Sumarþing og sumarþing

Nú dynur á það árlega spursmál hvort hér eigi að vera sumarþing eða ekki. Alþingi hefur enn þann hátt að vinna eftir einhverjum undarlegum tunglgangi og þingmenn velflestir virðast una því vel. Vaknar þá sú spurning hvort þeir nenni ekki að vinna.

Ríkisstjórnin sem hefur heitið því að draga hina löglausu aðildarumsókn að ESB til baka snýst nú í hringi og spyr - líkt og hinir: Sumarþing eða ekki sumarþing? Óljóst er af þeirri spurningu hvort menn séu samstíga í því að nota mögulegt sumarþing til þess að klára það loforð að draga umsóknina til baka. Og enn er óljósara hvort samstaða er um sumarþing og enn meira óljóst er og ruglingslegra hvað eigi að gera á þessu kannski boðaða sumarþingi.

Vér vinstrimenn vitum eitt: Til þess að eitthvað gerist þarf að vinna. Til þess að vinna þarf að hafa vilja og vit og í þessu tilfelli þarf að hafa vilja, vit og vinnuaðstöðu til þess að draga margumtalaða umsókn til baka. Því er hér kallað eftir sumarþingi sem klári þetta mál!

 

- gb. 

Athugasemdir

[Haukur Kristinsson (IP-tala skráð) 9.5.2014 kl. 13:05]

Afstaða Sjálfstæðisflokksins var skýr sem og ályktun Landsfundar flokksins.

Sjálfstæðisflokkurinn vill slíta viðræðum við ESB um aðlögun og inngang landsins í sambandið. Hinsvegar og þrátt fyrir þessa skýru afstöðu Flokksins sögðu þeir að fólkið fengi að ráða ferðinni með þjóðaratkvæðisgreiðslu, þar sem spurt yrði hvort slíta skyldi umsóknarferlinu (aðlögunarferlinu) eða ekki.

Þetta voru skýr loforð endurtekin aftur og aftur og aftur.

Nú koma sjallarnir og segja loforðin misskilin. Þar sem að þeir vilji ekki áframhald, sé ekki um neitt að kjósa. En hverju var þá flokkurinn að lofa? Því hefur Íhaldið ekki getað svarað nema með útúrsnúningum í stíl við útúrsnúninga Hönnu Birnu í hinu viðsbjóðslega „lekamáli“, þar sem ráðuneytið níðist á heimilislausum og varnarlausum flóttamanni. 

Og viti menn, þetta finnst Ragnar Arnalds flott, "manni fólksins".

"What a loony toon".

[Vinstrivaktin gegn ESB, 9.5.2014 kl. 13:53]

Í athugasemd Hauks Kristinssonar við pistli GB hér á síðunni er mjög farið með rangt mál um samþykkt landsfundar Sjálfstæðisflokksins 2013 um ESB-málið. Þótt það sé ekki í verkahring Vinstrivaktarinnar að svara fyrir Sjálfstæðisflokkinn verður þó ekki hjá því komist í þetta sinn, því að falsanir ESB-sinna á þessari samþykkt eru orðnar lykilatriði í málflutningi þeirra. Því er óhjákvæmilegt að rifja upp fyrir lesendur síðunnar hvernig samþykkt landsfundarins var orðuð og getur þá hver og einn séð hve málflutningur Hauks hér að ofan er grófur og víðsfjarri sannleikanum. En orðalag samþykktar landsfundarins var eftirfarandi:

"Landsfundur telur að hagsmunum Íslands sé betur borgið með því að standa fyrir utan Evrópusambandið. Áréttað er að aðildarviðræðum við ESB verði hætt og þær ekki teknar upp aftur nema að undangenginni þjóðaratkvæðagreiðslu."

RA

[Hilmar (IP-tala skráð) 9.5.2014 kl. 14:27]

Til að selja þá hugmynd að Íslandi sé best borgið í höndum fjórmenningarklíkunnar í Brussel, þurfa menn að ljúga.

