Jón Bjarnason: Þeir sem vildu kíkja í pakkann hafa fengið sín svör

Forystumenn fyrri stjórnar máttu ekki heyra það nefnt að þjóðin greiddi atkvæði um hvort sótt yrði um aðild að ESB. Á það minnir Jón Bjarnason í eftirfarandi pistli, en honum var hótað brottrekstri úr ríkisstjórn þegar hann krafðist þjóðaratkvæðis.

Það er fróðlegt að hlusta nú á málflutning  á Alþingi um þjóðaratkvæðagreiðslu um framhald ESB-viðræðna. Ég minnist vordaganna 2009 á Alþingi þegar umsóknin um aðild að ESB var á dagskrá og þröngvað í gegnum þingið. Forystumenn þáverandi ríkisstjórnarflokka , Samfylkingar og Vinstri grænna  lögðust afdráttarlaust gegn því að þjóðin yrði fyrst spurð, þegar aðildarumsóknin var til umfjöllunar á Alþingi. Ég var yfirlýstur andstæðingur umsóknarinnar og sagðist myndi greiða atkvæði gegn umsóknartillögunni. Það hafði legið fyrir frá myndun ríkisstjórnar.

Þegar  fram kom tillaga um að þjóðin yrði spurð áður en sótt væri um studdi ég þá tillögu og lýsti því yfir á þingflokksfundi.  Enda var það í samræmi við þá yfirlýsingu, að hver þingmaður færi eftir sinni sannfæringu í þessu máli utan þings sem innan, eins og formaðurinn orðaði það í atkvæðaskýringu sinni. Fyrir atkvæðagreiðsluna voru haldnir neyðarfundir í stjórnarþingflokkunum, þegar ljóst var að mögulega nyti tillaga um þjóðaratkvæðagreiðslu meirihlutastuðnings á Alþingi.

Forystulið beggja ríkisstjórnarflokkanna lagðist afar hart gegn þjóðaratkvæðagreiðslu þá. Forysta VG var þá  nýbúin að ganga á bak orða sinna um andstöðu við aðildumsókn í aðdraganda kosninga, enda gekk sú ákvörðun  þvert á stefnu flokksins. Var því haldið fram að yrði farið þá  í þjóðaratkvæðagreiðslu um hvort sækja ætti um, færi  stjórnarsamstarfið  samstundis út um þúfur. Samfylkingin, sem hafði ESB umsókn  þá sem fyrr og síðar sem sitt eina mál leit á það sem stjórnarslit ef þingsályktun um þjóðaratkvæðagreiðslu yrði samþykkt á Alþingi. Hún hafði áður látið steyta á aðildarumsókn í samstarfinu við Sjálfstæðisflokkinn.

Þegar kom svo í fréttum að tillaga um þjóðaratkvæðagreiðslu nyti stuðnings hóps þingmanna  Vinstri grænna og gæti orðið samþykkt fylltust öll herbergi þinghússins af reyk. Á þingflokksfundi VG um málið var stemmingin þrungin og þegar ég sagðist myndi styðja þjóðaratkvæðagreiðslu, féll sú ákvörðun vægast sagt í mjög grýttan jarðveg. Var mér þá einfaldlega hótað  brottrekstri úr ríkisstjórn af formönnum beggja stjórnarflokkanna. Eða eins og formaður Vg orðaði það, þá var mér ætlað að ganga á fund forsætisráðherra.

Ögmundur Jónasson, sem  lagði mikið  í sölurnar fyrir myndun fyrrverandi  ríkisstjórnar, stóð þá upp og tilkynnti að  ef Jón Bjarnason ætti að ganga með höfuð sitt á fati til forsætisráðherra þá myndi heilbrigðisráðherra ganga sömu leið. Alkunna var að forsætisráðherra tók einstaka þingmenn undir vegg  fyrir atkvæðagreiðsluna eða  gekk á milli sæta í þingsal.  Var þó búið að samþykkja áður  að umsókn að ESB væri ekki ríkisstjórnarmál og hver og einn þingmaður talaði fyrir og greiddi atkvæði í þeim málum samkvæmt sannfæringu sinni.

Þeir sem vildu kíkja í pakkann hafa fengið sín svör.  Framhjá Maastrichtsáttmála, Lissabonsáttmála, Kaupmannahafnaviðum, lögum og reglum ESB  verður ekki gengið.  Ísland verður að taka yfir öll skilyrði Evrópusambandsins refjalaust.

Það er því dapurt að horfa á þingmenn Vg halda hverja ræðuna á fætur annarri um áframhald  aðlögunarsamninga við ESB,  viðræður, sem þeir vita að voru löngu komnir í strand. Kröfur ESB um forræði í sjávarútvegsmálum, landbúnaðarmálum  sem og  samningum við önnur ríki einar sér ganga þvert á þá fyrirvara sem Alþingi setti 2009.

