Hafa skal það sem réttara reynist

Í byrjun vikunnar var kynnt enn ein könnunin sem átti að sýna fram á að landsmenn vildu halda áfram aðildarviðræðum við hið óstöðuga ESB. Það var reyndar áður en ESB sundraðist enn meir og Icesave draugurinn var vakinn upp.

Í þessari könnun var rétt einu sinni stuðst við spurningu sem hefur fengið falleinkum sérfræðinga í skoðanakönnunum, spurt var:

Hvort myndir þú heldur kjósa: 1) Að draga til baka umsókn um aðild að Evrópusambandinu, eða 2) Að ljúka aðildarviðræðum við Evrópusambandið og halda þjóðaratkvæðagreiðslu um aðildarsamninginn?

Sú spurning (2) sem fékk fleiri jákvæð svör er í raun tvær spurningar og sú síðarnefnda kallar á jákvætt svar, hvert svo sem innihald spurningarinnar er að öðru leyti. Hver vill vera á móti þjóðaratkvæðagreiðslu? Þessi aðferðafræði stangast á við allt sem rétt er talið í gerð skoðanakannana. Það vita þeir sem að henni standa mætavel, en halda áfram að notast við hana. Verður þó ekkert réttari fyrir það. Rúnar Vilhjálmsson prófessor í Háskóla Íslands bar fyrir skömmu saman þrjár kannanir sem studdust við mismunandi spurningar, þar af svona tvöfaldar spurningar, og má hlusta á mjög áhugaverða umfjöllun hans á YouTube:

http://www.youtube.com/watch?v=__Oe0A1YlHg

Hafa skal það sem sannara reynist.

Athugasemdir

[Ásmundur Harðarson (IP-tala skráð) 15.12.2011 kl. 15:25]

Já hérna! Heyr á endemi!

Ef það hefði breytt einhverju að sleppa því að nefna þjóðaratkvæðagreiðslu í spurningunni sýnir það aðeins að það var rétt að hafa hana með.

Þjóðaratkvæðagreiðsla er nefnilega óhjákvæmilegur og mjög mikilvægur fylgifiskur þess að ljúka viðræðum.

Önnur niðurstaða hefði aðeins sýnt að einhverjir hefðu ekki kosið í samræmi við mkilvægar staðreyndir sem haldið var leyndum fyrir þeim. Su niðurstaða hefði því verið röng.

Samanburðardæmið sem Rúnar Vihjálmsson nefndi sýnir vel á hve miklum villigötum hann er. Það er nefnilega alls ekki innifalið í spurningu um afstöðu til líflátsdóma að það sé að undangenginni þjóðaratkvæðagreiðslu.

Það er greinlega víða pottur brotinn hjá prófessorum í HÍ enda ekki við öðru að búast eins og stöðuveitingum hefur verið háttað þar lengi.

Hafa skal það sem sannara reynist.

[Vinstrivaktin gegn ESB, 15.12.2011 kl. 16:31]

Ætli það sé ekki farsælast að hver hlusti fyrir sig, og þarf enginn að gera það gegnum eyru Ásmundar. Til þess er tengillinn settur þarna.

[Ásmundur Harðarson (IP-tala skráð) 15.12.2011 kl. 18:20]

Hver vill ekki þjóðaratkvæðagreiðslu, spyr Vinstrivaktin og gefur þar með í skyn að það vilji flestir ef ekki allir.

Gefum okkur að Vinstrivaktin hafi rétt fyrir sér og að þjóðin vilji þjóðaratkvæðagreiðslu. Til að fá þjóðaratkvæðagreiðslu þarf að ljúka viðræðum. Þar af leiðir að þjóðin vill ljúka viðræðum.

Ömurlegt að prófessor við HÍ skuli ekki skilja jafn einfalda röksemdafærslu. Hann telur beinlínis rétt að leyna þátttakendur í könnuninni mikilvægum staðreyndum til að fá fram ranga niðurstöðu.

