbending sem kemur því miður ekki á óvart. Óskandi væri að VG bæru gæfu til þess á lokametrunum fyrir kosningar að standa fyrir þjóðaratkvæðagreiðslu um raunverulegan vilja þjóðarinnar til að ganga í ESB (sem er ekki fyrir hendi) og slægi aðildarviðræðurnar af. Það er ekki víst að það dygði til að endurheimta traustið en það væri sannarlega þarft.

[Ásmundur (IP-tala skráð) 16.8.2012 kl. 22:53]

Það er ótrúlegt að sjá hvað menn hafa hér fram að færa. Þvílíkt rugl! Þvílík veruleikafirring!!!

Einar Benediktsson fyrrum sendiherra í grein í Fréttblaðinu í dag:

"Það er ekki aðeins augljós hagur okkar Íslendinga að ljúka aðildarviðræðunum. Öllu heldur yrði það álitshnekkir að hlaupa frá þeim samningum aðeins vegna þess að Evrópusambandið er blóraböggull í vandræðalegri stjórnmálaumræðu. Umfram annað er nauðsynlegt að hafa ávallt í huga að aðild að samstarfi Evrópuþjóða er verkefni ókominna ára og kynslóða. Hér ráða ekki skyndisjónarmið um misskilinn pólitískan ávinning í næstu kosningum. Nú er réttur tími fyrir Íslendinga að ráða því máli til lykta að okkar staða er í hópi fullgildra þátttakenda í því eina þjóðasamstarfi sem við tilheyrum – Evrópu."

Hér er öll greinin:

http://evropa.blog.is/blog/evropa/entry/1253387/

[Hilmar (IP-tala skráð) 16.8.2012 kl. 23:03]

Sjáðu til Mundi minn, þessi vandræði eru alfarið ykkar Samfylkingarmanna. Ykkur var nær að reyna að troða okkur inn í samband, sem við viljum ekki fara í, af ástæðum sem öllum eru kunnar.

Vissulega verður hlegið að ykkur Samfylkingarfólki, og Össur þarf sennilega að ferðast með hauspoka í Evrópu á næstunni, en, aftur, ykkar vandramál, ekki okkar hinna.

Við segjum eins og í nauðgunarmálunum, sendum skömmina þangað sem hún á heima.

[Elle_, 16.8.2012 kl. 23:10]

Brusselsambandið blóraböggull?  Litla saklausa ICESAVE-veldið með hótanirnar um þvinganir ef við ekki hlýðum??  En leiðinlegt.

[Helga Kristjánsdóttir, 17.8.2012 kl. 02:08]

Er samherjum mínum hjartanlega sammála. Gott að líta hér inn,finna hve við stöndum saman um að verja þjóðríki vort.

[palli (IP-tala skráð) 17.8.2012 kl. 06:58]

Ó, Ásmundur vitnar í einhvern mann!!!

Hvað með að vitna í sjálft ESB og þau orð sem eru í fullkominni mótsögn við lyga áróðurinn sem vellur upp úr þér?

Örvæntingarfullur fáviti sem getur ekkert sagt, sem ekki er fullt af lygum og hroka. Of heimskur til að tjá sig á meðal vitiborinna manna.

Mannlegur brandari og andlegur harmleikur.

Það verður fróðlegt að fylgjast með fíflinu þegar þessu kjaftæði verður troðið ofan í kokið á honum, og stappað ofan á, í síðasta lagi í næstu kosningum.

Vonandi missir hann sinn auma lífsvilja og við losnum við dellugrautinn fyrir fullt og allt.

[palli (IP-tala skráð) 17.8.2012 kl. 07:00]

Og varðandi VG og þeirra lygar:

Fool me once, shame on you. Fool me twice, shame on me.

Þarf að segja eitthvað meira?

[Ásmundur (IP-tala skráð) 17.8.2012 kl. 07:58]

Grey Hilmar að vera andsetinn af Samfylkingunni.

Hann hefur viðurkennt að hún stjórni hans skoðunum og þar með lífi hans. Ef Samfylkingin er hlynnt einhverju segist Hilmar vera á móti. Doddsson er fyrirmyndin.

Þannig kemst hann hjá því að hugsa og getur einbeitt sér að því að reyna að græða á daginn og grilla á kvöldin.

Verst hvað þetta samrýmist illa löngun hans til að vera gáfaður.

[palli (IP-tala skráð) 17.8.2012 kl. 09:19]

Heldurðu að þú sért eitthvað sniðugur og fyndinn, litla viðrini.

Geturðu kanski útskýrt fyrir okkur þinn eigin sjúka hugarheim?

Hvernig stendur á því að þú hefur mært og lofað þetta ESB þitt, en svo ef því er mótmælt þá eru þeir bara asnar því að einhver aðlögunarsamningur liggur ekki fyrir?

Þannig að þú þykist vita allt, en aðrir geta ekki vitað neitt út af skorti af einhverjum samning, sem sjálft ESB segir ónauðsynlegt til að fá úr því skorið hvað sé í boði, enda samningur um aðlögun að óumsemjanlegu regluverki ESB.

Þú ert lygari og andlegur aumingi, og farðu bara með bænirnar að við hittumst aldrei.

Aumasta afsökun fyrir mannveru sem nokkru sinni hefur fæðst.

Úrhrak.

[palli (IP-tala skráð) 17.8.2012 kl. 09:24]

Djöfull andskoti glæjar mig í puttana að hitta þig, Ásmundur.

Blogghaldari, geturðu sent mér upplýsingar um Ásmund, hvað svo sem þær eru litlar. Það þarf að taka í lurginn á þessu ógeði.

[Elle_, 17.8.2012 kl. 19:08]

´Ásmundur´, fyrr kysi ég að hafa Davíð Oddsson í ríkisstjórn, einsamlan, en allt núverandi ríkisstjórnarlið (ekki það að honum finnist það nein meðmæli).  Og ég hef aldrei kosið Sjálfstæðisflokkinn.  Hann stendur manna harðast gegn Brussel-ruglinu og nauðunginni ICESAVE.  Það má virða að maðurinn berst fyrir fullvalda Íslandi.