Hárrétt hjá Vigdísi - en RUV ...

Vigdís Hauksdóttir þingmaður Framsóknarflokksins gerir réttmætar og hárréttar athugasemdir við starfsemi svokallaðrar Evrópustofu hér á landi. Hún gerir athugasemdir við það að hér skuli það vera látið viðgangast að þetta batterí moki hér út áróðri sínum, fé og fullyrðingum - flestum röngum.

Össur Skarphéðinsson andmælti þessu að sjálfsögðu enda verið að tala gegn hans eigin trúboðum, ekki bara launuðum erindrekum heldur útsendurum einskonar sértrúarhóps sem utanríkisráðherrann hefur vitnað fyrir og um - daga jafnt sem nætur.

Í frétt á RUV kemur fram að Vigdísi þóttu það merk tíðindi, að utanríkisráðherra teldi að ekkert væri því til fyrirstöðu að Evrópustofa breiddi hér út áróður sinn. Eða, svo notuð sé orð Vigdísar sjálfrar:

"Sáldri áróðri hér um landið í ræðu og riti og starfsmenn hennar ferðast um landið og raunverulega reyna að heilaþvo landsmenn. En það gengur ekki betur en svo að það var skipt um embættismann hjá batteríinu í gær."

Við það síðasta sem Vigdís hefur að segja hnýtir RUV:

"Þar var Vigdís að vísa til þess að sendiherra ESB hér á landi, Timo Summa, lét nýlega af störfum, eins og ákveðið var fyrir all löngu, og fór á eftirlaun."

Það er allar athygli vert að RUV skuli með þessari viðbót sinni reyna að draga úr vægi þess sem Vigdís segir, eins og það sé hlutverk stofnunarinnar. Og það væri verðugt rannsóknarefni að sjá hvort að fréttastofa RUV væri alltaf svona vökul þegar allar fréttir eiga í hlut. Ég þori að fullyrða að svo er ekki - enda margt af því ekki burðugt sem þaðan kemur. Hitt er svo annað að margur hefur unnið lengur og fylgt eftir verkefnum þrátt fyrir að vera "vera kominn á aldur" - en sjálfsagt hefði það aldrei geta átt við Timo þennan Summa, því ef marka má fréttastofu RUV hafði hann löngu ákveðið að hætta á réttum tíma.

Ætli fréttastofa RUV viti hvort Timo Summa hafi keypt sér ný axlabönd í fyrradag? - eða hvort uppþvottavélin heima hjá honum sé eldri en tveggja ára?

- gb.

Athugasemdir

[Gunnar Heiðarsson, 8.3.2013 kl. 13:46]

Það er rétt hjá fréttastofu RUV, að nokkuð er síðan tilkynnt var að Summa myndi draga sig í hlé.

Fréttastofan hefði þó getað látið fylgja með að þegar sú tilkynning kom, var sagt að hann myndi starfa hér á landi fram á næsta sumar. Það þjónaði þó ekki þeim tilgangi sem athugasemdinni var ætlað í fréttinni af ummælum Vigdísar.

Það er ljóst að starfslokum Summa hefur verið flýtt, hverjar svo sem orsakir þess eru. Það er vonandi að nýr fulltrúi ESB á Íslandi sýni faglegri vinnubrögð en Summa.

[Gunnlaugur I., 8.3.2013 kl. 14:34]

Það er merkilegur hroki að þessi áróðursstofa ESB sjái sér vært að vera hér í skjóli Össurar og hans gengis, þegar ljóst er orðið að tveir af elstu og stærstu stjórnmálaflokkum landsins, bæði Framsóknar- og Sjálfsstæðisflokkurinn hafa nýlega ályktað sterkt gegn áróðurs- og útbreiðslustarfssemi ESB stofu hér á landi !

[Ásmundur (IP-tala skráð) 8.3.2013 kl. 15:40]

Það er bilun að halda því fram að Evrópustofa moki út áróðri. Þess er vandlega gætt þar að greina aðeins frá staðreyndum. Þeir svara td ekki spurningum um hvort kostir við ESB séu meiri en gallarnir.

