Barruso vill SAMEINA FULLVELDI aðildarríkja ESB

Hvað heitir það þegar lítið ríki sameinar fullveldi sitt ríkjum sem eru meira en hundrað sinnum fjölmennari? Það heitir á mannamáli að litla ríkið lætur það stóra gleypa sig og fær í staðinn álíka mikil áhrif og miðlungsstór sveitahreppur á alþingi Íslendinga.

 

Árum saman hafa ESB-sinnar haldið því fram að allt tal um það að aðild að ESB feli í sér framsal á fullveldi og sjálfstæði séu ýkjur og öfgar, jafnvel einhvers konar „þjóðernisöfgar“. Þeir ættu því að kynna sér vandlega ræðu José Manúel Barroso, forseta framkvæmdastjórnar ESB, sem hvatti til þess í stefnuræðu á ESB-þinginu 12. sept. s.l. að ESB yrði breytt í Bandaríki Evrópu en bætti því við að til þess þyrftu aðildarríkin að framselja enn meira af fullveldi sínu og þokast í átt til fulls samruna. Hann kvaðst vilja að því stefna að til yrði:

 

„lýðræðislegt samband þjóðríkja sem getur tekist á við sameiginleg vandamál okkar, með því að sameina fullveldi á þann hátt að sérhvert ríki og borgarar þess hafi betri aðstöðu til að hafa stjórn á eigin örlögum.“

 

Helstu rök hans fyrir nauðsyn þess að ESB breytist í formlegt sambandsríki voru einkum þau að „að á tíma hnattvæðingar ætti ESB undir högg að sækja í samkeppni við aðra nema sátt næðist um að framselja fullveldi til sameiginlegrar stjórnar.“ Í þessu sambandi sagði hann að ESB yrði „að standast samkeppni frá Kína og Bandaríkjunum fram eftir þessari öld“.

 

Meginrök Barruso fyrir algeru fullveldisafsali aðildarríkjanna tengist kreppuástandinu sem nú einkennir ESB. Hann telur að endanlegt afsal aðildarríkjanna á meginþáttum fullveldis síns sé mikilvægt vopn í baráttunni við uppdráttarsýkina sem nú herjar einkum á útjaðra evrusvæðisins. Hann sagði m.a:

 

„Margir munu segja að með þessu sé gengið of langt, þetta sé ekki raunhæft. Ég vil hins vegar spyrja á móti: er raunhæft að halda áfram á sömu braut og áður? Er raunhæft að meira en 50% ungs fólks séu án atvinnu í sumum aðildarríkjum?“

 

Ljóst er að Barruso óttast að það Evrópusamband og evrusvæði sem Jóhanna og Össur sækja svo ákaft inn í með þjóðina í eftirdragi er dauðadæmt að dómi forseta framkvæmdastjórnar, nema því aðeins að honum og félögum hans, kommissörunum, lukkist að soga til sín fullveldi aðildarríkjanna. - RA

Athugasemdir

[Ásthildur Cesil Þórðardóttir, 17.9.2012 kl. 14:02]

Mér hefur reyndar heyrst á þeim þjóðum sem ég umgengst mest, þ.e. Austurríkismenn, þjóðverjar og Danir fyrir utan Nojarana, séu komin með upp í kok af því að bjarga suðurevrópu með hærri sköttum. Ég er klár á því að þessi ríki  munu aldrei samþykkja frekari afstkipti klíkunnar í Brussel, sem nóta bene hafur aldrei fengið kosningu af þjóðunum, heldur sjálfskipuð aðalstétt manna sem hafa nú þegar tekið sé allt of mikil völd.   Þetta er ormagryfja sem mun koma miklum óróa af stað innan almennra borgara í flestum löndum og sýnist manni nóg um nú þegar.

Þar að auki logar Kína og Japan og enginn veit hvað gerist næst þar, einnig logar milli Ísraels og Írans.  Menn ættu frekar að einbeita sér að ná meiri sátt og friði í heiminum en að reyna að sölsa undir sig meiri auð og völd.

[Ásmundu (IP-tala skráð) 17.9.2012 kl. 17:06]

"Hvað heitir það þegar lítið ríki sameinar fullveldi sitt ríkjum sem eru meira en hundrað sinnum fjölmennari? Það heitir á mannamáli að litla ríkið lætur það stóra gleypa sig og fær í staðinn álíka mikil áhrif og miðlungsstór sveitahreppur á alþingi Íslendinga."

