Getur verið að mynduð verði ríkisstjórn að loknum kosningum sem keyrir áfram mál í berhögg við vilja þjóðarinnar? Já!

Svo gæti farið að eftir næstu kosningar yrði mynduð ríkisstjórn sem myndi keyra áfram aðildarviðræður að ESB. Það sorglega er að þessi ríkisstjórn yrði með vinstri stimpli frekar en vinstri áherslum. Eins og staðan er núna þá er ekki útilokað að næsta ríkisstjórn:

• ·         Haldi áfram viðræðum við ESB út í það óendanlega, þrátt fyrir fyrirheit um annað. Loforð hafa fyrr verið svikin.
• ·         Leyfi ESB að vera með botnlausan áróður fyrir ESB-aðild undir yfirskini fræðslu.
• ·         Leyfi ESB að ausa fjármunum til að kaupa sér vinsældir.
• ·         Bíði með þjóðaratkvæðagreiðslu til ,,heppilegs“ tímapunkts, þetta er vel þekkt tækni í ESB-löndum.
• ·         Hunsi úrslit ,,ráðgefandi“ þjóðaratkvæðagreiðslu.
• ·         Láti efna til annarrar þjóðaratkvæðagreiðslu ef úrslit hinnar fyrri verða ESB-sinnum ekki hagstæð. Þetta er líka vel þekkt tækni í ESB-löndum.

Sporin hræða.

• ·         Við höfum séð einlæga vinstri sinnaða ESB andstæðinga svínbeygða til að fara í aðildarviðræður að ESB.
• ·         Við höfum séð einlæga vinstri sinnaða ESB andstæðinga hunsa vilja þjóðarinnar um að framhald aðlögunarinnar og aðildarviðræðnanna verði lögð í dóm þjóðarinnar.
• ·         Við höfum séð einlæga vinstri sinnaða ESB andstæðinga sogast inn í hringiðuna sem aðlögunin og ESB-þráhyggja samstarfsflokksins hefur þyrlað upp og verða æ hallari undir sambandið sem þeir þó gagnrýna.

Lausnin er ekki hægri stjórn. Lausin er sú að hin raunverulegu vinstri öfl sjái að sér og spyrni við fótum. Það er aldrei of seint.

 

Vonandi á Vinstrivaktin aldrei eftir að þurfa að dusta rykið af þessari grein og segja: Þetta sagði ég þér!

Athugasemdir

[Ásmundur (IP-tala skráð) 28.2.2013 kl. 17:11]

Að kjósa um aðildarviðræður er að kjósa um aðild. Ef þjóðin segir nei er búið að hafna aðild. Þess vegna er ekkert vit í að kjósa fyrr en samningur liggur fyrir. Þá fyrst veit fólk um hvað það er að kjósa.

Þannig er það galin hugmynd að halda þjóðaratkvæðagreiðslu um aðildarviðræður. Enn galnara er þó að slíta viðræðum í miðjum klíðum og henda þar með stórfé og mikilli vinnu fyrir ekki neitt.

Þegar aðildarviðræður voru samþykktar á Alþingi var meirihluti fyrir því í skoðanakönnunum að hefja aðildarferlið. Þá var Heimssýn á móti því að kosið væri um hvort ferlið skyldi hafið.

Það er auðvitað galið að annar aðilinn geti stoppað ferlið þegar fylgi við aðild er i lágmarki því að ekki verður hægt að taka það upp aftur þegar fylgi við það eykst aftur.

Aðeins Svisslendingar hafa kosið um aðildarviðræður. Það var eftir að þeir höfnuðu EES-samningnum í þjóðaratkvæðagreiðslu með yfirgnæfandi meirihluta atkvæða. Þá varð ljóst að þeir myndu hafna aðild og aðildarviðræður voru því tilgangslausar. 

Engu slíku er til að dreifa hjá okkur. Atkvæðagreiðsla eftir nokkur misseri getur farið á hvorn veginn sem er.  Við eigum því að ljúka þessu ferli að hætti siðaðra þjóða.

[Rafn Guðmundsson, 28.2.2013 kl. 17:32]

ég vona að svona ríkisstjórn verði næst - nauðsynlegt er að klára þessar viðræður og leyfa okkur svo að kjósa.

[Kolbrún Hilmars, 28.2.2013 kl. 18:08]

Þvert gegn svartsýninni í þessum pistli segi ég Nei!  Hér verður ekki mynduð ESB sinnuð ríkisstjórn aftur.   

