Auðvitað fá Íslendingar enga sérmeðferð í sjávarútvegsmálum hjá ESB

Makríldeilan hefur enn á ný beint sjónum að þeim kafla sem svo eftirminnilega er eftir í aðildarviðræðum Íslands við ESB, sjávarútvegskaflanum. Endrum og sinnum heyrist því fleygt í áróðri fyrir ESB-aðild Íslands að:

a) Ísland geti fengið undanþágur í sjávarútvegsmálum.

b) Mótað sjávarútvegsstefnu ESB (af því við erum svo klár).

c) Sjávarútvegsstefna ESB sé bara svo ljómandi góð fyrir Íslendinga, og svo miklu betri en sú íslenska.

Allt er þetta áróður sem ekki á við rök að styðjast. Það er varla annað en þjóðernishroki að halda að Íslendingar verði leiðandi afl í sjávarútvegsmálum ESB ef þeir ganga þar inn. Miklu stærri þjóðir, með miklu meira atkvæðamagn, miklu fleiri sérfræðinga, margfalt fleiri lobbyista, munu halda áfram að ráða ferðinni í þessu mikla hagsmunamáli. Undanþágur eru varla á borðinu, þegar vísað er til þess að Malta hafi fengið einhverjar slíkar, þá er verið að tala um allt annars konar veiðar en Íslendingar byggja á, veiðar nálægt ströndum og ekki á slíkum stórhagsmunasvæðum sem íslenska landhelgin er. Varðandi sjávarútvegsstefnu ESB er ljóst að þótt hún sé í endurskoðun þá eru gríðarlegir hagsmunir stórþjóða og stórfyrirtækja í húfi þar og það að íslenska kvótakerfið sé ekki gallalaust (sem það ekki er) merkir ekki að sjávarútvegsstefna ESB verði við það einhver draumastefna, síður en svo. Gagnrýni bandalagsþjóðanna sjálfra er besti mælikvarðinn á það. Og ljóst er að við munum þurfa að hlíta henni ef við göngum í ESB, það hefur þráfaldlega verið staðfest og seinast í viðtali við formann sjávarútvegsnefndar Evrópusambandsþingsins, eins og fram kom í frétt á mbl.is í gær, en þar segir: 

„Við gerum okkur grein fyrir því að viðræður um inngöngu Íslands í Evrópusambandið eru nú í gangi. Sjávarútvegskaflinn skiptir að mínu mati sköpum í þeim efnum. Íslendingar verða að samþykkja og virða löggjöf sambandsins í sjávarútvegsmálum en ég er ekki viss um að þeir séu reiðubúnir að gera það enn sem komið er,“ segir Mato að lokum, spurður að því hvaða áhrif makríldeilan kunni að hafa á umsókn Íslands um inngöngu í Evrópusambandið.

Athugasemdir

[Kolbrún Hilmars, 20.9.2012 kl. 14:36]

Íslendingum tókst að færa út fiskveiðilandhelgi sína úr 0 mílum í 200 á síðustu öld.  Og ekki úr vegi að rifja upp a.m.k. fyrstu aðgerðirnar.

Árið 1901 ákváðu Danir (herraþjóðin) 3ja mílna fiskveiðilögsögu við Ísland.  Sem gerði ekki annað en að loka erlendum aðgangi að fjöruveiðinni.

Árið 1952 ákváðu íslendingar að færa fiskveiðilögsöguna í 4 mílur.   Það kostaði bardaga við bretana - sem settu löndunarbann á íslenskan fisk í Bretlandi!  Gamalkunnug viðbrögð breskra, ekki satt?

Árið 1958, færðu íslendingar fiskveiðilögsöguna í 12 mílur.  Og hver haldið þið að hafi barist fyrir því hérlendis?  Enginn annar en vinstri maðurinn og sjávarútvegsráðherrann Lúðvík Jósepsson.   Kratar og frammarar í þeirri ríkisstjórn vildu þá "sáttaumleitanir" við breta, hótuðu að setja Lúðvík af sem sjávarútvegsráðherra, en Lúðvík sagði einfaldlega;

"Eg setti þessi lög og þið hinir ráðið hvað þið gerið ef þið rekið mig.  En ég öfunda ekki þann sem minnkar landhelgina aftur í 4 mílur!"