[Vinstrivaktin gegn ESB, 15.12.2011 kl. 19:33]

Ásmundur! Hvað merkir að ljúka viðræðum? Það getur til dæmis merkt að ljúka viðræðum með samningi. En það getur líka merkt að ríkisstjórnin segi: nú er komið nóg, við sjáum hvað í boði er og þar með stöndum við upp frá viðræðunum og þeim er lokið. Síðan mætti kjósa um þá ákvörðun. Það er einmitt þessi seinni kostur sem við á vinstrivaktinni kjósum, ekki síst með tilliti til þess að mikill meiri hluti þjóðarinnar hefur alltaf svarað því aðspurður í skoðanakönnum frá því að viðræður hófust að hann sé andvígur inngöngu í ESB. Það er undarleg meinloka hjá þim sem halda að þjóðin geti ekki tekið afstöðu til inngöngu í ESB án þess að fullbúinn samningur liggi fyrir. - RA

[Ásmundur Harðarson (IP-tala skráð) 15.12.2011 kl. 21:09]

Hefur það nokkurn tímann gerst að ESB-viðræðum hefur verið slitið vegna þess að samkomulag náðist ekki?

Er það kannski hlutverk Jóns Bjarnasonar að sjá til þess að það gerist nú í fyrsta sinn? Er það skýringin á hinni ótúlega fráleitu kröfu hans um verndartolla fyrir íslenskar landbúnaðarvörur?

Má ég minna á að Vinstri grænir hafa samþykkt að þjóðin eigi að fá að kjósa um aðild og að ríkisstjórnin hefði aldrei verið mynduð ef ekki hefði komið til samkomulag ríkisstjórnarflokkanna um þetta atriði. Þetta væru því hrein svik.

Skoðanakannanir um ESB-aðild eru algjörlega ómarktækar meðan samningar liggja ekki fyrir. Afstaða fólks byggjist að miklu leyti á blekkkingaráróðri andstæðinga aðildar sem hefur verið yfirgnæfandi í umræðunni og þess eðlis að menn nenna almennt ekki að svara honum.

Skoðanakannanir um hvort slíta eigi aðildarviðræðum eru hins vegar marktækar enda liggja fyrir allar upplýsingar sem skipta máli.

Þetta á þó aðeins við ef ekki er verið að leyna þeim eins og hér er ekki bara verið að réttlæta heldur beinlínis að gera kröfu um að sé hið eina rétta.

[Elle_, 16.12.2011 kl. 00:55]

Ásmundur nefndi svik.  Já, svikin hófust þegar Steingrímur dró VG í eina sæng með Jóhönnu og co. á bak við tjöldin.  Gegn kjósendum VG.  Gegn stefnu VG.  Og sóttu svo um í erlendu ríkjasambandi og verðandi stórríki gegn stjórnarskrá og spurðu ekki þjóðina sem VILDI VERA SPURÐ.  Það kom fram í júní, 09 að yfir 70% þjóðarinnar vildi þjóðaratkvæði fyrir verknaðinn.  Við værum þá væntanlega ekki í þessum fávitalegu sporum nú.  Vorum við að tala um svik? 

[Ásmundur Harðarson (IP-tala skráð) 16.12.2011 kl. 08:30]

Elle, ríkisstjórnir fylgja stefnu sinni en láta ekki síbreytilegar skoðanakannanir stjórna sér. Tal þitt um svik í þessu samhengi er því auðvitað fráleitt.

Vinstri grænir ákváðu með lýðræðislegum hætti að styðja aðildarviðræður. Skv nýjustu skoðanakönnun eru 76% af kjósendum Vinstri grænna fylgjandi því að aðildarviðræður verði til lykta leiddar. Tal þitt um svik í þessu sambandi er því auðvitað fráleitt.

Það er algjörlega samrýmanlegt að VG séu hlynntir því að þjóðin kjósi um aðild og að þeir séu á móti aðild. Slíkt sýnir aðeins lýðræðislegan þroska. Að sjá það ekki bendir til skorts á slíkum þroska.

Það eru hins vegar svik ef ráðherra vinnur gegn stefnu þeirrar ríkisstjórnar sem hann situr í. Ef stefnan samrýmist ekki samvisku hans ber honum að segja af sér.

Það skiptir engu máli þó að hann telji stefnu ríkisstjórnarinnar ekki samrýmast stefnu flokksins. Í samsteypustjórnum verða flokkar alltaf að gefa eftir einhver af sínum stefnumálum.

[Andstæðingur inngöngu Íslands í Esb. (IP-tala skráð) 16.12.2011 kl. 10:36]

Jóhanna sagði; "Atkvæðagreiðslan er einungis ráðgefandi samkvæmt lögum um alþingi og hver þingmaður er bundinn af samvizku sinni eingöngu".