Menn byrjuðu svo sem smátt í lygunum, en þær hafa orðið stórbrotnari með hverju áfallinu sem framsalsmenn verða fyrir, sem er merki um að örvænting sé að ná tökum á þessu fólki. Hegðunin er í hefðbundundnu fari missis og sorgar, stigin fimm. Framsalssinnar eru búnir með stig eitt, sem er afneitun og einangrun, sumir eru enn á stigi tvö, sem reiði, en flestir eru komnir á stig þrjú, úrvinnslustig, en því fylgir oft sú tilfinning að þeir hefðu getað logið meira og betur. (T.d. að 35% fleiri hafi sett nafnið sitt á undirskriftalista en gerðu í raun og að Sjálfstæðisflokkurinn hafi sagt annað en hann sagði)

Næsta stig er svo þunglyndi, og verulega dvínandi áróður úr herbúðum aðlögunarsinna bendir til þess, að margir séu þegar komnir þangað.

Lokastigið er svo sáttin, sem er ekki svo langt undan.

Áður en árið er liðið, verða flestir komnir þangað.

Það er í höndum ríkisstjórnarinnar að tryggja að sem flestir aðlögunarsinnar nái sér að fullu, en það gerist bara með því að fresta ekki því óumflýjanlega, umsóknina verður að draga til baka svo fljótt og auðið er, en láta ekki þetta fólk lifa í því limbói sem fylgir því að geta ekki unnið úr sorg og söknuði.

[Haukur Kristinsson (IP-tala skráð) 9.5.2014 kl. 14:34]

Hvað eru "ESB-sinnar" að falsa Ragnar Arnalds?

".....ekki teknar upp aftur nema að undangenginni þjóðaratkvæðagreiðslu."

Þetta hlýtur að skiljast svo, að viðræðum verði ekki formlega slitið nema að fyrir því sé þjóðarvilji.

En þinn útúrsnúningur sem og Íhaldsins er sá að á meðan Sjálfstæðisflokkurinn vill vera utan ESB, sé engin ástæða til að leggja málið fyrir þjóðina.

Því spyr ég aftur; hverju var Flokkurinn að lofa?

[Vinstrivaktin gegn ESB, 9.5.2014 kl. 16:55]

Haukur! Þú hélst því fram í athugasemd hér ofar að landsfundurinn hefði heitið því að efna til "þjóðaratkvæðisgreiðslu, þar sem spurt yrði hvort slíta skyldi umsóknarferlinu (aðlögunarferlinu) eða ekki". Það er einfaldlega ekki rétt. Fundurinn samþykkti að hætta viðræðum og hefja þær ekki að nýju nema að undangengnu þjóðaratkvæði. Á þessu tvennu er meginmunur. - RA

[Haukur Kristinsson (IP-tala skráð) 9.5.2014 kl. 17:19]

Gagnrýnin og rökvís hugsun virðist ekki vera þín sterka hlið, Ragnar Arnalds. Ég spurði, hverju var Flokkurinn að lofa. Lastu það ekki?

Þetta svokallað "loforð" var út í hött, eða hrein blekking, því þjóðin fær ekki að taka þátt í þeirri ákvörðun að "hefja aðildarviðræður að nýju", svo lengi sem að flokkurinn er á móti.

Ég get vel skilið afstöðu fólks gegn ESB, og respektera hana, kannski ekki skrítið þar sem ég er svissneskur ríkisborgari og Svisslendingar mundu ekki samþykkja aðild í dag. En það er ekki issjúið, heldur þær blekkingar og lygar sem eru í gangi hjá ykkur Evrópuvaktar mönnum til hægri og vinstri.Ég hef aldrei kunnað að meta svik og aumingjaskap.

[Elle_, 9.5.2014 kl. 23:50]

Kom úr grjóthörðustu átt að Haugur þessi (Ómar Bjarki Kristjánsson no. 2) saki fólk um blekkingar og lygar.  Og það óverðskuldað.  Það eru ykkar Brusseldýrkenda ær og kýr, blekkingar, lygar og sorphaugar.

