Steingrímur ræðir um blóðlyktina af ESB-umsókninni

Formaður VG ítrekar að það þjóni ekki hagsmunum Íslendinga að ganga í ESB en kvartar um leið yfir því að samherjar hans í þingflokki VG láti nota sig til að reka ímyndaða fleyga í uppdiktaðar sprungur á milli stjórnarflokkanna.

Steingrímur Sigfússon slær nokkuð úr og í aðspurður í viðtali við Fréttablaðið í dag um aðildarumsóknina. Hann hafnar aðild afdráttarlaust en helst er að skilja á honum að hann vilji samt halda aðildarumsókninni til streitu fram yfir kosningar, hvað sem á dynur og hvað sem það kostar fyrir VG.

Hann kemst svo að orði að “blóðlykt” leggi frá ESB-málinu. Hann telur í öðru orðinu sjálfsagt að ræða málið opinskátt en hreytir þó bersýnilega ónotum í samþingmenn sína og samráðherra úr VG þegar hann segir: “Ég mun ekki verða í þeim hópi sem lætur óvinveitt öfl þessarar ríkisstjórnar toga sig sundur og saman í einhverjum yfirlýsingum.” Málið verði ekki "leitt til lykta með tætingslegum yfirlýsingum í fjölmiðlum". 

Þessi niðurlægjandi tónn í garð Katrínar, Svandísar og Árna Þórs vegna yfirlýsinga þeirra er athyglisverður og ber vott um að Steingrímur er ekki í rónni yfir umræðunni um VG og ESB sem átt hefur sér stað nú seinustu dagana, meðan hann brá sér til Frakklands í frí. Sá kafli viðtalsins sem fjallar um VG og ESB fer hér á eftir:

“- Flokkssystkini þín hafa að undanförnu látið að því liggja að ástæða sé til að fresta umsókninni að ESB; hætta við eða láta þjóðina kjósa um áframhaldið. Hvað finnst þér?

- Ég hef fylgst með þessu úr fjarlægð og það sem mér sýnist vera nýtt er að menn eru að ræða opinskátt hvernig á að fara með málið. Ég held að enginn geti kvartað yfir því. Skiljanlega eru margir þeirrar skoðunar að rétt sé að fara yfir stöðuna því fréttirnar frá Evrópu eru ekki uppbyggjandi. Tölurnar sem þar eru að birtast eru mikið áhyggjuefni. Hugmyndirnar eru margvíslegar sem hafa verið reifaðar og það sem ég vil segja um það mál er að þetta er ekki mál sem verður leitt til lykta með tætingslegum yfirlýsingum í fjölmiðlum. Þetta er þó augljóslega mál sem þarf að skoða ofan í kjölinn, bæði innan flokka og milli stjórnarflokkana. Menn geta svo ekki horft fram hjá því, eins og venjulega, að þegar andstæðingar ríkisstjórnarinnar finna einhvers staðar blóðlykt þá eru þessi venjubundnu vitni leidd fram. Ég hélt að menn væru orðnir leiðir á því að láta nota sig til að reka ímyndaða fleyga í uppdiktaðar sprungur á milli stjórnarflokkana. Menn munu finna vandaðan málefnalegan farveg fyrir þetta mál og ég deili þeirri skoðun með félögum mínum að við verðum að geta rætt málið opinskátt.

- Það er flokksráðsfundur á dagskrá Vinstrigrænna um helgina. Leggur þú til einhverja stefnubreytingu í málinu á þeimfundi?

- Nei, þessi fundur er fyrst og síðast hugsaður til að undirbúa kosningavetur og síður ætlaður til að afgreiða mikið af ályktunum. En auðvitað mun þetta bera á góma en ég sé ekki að mikill ágreiningur sé í okkar röðum um afgreiðslu þessa máls. Grunnstefna flokksins liggur fyrir; að við teljum það ekki þjóna okkar hagsmunum að ganga í Evrópusambandið. Það liggur fyrir eins og sá réttur okkar að tala fyrir þeim málstað okkar. Ég mun ekki verða í þeim hópi sem lætur óvinveitt öfl þessarar ríkisstjórnar toga sig sundur og saman í einhverjum yfirlýsingum. Við tökumst á við þetta mál með öðrum hætti.

- Telur þú mögulegt að ríkisstjórnin lifi það af að draga umsóknina til baka?

- Ég vil ekki ræða það á þessu stigi málsins. Ég er sannfærður að við finnum hagfellda leið og ríkisstjórnin geti lokið sínu verkefni og klárað kjörtímabilið. En við komumst ekki undan því að ræða hvernig með þetta mál verður farið og það hlýtur Samfylkingin að skilja.

- En þetta mál er orðið ríkisstjórninni mjög óþægilegt, eða er það ofmat?

