Verðtryggingin hverfur ekki sjálfkrafa með aðild að ESB

Ein helsta áróðursblekking ESB-sinna er að til þess að losna við verðtrygginguna verði þjóðin að ganga í ESB. Auðvitað getum við afnumið það kerfi ef við viljum án aðkomu ESB. Innganga í ESB breytir því engu því að við gætum ekki tekið upp evru þótt við vildum fyrr en eftir 10-12 ár.

 

Þórður Björn Sigurðsson, liðsmaður Dögunar, skrifaði ágæta grein um þetta mál í Mbl. í gær undir fyrirsögninni: „Mýtan um afnám verðtryggingar og ESB-aðild útskýrð“. Við birtum hér nokkrar glefsur úr greininni. Þórður Björn segist hafa kannað hvernig hugsanlegri tengingu íslensku krónunnar við evru yrði háttað og „hvenær Ísland gæti gerst aðili að ERM II og hver myndi borga þann kostnað sem til félli við að halda gengi krónunnar innan vikmarka á grundvelli ERM II.“

 

„Samkvæmt svari Evrópustofu getur Ísland ekki gerst aðili að ERM II fyrr en eftir að Ísland hefur gengið í ESB og kostnaðurinn við að halda gengi krónunnar innan vikmarka skrifast á Seðlabanka Íslands. Hádegisverðurinn er ekki ókeypis þar frekar en annars staðar.“

 

„Málið er að rekinn er harður áróður fyrir ESB-aðild Íslands og gegn henni. Og áróður er mismálefnalegur eins og gengur. Í sinni einföldustu mynd er áróður ESB sinna þegar kemur að afnámi verðtryggingar þessi: Við skulum ganga í ESB því þá getum við tekið upp evru og losnaði við verðtrygginguna. Þetta er í besta falli mikil einföldun. Því þó að við myndum ákveða að ganga í ESB er ekki þar með sagt að við gætum samstundis tekið upp evruna. Ó, nei, til að geta tekið upp evru þurfum við að uppfylla hin svokölluðu Maastricht-skilyrði fyrst.

 

Eins og lesa má um á Evrópuvefnum snúast þau um verðbólgu, vaxtamun, stöðugleika í gengismálum (ERM II), afkomu hins opinbera og skuldir hins opinbera. Til að gera langa sögu stutta uppfyllum við ekki þessi skilyrði í dag og við munum heldur ekki uppfylla þau á næstu árum. Ergo: þó að við myndum ákveða að ganga í ESB gætum við ekki tekið upp evruna fyrr en eftir mörg ár.

 

 

Margrét Tryggvadóttir, þingmaður og félagi minn í Dögun, hefur upplýst að samkvæmt sendifulltrúa AGS muni Ísland ekki uppfylla skuldaþátt Maastricht-skilyrðanna fyrr en í fyrsta lagi 2020-2025. Ég get staðfest þessi orð sendifulltrúa AGS enda féllu þau á fundi sem ég sat.“

 

„Sumir segja að þó að við myndum afnema verðtrygginguna yrðum við í engu betur sett þar sem óverðtryggðir vextir breytist í takt við verðbólgu og því sé hætt við því að greiðslubyrði af lánum verði óviðráðanleg um leið og verðbólga fari af stað. Þetta er hárrétt. Og þess vegna þarf að koma til hóflegt þak á óverðtryggða vexti samhliða afnámi verðtryggingar, í það minnsta tímabundið. Þá fyrst yrði áhættunni af verðlagsþróun dreift milli samningsaðila og lánveitendur myndu öðlast beina hagsmuni af því að halda verðbólgu í skefjum. Í hagkerfi þar sem bankar stjórna peningamagni í umferð, sem er það hagkerfi sem við búum við, myndu forsendur fyrir stöðugleika í efnahagskerfinu aukast verði slíkt vaxtaþak lögfest.“

 

Niðurstaða Þórðar Björns felst í undirfyrirsögn greinarinnar: „Verðtryggingin hverfur ekki þó að við göngum í ESB. Því þarf að afnema verðtryggingu á neytendalánum óháð umsókn Íslands að ESB.“

Athugasemdir

[Seiken (IP-tala skráð) 20.2.2013 kl. 14:36]

Eftir það sem á undan hefur gengið í Grikklandi, Írlandi, Portúgal, Spáni, Ítalíu og Kýpur þá er það auðvitað lyginni líkast að ennþá skulu vera til íslenskir stjórnmálaflokkar sem ætla að gera út á það að selja Evruna sem lausn á efnahagsvandræðum. 