Svik vg eru  mikið meira en "gefa eitthvað eftir af stefnumálum sínum".

[Guðmundur 2. Gunnarsson (IP-tala skráð) 16.12.2011 kl. 10:53]

Ætla að óska samfylkingarmanninum til hamingju með ótrúlegustu skrif sem ég hef lesið lengi.  Annað eins er vandfundið þó svo að margir ótrúlegir ganga erinda auðrónans og fylkingarinnar hans hafa látið lítil ljós loga á veraldarvefnum á bloggsíðum sem þessari.

Þetta er samt ekki það "dýpsta" í hans skrifum:

"Ríkisstjórnir fylgja stefnu sinni en láta ekki síbreytilegar skoðanakannanir stjórna sér. Tal þitt um svik í þessu samhengi er því auðvitað fráleitt.

Vinstri grænir ákváðu með lýðræðislegum hætti að styðja aðildarviðræður. Skv nýjustu skoðanakönnun eru 76% af kjósendum Vinstri grænna fylgjandi því að aðildarviðræður verði til lykta leiddar. Tal þitt um svik í þessu sambandi er því auðvitað fráleitt.

.......

Vefþjóðviljinn 320. tbl. 15. árg.

MMR hefur að beiðni Andríkis kannað viðhorf manna til aðildarviðræðna íslenskra stjórnvalda við Evrópusambandið.

Spurt var:

Hversu fylgjandi eða andvíg(ur) ertu því að íslensk stjórnvöld dragi umsókn um aðild að Evrópusambandinu til baka?

Niðurstöðurnar eru afdráttarlausar. Minnihluti, 35,3%, vill halda umsókninni til streitu en 50,5% vilja draga umsóknina til baka.

Könnun MMR fyrir Andríki var gerð 10. til 14. nóvember 2011. Svarendur voru 879. Könnunina í heild sinni má finna hér.

Vert er að vekja athygli á því að hér er spurt með einföldum og skýrum hætti um málið. Fréttablaðið hefur stundum spurt um þetta sama mál en jafnan hrært þjóðaratkvæðagreiðslu saman við annan svarmöguleikann til að gera hann girnilegri.

Nú berast einnig tíðindi af því að Capacent Gallup hafi látið sig hafa sig út í að spyrja með sama hætti og Fréttablaðið. Þar mun spurt á eftirfarandi hátt:

Hvort vilt þú slíta aðildarviðræðum við ESB eða ljúka aðildarviðræðum og fá að kjósa um samning í þjóðaratkvæðagreiðslu?

1.         Slíta aðildarviðræðum.

2.         Ljúka aðildarviðræðum við ESB og fá að kjósa um samninginn í þjóðaratkvæðagreiðslu.

3.         Vil ekki svara.

4.         Veit ekki.

Hér er svarendum gert að hafna þjóðaratkvæðagreiðslu vilji þeir slíta viðræðum. Er það sanngjarnt? Hvað ætli kæmi út úr könnun þar sem gefnir væru eftirtaldir kostir?

1. Slíta aðildarviðræðum og ganga til þjóðaratkvæðis um framhaldið.

2. Ljúka aðildarviðræðum við ESB.

..........

Meirihluti Íslendinga vill ekki sækja um inngöngu í ESB

12. apr 2009

Meirihluti Íslendinga er sem fyrr andvígur því að sótt verði um inngöngu í Evrópusambandið samkvæmt niðurstöðum nýrrar skoðanakönnunar fyrir Fréttablaðið og Stöð 2 sem birt var í gær. 54,4% eru nú andvíg því að hafnar verði viðræður við sambandið um inngöngu en 45,6% styðja að það skref verði tekið. Andstaðan við inngöngu hefur lítillega aukist síðan í febrúar og stuðningurinn að sama skapi dregist saman
.............

76,3 % vilja þjóðaratkvæði um aðildarumsókn að ESB

10. jún 2009

Þrír af hverjum fjórum vilja þjóðaratkvæðagreiðslu um það hvort Ísland eigi að sækja um inngöngu í Evrópusambandið, samkvæmt skoðanakönnun Capacent Gallup. Aðeins tæp 18 prósent leggja litla áherslu á þjóðaratkvæði um aðildarumsókn.

Spurningin var svohljóðandi:

Hversu miklu eða litlu máli finnst þér skipta að fram fari þjóðaratkvæðagreiðsla um hvort Ísland eigi að sækja um aðild að Evrópusambandinu?