Samlíkingin stenst alls ekki skoðun. 　

Stefna ESB er mörkuð í Leiðtogaráðinu þar sem allar ESB-þjóðirnar hafa einn fulltrúa. Gerð lagafrumvarpa fer fram í Framkvæmdastjórn þar sem hver þjóð hefur einn framkvæmdastjóra.　

Á Evrópuþinginu fá Íslendingar sex þingmenn eða jafnmarga og Lúxemborg, Malta, Kýpur og Lettland. Þó er Lettland 4-5 sinnum fjölmennari en við.　

Danir fá aðeins rúmlega tvöfalt fleiri þingmenn en við (13)þó að þeir séu 17-18 sinnum fjölmennari.

Þó að atkvæðamagn okkar í ráðherraráðinu sé lítið skiptir það litlu máli meðal annars vegna þess að 55% þjóðanna verða að styðja mál svo að það verði samþykkt. Auk þess er aukins meirihluta atkvæða krafist.

Flest mál krefjast stuðnings 65% atkvæða til að ná í gegn, önnur 72% eða 100%. Þetta þýðir að Ísland verður að fá stuðning 64.9% atkvæða frá öðrum þjóðum til að fá mál samþykkt. Sama hlutfall fyrir meirihluta þjóðanna er 63% eða þar yfir. Munurinn er því sáralítill.

Krafan um samþykki 55% þjóðanna til að fá mál samþykkt tryggir að ekki er hægt að samþykkja mál nema með samþykki smáþjóða. 55% eru allavega 16 þjóðir eftir inngöngu Íslands.

Ísland getur hæglega fengið mál samþykkt með stuðningi lágmarksfjölda þjóða rétt eins og Þýskaland ef atkvæðin dreifast þannig. Einnig getur komið í veg fyrir samþykkt máls ef það vantar eina þjóð til að samþykkja það.

Mestu máli skiptir þá að hæft fólk veljist til starfa fyrir Ísland. Þá geta áhrifin orðið mjög mikil.

[Ómar Bjarki Kristjánsson, 17.9.2012 kl. 23:38]

Miðað við núverandi stöðu - þá eykur Ísland fullveldi sitt og sjálfstæði með aðild að ESB. það er augljóslega etra aðsitja við borðið og fá þáttökurétt í ákvörðunum - heldur en fá ákvarðinarnar sendar hingað upp í fásinnið með pósti eins tilfellið er í núverandi stöðu.

Annars almennt séð um efnið, eða þ.e.a.s. þetta með ,,ríki" og ,,fullveldi" o.s.frv. - að það er þarna sem margir feila. það er ekki þetta sem skiptir orðið máli. Flestir orðnir dauðleiðir á hallæris þjóðrembingi í kringum eitthvert ríki útí bæ. það er fullveldi einstaklingsins sem skiptir máli. Að hann hafi sem mest og best tækifæri. Með samvinnu Evrópuríkja fær einstaklingurinn miklu, miklu meiri tækifæri. ESB er bara tæki í takt við nútímann.

[Elle_, 17.9.2012 kl. 23:58]

Við erum orðin dauðleið á að hlusta að þvættinginn þinn gegn fullveldi landsins.  Það er skömm að skemma svona vandaðan pistil og fjölda vandaðra pistla með endalausum brenglunum og lygum andlausra og óþroskaðra Brusselveldis-vinnumanna undir þeim.  Það væri þá tækifæri að lokast þarna inni.  Við ættum hinsvegar að senda ykkur í gámi inn í land kommúnísku kommissaranna, merktan: ENDURSENDIST ALLS EKKI.

[palli (IP-tala skráð) 18.9.2012 kl. 08:19]

Jájá, strákar. Segið ykkur sjálfum að það sé hlustað á ykkur í þetta skiptið. Það hefur aldrei gerst áður, en núna virkar örugglega að endurtaka möntrurnar ykkar. Nú er komið að því. Þótt það hafi verið hlegið að vitleysunni í ykkur í hvert einasta skipti, þá er málið að endurtaka þetta bara nógu helvíti oft. Það hlýtur bara að virka.

Já og lýsið því svo yfir að þið hafið rétt fyrir ykkur. Bara svona til að undirstrika hvað þið eruð svaka klárir.

Þvílíkir steiktir apakettir. Reynið bara að ná smá tökum á þessari þráhyggju og óskhyggu. Hver veit, þið hættið kanski að gera ykkur að fíflum í hvert einasta skipti sem þið tjáið ykkur, plús að við losnum við þessa hroka-heimtufrekju í ykkur.