Krafist refsiaðgerða gegn Íslandi

Athugasemdir

[Jakop16 (IP-tala skráð) 14.3.2014 kl. 11:58]

Þeir sem vildu kíkja í pakkann bíða enn. Því við höfum nú þegar fengið varanlega undanþágu í þeim hluta sem lokið er að semja um. Ísland verður því augljóslega ekki að taka yfir öll skilyrði Evrópusambandsins refjalaust. Nú vantar bara að pakkinn sé fylltur svo skoða megi í hann. Fullnaðarniðurstaða er ekki fengin um hvert innihaldið verður.

[Eggert Sigurbergsson, 14.3.2014 kl. 12:33]

Jakop16, undanþága sem tilgreinir strangari viðmið heldur en reglur sambandsins vegna verndunar er ekki það sem við viljum í mikilvægustu málunum :). Það vita allir að ESB samþykkir strangari reglu ef það er vegna verndunar það eru engin ný vísindi.

[Nhelgason (IP-tala skráð) 14.3.2014 kl. 12:33]

24

[Eggert Sigurbergsson, 14.3.2014 kl. 12:35]

Ísland verður að taka við öllu regluverkinu refjalaust að viðbættu strangari reglun um fosfór í áburði.

[Elle_, 14.3.2014 kl. 12:50]

Aldrei skulu þeir hætta að halda fram þessum jólagjöfum.  Getur verið að fólk sé ólæst?

[Ásthildur Cesil Þórðardóttir, 14.3.2014 kl. 13:15]

Ef til vill ekki ólæst, en gengur með grillu í höfðinu að við þessi 300.000 manna þjóð getum sett heilu apparati stólinn fyrir dyrnar, en það er gott að menn hafa ekki minnimáttarkennd..... eða þannig.

[Elle_, 14.3.2014 kl. 14:10]

Grafalvarlegt mál lýsing Jóns á drottnunarstíl Jóhönnu við salarveggi, ekki að það væri ekki löngu vitað frá stjórnmálamönnum.  Líka hótunin gegn Jóni af Jóhönnu og Steingrími, ekki að það hafi ekki líka verið löngu vitað. 

Hvað getur núverandi ríkisstjórn eða önnur yfirvöld eiginlega gert í þessum hótunarmálum?  Það er óþolandi að þau gangi enn bara skattfrjáls.  Það er grátlegt að þau voru ekki sjálf rekin og að nú fái Steingrímur mikli enn að vinna við stjórnmál.  Það vantar að gera brotlega stjórnmálamenn ábyrga í þessu landi.

[Jakop16 (IP-tala skráð) 14.3.2014 kl. 14:32]

Varanleg undanþága er varanleg undanþága og hún sannar að reglur sambandsins eru ekki meitlaðar í stein eins og ýmsir vilja halda fram. Og lítil 300.000 manna þjóð á hjara veraldar, ekki með landtengingu við neitt ríki og mikla sérstöðu á mörgum sviðum á sennilega auðveldara með að fá fleiri varanlegar undanþágur en einsleitar milljónaþjóðir hver ofaní annarri.

Hvers vegna þessa ógnarhræðslu við að láta á það reyna?

[Elle_, 14.3.2014 kl. 14:48]

Ógnarhræðslu?  Hví verður endilega að vera hræðsla með yfirleitt?  Hví notið þið alltaf þessi hræðslu- og jólagjafarök?   Fullveldið er miklu sterkara en aumar undanþágur af náð frá hinum háu herrum í Brussel og hafa bara enga þýðingu fyrir fullvalda ríki.  Það er yfirtaka Brussel eða fullveldið.

[Ómar Bjarki Kristjánsson, 14.3.2014 kl. 14:49]

Allt rangt hér hjá svokallaðri ,,vinstri" vakt.

Í fyrsta lai var afstaða VG að aðildarsamningurætti að fara í þjóðaratkvæði allt og sumt.

Andsinnar eru nún búnir að missa allt á hælanna og málflutningur þeirr verður sí-hlægilegri og ámátlegri ásamt fullur af örþrifaráðum. Gripið hingað og þangað í einhverju pati sem engin handfesta er í.

Það sem yrfti að gera núna af aðildarsinnum er að láta kné fylgja kviði. Keyra andsinna niður í gólfið og þagga duglega niður i þeim.

Fara síðan og klára aðildarsamning bara í rólegheitum og í friði fyrir þessum sí vælandi og volandi andsinnum og þjóðrembingsprumpurum.

Aðildarsinnar eru allt of linir. Andsinnar skilja ekkert nema einn gú morren. Það get eg vitnað um. Lygi þeirra stoppar td. aldrei fyrr en eg er búin að rasskella hvern og einn andsinnan duglega og lista upp lygi þeirra lið fyrir lið. Þá snáfast þeir inní sjallaskotið sitt og ýlfra þar ámátlega og tekur langan tíma fyrir þá að svo mikið sem þora að stinga út trýninu.

