Hægara sagt en gert

Hægagangssaga ríkistjórnarinnar í Evrópumálum er líklega einhver sú ómerkilegasta lygi sem fram hefur verið borin fyrir íslenska þjóð. Ómerkileg í tvennum skilningi: Hún er auðvitað í eðli sínu ómerkileg af því að þetta er blygðunarlaus lygi; öll þessi saga um að nú verði „hægt á viðræðum“, - en einnig ómerkileg vegna þess að sjaldan eða aldrei hefur ríkisstjórn dottið í hug að reiða fram eins lélega lygaþvælu og þetta hægagangshjal.

 

Ríkisstjórnin sem hefur haft þá grímulausu stefnu að keyra Ísland inn í Evrópusambandið, ríkisstjórnin sem flaggað hefur slagorðum um gegnsæi og upplýsingu (en auðvitað praktíserað hið andstæða), telur sig geta sagt þjóðinni nú í aðdraganda kosninga að akkúrat núna verði settur einhver annar gangur í aðildarviðræðurnar en áður tíðkaðist.

               

Og þá spyr maður: Hver veit hvernig þessi gangur hefur verið hingað til? Og: hver á að fylgjast með því að hann verði annar hér eftir? Nú munu sjálfsagt upp rísa einhverjir kverúlantar sem hafa ekki annað að gera en að læra utan að einhverjar greinargerðir frá ESB og telja sig þannig útlærða í þessum viðræðum hingað til, vitna í kafla sem búið er að „opna“ og aðra sem búið er að „loka“ og sigla þannig áfram undir einhverjum orðaleppum (sem þeir skilja tæpast sjálfir) í stað björgulegra segla vitneskju og sjálfstæðis. En sannleikurinn er auðvitað sá að hinn almenni borgari getur enga grein gert sér fyrir gangi þessara viðræðna hvorki hingað til né hér eftir, hvorki í desíbilum né sentímetrum, – því upplýsingin fram til þessa hefur verið í anda þessara viðræðna allra: leynd og lygar.

 

Hitt leynist engum – af því að vitið til lyganna nær ekki nógu langt – að Íslandi hefur verið stefnt af fullu afli í fang Evrópusambandsins frá þeim degi að þessi ríkisstjórn var stofnuð. Það má sjá í umhverfinu sem hér hefur verið skapað fyrir ESB til að sá fjármagni sínu í þá frjóu akra sem þjónkunin og þrælslundin ein getur plægt og ræktað.

 

- gb.

 

Athugasemdir

[Ásthildur Cesil Þórðardóttir, 18.1.2013 kl. 11:27]

Ég man ekki betur en Atli Gíslason hafi sagt (finn ekki ræðuna) að þessi umsókn hafi verið á borðinu hjá Steingrími og klíkunni hans og Samfylkingarinnar á meðan þau voru ennþá í kosningabaráttu.  Meðan Steingrímur jarmaði sem hæst um ekkert ESB, var hann að samþykkja með Jóhönnu að sækja um. 

Þetta m.a. þarf að fá staðfest.  Og annað ef það er einhver fótur fyrir því sem Evrópuvakin segir, þá þarf að spyrja aðalsamningamann Íslands hvort það liggi fyrir einhverjar hótanir af hálfu Esb ef við slítum aðlögunarferlinu.

[Vinstrivaktin gegn ESB, 18.1.2013 kl. 12:26]

Ég bendi á prýðilega grein eftir Atla Gíslason í Morgunblaðinu í dag.

- gb.

[Ásthildur Cesil Þórðardóttir, 18.1.2013 kl. 12:42]

Já var einmitt að lesa hana.  Gott mál.

[Hilmar (IP-tala skráð) 18.1.2013 kl. 14:11]

Það er náttúrulega svolítið sérstakt þegar sendiherra í Brussel sendir viðmælendum bréf, þar sem hann tilkynnir að "hægagangur í viðræðum" sé til þess að þagga niður lýðræðislega umræðu um ESB fyrir kosningar á Íslandi.

Samfylkingin rað-nýðist á þjóðinni.

[Ásmundur (IP-tala skráð) 18.1.2013 kl. 16:02]

Fyndið að hægra fólk eins og Ásthildur og Hilmar séu að blands sér í innri málefni Vg. Þvílík afskiptasemi!

Steingrímur nýtur víðtæks stuðnings svo að liðsmenn Vg haga sér ekki svona, nema örfáir sem eru líklega teljandi á fingrum annarrar handar.