Hálf- vit- ar!!!

[Ásmundur (IP-tala skráð) 18.9.2012 kl. 08:28]

Undarlegt að Vinstrivsaktin skuli gera litið úr því að Ísland taki upp samstarf við Evrópuþjóðir öllum til hagsbóta. 

Þó er almennt viðurkennt að samvinna sé af hinu góða og að bestur árangur náist þegar menn sameina krafta sína.

Þetta er eins og að telja að einstaklingur sem gengur í félag þar sem mál eru ávörðuð með meirihluta atkvæða sé búinn að missa sjálfstæði sitt. 

Slíkt sé óhæfa því að hann eigi ekki að koma nálægt neinu nema því sem hann getur ráðið öllu aleinn. Best sé því að einangra sig algjörlega frá allri samvinnu við aðra. 

Þetta er sérstaklega undarlegt í ljósi þess að um er að ræða mestu lýðræðisþjóðir heims þar sem jöfnuður er mestur og mannréttindi mest í heiðri höfð.

Í ljósi þess að ESB-aðild leysir mörg alvarleg vandamál sem fylgja smæð Íslands sætir andstaðan gegn ESB-aðild furðu. Við fáum nothæfan gjaldmiðil með öllu sem því fylgir, vönduð lög og nauðsynlega bandamenn.

Við höldum áfram að vera sjálfstæð fullvalda þjóð og getum ræktað áfram okkar þjóðareinkenni.

[palli (IP-tala skráð) 18.9.2012 kl. 10:14]

Hahaha... jájá, Ásmundur, núna virkaði þetta örugglega líka. Sami möntrugrauturinn er ekkert þreyttur, neinei. Bara að endurtaka sömu tugguna aftur og aftur og aftur. Það hlýtur bara að virka!!

Þú ert gangandi stoðkerfi fyrir heilaskemmdir.

Já og við erum í fullu samstarfi við Evrópuþjóðir, og margar aðrar. Samvinna á mörgum sviðum. Það er bara fínt.

Þótt þú hafir frábæran nágranna sem þér líkar vel við og treystir, þá þýðir það ekki að þú afhendir honum veskið þitt og lætur hann stjórna þínum fjármálum.

Ef einstaklingur gengur í félag þar sem meirihlutinn ræður, og hann er 0,8% af félagsmönnum, og félagið ákveður hvernig hann skal lifa og deyja, þá er hann víst búinn að missa sjálfstæði sitt.

Slepptu bara þessu bulli, hrokabytta og heimskingi. Geturðu bara ekki troðið því inn í þinn örsmáa heila að þessi trúarofstækisáróður hjá þér er ekki að hafa neinn árangur?

Hvað er það sem þú ert ekki að fatta? Hefur þetta verið að ná einhverjum árangri hingað til? Heldurðu að endurtekningar á möntrudellunni muni á einhvern töfrahátt bara allt í einu byrja að virka?

Sorry, en það virkar bara á fábjána eins og þig. Prófaðu að fletta upp orðinu "heilaþvottur" í orðabók.

Eins og ég segi, þú ert gangandi stoðkerfi fyrir heilaskemmdir.

[Ásthildur Cesil Þórðardóttir, 18.9.2012 kl. 10:57]

Ja hérna hér, það eykur sjálfstæði landsins að afhenda erlendu yfirvaldi öll þess gögn og gæði.  Hvað næst?  Þið sem endilega viljið inn í ESB hafið örugglega gleymt því að það eru einungis 27 lönd í ESB þar af aðseins 17 með evru, svo er allur heimurinn þar fyrir utan.  Þröngsýnin er því öll ykkar.

[Ásmundur (IP-tala skráð) 18.9.2012 kl. 15:12]

Ásthildur, þú hefur heldur betur látið ljúga þig fulla ef þú heldur að ESB-aðild sé háð því að við "afhendum ESB öll gögn okkar og gæði".

Ekkert slíkt stendur til. Þvert á móti höldum við öllu okkar. Það sem breytist er að stjórnun þeirra verður mun vandaðri en hingað til vegna þess að vönduð löggjöf ESB tekur við á vissu sviði af íslenskum hrákasmíðslögum.

Þegar svona margar þjóðir sameinast til ákveðinna verkefna eflist fullveldi þeirra. Auk þess munum við endurheimta þann fullveldismissi sem EES-samningurinn leiddi til.

