Ekki er lengur hægt fyrir VG að vera á móti aðild að ESB en með í umsóknarferli

Hvernig ætlar VG að fara í kosningar með ESB málin opin og óafgreidd?  Hvernig ætla einstakir frambjóðendur að gefa kost á sér til framboðs  með aðildarumsókn í gangi á ábyrgð flokksins, þvert á grunnstefnu hans?

 

Þannig var spurt á fundi VG í Norðvesturkjördæmi s.l. sunnudag, 28. október. Á heimasíðu sinni í gær segir Jón Bjarnason, alþm. og fyrrverandi ráðherra, frá ræðu Guðbrandur Brynjúlfsson á Brúarlandi sem hann segir að hafi talað þar tæpitungulaust.  Hann hefur eftir Guðmundi:

 

„Það er ekki hægt að endurtaka leikinn frá síðustu kosningum og  telja fólki áfram trú um að  VG sé á móti umsókn og aðild að ESB, eins og reyndar stefna flokksins kveður skýrt á um, en styðja áframhaldandi samninga og  aðlögun að ESB?

 

Allir vita að umsóknarferlið er algjörlega á forsendum ESB og því ferli lýkur ekki fyrr en við höfum innleitt flestar gerðir sambandsins.

 

Samningurinn og samningsvinnan er á ábyrgð ráðherra VG með Samfylkingunni. Ráðherrar VG munu þurfa að undirrita samninginn þegar þar að kemur eins og þeir staðfesta nú samningsskilyrði og einstaka kröfur ESB í ferlinu.

 

Það er ekki nóg að vera á móti aðild að ESB eins og við sem hér eru inni en styðja svo áframhaldandi aðlögunarferli sem enginn getur sagt fyrir um hvað stendur mörg ár enn. Fyrir mér er þetta mikið alvörumál sem flokkurinn getur ekki vikist undan að afgreiða fyrir kosningar. Traust og trúnaður kjósenda til flokksins hefur beðið mikinn hnekki. Við höfum misst þingmenn, fjölda forystufólks, félaga  og fært miklar fórnir vegna ESB stefnu flokksins í ríkisstjórn með Samfylkingunni.

 

 Bæði einstakir frambjóðendur, þingmenn,  ráðherrar og flokkurinn í heild verður að gera hreint fyrir sínum dyrum í ESB málinu og  útkljá málið, áður en kosningabaráttan hefst.

 

Ég sé ekki, hvernig óbreytt staða með ESB umsóknina inn í næsta kjörtímabil gengur  fyrir Vinstrihreyfinguna grænt framboð.“

 

„Þetta var inntak ræðu Guðbrands Brynjúlfssonar,“ segir Jón Bjarnason og bætir við:

 

 „Guðbrandur hefur mikla reynslu í stjórnmálum. Hann var einn af stofnendum Alþýðubandalagsins á sínum tíma og átti síðar virka og beina  aðild að stofnun Vinstrihreyfingarinnar græns framboðs.

 

Guðbrandur hefur alla tíð verið einn af öflugustu einstaklingum í forystusveit Vinstrihreyfingarinnar græns framboðs og staðið með stefnuskrá hennar.

 

Ég get tekið undir með Guðbrandi Brynjúlfssyni á Brúarlandi.“

Sex þingmenn formlega í framboð

Athugasemdir

[Ómar Bjarki Kristjánsson, 30.10.2012 kl. 12:59]

Guðbrandur who?

þó það hefði verið Guðbrandur biskup á hólum sem sagði eitthvað við Jón Bjarnason á Heimasýnarfundi - þá gæti mönnum ekki verið meira sama.

[Eyjólfur G Svavarsson, 30.10.2012 kl. 13:14]

Ómar. Hvaða mönnum væri sama,ert þú að tala fyrir alþjóð, eða bara fyrir sjálfan þig?? Ekki það að beri neina virðingu fyrir VG. þeir mættu fara norður og niður mín vegna og það hellst strax í dag!!!!

[Óskar Guðmundsson, 30.10.2012 kl. 13:35]

Er a tarna súrt vín í boði á öldnum of fúnum belgjum.

[Ómar Bjarki Kristjánsson, 30.10.2012 kl. 14:04]

Eyjólfur, mönnum sitthvorumegin á 16.og 17. öld hfði kannski ekki staðið á sama ef guðbrandur biskup og séra jón bjarnason hefðu verið að fimbufamba á einhverjum heimsksýnarfundi - mönnum á öllum öðrum aldartímabilum væri alveg slétt sama.