[Elle_, 10.5.2014 kl. 12:09]

Gagnrýnin og rökvís hugsun virðist ekki vera þín sterka hlið - - Ég spurði, hverju var Flokkurinn að lofa. Lastu það ekki?  - - - Nei, það er nefnilega Haugur sem skilur ekki, skilur ekki að landsfundur er æðsta vald flokksins og loforðið kom ekki frá flokkinum.

[Haukur Kristinsson (IP-tala skráð) 10.5.2014 kl. 12:44]

Nr. 1 Landsfundur Íhaldsins samþykkir eða ályktar að hætta viðræðum.

Nr. 2 Landsfundurinn Íhaldsins samþykkir eða ályktar að þjóðin fái að ákveða hvort hefja skuli viðræður að nýju.

 

Fyrri samþykktin útilokar þá síðari, í það minnsta á meðan Íhaldið hefur völdin. Það hefðu aldrei getað sætt sig við nýjar viðræður, gat því ekki  tekið áhættuna sem fólst í því að spyrja þjóðina. Þarna er því mótsögn (contradiction), eða það sem Bjarni kallaði „ómöguleika“. Eiginlega rétt hjá Bjarna.

 

Eða var verið að álykta fyrir komandi ríkisstjórn, sem liti málið öðrum augum. Hver bað um það? Eða var þetta bara asnaskapur eða gert til að blekkja kjósendur?

 

Það er með ólíkindum að það skuli vera til fólk sem ver þessa vitleysu, jafnvel fyrrverandi ráðherrar. Sýnir tvískinnung eða heimsku, nema hvort tveggja sé.

 

Íhaldið hefi átt að segja kjósendum fyrir kosningar eftirfarandi: Við vilju slíta öllum viðræðum við ESB um inngöngu nú þegar og án þess að málið verði borið fyrir þjóðina. Annað kemur ekki til greina fyrir okkur, vegna stefnu okkar í málinu sem og ályktunar Landsfundar flokksins.

Það hefði verið skýrt og heiðarlegt. En til þess hafði Flokkurinn ekki kjark né karakter.

[Kristján Þorgeir Magnússon, 10.5.2014 kl. 13:40]

Ragnar.

Athugasemd nr. 5 er hárrétt hjá þér.  Ég var á landsfundinum og man vel hvernig ég greiddi atkvæði.  Atkvæði mitt, ásamt yfirgnæfandi meirihluta fulltrúa, féll á þann veg að aðildarviðræðum skyldi hætt og þær ekki hafnar að nýju, nema slíkt yrði samþykkt í þjóðaratkvæðagreiðslu.  Það stóð aldrei til að efna til þjóðaratkvæðagreiðslu um framhald viðræðna.  Bjarni tók klaufalega til orða í upphafi kosningabaráttunnar og það nota ESB sinnar til að snýta honum og flokknum uppúr.

[Jonas Kr (IP-tala skráð) 10.5.2014 kl. 15:22]

"Sjálfstæðisflokkurinn telur hagsmunum Íslands betur borgið utan Evrópusambandsins en innan - þjóðin tekur ákvörðun um aðildarviðræður við ESB í þjóðaratkvæðargreiðslu á kjörtímabilinu."

Hvaðan er þessi tilvitnun komin?

[Haukur Kristinsson (IP-tala skráð) 10.5.2014 kl. 17:54]

Sjallarnir tala um þessar svokallaðar „ályktanir“ Landsfundar Íhaldsins eins og einhver heilög lögmál, höggvin í stein, óháð tíma og rúmi. En er það svo? Auðvitað ekki. Greidd eru atkvæði um "issues" sem fámenn klíka hefur þegar ákveðið löngu áður en hlýðið og óupplýst „Fussvolk“ mætir á staðinn til að rétta upp krumluna eftir að hafa fylgst með því hvað elítan gerir.

 

Skrípaleikur!

 

[Hilmar (IP-tala skráð) 10.5.2014 kl. 17:56]

"Áréttað er að aðildarviðræðum við ESB verði hætt....."

Þetta er úr landsfundarályktun Sjálfstæðisflokksins.

Maður verður að vera verulega heimskur til að geta misskilið þessa ályktun. Nú, eða lyginn.

Og hvort ertu Haukur, heimskur eða lyginn?