Slík upplýsingaveita er nauðsynleg fyrir Íslendinga til að þeir geti tekið upplýsta ákvörðun. Því miður hefur borið allt of lítið á Evrópustofu með þeim afleiðingum að svívirðilegar lygar ESB-andstæðinga hafa fengið allt mikinn hljómgrunn.

Margir hafa ánetjast blekkingum andstæðinganna án þess að hafa hugmynd um að þeir eru þar með að vinna gegn eigin hagsmunum og afkomenda sinna.

Þeir einir sem hugsanlega hagnast á að vera utan ESB eru útgerðarmenn og aðrir auðmenn. Gengislækkanir koma þeim til góða á kostnað almennings sem situr uppi með minni kaupmátt launa og hærri lán. Og gjaldeyrishöft rýra smám saman lífskjör.

Andrés Pétursson hefur upplýst að það sé næstum ár síðan það var tilkynnt að skipt yrði um sendiherra ESB hér á landi í byrjun árs 2013. Það hefur því dregist en því ekki verið flýtt.

Það er með ólíkindum að Vinstrivaktin skuli gagnrýna Rúv fyrir að leiðrétta grófar rangfærslur þess þingmanns sem nýtur örugglega minnstrar virðingar allra þingmanna. Að Vinstrivaktin geri þá kröfu að Rúv verði vettvangur fyrir ómerkinga til til að blekkja þjóðina er ekkert annað en skandall.

Hefur Vinstrivaktin engan áhuga á vandaðri vinnubrögðum til að ávinna sér trúverðugleika? Telur hún kannski að málstaðurinn þoli það ekki?

Þeir sem neita þjóðinni um ESB-stofu eru að mínu mati fasistar. Þetta einkennir öfgarnar til hægri og til vinstri.

Sá er þó munur á að skrímsladeild Vinstri grænna hrökklaðist úr flokknum meðan skrímsladeild Sjálfstæðisflokksins náði yfirráðum yfir þeim flokki.

Sjálfstæðisflokkurinn má því ekki fyrir nokkra muni komast til valda.

[Erla Magna Alexandersdóttir, 8.3.2013 kl. 17:20]

Það koma oft allskonar trúboðar og banka her á dyr. Eg hlusta ekki þegar eg veit að  ekkert markvert er í boði- við getum valið- látum ekki troða neinu ofan í kok á okkur !!! Skrum og áróður gengur ílla í Islendinga held eg !!!

[Kolbrún Hilmars, 8.3.2013 kl. 18:23]

Einmitt.  Himnaríki selst illa þessa dagana.  Ýmist trúir fólk ekki á það eða vill alls ekki fara þangað.  Alveg sama þótt trúboðarnir séu jarðbundnir og selji ESB í þess stað.

Verst hvað það gengur illa að losna við ESB trúboðana af dyramottunni...

[Gunnlaugur I., 8.3.2013 kl. 20:16]

Forritaður talgerfill ESB- stofu, sem hefur vinnuheitið "Ásmundur" hefur nú talað og fellt sinn sleggjudóm.

Við sem leyfum okkur að gagnrýna skefjalausan áróður ESB- stofu erum: "FASISTAR" !

[Hilmar (IP-tala skráð) 8.3.2013 kl. 22:30]

Mundi er orðinn beiskur og bitur upp á síðkastið. Barnslega bjartsýnin og ógleymanleg gullkorn heyra fortíðinni til.

Þessi fyrrum Smjagall hefur breyst í slímugan Gollri í þessari ESB reisu, og núna skríður hann um, hreytandi út úr sér svívirðingum, milli þess að ákalla ESB gullið sitt. Eftir því sem það færist lengra í burtu, því ruddalegri verður hann.

Þökk sé heimsbókmenntum að maður er betur í stakk búinn að þekkja úr litla slímuga svikahrappa sem vilja okkur allt illt.