[Kolbrún Hilmars, 30.10.2012 kl. 14:38]

Ómar, ESB sinnum ÆTTI ekki að vera slétt sama.  Samfylkingin fær nefnilega aldrei aftur slíkan stuðning og forystusauðir VG veittu henni varðandi ESB umsóknina á sínum tíma.

Það verður í rauninni spennandi að sjá hvort þetta VG lið gengur ekki bara í SF  fyrir vorkosningarnar.  Heima í VG verður þeim varla vært...

[Árni Gunnarsson, 30.10.2012 kl. 17:18]

Ég held að það sé bara ekki öllum sama um það þó annar ríkisstjórnarflokkurinn svíki sín loforð við kjósendur.

 Og ég tek undir efasemdir hér að ofan sem beinast að umboði Ómars Bjarka til að taka til máls fyrir hönd fjöldans.

Og ég held að það sé öllum nokkuð sama um skoðanir Ómars Bjarka á þessum aðildarviðræðum en held jafnframt að fólki sé ekki sama um það að hann telji sig ævinlega þurfa að gjamma fram í þegar fullorðið fólk er að tjá sig.

Mér finnst maðurinn vera hreinasta þjóðarplága eins og allir þeir sem hafa gert pólitísk samfélagsmál að ofstækistrúarbrögðum.

[Ómar Bjarki Kristjánsson, 30.10.2012 kl. 18:12]

Voðalega eruði egó-sentrísk. þetta er alveg sérlega áberandi við innbyggjara hérna síðustu misseri og ár. Egó-sentískleikinn er alveg yfirgengilegur. það er bara, ég, ég, ég.

þetta er alveg sérlega áberandi hjá kjánaþjóðrembingum.

Afhverju þróunin er í þessa átt skal eg eigi fullyrða um en etta er váboði fyrir landið, að mínu mati. Váboði. Sennilega erum við að sjá kjánaþjóðrembinga svinbeygja þetta vesalings land hérna ofan eigin egó-sentrískleika. það verður mikið verk hjá víðsýnum, raunsæjum skynsemismönnum að bjarga landinu frá öfgum kjánaþjóðrembinga. Mikið verk,

[Kolbrún Hilmars, 30.10.2012 kl. 18:23]

Mikil er armæða þín,  Ómar minn.

[Elle_, 30.10.2012 kl. 18:39]

Hann er þjóðarplága eins og Árni segir.  Hann vinnur gegn föðurlandinu dag og nótt.  Mætti halda að hann væri í einni sæng með ófriðarstýrunni.

[Ómar Bjarki Kristjánsson, 30.10.2012 kl. 19:12]

Mín armæða er zero.

það er annað með Guðbrand biskum og séra Jón. Nú geta þeir ekki kosið VG kallagreyin. þeir verða að stofna nýjan flokk. Hólaflokkinn eða Molbúaflokkinn.

[Elle_, 30.10.2012 kl. 19:27]

Mikill misskilningur að þeir gætu orðið eins öfugsnúnir og þið ófriðarpakkið, brusselsku molbúarnir.

[Valdimar Samúelsson, 30.10.2012 kl. 20:22]

Það er eitt sem ég skil ekki. Það var ekki haldinn stjórnarráðsfundur vegna Umsóknar að aðild að ESB. Umsóknin var það sem er kallað mikilvægar stjórnarráðstafanir og það mikilvægt að þjóðin bað um að fá að stoppa þessar stjórnarráðstafanir af með því að hafa þjóðarkosningar.

Hvers vegna hefir engin á Alþingi kært þetta landráð enn þann dag í dag. Eru menn í einhverjum annarlegum greipum. Sjá síðustu blogg mín

[Gunnar Heiðarsson, 30.10.2012 kl. 20:48]

Ómar Bjarki misskilur pistilinn hér að ofan og svo sem ekki fyrsta skipti sem sá maður misskilur ritað mál, hvort það er gert að vilja eða heimsku!

Þessi pistill er um fundi VG liða. Þar setur einn af stofnendum flokksins fram gagnrýni á eigin félaga og hefur fullt leifi til, einkum vegna þeirrar staðreyndar að hann er einn af stofnfélögum gamla Alþýðubandalagsins og síðar stofnandi VG. Þarna er ekki um að ræða einhvern BVG sem notar flokkinn sér sjálfum til framdráttar, heldur mælir þarna maður sem er í þessum flokki af hugsjón, maður sem hefur komið að stofnun og stefnu flokksins og krefst þess eins að fulltrúar flokksins fari að þeirri stefnu!