ESB sinnar verða að láta sér nægja að flytja í ESB dýrðina þar sem hún á heima.   Þeim er það ekki vandara en landflótta íslendingum í atvinnuleit í Noregi.

[Gunnlaugur I., 28.2.2013 kl. 20:21]

Ég er sammála Kolbrúnu Hilmars að hér verður varla mynduð önnur svona ESB- svikastjórn um eitthvert áframhald þessara aðildarviðræðna.

ESB umsóknin er andvana fædd, einfaldlega vegna þess að mikill meirihluti þjóðarinnar vill staðfastlega ekkert með ESB stjórnsýslu- helsið hafa að gera og allir geta séð sem vilja sjá að þetta apparat á við sívaxandi tilvistarvanda að stríða og á jafnframt í stórkostlegum efnahagslegum og félagslegum vandræðum.

Annars er alveg rétt hjá VV að við skulum svo sannarlega halda vöku okkar.

Vegna þess að við eigum í höggi við kerfislægt og ólýðræðislegt valda apparat, sem svífst einskis til þess að ná fram vilja sínum og hikar ekki við að beita fjármunum og óvönduðum meðulum til þess að kaupa sér "réttar" niðurstöður, eins og dæmin sanna.

Einnig eigum við í höggi við ósvífinn minnihluta sem hefur mjög einbeittan brotavilja til þess að vilja með öllum brögðum svíkja þjóð sína undir Brussel valdið.

Daglega sjáum við hér "Ásmund" einn af æstustu skósveinum ESB valdsins og þessa háværa minnihluta sem fer hér hamförum um bloggsíðu VV eins og hann hafi fengið vitrun frá Brussel og enginn sé morgundagurinn.

[Ásmundur (IP-tala skráð) 28.2.2013 kl. 23:01]

Veruleikafirring hefur einkennt Vinstrivaktina frá upphafi. Enn stendur hún í þeirri trú að hinn almenni kjósandi hafi fylgt Jóni Bjarnasyni og öðrum villiköttum að máli þó að fylgi þeirra hafi verið nánast ekki neitt.

Fylgisleysi þeirra sást best á því að engin tillaga kom fram á landsfundinum um að slíta aðildarviðræðum. Því var meira að segja hafnað að kjósa um áframhald viðræðna. Samt þrjóskast Vinstrivaktin við að horfast í augu við veruleikann.

Nú gengur veruleikafirringin út á að vinstri stjórn geti hugsanlega ákveðið að slíta aðildarviðræðunum þrátt fyrir að Samfylking, Vinstri græn og Björt framtíð vilja allir halda þeim áfram. 

Halló! Er ekki allt í lagi? Eða er bara enn einu sinni verið að blekkja og draga athyglina frá þeirri staðreynd að Sjálfstæðisflokkurinn er eina stjórnmálaaflið sem gengur í takt með Vinstrivaktinni?

Stefna Vinstrivaktarinnar er hægri stefna. Hagur almennings og komandi kynslóða er fyrir borð borinn í þjónkun við auðvaldið. Ónýt króna skal það vera. Þannig eiga ríkir auðvelt með að arðræna almenning með gengisfellingum og með fjármagnsflutningum úr landi þegar krónan er hátt skráð.

Þeir sem hér taka undir málflutning Vinstrivaktarinnar eru flestir ef ekki allir sjálfstæðismenn. Það sést td langar leiðir að Gunnlaugur er hægri öfgamaður rétt eins og Gunnar Waage.

[Elle_, 28.2.2013 kl. 23:40]

Guð minn góður, ekkert samfylkt og samtakta öfga-vinstri lengur, nei.  NEI.  HIGH FIVE þið 'hægri-öfgamenn'.  Hvað maður var vitlaus í apríl, 09.

[Elle_, 28.2.2013 kl. 23:47]

Nema villikettina, að sjálfsögðu.

[Valdimar Samúelsson, 1.3.2013 kl. 09:29]

Það er ekki veruleikafirring að skrifa þessa grein. Það mun taka mörg ár að byggja upp traust vegna þessara pólitísku flokka. Eins og kom fram í sjónvarpsþættinum i gærkveldi þá hugsa þessir menn eingöngu um sjálfan sig og framtíð innan flokksins. Sjá t.d Steingrím. Síðasta verkið hans var leifi fyrir Borpallinum. Hvað var hann að gera. Það sjá það allir.