En engar áhyggjur Mundi minn. Þegar að því kemur, skellum við stórum póststimpli á afturendann á þér, og sendum þig viljugan beint til Brussel, þar sem þú mátt eiga heima það sem eftir er af þínu auma lífi. Og þú færð ekki að koma heim aftur, þegar þú áttar þig á að rjóminn í Brussel er súr.

[Ásmundur (IP-tala skráð) 8.3.2013 kl. 23:00]

Gunnlaugur er með óvöndustu mönnum á netinu.

Það er ekkert mark á honum takandi. Í stað þess að svara málefnalega býr hann til lygasögur um andstæðinginn.

Og svo heimskur er hann að hann lýgur jafnvel um það sem má sannreyna að er rangt í athugasemdinni sem er tilefni skrifa hans sbr ummæli hans um fasista.

Skoðanakúgun sem felst í að banna upplýsingaveitur er fasismi sérstaklega þegar lygaáróður hagsmunaðila fær óátalið að nauðga þjóðinni.

Tilgangurinn er augljóslega að koma í veg fyrir að fólk fái réttar upplýsingar því að þá gæti það kosið aðild.

Ef þetta sjónarmið verður ofan á er það algjör niðurlæging fyrir lýðveldið Ísland. Það má ekki verða.

[Elle_, 8.3.2013 kl. 23:30]

Fasistarnir komu fyrst fram að ofan í no. 3.  Og hver skrifaði það? 

Væri það fasismi að banna Bandaríkjaáróður um yfirtöku landsins með peningamútum í öllum skúmaskotum?  Bolivískan?  Kanadískan?  Kúbu-ískan?  Rússneskan?  Já, auðvitað, en ef það eru fasistarnir í Brussel, horfir allt öðruvísi við.

[Elle_, 8.3.2013 kl. 23:39]

Nei, auðvitað ekki.  Hitt var kaldhæðni.  Það væri sko ekki fasismi þó öllum skrímslayfirvöldum heims, nema dýrðlingum Brusselveldsins, væri bannað að tala á Íslandi.

[Ásmundur (IP-tala skráð) 9.3.2013 kl. 08:34]

Elle, að taka sjálfviljugur þátt í samstarfi er andstaða yfirtöku og kúgunar.

Þess vegna er það alvarleg vænisýki og vanmáttarkennd að tala um kúgun og vænisýki í ESB sem er samstarfsvettvangur úrvalsliðs Evrópulanda á takmörkuðu sviði.

Það hljóta að vera sérstakar skýringar á þessum alvarlegu ofskynjunum þínum sem eiga sé enga líka meðal Íslendinga svo að ég hafi orðið var við.

Mér dettur helst í hug að þú eða nánir ættingjar þínir séu fórnarlömb nasista í Þýskalandi eða jafnvel enn frekar harðstjórnar Sovétríkjanna sem eru auðvitað algjör andstaða ESB.

Sovétríkin voru samband yfirtekinna ríkja sem lutu einræði og harðstjórn.

ESB er samband mestu lýðræðisríkja heims þar sem mannréttindi eru meira i heiðri höfð en nokkurs staðar annars staðar í heiminum.

Þeir sem sækja um aðild að slíku sambandi eru að sjálfsögðu hvorki yfirteknir né kúgaðir.

Svo virðist vera sem undirliggjandi ofsahræðsla vegna fyrri reynslu rugli þig algjörlega í ríminu.

[Hilmar (IP-tala skráð) 9.3.2013 kl. 09:28]

Ja... sjáðu til Mundi, þrír fjórðu þjóðarinnar hefur engan áhuga á ESB, og það þrátt fyrir gríðarlegar upphæðir sem sambandið hefur varið í áróður og mútur.