Að sú gagnrýni skuli vera um svik flokksins í ESB aðildarmálinu kemur einfaldlega til af því að flokkurinn hefur skýra stefnu í því máli og allir frambjóðendur hans héldu þeirri stefnu fyrir kjósendum fyrir síðustu kosningar. Sú stefna var síðan svikin fyrir ráðherrastóla.

En svona gagnrýni skilur Ómar Bjarki auðvitað ekki. Hann horfir bara á eitt, neikvæðni gegn aðild og ef hún er í riti eða ræðu einhvers, skal samstundis ráðist gegn þeim aðila. Breytir þar engu þó verið sé að ræða mál á lokuðum fundi í stjórnmálaflokki, stjórnmálaflokki sem hefur skýra stefnu í því máli og tryggir stofnendur þess flokks séu að skamma forustuna fyrir svik!

Svona gagnrýni skilur Ómar Bjarki ekki, hann er krati og kratar hlýða ekki stefnu, heldur boði formanns hverju sinni!!

[Ásmundur (IP-tala skráð) 30.10.2012 kl. 22:54]

Þegar kemur að kosningum verða aðildarviðræðurnar það langt á veg komnar að þeir flokkar sem vilja koma í veg fyrir að þjóðin fái að kjósa um aðild munu eflaust bíða afhroð.

Þjóðin mun auðvitað bregðast harkalega við slíkri aðför að lýðræðinu. Sérstaklega verður illa séð að þeir sem studdu umsóknina svíkist undan merkjum þegar svona langt er liðið á ferlið og verði um leið ábyrgt fyrir þeirri sóun á fé og tíma sem hefur þá verið varið til einskis. 

Það er misskilningur að skoðanakannanir hafi sýnt meirihlutafylgi gegn aðild. Í síðustu könnun Capacent voru 33% aðspurðra á móti aðild en 16% voru henni fylgjandi. 51% tóku ekki afstöðu.

Mjög margir vilja ekki taka afstöðu fyrr en samningur liggur fyrir. Ef samningurinn verður vel viðunandi og ef evrusvæðið verður komið á lygnan sjó, er vel líklegt að meirihluti þeirra sem hafa ekki tekið afstöðu kjósi aðild. Aðrir gætu breytt um skoðun.

Það verður því engin skoðanakönnun marktæk um ESB-aðild fyrr en samningur liggur fyrir og þjóðin hefur kynnt sér hann.        

[Elle_, 30.10.2012 kl. 23:02]

A-ha, molbúarnir sem komu í veg fyrir lýðræðið í júlí, 09.  Þarf endalaust að rökræða það?

[Ásmundur (IP-tala skráð) 30.10.2012 kl. 23:27]

Elle, það var ákveðið með fullkomlega lýðræðislegum hætti að hafa enga þjóðaratkvæðagreiðslu um að hefja umsóknarferlið.

Þú þarft greinilega að kynna þér reglur lýðræðisins. Lýðræðið gengur ekki út á að allt sem þú vilt fari í þjóðaratkvæðagreiðslu.

Það eru engin fordæmi fyrir slíkri þjóðaratkvæðagreiðslu enda ljóst að hún er ekki annað en tilraun til að plata fólk, sem myndi kjósa aðild þegar samningur kiggur fyrir, til að hafna henni áður en það veit hvað er í boði.  

[Elle_, 30.10.2012 kl. 23:41]

Jæja, það verður sko spennandi að sjá ´hvað verður í boði´ í þeim yfirráðapoka, hinum svokallað ´samningi´ sem ísl. þjóðin bað ekkert um frekar en samning við skrattann.  Var að fá þetta í pósti frá landi innan nýlenduveldasvæðis Evrópu:
Icelanders are not the only ones to disagree with the EU-Commission.  Unfortunately, they are the only ones, who are free to disobey the EU-Commission.

[Árni Gunnarsson, 30.10.2012 kl. 23:56]

Lýðræði er afar auðskilið hugtak nema fyrir þann sem hér á þessum samskiptamiðli tekur sér nafnið Ásmundur vegna ótta við að þekkjast og sá ótti er auðvitað ekki ástæðulaus.