Nú vill núverandi ríkisstjórn minnka íslensku landhelgina úr 200 mílum í 12 mílur - eða á við þá sem Malta hefur, með takmörkunum.

Eins og Lúðvík sagði; viðkomandi verður ekki öfundsverður!

[Ómar Bjarki Kristjánsson, 20.9.2012 kl. 14:54]

Hvort sem Ísland er utan eða innan EU - þá er óásættanlegt að nefnt land leyfi rányrkjaveiðar á sameiginlegum fiskistofnum. það er bara þannig.

Málið er nú eigi flóknara en það.

[Jón Frímann Jónsson, 20.9.2012 kl. 15:21]

Þesssi krafa íslendinga um sérmeðferðir er ekkert annað sjálfhverfa og frekja. Eins og þeir segja á wiki.

"In clinical psychology and psychiatry, an unrealistic, exaggerated, or rigidly held sense of entitlement may be considered a symptom of narcissistic personality disorder, seen in those who "because of early frustrations...arrogate to themselves the right to demand lifelong reimbursement from fate."^[2]"

Tekið héðan.

Íslendingar eiga ekki, og hafa aldrei átt rétt á neinu sjálfkrafa. Sérstaklega er varðar fiskistofna sem fara á milli lögsagana. Ef íslendingar vilja veiða úr slíkum stofnum. Þá eiga íslendingar að semja um það eins og aðrar siðaðar þjóðir.

Þetta gildir líka um fiskveiðireglur Evrópusambandsins. Þessi krafa um sjálfkrafa réttindi er fáránleg, og ekki í neinu sambandið raunveruleikann. Enda er kominn tími til að íslendingar komist niður á jörðina í eitt skipti fyrir öll. Núverandi hugsunarháttur er að leiða til sjálfseyðingar íslensku þjóðarinnar, og slíkt þarf ekki að taka langan tíma. Nokkur ár ef illa fer.

Sá málstaður sem er talað fyrir hérna á þessu bloggi, og almennt hjá evrópuandstæðingum er málstaður þjóðernishyggju, hroka, yfirgangs og útlendingahaturs, ásamt fáfræði og hræðsluáróðri.

Þetta er málstaður sem enginn skynsamur maður ætti að kenna sig við. Enda hefur aldrei neitt gott komið útúr þessari blöndu í sögu þjóða.

[Kolbrún Hilmars, 20.9.2012 kl. 15:53]

Hættu þessu tuði, Jón Frímann.  Íslendingar gera ekki aðrar kröfur en að halda aðalatvinnuvegi sínum í íslenskri landhelgi.  Fiskveiðum!

Ekki gerum við þær kröfur að fá ákveðnar prósentur af málmavinnslu ESB þjóðanna eða betri veðurskilyrðum frá Evrópu sem leyfir allt að þrjár uppskerur á ári, svo ekki sé nú minnst á vínræktina.

Er það bara goðsögn að heimaöldum kálfi sé ekkert hollara en að hleypa heimdraganum? 

[Ásmundur (IP-tala skráð) 20.9.2012 kl. 16:41]

Íslendingar þurfa ekki sérmeðferð hvorki í sjávarútvegsmálum né öðrum málum. Aftur á móti mega þeir búast við sérlausnum vegna sérstakra aðstæðna eins og mörg fordæmi eru fyrir í ESB.

Regla ESB um hlutfallslegan stöðugleika er sérlega hagstæð fyrir Ísland. Hún tryggir okkur einokun á veiðum í landhelgi okkar. Mikill meirihluti aflans þar eru staðbundnir stofnar sem við munum sitja einir að.

http://evropuvefur.is/svar.php?id=62250

Reglan um hlutfallslegan stöðugleika hefur verið í gildi óbreytt í nærri þrjátíu ár. Engar líkur eru á að henni verði breytt þó að það sé fræðilega ekki útilokað.

En það er alveg ljóst að slíkar breytingar myndu aldrei ganga gegn hagsmunum einstakra þjóða. Þannig vinnur ESB ekki enda myndu slík vinnibrögð ríða því að fullu.

http://evropa.blog.is/blog/evropa/entry/1120738/ 

Það er fráleitt að Íslendingar geti veitt eins og þeim sýnist úr flökkustofnum i íslenskri landhelgi. Slíkt myndi leiða til ofveiði og að lokum hruns stofnsins. Það verður því að semja um þessa veiði hvort sem við erum í ESB eða ekki.