 - Já, ég held það nú. Þetta er auðvitað viðkvæmt mál, en svo lengi sem menn nálgast það á efnislegum forsendum, og ræða það með rökum en ekki á öðrum forsendum, þá óttast ég ekki að fara í umræður um málið. Þær aðstæður sem við stöndum frammi fyrir eru tvísýnar; þetta eru viðsjárverðir tímar í Evrópu. Það er ekkert skrítið að menn vilji, meðal annars, fara yfir málið þess vegna og hvernig viðræðurnar hafa gengið til þessa. Það hefur tafist að taka upp mikilvæga kafla sem við í Vinstri grænum teljum neikvætt. Sjávarútvegskaflinn fer þar fremstur, en ekki er við okkur að sakast þar. Það er ljóst að þar stendur á Evrópusambandinu, ekki okkur.”

 

Athugasemdir

[Pétur Örn Björnsson (IP-tala skráð) 22.8.2012 kl. 14:10]

Enn og aftur, í stíl Cato gamla, skal ég vitna í frábæra og einstaklega greinargóða athugasemd Seiken sem birtist hér 31. 10. 2011 kl. 15:10.

Þessi athugasemd útskýrir það hvers vegna Atli Gíslason og Lilja Mósedóttir yfirgáfu þingflokk VG ... sögðu sig úr 4-flokknum VG.

Það var vegna viðurstyggilegrar samansúrrunar Icesave málsins og ESB aðlögunarinnar, með Deutsche Bank og AGS sem þrælapískarana, sem heill haugur af fyrrverandi og núverandi fjór-flokks-hyski sagði hallelúja við

og þar með einnig verðtryggingu lána (sbr. f. lið Seiken, sem útskýrir þetta allt og einnig hvers vegna Bjarni Ben og kompaní hans sagði Já við Icesave):  

Það var kominn tími til að fólk færi að kveikja á perunni hvað þetta mál varðar. Atli Gísla var í raun fyrir löngu búinn að gefa þetta í skyn. Og verksummerkin eftir þessa atburðarrás eru alls staðar.

a) VG sækir um í ESB, þrátt fyrir yfirlýsingar um annað fyrir kosningar.

b) Um leið og stjórnin tekur við þá er breytt um stefnu í Icesave (Svavar sendur af stað) og kemur heim með afleitan samning enda hefði ESB neitað að taka við aðildarumsókninni ef að Íslendingar hefðu ekki samið í málinu.

c) Stjórnvöld taka aldrei til varna fyrir Ísland í Icesave málinu erlendis.  ESB getur alltaf hótað að afgreiða ekki umsókn um aðild ef SJS og JS eru með einhvern derring.

d) Nýji landsbankinn gefur út skuldabréf í erlendri mynt (ca. 300 milljarðar) og leggur inn í þrotabú gamla bankans. Viðsemjendurnir í Icesave geta þar með sneitt framhjá gjaldeyrishöftunum.

e) Deutsche Bank er kallaður að samningaborðinu þegar verið er að semja um uppbyggingu bankana ásamt Hollendingum og Bretum. Niðurstaðan er algjör uppgjöf í skuldamálum heimila og endurreisn bankakerfisins. Evrópskir kröfuhafar fá aðstoð við að háma í sig skuldug heimili og fyrirtæki. Aldrei fæst upplýst um hvað nákvæmlega var samið. Þetta kallar SJS að "normalisera samskiptin við útlönd".

f) JS og SJS hafa alltaf viljað afnema verðtryggingu en nú er það allt í einu ekki hægt.  Verið er að nota verðtrygginguna sem svipu á kjósendur til þess að fá þá til þess að styðja aðild að sambandinu. Minni á að nóbelsverðlauna-hagfræðingurinn kallaði verðtrygginguna "anti-social" í Silfri Egils í gær.

g) Það eru fyrst og fremst aðildarsinnar innan SF og VG sem hafa tekið þátt í að sakvæða almenning í umræðum um skuldamál heimilanna.  Og hverjir eru það sem mala hæst um hversu illa var farið með kröfuhafa og því hafi verið réttlætanlegt að senda skuldug heimilinn til vinnu í grjótnámum bankanna, sem voru endurreistir sem innheimtustofnanir kröfuhöfum til dýrðar en ekki með hagsmuni þjóðarinnar að leiðarljósi (good bank-bad bank)? Hefur einhver spurt Mats Josefsson af hverju hann yfirgaf landið í fýlu?

Af þessu má ljóst vera að formaður VG er and-samfélagslegur, anti-social.

Steingrímur J. formaður VG, er and-socialisti.

Að mínu mati er Steingrímur J. formaður VG,  hreint út sagt fasisti,

skv. þeirri skilgreiningu að fasismi einkennist af

samansúrrun ríkisvalds og stórfyrirtækja (afskrifaðra) og auðhringa

og ofur-bankavalds,sem skerðir frelsi einstaklinganna, almennings.

[Pétur Örn Björnsson (IP-tala skráð) 22.8.2012 kl. 14:18]

Umsóknarferlið átti að taka 1 og 1/2 ár.  Nú eru komin rúm 3 ár af tossagangi gæsanna, í sífellt meiri aðlögun og göngulagi í stíl.

Mál er að linni. 

Það er löngu kominn tími til að meirihluti þjóðarinnar fái að segi sitt Nei við tossagangi ali-gæsanna. 