[Ásthildur Cesil Þórðardóttir, 18.1.2013 kl. 16:26]

Segðu!

[Elle_, 18.1.2013 kl. 17:01]

Hvað Atli sagði um baktjaldabrugg Jóhönnu og Steingríms fyrir apríl, 09:
Atli Gíslason: Fyrsti Icesave-samingurinn var skilgetið afkvæmi ESB-umsóknarinnar – lykill að ráðherradómi Steingríms J. - Evrópuvaktin

Atli og Jón vilja afturkalla umsókn um aðild - Vinstrivaktin

Hið gegnsæja og opna lýðræði, já. 

Steingrímur stjórnarandstæðingur, október, 08:

Steingrímur J. Sigfússon, formaður vinstri grænna, segir að það verði gerð uppreisn hér á landi verði gengið að kröfum Breta og Hollendinga um að Íslendingar greiði 600 milljarða króna vegna Icesave-reikninganna:
Uppreisn verði fallist á kröfur Breta og Hollendinga

 

Og aftur í október, 08:

Steingrímur segir að ef það sé rétt að þetta tvennt hangi saman sé það hrein fjárkúgun. Ekki liggi fyrir að okkur sé lagalega skylt að gera það og þetta bendi til þess að verstu martraðir séu að rætast varðandi aðkomu Alþjóða gjaldeyrissjóðsins:
Líkir Bretaláni við fjárkúgun

 

Og janúar, 09:

Eins og undirritaður lýsti yfir við atkvæðagreiðslu um málið í þinginu 5. desember síðastliðinn lítur þingflokkur Vinstri grænna á samninginn sem riftanlegan eða ógildanlegan nauðungarsamning. Enn er hægt að afstýra stórslysi fyrir íslenska þjóð. Taki Tryggingarsjóðurinn hins vegar við skuldunum er ljóst að þá verður ekki aftur snúið: Þá hefur þjóðin endanlega verið skuldsett á grundvelli pólitískra þvingunarskilmála sem ríkisstjórnin hafði ekki dug í sér til að standa gegn:
Sorgarsaga Icesave-málsins

[Hilmar (IP-tala skráð) 18.1.2013 kl. 18:27]

Mundi minn, þú hefur hrakist svo illa undan í umræðunni undanfarna mánuði, að þú ert orðinn illa áttaður. VV er ekki flokksíða VG.

Þar fyrir utan, þá er sendiherrann í Brussel ekki innanflokksmálefni VG, og alls ekki nýðingsháttur Samfylkingar.

Ég geri þó ekki ágreining við almennan stuðning VG liða við Steingrím J Sigfússon. Heilir 199 greiddu honum atkvæði í prófkjöri flokksins í norðaustur, sem gerir núllkomma eitthvað af kjósendum kjördæmisins. Og núllkommanúllnúll eitthvað af kjósendum á Íslandi.

Eflaust er það bróðurparturinn af atkvæðum flokksins í næstu kosningum.

Nú, en hvað er kratabulla úr Samfylkingunni að hafa áhyggjur af VG og VV?

[Gunnlaugur I., 18.1.2013 kl. 22:24]

Ásmundur ESB sinni no 5. Hamrar enn á því að hér eigi einhverjir "hægri" menn ekkert með það að vera að gagnrýna Steingrím Joð og VG.

Ásmundur og ESB trúboðið hans sem misnotað hefur Steingrím Joð og flokk hans í fjögur ár telur sig hinns vegar vera þess umkominn að vera áfram sem sérstakur ráðgjafi Steiengríms. Því smjaðrar hann Steingrím Joð upp úr skónum eins og fyrr og segir hann njóta víðtæks stuðnigs og trausts, ja nema kannski örfárra !

En eins og nýjustu fréttir herma hallar enn á ógæfuhliðina hjá VG og flokkurinn nýtur aðeins stuðnings 7% kjósenda. Þeir hafa tapað næstum 70% af fylgi sínu miðað við síðustu kosningar !

Flokkur eins og VG sem á svona sérlega "vini" eins Ásmund ESB skósvein, þarf enga óvini !

[Rafn Guðmundsson, 18.1.2013 kl. 22:38]

bara rétt hjá ykkur í vv. þessi ríkisstjórn gerði það sem var ætlast til af henni (eftir samning) og er ég ánægður með það.

[Elle_, 18.1.2013 kl. 23:48]

Fátt um svör um hinn víðtæka stuðning við Steingrím.  Víðtækan stuðning??  Þetta var auðvitað skrýtla.