Við erum búin að horfa upp á hvert gjaldþrotið í ESB á fætur öðru. Það er víst ekki ESB og evru að kenna skv ykkur landráðamönnum, heldur eru gjaldþrota þjóðir eins og Grikkir, Spánverjar, Portúgalir, Kýpverjar, Ítalir og Írar, svo eitthverjar séu nefndar af handahófi, spilltir skattsvikarar og eiga gjaldþrotið skilið. Aðrar þjóðir sem efast, eins og Bretar, eru vitleysingar og heimsvaldasinnar sem dreymir um forna frægð.

Nú, við andstæðingar ESB á Íslandi erum víst vitleysingar, þjóðrembingar, einangrunarsinnar, fulltrúar LÍÚ, handbendi Davíðs og so videre.

Þú sérð ekkert mynstur í þessu Mundi minn?

Getur verið að vitleysingarnir í dæminu, séu þið landráðafólkið?

Ég meina, þú og hinir vitringarnir gerið fátt annað en að bjóða okkur upp á sömu lygarnar um einhverjar fimm sex tímabundnar undanþágur sem aðiladarþjóðir ESB nutu en eru allar meira og minna útrunnar.

Mundi minn, er það nokkuð annað en heimska að bjóða okkur upp á málflutning um undanþágur Finna og Svía í landbúnaðaði, sem tryggingu fyrir því að Spánverjar ryksugi ekki upp fisk á Íslandsmiðum, sérstaklega þegar þessar undanþágur eru útrunnar?

Getur verið Mundi minn, að þú sért nautheimskt fórnarlamb óvandaðra áróðursmanna, og gangandi vitnisburður um að við verðum að stoppa áróðurs- og mútuvél ESB á Íslandi?

Persónulega verð ég nú að segja, að full ástæða sé til þess að vernda þig fyrir öflum sem vilja þér illt. Þetta er síður brýnt en áhersla ESB um að loka á allt klám í Evrópu.

Mundi minn, bann á ESB mútuvélina er fyrst og fremst hugsuð til þess að vernda þig og þína. Þetta snýst eiginlega um að stöðva þessa ESB væðingu sem hefur leitt til stórkostlegs vanda í Evrópu. Sjáðu bara, guðhræddar og heiðarlegar þjóðir eins og Grikkir, Spánverjar, Portúgalir, Kýpverjar, Ítalir og Írar, svo eitthverjar séu nefndar af handahófi, hafa farið lóðbeint á hausinn, eftir að hafa verið kynntar fyrir siðspillingaráhrifum ESB.

[Elle_, 9.3.2013 kl. 09:38]

Ofsahræðsla, ofskynjanir, vanmáttarkennd, vænisýki, hvað ætlarðu að endurtaka bullið oft?  Og Atli Hermannson er að læra skítkastið þitt.

Ættuð þið annars ekki að skoða Stockholms Syndromið ykkar gegn Brusselvaldsmönnum?  Þið voruð kylliflatir eins og samfylktum og samtöktuðum sæmir í forinni í ICESAVE kúgunarmálinu. 

En endilega endurtaktu einu sinni enn þvæluna um að við hefðum átt að borga handrukkurum.  Hinsvegar svaraðirðu ekki spurningunni minni að ofan:
Væri það fasismi að banna Bandaríkjaáróður um yfirtöku landsins með peningamútum í öllum skúmaskotum?  Bolivískan?  Kanadískan?  Kúbu-ískan?  Rússneskan?

[Gunnlaugur I., 9.3.2013 kl. 09:52]

"Að taka sjálfviljugur þátt í samstarfi er andstaða yfirtöku og kúgunar"

Segir forritaði ESB- robótinn, með vinnuheitið "Ásmundur" í nr. 11.

Nákvæmlega þannig töluðu líka þýsku nasistarnir yfirlætislega um hernám Noregs og Danmörkur í Síðari heimsstyrjöldinni.

Alveg eins og Ásmundur þá stærðu þýsku Nasistarnir sér líka af svona "úrvalsliði" þegar þeir töluðu yfirlætislega um sjálfan sig og SS sveitirnar sem voru lofsungnar sem einmitt svona "úrvalslið" !

