Var samþykkt VG um aðildarumsóknina gerð á lögmætum fundi?

Fáliðuð orrusta tapaðist á landsfundi VG um s.l helgi með sáralitlum atkvæðamun. En spurningin er hvort samþykkt landsfundarins var lögmæt vegna fámennis. Samþykktin skyggir heldur ekki á þá meginstaðreynd að stríðið um framsal fullveldis til Brussel, er þrátt fyrir allt að vinnast, a.m.k. í þessari lotu.

 

Það voru 82 fundarmenn sem samþykktu á landsfundi VG s.l. sunnudag, að hreyfingin opnaði á áframhaldandi aðildar- og aðlögunarferli í eitt ár eftir næstu kosningar. 71 fulltrúi greiddi atkvæði á móti. Samkvæmt fundargögnum áttu 405 skráðir fulltrúar rétt til fundarsetu en eitthvað færri mættu til fundarins. Atkvæðagreiðslan fór ekki fram fyrr en um kaffileytið seinasta daginn. Þá hafði fækkað mjög á fundinum eins og sjá má á fyrrnefndum tölum, enda höfðu þá mjög margir fulltrúar sem lengst áttu að sækja, einkum af Norður og Austurlandi, yfirgefið fundinn til að ná í flug eða til að aka af stað heim á leið.

 

Eðlilegt er að velta því fyrir sér hversu marktækar þær ályktanir teljast sem gerðar eru eftir að meirihluti fundarmanna hefur yfirgefið fundinn. Á Alþingi gildir sú regla að atkvæðagreiðsla er því aðeins gild að meira en helmingur þingheims taki þátt í henni. Í 31. grein flokkslaga VG segir: „Fundir flokksráðs og flokksstjórnar eru lögmætir þegar meirihluti fulltrúa er viðstaddur“. Ætla má að hliðstæð regla gildi um samþykktir landsfunda þótt það sé ekki sérstaklega tiltekið í lögum VG. Eða hlýtur ekki einhvers staðar að verða að draga mörkin? Væri sú samþykkt landsfundar tekin gild sem gerð væri með 40 atkvæðum gegn 30 eða 25 gegn 15? Augljóst er að svo væri ekki.

 

Samþykkt þessara 82 fundarmanna sem vildu gefa Samfylkingunni færi á að halda samningsbröltinu áfram í eitt ár í viðbót sætir því engum stórtíðindum og mun varla miklu breyta, en veikir þó VG í komandi kosningum. Miðað við samsetningu fundarins, þegar atkvæði voru loksins greidd, þarf ekki að koma á óvart, að þeir sem ákafast töluðu fyrir því, að VG héldi lífinu í dauðadæmdri aðildarumsókn á sama tíma og flokkurinn samþykkir enn á ný að hagsmunum Íslands sé betur borgið utan ESB, komu einkum af suðvesturhorni landsins. En þar á meðal var einnig nýkjörinn varaformaður, Björn Valur Gíslason.

 

Hins vegar studdu bæði Katrín Jakobsdóttir, nýkjörinn formaður VG og fráfarandi formaður, Steingrímur Sigfússon, þá tillögu að „að aðildarviðræðum við ESB skuli ekki haldið áfram á næsta kjörtímabili nema því aðeins að meirihluti sé því samþykkur í þjóðaratkvæðagreiðslu.“  Ögmundur Jónasson innanríkisráðherra, mælti upphaflega fyrir þessari tillögu sem síðan var lítillega breytt samkvæmt tillögu Árna Þórs Sigurðssonar, formanns utanríkismálanefndar og fékk hún 71 atkvæði.