Við munum ekki lengur taka við tilskipunum frá Brussel án þess að hafa neitt um þær að segja. Allar ákvarðanir og samþykktir verða teknar af okkur sjálfum ásamt hinum ESB-þjóðunum.  

[Kolbrún Hilmars, 18.9.2012 kl. 15:53]

Annað hvort höldum við öllu okkar eða ekki.  Ef við þurfum möglunarlaust að taka við einhverjum tilskipunum frá Brussel, þá er eitthvað að.

Ef orsökin er EES samningurinn - sem átti að vera viðskiptasamningur en ekki íhlutun í daglegt íslenskt líf - þá þurfum við að segja honum upp.

[Ásmundur (IP-tala skráð) 18.9.2012 kl. 17:57]

Kolbrún, með inngöngu í ESB hættum við að taka við tilskipunum frá ESB vegna þess að eftir það eigum víð þátt í öllum ákvörðunum sambandsins.

Við getum talað okkar máli í ESB til jafns við aðrar þjóðir. Allar þjóðirnar hafa aðeins einn fulltrúa í Leiðtogaráðinu þar sem stefnan er mörkuð. Einnig í Framkvæmdastjórninni sem hefur lagafrumvörp á sinni könnu.

Lög ESB eru eðlilega miklu vandaðri en íslensk lög enda miklu meiri mannafli tiltækur þar til vandaðrar lagasmíði. Kröfur um vönduð vinnubrögð eru einnig miklu meiri í ESB. 

Einnig hefur fámennið þau áhrif að þrýstihópar hafa mikil áhrif á lagasetningu Alþingis sem oft er hreinn skandall fyrir bragðið.

Mikil gagnrýni á íslenska stjórnsýslu stafar ekki síst af að íslensk lög eru mikil hrákasmíð. Þess vegna komast menn upp með ótrúlegustu hluti á kostnað almennings. 

Með því að taka vissan hluta af lagasmíðinni frá Alþingi geta þingmenn og aðrir sem koma að gerð laga gefið sér meiri tíma fyrir önnur lög sem fyrir braglið verða væntanlega vandaðri.

Krónan er svo sérkapituli í spillingarsögu Íslands. Hún hefur verið okkur óhemjudýr.  

[Ásthildur Cesil Þórðardóttir, 18.9.2012 kl. 18:30]

Það ert þú Ásmundur sem hefur látið Jóhönnu og Össur ljúga þíg fullan, en ekki ég og þeir aðrir sem berjast fyrir sjálfstæði þjóðarinnar.

[Elle_, 18.9.2012 kl. 19:01]

Eruð þið ekki orðin leið á að heyra um vönduðu brusselsku lögin?  100 þúsund blaðsíður af löngum bönnum á Cheerios og saklausum ljósaperum.  Og fjarstæðulegum fyrirskipunum um skattpíningu almennings fyrir fjármálaveldið. 

Þó það nú væri að það væru vönduð lög innan um heilu tonnin og turnana af fyrirskipunum.  Það eru líka vönduð lög í öðrum stærri ríkjum eins og Bandaríkjunum og Kanada og Nýja-Sjálandi.  Þangað gætum við nauðgað inn umsókn hvað sem illa gefna Jóhönnuliðið tautar og raular.  Það væri þeirra meðal og við hæfi.

[Ásmundur (IP-tala skráð) 18.9.2012 kl. 19:26]

Ásthildur, þekking mín á ESB er ekki komin frá Jóhönnu og Össuri.

Ég leita upplýsinga einungis þar sem hægt er að treysta á að þær séu réttar. Athugasemd mín #1 er td alfarið byggð á upplýsingum úr Lissabonsáttmála ESB.

Mig grunar hins vegar að þú viljir aðeins heyra áróður gegn aðild.

[Ásthildur Cesil Þórðardóttir, 18.9.2012 kl. 19:31]

Ég hlusta á fólk eins og Jón Bjarnason, Björn Bjarnason og hef lesið þá grein úr skýrslunni sem tekur á því að þetta sé ekki umsókn heldur aðildarsamningur.  Og nýlegar fréttir frá ráðamönnum ESB sýna svo sannarlega að þeir vilja samruna og innlimun þeirra ríkja sem fara inn.  Þannig að þú ert bara aumkvunarverður með þín innlegg og sennilega býr eitthvað annað þar að baki en sannleiksást.