Alltaf kemur þessi forritaði ESB róbot upp um sig og nú hittir Fasista stimpillinn hann sjálfan í hausinn eins og Búmmerang !

[Elle_, 9.3.2013 kl. 10:19]

Hann er nefnilega ekkert minna en fasisti sjálfur þó hann ljúgi þessu upp á annað fólk.  Með skítlegt eðli eins og þeim sem mismuna fólki og þjóðum eftir því hversu hvítir og flottir þeir eru eða ekki.  Mér yfirsást þetta með úrvalsliðið að ofan, þó það sé í fullu samræmi við allt annað ógeð sem kemur frá honum. 

Þetta snýst nefnilega um dýrkun á þessu Brusselveldi, þeir flottu, hvíta úrvalsliðið, gegn heiminum.  Við vissum að maðurinn væri hættulegur fullveldinu en hann er stórhættulegur og á að fjarlægja hann úr ríkisembættinu sem hann þykist vera að vinna.

[Ásmundur´ (IP-tala skráð) 9.3.2013 kl. 11:22]

Heimska og vænisýki er hættuleg blanda. Af einhverjum ástæðum einkennir hún marga ESB-andstæðinga auk ofstopa og andlegs ofbeldis.

Menn ættu að hugleiða þetta. Svona fólk hefur yfirleitt rangt fyrir sér.

[Elle_, 9.3.2013 kl. 11:29]

Fyndið, nákvæm lýsing á hinum svokallaða Ásmundi sjálfum.  Og fóstbræðrum hans.  Farðu, ómerkingur, pakkaðu og farðu þangað sem þú átt heima.  Vonandi kemur það í fréttum þegar þú verður dreginn út úr ríkisembættinu.

[Ásmundur (IP-tala skráð) 9.3.2013 kl. 11:36]

Það er að sjálfsögðu ekkert leyndarmál að sum lönd eru lengra á veg komin í lýðræði og mannréttindum en önnur. Það er enginn rasismi að benda á það þegar það á við.

Viðbrögð Elle gætu bent til vænisýki og vanmáttarkenndar - í þessu tilviki fyrir hönd upprunalandsins.

[Hilmar (IP-tala skráð) 9.3.2013 kl. 12:21]

Svo er náttúrulega möguleikinn að þú sért ekki bara heimskur, Mundi minn. Það getur meira verið að þú sért algerlega siðlaus, ofan í heimskuna. Og heimskan er þá bara öðruvísi en sú heimska að láta litla nasista eins og Rompuy leiða sig áfram.

Það er náttúrulega siðblinda að reyna að draga Ísland í gjaldþrota bandalag, þar sem geysa gríðarlegar efnahagslegar hamfarir, og stór hópur fólks þarf að treysta á Rauða krossinn sér til lífs.

Það þarf náttúrulega ótrúlega brenglað siðferðismat, að vera tilbúinn til þess að taka lífsbjargirnar af löndum sínum, í von um persónulegan ávinning frá nasistunum í Brussel.

Auðvitað er það forgangsmál hjá þjóðinni að loka áróðursbatteríum ESB á Íslandi, og taka úr umferð þá sem leitast við að skaða hagsmuni þjóðarinnar. Engin þjóð getur liðið föðurlandssvik.

[Ásmundur (IP-tala skráð) 9.3.2013 kl. 12:30]

Eins og Þórir Stephensen, fyrrum dómkirkjuprestur og staðarhaldari i Viðey, bendir á væru slit á aðildarviðræðum og lokun Evrópustofu ekkert annað en andlegt ofbeldi.

http://eyjan.pressan.is/frettir/2013/03/09/hvers-konar-menn-eru-bunir-ad-yfirtaka-minn-gamla-flokk/