 

Ögmundur sagði í blaðaviðtali eftir fundinn: „Að sjálfsögðu er ég mjög ósáttur við þessa niðurstöðu. Því er ekkert að leyna. Ég hef beitt mér afdráttarlaust fyrir því að það yrðu kaflaskil í lok kjörtímabilsins og í upphafi þess næsta. En þetta varð niðurstaðan hjá landsfundinum.“ Hann bætti jafnframt við: „Við skulum ekki missa sjónar á meginatriðinu sem er að flokkurinn ítrekar andstöðu sína við inngöngu í ESB. Og í annan stað eru í fyrsta skipti sett tímamörk á viðræðurnar þannig að við skulum líka horfa á hið jákvæða í þessu, þótt ég sé ekki að breiða yfir að ég er mjög ósáttur við að ekki sé kveðið á um þjóðaratkvæðagreiðslu strax í upphafi næsta kjörtímabils.“ - RA

Landsbyggðarfólk farið af fundi

Athugasemdir

[Vésteinn Valgarðsson, 27.2.2013 kl. 12:24]

Það sem sætir tíðindum er að VG hafi ekki notað þetta tækifæri til að losa sig úr snörunni.

[Sindri Geir Óskarsson (IP-tala skráð) 27.2.2013 kl. 12:30]

Þetta er nú bara lygi og vitleysa hjá honum Ragnari. Það voru fleiri sem kusu um ESB málið en tóku þátt í flokkráðskjörinu fyrr um daginn.

Fundur var auglýstur til kl. 17 og fundarmönnum var vel ljóst hvað væri á dagskrá og hvað væri eftir.

Sem ungliði í VG tapaði ég fullt af atkvæðagreiðslum um helgina, ég væli ekki og kenni því um að hluti ungliða hafi ekki komist á auglýstum tíma vegna þess að þeir voru þunnir heima, nei, ég tek því að lýðræðisleg niðurstaða náðist með þeim fundarmönnum sem virtu fyrirfram auglýstann fundartíma.

[Gunnlaugur I., 27.2.2013 kl. 13:54]

Þetta breytir nú ósköp litlu til eða frá úr þessu og hefur eiginlega ekkert upp á sig að deila um það.

Þeim sem hefur ofboðið löng svikaslóð VG í ESB málinu eru nær allir fyrir löngu farnir og það eru tugþúsunda atkvæða, enda fylgi flokksins löngu hrunið.

Þó svo að þeir geri svikaslóðina nú að sérstöku stefnumáli flokksins staðfestir aðeins að þeim er alls ekki við bjargandi í takmarkalausri þjónkunn sinni við Samfylkinguna.

Þar með er aðeins komin enn ein staðfesting á því að VG vill bara ver svona lítið og krúttleg útibú frá Samfylkingunni.

Örlokkur sem lítil sem enginn áhrif mun hafa enda aðeins orðin einangrað fyrirbrygði, vinstri sérvitringa og menntaelítu kverúlanta í 101 Reykjavík.

[Ásmundur (IP-tala skráð) 27.2.2013 kl. 16:40]

Elle, endilega upplýstu okkur um tengsl Vinstrivaktarinnar við Vg. Þetta eru greinilega furðutengsl því að Vg er úthúðað hér nánast á hverjum degi. Samhljómur með málflutningi Sjálfstæðisflokksins er hins vegar öllum augljós.

Annars ert þú greinilega mikill kapítalisti enda máttu ekki heyra Bandaríkjunum hallmælt á sama tína og þú rakkar niður ESB þar sem lýðræði er mest í heiminum, jöfnuður mikill og mannréttindi i hávegum höfð.

[Gunnar Waage (IP-tala skráð) 27.2.2013 kl. 17:39]

Þessi vinnubrögð verða VG ekki til neinnar uppbyggingar. Það gengur ekki að afgreiða svo stórt mál með því að fífla landsfund.

[Elle_, 27.2.2013 kl. 17:52]

Mesta lýðræði í heimi, hahh, hhhah.  Prófaðu að setja þetta fyrst undir pistilinn þar sem það passar.

[Sigfus (IP-tala skráð) 27.2.2013 kl. 18:01]

Bíddu, er bara ekki aveg að skilja þetta. Téður Ragnar viðurkennir að hafa verið á fundinum. Ok, en þá "tapaðist þetta á fáum atkvæðum". Eru ekki til lög á Íslandi sem hafa verið samþykkt  með minnsta meirihluta á hinu háa alþingi ?

Eru það þá e-ð verri lög en önnur ?

Er ekki lýðræði lýðræði ? Eða bara þegar hentar ?