[Ásthildur Cesil Þórðardóttir, 18.9.2012 kl. 19:32]

Aðlögunarsamningur átti þetta að vera.

[Elle_, 18.9.2012 kl. 19:36]

Alveg er það líka hrikalegt að lesa hvað við yrðum nú fullvalda og sjálfstæð þjóð undir algerum yfirráðum.  Næstum hlægilegt ef það væri ekki svo ótrúlega röklaust.

[Ásmundur (IP-tala skráð) 19.9.2012 kl. 08:25]

Ásthildur, þú viðurkennir blygðunarlaust að mestu áróðursrneistararnir gegn aðild séu þínar heimildamenn um ESB og að þú takir mark á bullinu um aðlögunarviðræður en ekki aðildarviðræður.

Þar með ertu að viðurkenna að þú sért ekki að leita sannleikans heldur aðeins að fá hlutdræga staðfestingu á að þín afstaða sé rétt.

Trúirðu því kannski að við séum komin svo langt inn í ESB að ekki verði aftur snúið? Það eru margir mánuðir síðan Jón Bjarnason sagði eitthvað á þá leið að ekki væri seinna vænna að hætta við. Taldi greinilega að annars myndi "skrímslið" gleypa okkur. 

Hvers vegna kynnirðu þér ekki staðreyndirnar svo að þú getir tekið upplýsta ákvörðun? Ertu nokkuð staðráðin í að verja hagsmuni sérhagsmunaaflanna á kostnað almennings?

[Ásthildur Cesil Þórðardóttir, 19.9.2012 kl. 11:03]

Ég tek mark á fólki sem kemur fram með rök og skýrslur til að sanna sitt mál, og fólki sem hefur unnið að þessu ferli eins og Jón Bjarnason, enda hefur þetta ekki verið borið til baka af neinum.  Það er reynt að þegja þessa staðreynd í hel af því það hentar ekki ríkisstjórninni og hennar áróðursmeisturum.

Eins og þetta hér:„Í sérstökum bæklingi sem Evrópusambandið hefur gefið út til að útskýra stækkunarferlið er kafli sem heitir Aðlögunarviðræður. Kaflinn hefst á þessum orðum: “Fyrst er mikilvægt að undirstrika að hugtakið „samningaviðræður“ getur verið villandi. Aðlögunarviðræður beinast að skilyrðum og tímasetningum á inngöngu umsóknarríkis, framkvæmd og beitingu ESB-reglna, sem eru upp á 90.000 blaðsíður. Og þessar reglur (líka þekktar sem „acquis“, sem er franska yfir „það sem hefur verið ákveðið“) eru ekki umsemjanlegar. Fyrir umsóknarríki er þetta í grundvallaratriðum spurning um að samþykkja hvernig og hvenær eigi að framkvæma og beita reglum ESB og starfsháttum. Fyrir ESB er mikilvægt að fá tryggingu fyrir dagsetningu og skilvirkni innleiðingar umsóknarríkis á reglunum.“ sem er upp úr þessari 100.000 bls. skýrslu frá ESB sjálfu.

[Ásmundur (IP-tala skráð) 19.9.2012 kl. 17:49]

Ásthildur, það er auðvitað ekki allt umsemjanlegt í ESB.

Joe Borg er með þetta á hreinu enda var hann sjávarútvegsstjóri ESB og leiddi samningaviðræðurnar fyrir hönd Möltu. Hann er einnig fyrrverandi utanríkisráðherra Möltu.   

"Við getum fengið varanleg sérákvæði

.....Andstæðingar aðildar Íslands að ESB hafa haldið því stíft fram, að ekki sé um neitt að semja, þar sem aðild Íslands feli það eitt í sér, að Ísland undirgangist allar reglur ESB, sem miðist fyrst og fremst við hagsmuni stærstu þjóða sambandsins. Ekkert tillit verði tekið til hagsmuna Íslands og enginn möguleiki sé á að fá undanþágur frá neinum reglum.

Joe Borg blés á þessar bábiljur fullyrti, að ESB reyni að taka tillit til hagsmuna þeirra ríkja, sem óska eftir aðild. Malta fékk ótal undanþágur frá reglum ESB. Flestar þeirra voru tímabundnar og oft var um aðlögunartíma að ræða til að Möltu gæfist tóm til að laga sig að reglum ESB. Sumar undanþágurnar eru hins vegar varanlegar, m.a. á sviði sjávarútvegsmála."