Alls svöruðu 76,3 prósent að mjög miklu eða frekar miklu máli skipti að spyrja þjóðina álits, þar af sögðu rúm 60 prósent að það skipti mjög miklu máli. Ein 5,8 prósent svöruðu hvorki né en 17, 8 prósent taldi það skipta frekar litlu eða mjög litlu máli að fara í þjóðaratkvæði um hvort Ísland ætti að sækja um aðild.

.....

Afdráttarlaus andstaða gegn ESB-aðild samkvæmt nýrri könnun MMR

Kjósendur Samfylkingar­innar eini sérgreindi hópurinn sem vill aðild

17. mars 2011

Allir sérgreindir hópar sem spurðir eru um afstöðu til ESB-aðildar Íslands í nýrri könnun eru á móti henni nema þeir sem ætla að kjósa Samfylkinguna. Mest er andstaða meðal bænda og sjómanna, þar er enginn hlynntur aðild. Höfuðborgarbúar, landsbyggðarbúar, iðnaðarmenn, háskólamenntaðir og stjórnendur, allir eru andvígir aðild að ESB auk kjósenda Framsóknarflokks, Sjálfstæðisflokks og vinstri-grænna.

Viðskiptablaðið birtir 17. mars könnun á viðhorfi almennings til aðildar að Evrópusambandinu. 65% þeirra sem tóku afstöðu eru á móti ESB-aðild, 35% fylgjandi. Tæp 15% eru hvorki fylgjandi aðild né andvíg. Naumur meirihluti, vikmörk eru 3,8%.

Um 88% þeirra sem styðja Samfylkinguna vilja aðild að ESB. Er þetta eini sérgreindi hópurinn sem er hlynntur aðild. 80% framsóknarmanna er á móti aðild, 70% sjálfstæðismanna og 60% vinstri-grænna.
........

Kannski safylkingarmaðurinn Ásmundur vilji skýra fyrir okkur hinum hvað lýðræði, lýðræðislegar ákvarðanir og lýðræðislegir stjórnarhættir eru..???

.

[Anna Sigríður Guðmundsdóttir, 16.12.2011 kl. 12:46]

Herra Harðarson ver skrif Fréttablaðsins, umfram lýðræðislegar mánefnanlegar rökræður. Það segir mjög mikið.

Hvers vegna var ekki þjóðaratkvæðagreiðsla strax í upphafi, um hvort fara ætti í þessar viðræður núna á þessum viðrjálverðu og ó-útreiknanlegu tímum, bæði hér og í Evrópu?

Það er ekki nokkur lifandi sál sem veit hvernig ESB-sambandið þróast í raun og veru, og því síður hvernig það endar.

Er einhver þarna úti sem vill fara um borð í Titanic, þegar margt bendir til þess, að það í það minnsta geti brotlent, og jafnvel sokkið?

Góða ferð, og allar góðar vættir hjálpi þeim sem vilja sjá hvað er mögulega í ESB-pakkanum, fyrir almenning á Íslandi. Ég bið líka allt gott að hjálpa þeim þjóðum sem nú þegar eru komnir þarna inn, og eiga ekki afturkvæmt vegna bankaráns-skulda. Ég finn til með því fólki.

M.b.kv.

[Asmundur Harðarson (IP-tala skráð) 16.12.2011 kl. 15:16]

Það þekkist ekki meðal annarra ESB-þjóða að það hafi farið fram þjóðaratkvæðagre3iðsla um það hvort sækja ætti um ESB-aðild. Hvers vegna ættum við að fara öðruvísu að?

Þjóðaratkvæðagreiðsla um eitthvað sem menn vita ekki hvað er, er út í hött. Það er ekki eðlilegt að hafa tvær þjóðaratkvæðagreiðslur um sama mál.

Slíkt er tilraun til að þröngva fram eigin afstöðu hvað sem það kostar. Hér er þingræði þar sem þjóðaatkvæðagreiðslur eiga ekki rétt á sér nema í sjaldgæfum undantekningartilvikum. Hræðsla við að þjóðin velji ESB-aðild er að sjálfsögðu ekki slíkt tilvik.

Það á að bera virðingu fyrir þjóðaratkvæðagreiðsluúrræðinu en ekki misnota það í tilraun til að þröngva fram eigin vilja.