Þetta er ekkert annað en snákaolíusala og svarar til þess að skila auðu í efnahagsmálum.

Það mun engin mynt bjarga okkur frá einu eða neinu. Við verðum einfaldlega að ná stjórn á okkar efnahagsmálum óháð því í hvaða mynt við mælum skuldirnar.

[Ásmundur´ (IP-tala skráð) 20.2.2013 kl. 16:13]

Við getum að öllum líkindum tekið upp evru rúmlega tveimur árum eftir aðild. Það gæti orðið eftir 3-4 ár.

Þegar krónan er komin í skjól ECB  með ERM II minnka sveiflur á gengi hennar mikið. Við það minnkar verðbólgan og vextir lækka. Þannig getum við uppfyllt kröfur Maastricht-sáttmálans um vexti og verðbólgu.

Þegar krónan er komin í skjól ERM II minnkar þörfin á gjaldeyrisvarasjóði. Það er því hægt að nota hann til að minnka skuldir ríkisins og komast þannig niður fyrir hámark skulda skv Maastrich-sáttmálanum.

Seðlabankastjóri lýsti nýverið yfir því sem ég hef lengi haldið fram að krónan verður að vera í höftum til frambúðar vegna smæðar hennar. Það er mjög hættulegur leikur að aflétta höftunum.

Meðan verðbólga er enn mun meiri en annars staðar yfir lengri tíma litið og meðan krónan getur hrunið með miklu verðbólguskoti er ekki tímabært að afnema verðtryggingu.

Óverðtryggð lán henta illa við slíkar aðstæður vegna mikillar greiðslubyrði þegar vextir eru háir vegna mikillar verðbólgu. Þá er hætt við miklum vanskilum.

Verðtryggð lán hafa þann kost að greiðslubyrði þeirra er jöfn. Helsta hættan með þau er að kaupmáttur launa lækki. Það gerist þó afar sjaldan.

Með því að afnema verðtryggingu munu margir ekki geta keypt íbúð. Það er auðvitað galið að leyfa ekki þeim sem vilja taka verðtryggð lán að taka þau.

Það gæti hentað mörgum að taka bæði verðtryggð og óverðtryggð lán. Þannig verða sveiflur a greiðslubyrði vegna vaxtahækkana minni en eingöngu með óverðtryggðu láni auk þess sem greiðslubyrðin lækkar smátt og smátt.

Með upptöku evru verður verðtrygging óþörf vegna þess að verðbólga er lítil á evrusvæðinu.

Það sætir furðu að skuldarar berjist ekki fyrir upptöku evru enda ljóst að greiðslubyrði lána myndi lækka mikið við það, jafnvel miklu meira en 20% sem þeir hafa gjarnan stefnt að.

[Ómar Bjarki Kristjánsson, 20.2.2013 kl. 17:40]

það hefur bara enginn sagt að við aðild að Sambandinu verði ,,samstundis" tekin upp evra.

En þessi þórður skrifar auðvitað í LÍÚ og elítu mogga ,,vinstri" vaktar gegn ESB sem vonlegt er og flytur sjálfsagt þann boðsskap að hann ætli að gefa lántakendum pening - sem hann ætlar að búa til úr engu!

[Hilmar (IP-tala skráð) 20.2.2013 kl. 18:05]

Þegar hagkerfið kúkar á sig, þá er það krónan sem hreinsar upp skítinn. Það eru ekki vinstrimenn, eða hægrimenn, heldur gamla góða trausta krónan sem tekur á sig höggin.