Á Íslandi telur þjóðin sig búa við fulltrúalýðræði og það er líka afar auðskilið. Stjórnmálasamtök leggja fram fyrir kjósendur pólitísk stefnumál og hljóta kjörfylgi í samræmi við hvernig kjósendum geðjast stefna samtakanna. Í samræmi og í hlutfalli við þetta verður afl þessa pólitíska flokks á Alþingi vegna þess að þessi flokkur vinnur í umboði sinna kjósenda.

Kjósendur Vinstri grænna lögðu sitt umboð í hendur þingmanna flokksins og það umboð var í samræmi við stefnuskrána umboð til að leggjast gegn aðildarumsókn í ESB.

Sem betur fer þá hefur þjóðinni aldrei verið boðið upp á lýðræðishugsjón Ásmundar svonefnds enda yrði að líkindum erfitt að finna flöt á þesskonar lýðræðisgerð.

Það hefur nefnilega hvergi - svo vitað sé til- kallast lýðræðisleg vinnubrögð að svíkja sér út atkvæði með því að heita einhverju sem síðan er svikið með bros á vör til að komast í ráðherratign.

En þessa tegund lýðræðis vill Ásmundur svonefndur innleiða ef það hentar málstað þeim sem hans flokkur tilheyrir.

Og hann undrast að fólk skuli ekki aðhyllast þetta stórmerkilega lýðræði,

[Eyjólfur G Svavarsson, 30.10.2012 kl. 23:59]

Þjóðin var ekki spurð að því hvort hún vildi sækja um aðild, og allir vita hverjir bera ábyrgð á sóun skattpeninga þjóðarinnar í þessa umsókn. Þetta er það stórt og dýrt mál, að það hefði átt að fara í þjóðaratkvæði. Annað er brot á stjórnarskrá.

[Hans Haraldsson (IP-tala skráð) 31.10.2012 kl. 02:08]

Ásmundur: Þú ruglar saman svarhlutfalli og hlutfalli svarenda sem ekki taka afstöðu.

Svarendur sem ekki taka afstöðu í könnun Capacent eru 15%.

Séu þeir hafðir með í reikningnum eru andstæðingar aðildar 57.6% en 68% ef aðeins er horft til þeirra sem taka afstöðu.

[Ásmundur (IP-tala skráð) 31.10.2012 kl. 08:35]

Hans, þú sleppir þeim þeim sem svöruðu ekki. Þeir taka ekki afstöðu. 

Af úrtaki Capacent voru 33% á móti aðild og 16%  henni fylgjandi. Það eru sem sagt samtals 49% sem tóku afstöðu. 51% tóku því ekki afstöðu. 

[Gunnlaugur I., 31.10.2012 kl. 11:43]

Ásmundur ruglar út í eitt til þess viljandi að rangtúlka niðurstöður allra skoðanakannana um ESB. Það er vegna þess að niðurstöður þeirra allra henta honum ekki og eru honum og veikum ESB málsstað hans og þeirra sem hann starfar fyrir ekki að skapi.

Hans Haraldsson er alveg með þetta skýru línurnar eru þær og haf verið allt frá í júlí 2009 að allar skoðanakannanir sýna að afgerandi og vaxandi meirihluti þjóðarinnar er algerlega andvígur ESB aðild og þeir sem eru hlutlausir eða hafa ekki tekið afstöðu eru mjög fáir eða þetta 10 til 15%. Það sem Ásmundur gerir til þess að rugla niðurstöðurnar sér og sínum auma málstað í vil er að taka þau 30 til 40% sem ekki næst til þegar skoðanakannanirnar eru gerðar og telja þær líka með.

Slíkt er aldrei gert og er ævinlega þannig jafnvel daginn fyrir kosningar næst ekki í 30 eða 40% þeirra sem eru í úrtakinu og samt eru niðurstöður skoðanakannana í svipuðu hlutfalli og kosninganna.

enginn ástæða er til að ætla að það yrði öðruvísi í skoðanakönnun og kosningum um ESB, þar sem mjög heitar meiningar um málið.

[Hans Haraldsson (IP-tala skráð) 31.10.2012 kl. 13:59]

Ásmundur: Heimturnar eru aldrei nema á bilinu 50-65% af úrtakinu í þessum panelkönnunum Capacent. Þær eru áreiðanlegar fyrir því.

Ég minni þig á að úrslit forsetakosninganna voru innan skekkjumarka síðustu kannanna frá Capacent þótt ekki væru heimturnar meiri.