Þessi þjóðaratkvæðagreiðsluþráhyggja sýnir aðeins örvæntingu þeirra sem eru andvígir aðild. Allt skal reynt, hversu fáránlegt sem það er, til að reyna að koma í veg fyrir samning sem þjóðin síðan kýs um.

Hvernig væri að þið andstæðingar ESB-aðildar reynduð að útskýra fyrir fólki hvað þið viljið. Það er ekki nóg að vera á móti ESB. Sættið þíð ykkur við krónu með gjaldeyrishöftum til frambúðar með þeirri einangrun og lifskjaraskjerðingu sem henni fylgir?

Kannski sjáið þið í hyllingum þau lifskjör sem hér voru fyrir fáeinum áratugum og þá einangrun sem landið bjó við. Það var ekki einu sinni hægt að fá ferðamannagjaldeyri nema fyrir hluta dvalarkotnaðar svo að eina úrræðið var að kaupa gjaldeyri á svörtum markaði á uppsprengdu verði.

Áður en menn velja sér aftur þetta hlutskipti ættu menn að hugleiða að umheimurinn er allt annar núna en þá. Núna eru öll helstu löndin sem Íslendingar leita til í ESB eða EES.

Við neyðumst til að segja okkur úr EES ef gjaldeyrishöft verða hér til frambúðar. Við getum bví ekki í sama mæli og á síðustu öld fengið vinnu erlendis. Í atvinnuleysi er það vonlaust fyrir flest okkar. Kannski eins gott því að annars yrði mikill landflótti.

Anna Sigríður, þú virðist vera í mikilli afneitun. Ísland var það land sem lenti verst allra þjóða í "bankaránslánum". Leiðin til að koma í veg fyrir að þau ósköp endurtaki sig er að ganga í ESB og taka upp evru.

Ég skil ekki tilganginn með þessari langloku Guðmundar 2. Þetta er ekkert nýtt og breytir auðvitað ekki því að um 2/3 Íslendinga vill halda áfram aðildarviðræðum skv síðustu skoðanakönnun og feiri könnunum.

[Guðmundur 2. Gunnarsson (IP-tala skráð) 16.12.2011 kl. 18:29]

Ásmundur.  Satt að segja efast ég um að þú ert svona ferlega takmarkaður eins og þessi skrípóskrif þín bera vott um.  Undarlegt barnalegt grín er það sem manni kemur í huga.  Hvað aðrar þjóðir gera og hafa gert er ekki neitt sem okkur kemur hætis hót við.  Aðrar þjóðir taka ekki ákvörðun um hvernig við högum okkar innanríkismálum, sem og að þær sátu ekki uppi með þá staðreynda að engin áhugi þeirra íbúa var til að fara inn eins og raunin hefur alltaf verið hér.  Alltaf hefur mikil meirihluti þjóðarinnar lýst því yfir að hún hefur engan áhuga á að ganga í ESB né að hefja upplognar viðræður eða sannanlegt AÐLÖGUNARFERLIÐ og engin breyting er þar á.

Engin Íslensk frekar en erlend lög að meðtöldum þau 90 þúsund sem ESB skarta segja að það eigi að fara í AÐLÖGUNARFERLI upplogið sem viðræður án vilja viðkomandi þjóða. 

Aðrar þjóðir fóru aldrei í AÐLÖGUNARFERLIÐ skilyrta af Brussel mafíunni eftir að Norðmenn rassskelltu báknið í tvígang og eða þær fóru aldrei í viðræður með ekki nema 19% fylgi þjóða sinna um að gera slíkt.  Þær fóru í inngönguviðræður sem ekki er hægt að gera í dag frekar en þegar okkar AÐLÖGUNARFERLI hófst án vilja þjóðarinnar.

Meir að segja eru 40% kjósendur Samfylkingarinnar á móti inngöngu í ESB samkvæmt könnun sem er langmesti klofningur í nokkrum flokki.

Hátt í 90% Norðmannna biðja þig og þína líka að halda ykkur úti með ESB - ruglið ykkar, og vonandi um alla framtíð samkvæmt nýrri könnun. 