Hún er barinn niður, en stendur alltaf upp aftur.

Verðtryggingin er bara uppfinning lélegra stjórnmálamanna, sem geta ekki rekið agað fjármálakerfi. Léleg uppfinning sem er með núverandi sniði miðuð við þarfir fjármagnseigenda, lífeyrissjóða, banka og auðjöfra.

Krónan og verðtryggingin eru tveir aðskildir hlutir, og ekkert mál er að aftengja verðtrygginguna, þó það verði ekki gert afturvirkt. Einu haldbær rök hafa komið gegn afnámi, bara tuldur "um að þetta sé ekki hægt"

Við getum sannarlega þakkað fyrir að hafa krónu sem verðfellur, annars stæðum við í sporum Íra, en hatrammar deilur eru um áætlanir írsku stjórnarinnar um að lækka laun opinberra starfsmanna með handafli, og það í annað sinn á nokkrum árum. Fólk í einkageiranum er mjög reitt yfir hversu hægt gengur að lækka laun þeirra opinberu, enda fyrir löngu búið að lækka allt í einkageiranum.

Og þá er staðan sú, að Írar henda opinberum starfsmönnum í þá skuldagryfju sem fólk í einkageiranum er komið í, það hefur ekki lengur efni á að borga af rándýrum húsnæðislánum, og kemst ekki út úr eignum sínum, enda hafa þær verðfallið gríðarlega, allt að 60-70% frá hruni.

Eina leið Íra með evru, er niður. Þeir hafa enga möguleika á að jafna út byrðunum og auka samkeppnishæfi með gengisfalli.

Svo er næsta víst, að áróðursmaskína ESB á Íslandi kemur til með að bæta við auglýsingum á þessa leið:

"Klárum samninganna og athugum hvort við fáum ekki atvinnuleysi eins og á Spáni"

"Klárum samninganna og athugum hvort við fáum ekki landflótta eins og Írar"

"Klárum saninganna og athugum hvort við fáum ekki sjálfsmoðrstíðni eins og á Grikklandi"

Jamm, klárum samninganna og athugum hvort við fáum ekki ESB atvinnuleysi, fátækt, vonleysi, bjargarleysi, samdrátt, sjálfsmorð og annað sem tröllríður sambandinu.

[Ásmundur (IP-tala skráð) 20.2.2013 kl. 21:56]

Hér er nákvæm lýsing á hvernig hægt er að uppfylla Maastricht-skilyrðin og taka upp evru rúmlega tveim árum eftir inngöngu i ESB.

http://blog.pressan.is/vthorsteinsson/2012/04/29/hvernig-tokum-vid-upp-evru/

Svo mega menn ekki gleyma því að um leið og ERM II myntsamstarfið hefst skömmu eftir inngöngu vænkast hagur okkar með minni verðbólgu og lægri vöxtum.

Við það eykst traust á Íslandi sem hefur áhrif til hækkunar á gengi krónunnar og lækkunar á vöxtum erlendra lána ríkisins. Þannig byrjar ávinningur af upptöku evru mjög fljótlega eftir inngöngu eða tveim árum áður en evran verður tekin upp.

Hugmyndir um að við uppfyllum ekki Maastricht-skilyrðin fyrr en eftir 10-12 ár hljóta að taka mið af að Maastricht-skilyrðin séu uppfyllt áður en ERM II myntsamstarfið hefst. Það er bæði óþarfi og óráð.

Ástæðan fyrir því að við uppfyllum ekki Maastricht-skilyrðin er fyrst og fremst tengd krónunni.

Skuldir eru of miklar vegna þess að gjaldeyrisvarasjóðurinn er tekinn að láni. Mikil verðbólga er fylgifiskur krónunnar. Vextir eru of háir vegna þess að verðbólga er mikil.