Borg sagði það raunar ranga nálgun að nota hugtakið undanþága um sérákvæði aðildarsamninga einstakra ríkja. Réttara sé að nota hugtakið sérákvæði, eða sérstakar ráðstafanir. Malta samdi um varanleg sérákvæði um sjávarútveg, landbúnað, fjárfestingar og fleiri atriði, sem tryggja meginhagsmuni, sem samninganefnd Möltu barðist fyrir í samningaviðræðunum. Samninganefndir Möltu og ESB unnu saman að því að færa þessar sérstöku ráðstafanir í þann búning, að þær mismunuðu ekki eftir þjóðerni heldur eftir almennum reglum.

http://www.pressan.is/pressupennar/LesaOlafArnarson/borg-blaes-a-babiljur?Pressandate=20110902

Ef menn vilja er í góðu lagi að kalla samningaviðræðurnar aðlögunarviðræður enda ganga samningar yfirleitt út á að samningsaðilar aðlagast hvor öðrum ef samningar nást.

En auðvitað eru þetta aðildarviðræður enda hafa þeir að markmiði að Ísland gangi í ESB. Þess vegna er þetta "aðlögunar en ekki aðildarviðræður" bara innantómt og heimskulegt þvaður.

Eða ertu kannski þeirrar skoðunar að ESB-aðild sé þegar fastmælum bundin og að okkur sé því engrar undankomu auðið?

Annars er þetta ekki nógu vel framsett hjá þér. Ekki er ljóst hvað kemur frá Jóni sjálfum og hvað frá ESB. Þegar menn halda svona fram sem er þvert á yfirlýsingar frá mörgum núverandi og fyrrverandi forystumönnum ESB dugar ekkert minna en hlekkur beint á frumheimildina. 

[Ásthildur Cesil Þórðardóttir, 19.9.2012 kl. 17:58]

Auðvitað vilt þú ekki viðurkenna að maður sem hefur verið þáttakandi í þessum viðræðum geti tekið upplýsta ákvörðun og viti hvað hann er að tala um. 

Eða ertu kannski þeirrar skoðunar að ESB-aðild sé þegar fastmælum bundin og að okkur sé því engrar undankomu auðið?

Já svo sannarlega er ég þeirra skoðunar og tel mig hafa fyrir því nokkra vissu af ýmsu sem ég hef lesið og kynnt mér.  Og í alvöru ég óttast virkilega þessa innlimun. Ekki vegna mín, ég verð dauð þegar allt fer í bál og brand, en ég á börn og barnabörn, sem reyndar hafa flúið landi eftir þetta fjandans hrun og koma ekki aftur fyrr en þessi ríkisstjórn er farin frá, ef þau koma þá aftur.  En þau eiga rétt á að verða íslenskir ríkisborgarar í lýðræðisríkinu Íslandi.  Fyrir því mun ég berjast með öllu því sem ég á til.

[Ásmundur (IP-tala skráð) 20.9.2012 kl. 08:12]

Ásthildur, þetta gengur ekki alveg upp hjá þér.

Börnin þín og barnabörn flýja hið "fullvalda" Ísland til ESB-landa og þú óttast fyrir þeirra hönd að Ísland gangi í ESB.

Börnin þín koma ekki heim fyrr en ríkisstjórnin er farin frá, ríkisstjórnin sem er búin að hreinsa svo vel til eftir hrun að vakið hefur athygli og aðdáun um allan heim. 

Veruleikaflóttinn nær svo hámarki í þeirri trú þinni að ESB-aðildin sé orðin staðreynd því að ekki verði aftur snúið þrátt fyrir loforð um að þjóðin skeri úr um aðild í þjóðaratkvæðagreiðslu.

Hér hefur heilaþvottastöð Björns Bjarnasonar greinilega verið að verki.  

[Ásthildur Cesil Þórðardóttir, 20.9.2012 kl. 10:36]

Ég held að ég nenni ekki að eyða tíma mínum í svona "rökræður".  Það er langur vegur frá því að þessi ríkisstjórn hafi gert vel.  Hún hefur gefið skotleyfi bankanna á hendur almenningi í landinu.  Sonur minn var að skreppa heim frá Noregi til að gera sig gjaldþrota til að losna við okurlánarana bankana af baki sínu.  Að halda í það að þessi ríkisstjórn hafi staðið sig vel er blind trú á sitt fólk án allrar gagnrýni.