Allt tal um að landhelgin fyrir utan tólf mílur fyllist af spænskum og portúgölskum togurum er því jafnheimskulegt og fullyrðingar um að aðlögun að ESB sé svo langt komin að ekki verði aftur snúið. Höfnun í þjóðaratkvæðagreiðslu muni engu breyta þar um.

Þvílík örvænting! Þvílík vanmáttarkennd! Þvílík vænisýki!

[Jón Frímann Jónsson, 20.9.2012 kl. 16:58]

Kobrún, Það er goðsögn að fiskveiðar séu í dag aðal-atvinnuvegur íslendinga. Voru það kannski fyrir 30 til 40 árum síðan. Í dag er sjávarútvegur væntanlega annar eða þriðji stærsti atvinnuvegur á Íslandi. Landbúnaður sem dæmi er aðeins 3% af heildar atvinnuvegum á Íslandi núna.

Staða sjávarútvegs mun lítið breytast við inngöngu Íslands í Evrópusambandið. Það eina sem mun breytast er að islenskur fiskur kemst tollfrjálst á markað Evrópusambandsins. Eitthvað sem LÍÚ hefur í raun grátbeðið um undanfarna áratugi hjá Evrópusambandinu, en ekki fengið vegna þess að Ísland er ekki aðili að Evrópusambandinu.

[Ásmundur (IP-tala skráð) 20.9.2012 kl. 17:13]

Kolbrún, við þurfum ekki að gera kröfur um það sem er sjálfgefið varðandi ESB-aðild.

En ef þú ert að tala um makrílveiðarnar þá er það óskylt mál. Við verðum að semja um þær. Vanræksla íslendinga við að kynna sinn málstað vekur upp grunsemdir um að þeir ætli ekki að semja.

Við höfum samið um aðra flökkustofna. Krafa andstæðinga aðildar um að við getum veitt eins okkur sýnist af makríl kemur því á óvart og er auk þess alveg fráleit. 

[Kolbrún Hilmars, 20.9.2012 kl. 18:25]

Jón Frímann, það má vel vera að álvinnsla og ferðamennska sé tímabundið í samkeppni við mikilvægasta útflutningsatvinnuveginn, sem er enn sem komið er fiskur og aftur fiskur.
Ferðamennskan verður aldrei lifibrauð, bæði vegna þess að landið þolir ekki áganginn og/eða ríkisvaldið skattleggur hana út af kortinu.
Við stýrum svo ekki álinu; vel má vera að bauxitið verði uppurið einhvern daginn eða einhver finni upp annað efni sem leysir það af hólmi.

Ásmundur, við erum sammála um að stjórnvaldið hafi vanrækt skyldu sína varðandi hagsmuni þjóðarinnar.  Eins og þú segir höfum við líka samið tiltölulega átakalaust um flökkustofna.   Með þeim fyrirvara að  Smugudeilan  snerist ekki um flökkustofna heldur réttmætan veiðirétt á  alþjóðasvæði.  Sem norskir eignuðu sér einhliða!

Ísland á ekkert erindi í ESB -  það apparat mun ekki gefa okkur neitt það sem við höfum ekki nú þegar!

[Ómar Bjarki Kristjánsson, 20.9.2012 kl. 21:01]

það skiptir engu máli þó sjávarútvegur sé stór atvinnuvegur og mikilvægur útflutningslega. það verður alltaf að semja um veiðar á sameiginlegum stofnum. Makríll per se hangir saman við aðra sameiginlega stofna. Ef Ísland heldur fram óraunsæjum kröfum til lengri tíma varðandi ákv. stofn - þá hefur það áhrif á samninga um aðra flökkustofna sem Ísland er aðili að. Aðgang að landhelgi annarra ríkja o.s.frv.

það mun ekkert ríki vilja semja við Ísland á vitrænum nótum ef samskipti útáviðeiga að vera svona í langan tíma í öllum málum. Skrítið að einhverjum skuli finnast hegðan Íslands gáfuleg.