[Ásmundur (IP-tala skráð) 31.10.2012 kl. 14:35]

Enn bullar Gunnlaugur eins og honum sé borgað fyrir það.

Í eftirfarandi hlekk eru allar tölulegar staðreyndir um þessa skoðanakönnun. Túlkunin er hins vegar röng eins og ég hef margoft fært rök fyrir.

http://www.mbl.is/frettir/innlent/2012/10/15/mikill_meirihluti_andvigur_adild_ad_esb/

Svarhlutfallið var 58.5%. Það þýðir að 42.5% svöruðu ekki könnuninni. Af þeim sem svöruðu voru 57.6% á móti aðild.

Það þýðir að 58.5X57,6/100 = 33,7% aðspurðra voru á móti aðild.

27.3% þeirra sem svöruðu könnuninni voru hlynntir aðild. Það þýðir að 58,5X27,3% = 16,0% voru andvígir aðild.

Þeir sem tóku afstöðu eru því 49,7%.

Þeir sem tóku ekki afstöðu, þe svöruðu ekki eða svöruðu og voru hlutlausir, eru því 50.3%.

Mjög margir vilja ekki taka afstöðu fyrr en samningur liggur fyrir. Það er fólk sem samþykkir aðild ef samningurinn verður góður. 

Það eina sem liggur fyrir um andstöðu við ESB-aðild er að skv nýjustu skoðanakönnun Capacent, sem var gerð fyrir Heimsýn, eru 33.7% aðspurðra andvígir aðild.

[Ásmundur (IP-tala skráð) 31.10.2012 kl. 14:58]

Hans, þú virðist ekki átta þig á að það eru ástæður til ætla að miklu fleiri af þeim sem taka ekki afstöðu segi já í kosningunni en í skoðanakönnuninni ef samningurinn verður hagstæður. 

Þess vegna er þessi skoðanakönnun ekki margtæk þó að aðrar slíkar geti verið það þegar upplýsingar liggja fyrir.

[Hans Haraldsson (IP-tala skráð) 31.10.2012 kl. 15:13]

Ásmundur: Ef þessi "röksemdafærsla" stæðist væri nær aldrei neitt að marka  kannanir af neinu tagi (skoðanakannanir, markaðsrannsóknir o.s.frv.) því heimtur eru næstum aldrei nálægt 100%

[Ásmundur (IP-tala skráð) 31.10.2012 kl. 15:47]

Hans, þú virðist ekki átta þig á að það eru ekki fyrst og fremst slæmar heimtur sem gera þessa skoðanakönnun ómarktæka. Það er miklu frekar sú staðreynd að samningurinn sem kosið verður um liggur ekki fyrir.

Þeir sem vilja bíða eftir samningi, áður en þeir taka afstöðu, eru trúlega stór hluti  þeirra sem hafa ekki tekið afstöðu í könnuninni. Ef samningurinn verður okkur hagstæður, sem ég tel allar líkur vera á, munu þeir flykkjast um aðild.

[Hans Haraldsson (IP-tala skráð) 31.10.2012 kl. 16:03]

Ásmundur: Heimturnar eru ekki slæmar heldur venjulegar. Áreiðanleiki aðferðafræðinnar er staðfestur bæði hér á Íslandi og erlendis.

Jafnvel þótt allir þeir svarendur sem ekki taka afstöðu, sem eru 15%, myndu styðja aðild myndi það ekki duga þar sem andstæðingar eru 57,6% svarenda.

[Ásmundur (IP-tala skráð) 31.10.2012 kl. 19:58]

Hans, ég er alveg gáttaður á þessum svörum þínum.

Yfir 50% úrtaksins tekur ekki afstöðu í könnuninni. Heldurðu virkilega að allir þeir sem svara ekki muni ekki kjósa? Í svona mikilvægri kosningu verður kosningaþátttakan eflaust mikil.

Aðalástæðan fyrir þessari litlu þátttöku er eflaust að margir taka ekki afstöðu fyrr en samningur liggur fyrir. Meirihluti þeirra getur valið aðild ef samningurinn verður góður.

Eflaust munu einnig margir breyta um skoðun ef samningurinn kemur gleðilega á óvart eftir allan bölmóð andstæðinga aðildar þar sem því er jafnvel haldið fram að um ekkert sé að semja.  

Að sjálfsögðu er ekki til nein staðfesting á áreiðanleika kannana um eitthvað sem liggur ekki fyrir. Það er mjög óvanalegt ef ekki einsdæmi.