Eftir upptöku evru eru þessi vandamál úr sögunni. Það verður því tæpast vandamál að leysa úr vandanum enda hefur þegar verið skipaður samstafshópur ESB og Íslands í þeim tilgangi ef ég hef skilið það rétt.

[Hilmar (IP-tala skráð) 20.2.2013 kl. 22:30]

Jamm, mýtan um lágu vextina í ESB. Hérna er raunveruleikinn:

http://www.independent.ie/business/personal-finance/property-mortgages/mortgage-interest-rise-could-affect-up-to-300000-29082118.html

Klárum viðræðurnar við ESB, og sjáum hvort við fáum ekki síhækkandi vexti, sífellt verðminni eignir og sílækkandi laun.

Já Ísland fyrir verri lífkjör og meiri eymd.

[Ásmundur (IP-tala skráð) 20.2.2013 kl. 22:43]

Reynslan af evrunni er góð. Þau evruríki sem hafa spjarað sig vel eru miklu fleiri en hin sem hafa átt í erfiðleikum.

Undantekningarlaust er hægt að rekja vanda þeirra til vanrækslu og/eða spillingar. Sjálf kenna þau ekki evru um ófarir sinar og vilja þau fyrir alla muni vera áfram með evru.

Evruríkin sem hafa spjarað sig vel eru af öllum stærðum, frá mismunandi svæðum og með margvíslegan efnahag. Það afsannar kenninguna um að evran henti aðeins ákveðinni gerð ríkja.

[Hilmar (IP-tala skráð) 20.2.2013 kl. 22:51]

Reynslan af evrunni er hörmuleg, ekkert nema fátækt, atvinnuleysi, samdráttur og engin framtíðarvon.

Fjárfestar forðast að festa fé sitt í evruríkjum, fjármagnsflótti frá evruríkjum til Sviss, Bretland og Noregs er gríðarlegur.

Klárum samningana og sjáum hvort við verðum ekki líka skilgreint sem neyðarsvæði hjá Rauða krossinum.

Já Ísland fyrir sameiginlega evrópska eymd.

[Ásmundur (IP-tala skráð) 21.2.2013 kl. 16:15]

Eins og svo margir ESB-andstæðingar er Hilmar í afneitun gagnvart þeirri staðreynd að þær þjóðir ESB sem við berum okkur saman við eru í miklu betri málum en við.

Þegar rökin gegn aðild skortir er um að gera að búa þau til að mati ESB-andstæðinga. Annars getur vel verið að Hilmar hafi látið átrúnaðargoð sitt, DO, ljúga þessu að sér. Í trúarsöfnuði hans vogar sér enginn að efast um orð hans.

Þessar ESB-þjóðir hafa flestar mun meiri framleiðni, miklu minni skuldir, miklu hærri laun, miklu lægri vexti, lægra vöruverð, enga verðtryggingu, litla verðbólgu og miklu lægri vexti en Ísland.

Atvinnuleysi er hóflegt í flestum þeirra, minna en í Bandaríkjunum. Í sumum þeirra er það minna en á Íslandi

Munurinn á þessum þjóðum og Íslandi er svo himinhrópandi að hann þolir ekki dagsins ljós að mati ESB-andstæðinga. Þess vegna verður að halda honum leyndum með ölum tiltækum ráðum. Lygar og blekkingar eru engin fyrirstaða.

Annars skiptir ástandið í einstökum evruríkjum litlu sem engu máli varðandi ESB-aðild Íslands. Þetta eru sjálfstæð ríki með ólík vandamál. Þrátt fyrir 25% atvinnuleysi á Spáni og Grikklandi er atvinnuleysi i Austurríki aðeins 3.9%.

Mikið atvinnuleysi í einstökum ESB-ríkjum mun því ekki hafa nein áhrif hér við aðild frekar en í öðrum ESB-ríkjum.

Við munum vissulega finna fyrir ástandinu í ESB hvernig sem það er á hverjum tíma en það gerist hvort sem við erum í ESB eða ekki enda eru viðskipti okkar að mestu leyti við þessar þjóðir.