[ratoge (IP-tala skráð) 14.3.2014 kl. 16:25]

Stundum er gott að rifja upp hvað SJS var ákveðinn einu sinni um að fara EKKI í aðildarviðræður

http://www.youtube.com/watch?v=AIBuEnFQ6ac&feature=player_embedded

[Grímur (IP-tala skráð) 14.3.2014 kl. 16:57]

Guðmundur Steingrímsson minntist 1985 þegar pabbi hans feldi gengið eftir pöntun frá LÍU.

En það man víst enginn lengur hvað gekk á 1975

[Ásthildur Cesil Þórðardóttir, 14.3.2014 kl. 17:18]

Takk fyrir þetta Ratoeg. Hér kemur líka skýrt fram að þetta var lygi.

ESB-umsóknin baneitrað veganesti

Undanhald VG-forystunnar gagnvart kröfu Samfylkingarinnar um að sótt yrði um aðild að ESB hófst fyrir árslok 2008 á meðan stjórn Sjálfstæðisflokks og Samfylkingar var enn við völd. Á flokksstjórnarfundi í byrjun desember 2008 var byrjað að gefa eftir frá áður markaðri stefnu og sama sagan endurtók sig á landsfundi VG í mars 2009. Um þetta voru þau samstiga Steingrímur J., Katrín Jakobsdóttir og Ögmundur Jónasson, en sá síðastnefndi viðurkenndi er frá leið að umsóknin hafi verið mistök. Ekkert þessara forystumanna virtist þá hafa áttað sig á gerbreyttu umsóknarferli ESB-megin frá því sem var þegar norska ríkisstjórnin gerði samning við ESB og sem felldur var í þjóðaratkvæðagreiðslu 1994. Innan VG var mikil andstaða gegn tvískinnungi forustunnar veturinn 2008–2009. Leiddi það til þess að Steingrímur J sem formaður aftók degi fyrir kosningar vorið 2009 í beinni útsendingu að VG tæki í mál að sækja um aðild. Það tók hann og Katrínu varaformann síðan aðeins nokkra daga að venda kvæði í kross í stjórnarmyndunarviðræðum við Samfylkinguna og með því fór trúverðugleiki flokksins út í veður og vind.

- See more at: http://smugan.is/2013/04/banamein-stjornar-vg-og-samfylkingar-var-umsoknin-um-esb-adild/#sthash.OnKub1RL.dpuf

[Anna Sigríður Guðmundsdóttir, 14.3.2014 kl. 18:22]

Ömmi gamli er enn á villuveginum, sem ekki passar við neitt, sem talist getur raunhæft.

Kallinn Ömmi er enn á þingi, en hefur því miður svo slæma samvisku, að hann getur ekki einu sinni komið með einnar mínútu ræðu nú orðið, hvað þá meir!

Algjör ESB-hernaðarkóngur vestrænnar bankahertöku, hann Ömmi "frændi"!

Góður Guð hjálpi Ömma gamla, og okkur hinum öllum, syndugum og villuráfandi.

M.b.kv.

[Elle_, 14.3.2014 kl. 22:26]

Hann er nú ekki voða gamall, fæddur 1948.  Hann gerði mistök með Brussel-málið og hann skýrði þau mistök.   Hvort sem maður getur fyrirgefið honum þau eða ekki.  Fólk ræðst oft óþarflega á hann og sleppir öðrum.  Ögmundur er engill miðað við liðið sem er nú í alþingi fyrir VG.

[Anna Sigríður Guðmundsdóttir, 14.3.2014 kl. 22:54]

elle mín. Hvers vegna greiddi Ömmi gamli alltaf með ESB á þingi? Segir það ekki töluvert mikið um þann gamla Ömma-RÚV-samherja?

Ég er annars alveg tilbúin að fyrirgefa öllu fólki, ef það hættir að ljúga og blekkja, og byrjar að segja satt, sama hvort um er að ræða Ömma  gamla "frænda", eða einhverja aðra.

Heimsfriður byggist alfarið á gagnkvæmri fyrirgefningu fyrri mistaka. Það veit friðarsinninn Ömmi ?

M.b.kv.

[Elle_, 14.3.2014 kl. 23:13]

Nei, ég var ekki að fara fram á að neinn fyrirgæfi neitt.  Það er engin skylda að fyrirgefa einum eða neinum neitt, maður gerir það upp við sjálfan sig.  Þessvegna orðaði ég það svona: Hvort sem maður getur fyrirgefið honum þau (mistökin) eða ekki.

[Halldór Björgvin Jóhannsson, 15.3.2014 kl. 09:50]

Jakop16, fyrir forvitnissakir hver var þessi varanlega undanþága sem fékkst og hvað gerir hún fyrir okkur íslendinga?