[Scomber scombrus (IP-tala skráð) 20.9.2012 kl. 21:53]

When the structural problems of the fisheries sector have been addressed and the economic and social situation within the sector has become more stable, it may be possible to reconsider the need to maintain the relative stability principle and the possibility of allowing market forces to operate in fisheries as in the rest of the EU economy.

http://eur-lex.europa.eu/LexUriServ/site/en/com/2001/com2001_0135en01.pdf

Bls 24

[Hilmar (IP-tala skráð) 21.9.2012 kl. 00:13]

Það skemmtilega í þessu er, að idjótarnir þrír láta það vera að ásaka formann sjávarútvegsnefndar ESB um skilja ekki.

Þetta er í fyrsta sinn sem Bakkabræður viðurkenna, að Ísland verður undir hælnum á kerfisfólkkinu í Brussel með sjávarútveginn.

Athyglisvert er þó að sjá mismunandi nálgun þeirra við þessa viðurkenningu. Jón Freemann segir að það skipti hvort eða er engu máli, enda sjávarútvegurinn sko ekkert merkilegur, og að Íslendingar lifi á allt öðru en fiskveiðum, eins og t.d. örorkubótum.

Lyga-Mudni heldur í hálmstráið um einhvern "hlutfallslegan stöðugleika", sem enginn annar en hann skilur, enda ekkert til í regluverki Brussel sem heitir hlutfallslegur stöðugleiki, og þó er regluverk ESB eitt af undrum veraldar, enda ekki til það smámál sem reglubræður í Brussel þurfa ekki að skipta sér af.

Heiðarlegastur er þó Ómar Bjarki, sem viðurkennir fúslega, að við verðum að fórna sjávarútveginum fyrir aðild að reglugerðarveldinu dýrlega.

Eitt er þó öllum ljóst, að fóstbræðurnir þrír hafa tekið hið heilaga heldur bókstaflega, og hafa skipt um peruna í kollinum, og eru nú með sparperur sem lýsa illa.

Þeir eru skemmtilegur vitnisburður um minnkandi orkunotkun í heilabúinu.

[Ásmundur (IP-tala skráð) 21.9.2012 kl. 07:42]

Aumingja Hilmar, í stað þess að hafa hægt um sig eins og flestir aðrir vitsmunalegir undirmálsmenn hafa vit á, tekur hann slaginn.

Hilmar engist sundur og saman vegna eigin getuleysis. Hann hefur viðurkennt að leiðtogi lífs hans, reyndar með öfugum formerkjum, er Samfylkingin.

Eftir að afstaða Samfylkingarinnar liggur fyrir er afstaða Hilmars ljós. Hann tekur öfuga afstöðu. Þannig þarf hann ekki að hugsa enda getan til þess lítil.

Ógæfa Hilmars er að hafa ekki vit á að láta lítið bera á vitsmunalegum takmörkunum sínum. Hann verður því óhjákvæmilega að háði og spotti.     

[Guðmundur Böðvarsson (IP-tala skráð) 21.9.2012 kl. 08:53]

Aukum makrílkvóta næsta árs. Esb hyskið getur étið það sem úti frýs. Eða keypt í soðið af okkur.......

[Hilmar (IP-tala skráð) 21.9.2012 kl. 09:18]

Það væri nú gagn ef sparperan þín gæti framkallað, þó ekki væri nema smá háð og spott, Mundi minn.

Hugsaðu þér hvað þú yrðir miklu áhugaverðari, ef þú værir ekki alltaf í þessum hlutfallslega stöðugleika mónótónískrar ESB ofsatrúar.

Mundi minn, ofurtrúaðir eru ekki skemmtilegir, þeir eru einstrngingslegir, húmorlausir og móðgunargjarnir, eins og þetta eymdarlega væl leiðir svo vel í ljós.

Það er útsala á alvöru perum í Húsasmiðjunni, blessaður farðu nú og skiptu út sparperunni.

[palli (IP-tala skráð) 21.9.2012 kl. 09:34]

Það er eins og þetta sé orðinn vettvangur fyrir geðsjúklinga til að halda við veruleikafirringu sinni.

Úff hvað þetta er orðið hallærislegt og pínlegt upp á að horfa.

Þið apabræður, reynið nú að ná smá tökum á þessari þráhyggju. Þið getið prófað að brjótast út úr þessari andlegu einangrun, og t.d. lesið fréttir.