Ég gæti reynt að nota sömu rök og Ragnar beitir, á næsta húsfélagsfundi þegar verða teknar ákvarðanir um e-ð sem ég er ekki sammála um. Þá yrði hlegið.

Þið í Vinstri Græn sem töpuðu ESB málinu, eruð þið ekki þáttakendur í lýðræðisflokki ? Er ekki málið að sætta sig við niðurstöðurnar.

Ragnar er bara gamall pólitískur refur sem sættir sig ekki við að skipta minna og minna máli, að mínu mati.

[Ásmundur (IP-tala skráð) 27.2.2013 kl. 23:35]

Ekkert var athugavert við atkvæðagreiðsluna eins og hér má sjá:

http://eyjan.pressan.is/frettir/2013/02/27/ragnar-arnalds-sagdur-fara-frjalslega-med-stadreyndir/

Hvernig dettur RA annars í hug að fundurinn hefði verið ólögmætur ef einhverjir hefðu yfirgefið hann fyrir atkvæðagreiðsluna?

[Gunnar Waage (IP-tala skráð) 28.2.2013 kl. 01:27]

405 skráðir fulltrúar rétt til fundarsetu - málið afgreitt með 82 atkvæðum / þessu er ekki hægt að taka alvarlega.

Það er eðlileg krafa að hreyfing sem fengið hefur hátt í 400 milljónir til rekstrar síns frá hinu opinbera á yfirstandandi kjörtímabili, reyni að standa að samþykktum sínum á landsfundi samkvæmt lögum og með eðlilegum hætti. Það verður ekki sagt að hafi átt sér stað og er það ekki innanhússmál VG.

82 atkvæði í jafn miklu grundvallarmáli og ESB málið er, stenst ekki lög flokksins og tek ég undir eftirfarandi;

"Í 31. grein flokkslaga VG segir: „Fundir flokksráðs og flokksstjórnar eru lögmætir þegar meirihluti fulltrúa er viðstaddur“. Ætla má að hliðstæð regla gildi um samþykktir landsfunda þótt það sé ekki sérstaklega tiltekið í lögum VG. Eða hlýtur ekki einhvers staðar að verða að draga mörkin? Væri sú samþykkt landsfundar tekin gild sem gerð væri með 40 atkvæðum gegn 30 eða 25 gegn 15? Augljóst er að svo væri ekki."

Það er hægt að fífla með þetta mál fram og til baka með gífuryrðum en niðurstaðan er vond. Landsbyggðarfulltrúar voru sviknir á landsfundi og biðu menn eftir að þeir færu heim áður en málið var afgreitt. Flokkurinn sem mælist með ca 10% fylgi, má ekki við þessu. Tölurnar tala sínu máli;

405 skráðir fulltrúar rétt til fundarsetu - málið afgreitt með 82 atkvæðum þessu er ekki hægt að taka alvarlega.

[Ómar Bjarki Kristjánsson, 28.2.2013 kl. 01:42]

,,Ögmundur sagði..."

Ögmundur? Er hann ekki að gera fríverslunar og neytendaverndrsamning við Kína? Kína! Hahaha. Við Kína. þetta er so típískt:

http://www.innanrikisraduneyti.is/media/frettir-2013/xlarge/Samningur-i-Kina.jpg

þarna fílar hann sig.

[Ómar Bjarki Kristjánsson, 28.2.2013 kl. 01:45]

þetta er alveg álíka g þegar alþýðubandalagsmenn fóru til rúmení bara fyrir suttu og buktuðu sig alveg niður í gólk, kengbognir í hnjánum fyrir Sjáséskú.

Alþýðubandalagið tók kolarangan pól í hæðina í utanríkismálum. Og þeir hafa, margir, ekki enn viðurkennt það.

[Ómar Bjarki Kristjánsson, 28.2.2013 kl. 02:01]

,,Vonast er til að fríverslunarsamningur milli Íslands og Kína verði undirritaður á næstu vikum. Sérstaklega er tekið á mannréttindum"

http://www.ruv.is/frett/mannrettindi-i-friverslunarsamningi

Hahaha. Er verið að fokking djóka í manni? Hað á þetta eiginlega að þýða!