Ekki kemur mér á óvart að þú þykist ekki skilja gögn sem eru ekki upplogin eins og einhver skrípókönnun sem þú getur ekki vitnað einu sinni rétt í, OG ENGIN FAGMAÐUR Í KANNANAFRÆÐUM VILL SKRIFA UPPÁ SEM MARKTÆKAS EINFALDLEGA VEGNA ÞESS AÐ SPURNING MÁ ALDREI INNIFELA TVO ÓAÐSKYLDA SVARMÖGULEIKA.  Ekki þarf mikla greind til að skilja jafn einfaldan hlut.  Endilega nefndu einn marktækan aðila í kannanafræðum sem skrifar upp á þessa vísvitandi blekkingu ESB einangrunarsinna...  Einn ræfils fræðimann - takk ...!!

Tilgangurinn með birtinga kannananna er að sýna þér og öðrum fram á að meirihluti þjóðarinnar hafnar algerlega þessum ESB - einangrunartilburðum, núna sem alla tíð síðan mælingar hófust.

En hverju veldur að það er aðeins ein könnun sem Samfylkingarliðar með alvarlegt ESB fetis taka mark á og um leið sýna aðrar kannanir gerðar á nákvæmlega sama tíma þver öfuga niðurstöðu og eru samhljóma..???  Svona eftir að hafa gefið skít í allar aðrar kannanir alla tíð frá upphafi mælinga...??? 

Var eitthvað að marka kannanir ... Ásmundur..???

.

[Elle_, 16.12.2011 kl. 19:20]

Ásmundur, ótrúlegt að þú skulir geta kallað SVIK VG við kjósendur ´lýðræðislegan þroska´Og ekki minna ótrúlegt að þú skulir segja að það að skilja það ekki ´bendi til skorts á slíkum þroska´. 

Hvað hafa ekki margir kjósendur VG kvartað opinberlega yfir nákvæmlega þessum sömu svikum?   Hvað hafa ekki margir hætt í VG eða hætt að styðja VG vegna nákvæmlega þessara sömu svika? 

Oftast finnst mér eins og ég sé að lemja höfðinu utan í veggi að hafa fyrir að rökræða við þig.   Málinu er akkúrat öfugt farið en það sem þú heldur fram.  Enn og aftur snýrðu hlutum á hvolft. 

Yfir 70% þjóðarinnar vildi hafa um þetta fáránlega mál að segja og var ekkert spurður.  Og það finnst þér í lagi og LÝÐRÆÐISLEGT.   Stjórnarskráin var brotin og það MÁ EKKI.  Og það finnst þér í lagi og LÝÐRÆÐISLEGT.  

[Elle_, 16.12.2011 kl. 19:37]

Og svo er Ísland LÝÐVELDI.  Í landinu er ekki ´þingræði´ eins og Ásmundur heldur ranglega fram.  En ekki við öðrum að búast frá honum en hafa hluti á hvolfi.  Í landinu er LÝÐRÆÐI með þingbundinni stjórn.  Það þýðir ekki ´þingræði´ þó nokkrir pólitíkusar vilji túlka það þannig að þeir hafi valdið.  Þar fer Jóhanna einvaldur og hennar fáránlegi flokkur fremst.  Þú veist þá ekki hvaða stjórnarfar við erum með.  Og hættu svo að rugla saman gjaldmiðli og FULLVELDI. 

[Ásmundur Harðarson (IP-tala skráð) 16.12.2011 kl. 19:50]

Elle, það er ekkert athugavert við það þó að einhverjir VG séu óánægðir með stjórnarsáttmálann. 

Þar er hins vegar ekki um svik að ræða vegna þess að það er ekki hægt að mynda ríkisstjórn nema flokkar gefi eftir í einhverjum af sínum stefnumálum. Flokkur sem neitar að gefa eftir fer aldrei ríkisstjórn. Hann er áhrifalaus um stjórn landsins og á sér því ekki tilverurétt.

Hins vegar er stjórnarsáttmálinn samningur sem báðir stjórnarflokkarnir verða að virða, sérstaklega ráðherrar, enda er þar um að ræða sjálfan grundvöll stjórnarsamstarfsins. Ráðherra sem vinnur gegn stjórnarsáttmálanum er því uppvís að svikum.

Útlendingar hafa furðað sig á þessu ástandi í ríkisstjórninni og segjast hvergi hafa orðið varir við annað eins hvotki fyrr né síðar. Það er engin furða enda er þetta algjörlega galið.