Helgi Magnússon, formaður Sambands lífeyrissjóða og fyrrverandi formaður Samtaka iðnaðarins, segir að einangrunarsinnar í Sjálfstæðisflokknum beri ábyrgð á þeirri grímulausu forsjárhyggju sem felst í þeirri stefnu flokksins að slíta aðildarviðræðum:

http://eyjan.pressan.is/frettir/2013/03/08/segir-einangrunarsinna-hafi-radid-allt-of-miklu-a-landsfundi/ 

Björgólfur Jóhannsson, formaður samtaka atvinnulífsins, vill ljúka aðildarviðræðum:

www.visir.is/vill-ekki-ad-esb-verdi-eilifdardeila/article/2013703089897 

[Hilmar (IP-tala skráð) 9.3.2013 kl. 13:10]

Æ aumingja presturinn. Það er nú eins gott að hann sem fórnarlamb lýðræðis skuli geta leitað andlegs stuðnings hjá Jóni Ásgeiri og Samfylkingu. Og ekki verra að vera kominn í hóp með helstu gerendum í hruninu á Íslandi.

Hvað eru þeir orðnir margir "Sjálfstæðismennirnir" sem eiga um sárt að binda eftir lýðræðislegar ákvarðanir flokksmanna?

Þrír?

Man reyndar bara eftir tveim, svartstakknum og Benedikt Jóhannessyni.

Ætli þeir séu bara ekki fáanlegir til að ganga til liðs við ESB Samfylkingu?

[Kolbrún Hilmars, 9.3.2013 kl. 15:26]

Bragð er að þá presturinn finnur.  Eftir tæplega mánaðarlangt ofbeldi af hálfu XD - ef rétt er haft eftir.

Meirihluti okkar hinna ógeistlegu þurftum að sæta því ofbeldi af hálfu núverandi ríkisstjórnar að aðildarviðræðurnar voru HAFNAR sumarið 2009 - að okkur forspurðum.  

Ofbeldið gagnvart okkur hefur þannig varað linnulaust í tæp 4 ár og sér ekki fyrir endann á.

Já, það er ekki ofsagður munurinn á Jóni og Séra Jóni.

[Magnús Helgi Björgvinsson, 9.3.2013 kl. 16:48]

Bara svona að velta fyrir mér hvort að það sé þá ekki með öllu óþolandi að hér sé rekið félag og áróðursmaskína sem nefnd er Heimssýn og er styrkt í baka og fyrir af hagsmunaöflum. Er það eðlilegt að þar sé t.d. Bændasamtökin og LÍÚ að styrkja félag sem hefur það eina markmið að standa vörð um hagsmuni þessara kannski um 1000 útgerðamanna og um 5000 bænda og svo þeirra sem fylgja því kannski svona í heild um 25 þúsundmanns sem hafa beinar tekjur af þessu 2 greinum. Á þá ekki að banna að félögu komi fram sem óháð hagsmunaöflum en séu að hluta rekin af þeim.  Hef ekki séð mikinn áróður frá ESB stofu þeir hafa haldið hér fundi og gert eiithvað kynningarefni og svarða fyrirspurnum oft út af rangflutningi Vinstrivaktarinnar og Heimssýnar.  Man eftir ýmsum viðburðum sem sendiráð hér hafa staðið að og engin sagt neitt við. Man t.d. eftir að norsk fyrirtæki hafa komið hér reglulega að reyna að ná í fagfólk okkar og Vinstivaktin hefur snarþagað yfir því.

[Jón Valur (IP-tala skráð) 9.3.2013 kl. 22:44]

http://cur.lv/gnpf

[Ásmundur (IP-tala skráð) 10.3.2013 kl. 08:58]

Kolbrún, það er að sjálfsögðu ekkert ofbeldi fólgið í því að hafa ekki þjóðaratkvæðagreiðslu um aðildarumsókn. Það er vaninn.

Það væri beinlínis rangt nema að fyrir liggi að meirihluti þjóðarinnar myndi hafna aðild eftir að samningur liggur fyrir.

Svo er alls ekki. Í síðustu könnun Capacent kusu aðeins 33% aðspurðra gegn aðild þó að það hafi verið meirihluti þeirra sem tóku afstöðu.  