[Ásmundur (IP-tala skráð) 31.10.2012 kl. 20:14]

Fyrir fáeinum misserum lét Morgunblaðið gera könnun um stuðning við ESB-aðild. Niðurstaðan var að nærri 70% voru á móti aðild.

Eftir að niðurstaðan hafði verið birt kom frétt í öðrum fjölmiðli þess efnis að í könnuninni hafi verið aukaspurning, sem Morgunblaðið birti ekki, um stuðning við aðild ef viðunandi samningur fengist í sjávarútvegsmálum. 

Þá brá svo við skv fréttinni að 70% voru hlynntir aðild. Þessi hefur ekki verið mótmælt svo að ég hafi orðið var við.

Þetta sýnir að ekkert mark er takandi á skoðanakönnunum um aðild fyrr en samningur liggur fyrir. Hann mun eflaust koma mörgum gleðilega á óvart eftir allan áróður andstæðinga aðildar.   

[Hans Haraldsson (IP-tala skráð) 31.10.2012 kl. 21:02]

Ásmundur: Svarhlutfall er hlutfall úrstaksins sem menn ná í.

Það að menn séu ekki í svarhlutfallinu merkir að þeir svöruðu ekki í símann þegar Capacent hringdi eða gáðu ekki á tölvupóstinn sinn á meðan að könnunin fór fram.

Þeir sem ekki taka afstöðu eru þeir sem svara en gefa ekki upp afstöðu.

Ég veit ekki hvernig ég gæti orðað þetta með einfaldari hætti.

[Gunnlaugur I., 31.10.2012 kl. 23:26]

Hans Haraldsson er alveg með þetta á hreinu. Bullið í "Ásmundi" er hreint með ólíkindum.

Þessar skoðanakannanir um afstöðu fólks til ESB aðildar sem allar sýna gríðarlega andstöðu við ESB aðild og jafnframt mjög fáa sem ekki hafa gert upp afstöðu sína, eru allar gerðar með nákvæmlega sama vísindalega hætti og aðrar skoðanakannanir og alltaf er það svo í öllum öðrum könnunum að u.þ.b. 30 til 40% fólks næst ekki í, hvort sem spurt er um ESB eða ekki eða eitthvað allt annað.

Það hefur hinns vegar akkúrat alls engu breytt um áreiðanleika þessara kannana sem eru allar innan skekkjumarka og sýna mjög vel, vilja eða ekki vilja þjóðarinnar til hinna eða þessara þjóðfélagsmála.

Að fólk muni "flykkjast um ESB aðild" eru því einskærir draumórar. Flestir hafa gert upp skoðun sína nú þegar eins og allar kannanir sýna.

[Ásmundur (IP-tala skráð) 31.10.2012 kl. 23:26]

Hans, svarhlutfall er sú prósenta úrtaksins sem svöruðu könnuninni.

Þar fyrir utan standa þeir sem neituðu að svara vegna þess að þeir ætla ekki að taka afstöðu fyrr en samningur liggur fyrir.

Hlutlausir eru þeir sem svara en geta ekki gert upp hug sinn gagnvart valkostunum tveim.

[Elle_, 31.10.2012 kl. 23:37]

Gunnlaugur og Hans, þið eruð vægir við þennan lygalaup.

[Hans Haraldsson (IP-tala skráð) 1.11.2012 kl. 00:16]

Ásmundur: Ef það næst í einstakling í úrtakinu og hann gefur ekki upp afstöðu er hann flokkaður á þann hátt. 15% gáfu ekki upp afstöðu, hlynntir eru 27,3% og andvígir 57,6%.

Ef þetta síast ekki inn í þessari umferð hlýtur þú að vera að þykjast.

[Bragi, 1.11.2012 kl. 01:23]

Já Hans, hann er að þykjast, honum finnst það gaman til að reyna að pirra fólk. Annað er ekki í stöðunni þar sem engin mannvera, sama hversu vitlaus hún er, getur sleppt því taka eins mörgum rökfærslum eins og hann hefur gert á moggablogginu.

Hvað ertu gamall Ásmundur, svona fyrir forvitnissakir? Varla orðinn þrítugur, trúi því nú varla?

[Ásmundur (IP-tala skráð) 1.11.2012 kl. 07:31]

Hans, vitleysur síast ekki inn, Ég hef sterka vörn gegn þeim eins og Bragi hefur reynslu af.