[Elle_, 16.12.2011 kl. 19:59]

Já, það er algerlega GALIÐ að einn fáránlegur flokkur eins og Jóhönnuflokkurinn skuli ætla að koma öllu sínu fram með sitt 19% fylgi og gegn vilja LÝÐRÆÐISINS.  Þau brjóta stjórnaskrá.  Þetta er stórhættulegur flokkur með stórskaðlega stjórnmálamenn sem verður að koma úr stjórn og halda þeim úti. 

[Ásmundur Harðarson (IP-tala skráð) 16.12.2011 kl. 22:25]

Er Guðmundur 2. kvótaeigandi? Hvernig er hægt að skýra svona övæntingarfull skrif á annan hátt? Ég viðurkenni að ég las ekki helminginn af athugasemd hans. Þar var ekki ein einasta setning sannleikanum samkvæm. Þetta er hægt að sýna fram á með því að vitna í gögn.

Til að sýna að ekki er neitt mark takandi á Guðmundi 2. er ég með link þar sem kemur skýrt fram að skoðanakannanir sem SI hefur látið Capcent Gallup gera fyrir sig hafa  alltaf sýnt meirihlutafygi fyrir aðildarviðræðum og lengst af einnig fyrir aðild. Látum SI hafa orðið:

"Samtök iðnaðarins hafa þá stefnu að Ísland verði aðili að Evrópusambandinu og taki upp evru. Þá ákvörðun hefur stjórn SI tekið fyrir mörgum árum. Bæði ráðgjafaráð og Iðnþing hafa staðfest þá stefnu. Þann 17. júlí 2009 sótti svo Ísland um aðild að ESB.

Aðild að ESB er stórmál og um það þarf að ríkja sem best samstaða. Þess vegna hafa SI lagt mikla áherslu á að kanna vel hug sinna félagsmanna til þessa máls og sömuleiðis alls almennings í landinu. SI hafa átt góða samvinnu við IMG Gallup, nú Capacent Gallup, sem hefur séð um framkvæmd allra viðhorfskannana þeirra um Evrópumálin. Allar kannanirnar er að finna í heild sinni hér fyrir neðan og er heimilt að vitna til þeirra enda sé heimilda getið.

Samtök iðnaðarins hafa kannað viðhorf almennings til aðildar að ESB með reglubundnum hætti frá ágúst 2000. Ekki fer milli mála að mikill meirihluti var þeirrar skoðunar að tæka ætti upp viðræður um aðild Íslands að ESB. Svo var í öllum könnunum í þau sex ár sem spurt var hvort svarendur væru hlynntir eða andvígir því að taka um aðildarviðræður við Evrópusambandið.

Þegar spurt er beint: Ertu hlynntur eða andvígur aðild að Evrópusambandinu, hefur verið mjórra á munum. Nítján sinnum hefur verið spurt og hafa þeir sem eru hlynntir oftast verið fleiri. Þeir sem eru andvígir hafa fjórum sinnum verið fleiri en einu sinni voru jafnmargir hlynntir aðild og voru henni andvígir. Það er athygliverð sú mikla sveifla frá fjölda þeirra sem eru hlynntir til þeirra sem eru andvígir í síðustu mælingum. Erfitt er að fullyrða nokkuð um ástæður þess en ekki er ólíklegt að hin erfiða Icesave deila við Breta og Hollendinga hafi hér veruleg áhrif."

 Hér er linkurinn: 

http://www.si.is/malaflokkar/althjodlegt-samstarf/evropumal/skodanakannanir/

Langflestar aðrar skoðanakannanir sem ég hef séð sýna svipaða niðurstöðu þó að andstæðingar aðildar reyni alltaf af mikilli örvæntingu á fáránlegan hátt að túlka þær sér í vil.

 

 

[Elle_, 16.12.2011 kl. 22:30]

[Elle_, 16.12.2011 kl. 22:47]

Lokasetning Ásmundar lýsir hvað hann fylgist illa með og túlkar bara í vil Brusselsinna: Hann man ekki eftir að hafa séð það sem hefur lengi blasað við.  Varstu að tala um að túlka sér í vil í mikilli örvæntingu?? 

Hvað olli að við fengum ekki að hafa neitt um það að segja hvort LÝÐVELDIÐ ÍSLAND sækti um í öðrum ríkjasambandi??  Frekja og yfirgangur Jóhönnu og Össurar og flokks??  Örvænting þeirra???  Það skyldi þó aldrei vera?