Ef þjóðin hafnar aðildarumsókn er hún að hafna aðild án þess að hafa réttar upplýsingar til þess að taka slíka ákvörðun. Það er auðvitað ótækt.

[Kolbrún Hilmars, 10.3.2013 kl. 17:24]

Ásmundur, mér hefur skilist að svissarar hafi verið spurðir fyrst - og neitað.  Svo ég skil ekki alveg hvaða "vana" þú átt við.

Íslendingar hafa nú haft a.m.k. fjögur ár í skugga aðildarumsóknar til þess að kynna sér allt sem þarf til þess að taka ákvörðun um ESB aðild.

Sannarlega skortir ekki upplýsingaveiturnar hérlendis; ESB stofur, ESB sendiráð og hvað eina. 

Aumlegasti áróðurinn er samt að halda því fram íslendingar mótfallnir ESB séu Evrópuhatarar!  Nú er ég ekki að saka þig um að leggjast svo lágt, en sumir skoðanabræður þínir gera það.  

Eins og við séum ekki Evrópubúar!

[Ásmundur (IP-tala skráð) 10.3.2013 kl. 20:08]

Kolbrún, það er ekki rétt að Svisslendingar hafi verið spurðir fyrst.

Stjórnvöld ákváðu á einu bretti gerast aðili að EES-samningnum og láta kjósa um samninginn og í framhaldi af því semja um ESB-aðild sem einnig yrði borinn undir þjóðina.

Þegar það svo kom í ljós að yfir 80% Svisslendinga voru andvígir EES-samningnum þótti ljóst að þeir myndu fella ESB-aðild í þjóðaratkvæðagreiðslu.

Þess vegna var boðað til þjóðaratkvæðagreiðslu um hvort halda ætti áfram viðræðunum áfram. Þeim hefur þó ekki verið formlega slitið. Þess vegna er hægt að halda þeim áfram hvenær sem er.

Taktu eftir að svissnesk  stjórnvöld töldu sig ekki geta frestað viðræðunum nema það væri ljóst að ESB-aðild yrði hafnað og þjóðin samþykkti það. Þannig er lýðræðisleg vitund Svisslendinga mun þróaðri en Sjálfstæðismanna ofl Íslendinga.

Fólk flest mun ekki kynna sér málin fyrr en samningur liggur fyrir. Það þarf síðan að líða langur tími þangað til þjóðin kýs svo að hún fái tækifæri til að mynda sér upplýsta afstöðu.

Mér skilst að Evrópustofa hafi haldið einhverja fundi úti á landi. Að öðru leyti hef ég ekkert orðið var við hana nema þegar ég fer inn á evropustofa.is. Þar er enginn áróður í gangi heldur aðeins nauðsynlegar upplýsingar til að hægt sé að taka upplýsta ákvörðun.

Ef viðræðum verður slitið eins og Sjálfstæðisflokkurinn ofl boða er það endanlegt. Það er því fráleitt að slíta viðræðum og útiloka þannig einu lausnina á vanda okkar sem nokkur hefur komið auga á.

Að slíta viðræðum í miðjum klíðum er óþekkt í sögu ESB enda er slíkt beinlínis heimskulegt. Að gera það án umboðs frá þjóðinni er auk þess ofbeldi.

[Elle_, 10.3.2013 kl. 21:02]

Já, núna heitir það ofbeldi að gera hluti án leyfis þjóðarinnar.  Hinsvegar, ofbeldið gegn sömu þjóð, 16. júlí, 09, var eðlilegt lýðræði. 

Okkur kemur ekkert við hvaða leið meginlandsbúar Evrópu fóru að að festast í Brusselnetinu.  Við eru við, ekki þeir.

[Elle_, 10.3.2013 kl. 21:03]

Hinsvegar væri það ekki án umboðs þjóðarinnar, það er auðvitað haugalygi.  Þjóðin vill þetta ekki neitt.