Þið eruð einir að æpa eitthvað rugl í mótsögn við alla helstu fréttamiðla heims, svo ekki sé minnst á stóran meirihluta íslensku þjóðarinnar.

Og þið básúnið svo hvað þið hafið rétt fyrir ykkur, og allir sem dirfast að mótmæla þessu bókstafstrúboði eru bara vitleysingar. Hvað oft á dag og hversu lengi þurfið þið að standa fyrir framan spegilinn og segja aftur og aftur að það sé einhver sem tekur mark á þessu, að það sé ekki hlegið að þessari dellu í ykkur, að þessi ofstækisáróður sé að hafa einhvern árangur?

Seriously, get a grip!

Hahaha... þvílíkir apakettir! Ég bara veit ekki hvort þið eruð meira hlæilegir eða sorglegir. Það er hörð keppni og hnífjafnt á milli.

[Ásmundur (IP-tala skráð) 21.9.2012 kl. 09:43]

Fyndið að Hilmar skuli gæla við þá hugmynd að hægt sé að skipta um týru sem litið gagn er í. Þá gæti hann heldur betur bætt úr vanköntum sínum.

Og þá myndi hann jafnvel skilja að umræður um framtíð Íslands eru dauðans alvara en ekkert grín.

[Hilmar (IP-tala skráð) 21.9.2012 kl. 10:02]

Gvöð... er Hilmar virkilega að gera grín, á meðan framtíð Íslands er algerlega óráðin?

Svei mér, ef það er ekki verra en Múhameðsteikningar.

Blessaður farðu og mótmæltu fyrir utan íslenska sendiráðið í Brussel, Mundi minn.

Eða það sem betra er, fylgdu bara múslimunum til þess bandaríska, þú fellur allavega inn í þann hóp eins og flís í rass.

"Death to America!"

[Ásmundur (IP-tala skráð) 21.9.2012 kl. 10:25]

Hilmar gerið það ekki endasleppt.

Er pikkfastur í filflagangi, skítkasti  og útúrsnúningum. 

[Ásmundur Harðarson (IP-tala skráð) 21.9.2012 kl. 10:31]

"Hilmar gerir það ekki endasleppt" átti það að vera.

Það verður ekki annað sagt en að Samfylkingin hafi mikil áhrif þegar hún er farin að stjórna skoðunum andstæðinga sinna. 

[Ómar Bjarki Kristjánsson, 21.9.2012 kl. 10:45]

Eg held það þurfi að skýra miklu mun betur fyrir mörgum íslendingum, hvernig samningar um sameiginlega stofna, stofna sem flakka um margar lögsögur - hvernig samningar um slíka stofna er háttað. Fólk veit ekkert um hvað það er að tala.

Samningum um slíka stofna fylgir yfirleitt aðgangur að lögsögum annarra ríkja varðandi þann stofn.

Makríll per se getur aldrei verið einangrað dæmi.

Ísland er að veiða ímislegt utan lögsögu íslands sko. það er eins og fólk viti ekki einu sinni af því.

Umræðan um þennan makríl hérna uppi er mestanpart blint þjóðrembingsofstæki í sambland við hreinræktaða heimsku.

[palli (IP-tala skráð) 21.9.2012 kl. 11:46]

Já, apabræður, ég hef sannfærst!!  Ykkar yfirburða skoðanir og bjargföstu rök hafa snúið mér frá villu vegar!!  Ég hef séð ljósið!!!!

Lof sé ESB!! Hallelúja!!!

Megi sjálfstæðir Íslendingar rotna um aldur og ævi. Okkar hlutskipti verður undir verndarvæng Brussels stóðsins!! Þeir eru svo frábærir að það þarf ekki einu sinni að kjósa þá!!!

Auðvitað skulum við svo afhenda þessi hundónýtu fiskimið á altari ESB. Undirstöður þjóðar okkar eru ekki þess virði hvort sem er. Bjóðum spænskum útgerðarkóngum til Íslands. Þeir eru bræður vor!! Þeir munu koma með pening og kaupa upp íslenskar útgerðir, eða bara stofna nýjar. Miklu betri en íslenskir kvótakóngar. Við munum taka þá með heykvíslunum.

Lof Drottni fyrir þann dag sem við munum öðlast erlend yfirráð á ný!!

Hallelúja!!!