Við krefjumst lýðræðis í stað fasismans sem þingið hefur lengi ástundað.

Þingdruslur allra flokka, mútu og spillingarþegar upp til hópa,

ekkert annað kemur til greina, en að þið afgreiðið málið til

þjóðaratkvæðagreiðlu, sem fram fari í nóvember 2012. 

[Gunnlaugur I., 22.8.2012 kl. 14:52]

Það er svo sem mig grunaði og ég hef svo sem sagt hér frá og annarsstaðar líka.

Að formaður VG sjálfur allsherjarráðherrann SJS hefur ofmetnast og er orðin algerlega veruleikafyrrtur á málefnalega stöðu sína og síns eigin flokks og fer sínu fram, hvað sem hver segir og algerlega án tillits til skoðana annarra þeirra sem stutt hafa þessa annars fyrrum merku stjórnmálahreyfingu.

Semsagt "Stalín býr ennþá hér"

Enda mun það sjást greinilega eftir næstu leiksýningu þ.e. þennan Flokksráðsfund VG sem haldinn verður um næstu helgi.

Formaðurinn og allsherjarráðherrann mun þar aftur og enn valta yfir þetta lið þ.e. þingmenn sína og helstu trúnaðarmenn flokksins sem enn druslast til að mæta á þessar upphöfnu flokksræðis ráðstefnur flokksins og hafa enn ekki yfirgefið þetta sökkvandi skip.

Formaðurinn og allsherjarráðherrann mun sem alltaf fyrr ná öllu sínu fram.

Hann mun til málamynda láta skipa sérstaka "ESB nefnd" þar sem farið verður "heildstætt yfgir málin" eins og það mun heita á fínni og lymskulegri "Steingrímsku"

Formaður nefndarinnar verður auðvitað að tillögu Steingríms þ.e. sjálfur flækjufóturinn og helsti (S)vikapiltur Steingríms í ESB málunum enginn annar en sjálfur þingflokksformaðurinn Árni Þór Sigurðsson.

Með honum í nefndinni munu svo sjálfssagt sitja nokkrir nýlega tilgerðarlegir og hálfvogir ESB efasemdarmenn eins og Kata Jak. tæknikrati og Svandís Svavars og svo náttúrlega sjálfur Björn Valur sem sér enga þörf á neinni endurskoðun og svo auðvitað ESB sinninn og skemmtikrafturinn Þráinn Bertelsson, svona til mótvægis við þá hálfvolgu.

Þessi nefnd mun starfa lítið og koma sjaldan saman og allt verður þetta aðeins gert til þess að slá ryki í augu almennings.

Því ekki frekar en "MAGMA nefndin" eða nýjasta sýndarmennskan með "NUBO nefndinni" sem líka átti að fara "heildstætt yfir málin" þá mun þessi ESB nefnd heldur aldrei skila neinum niðurstöðum.

Jarðarför VG verður síðan auglýst nokkru eftir næstu kosningar. Sérstök minningarathöfn verður líka haldinn í sendiráði ESB á Íslandi og einnig í höfuðstöðvunum í Bruxsel.

En Árni Páll Árnason og Össur Skarphéðinsson munu halda pólitísku líkræðurnar með sín krókudílatár og glottandi sigurbros á vör.

Markmiðinu um hina langþráðu sameiningu Vinstri manna mun loksins nást með andláti og sögulegri jarðarför, þar sem þeir sjálfir plötuðu fórnarlambið í fláttaskap sínum og falsi til þess að bergja á hinum baneitraða eiturbikar ESB helsisins.

[Pétur Örn Björnsson (IP-tala skráð) 22.8.2012 kl. 15:21]

Spurt er:  Það er flokksráðsfundur á dagskrá Vinstrigrænna um næstu helgi.  Leggur þú til einhverja stefnubreytingu í málinu á þeim fundi?

Svar Steingríms J.: Nei ...

Nei ... Steigrímur J. ætlar áfram ... Já áfram ... að svíkja þá sem kusu VG síðast.

Hann laug ískalt að fólki í kosningasjónvarpi RÚV, 24. apríl 2009.

Maðurinn er hefur margsinnis afhjúpað sig sem svikara við stefnu VG. Maðurinn er þar að auki raðlygari. 

Maðurinn er Steingrímur J. formaður VG.  VG er orðið að möðkuðu hræi.

Það undrar mig að Ögmundur, Guðfríður Lilja og Jón Bjarnason telji sig enn eiga samleið með Já áfram hræinu, þar sem einungis maðkarnir hreyfast.

Kannski kirkjuklukkurnar að Hólum í Hjaltadal glymji þeim loksins til köllunar.

[Elle_, 22.8.2012 kl. 17:02]

Árni Þór, Björn Valur og Kata litla með sakleysissvipinn eru ekkert skárri en loddarinn sjálfur.  Kata verður að fara yfir málið, heildstætt, og setja það í hið endalausa ferli og aftur ferli og aftur ferli, heildstætt, og skoða málið enn og aftur og einu sinni enn, heildstætt, á meðan allsherjarvinirnir slá ryki í augu almennings. 

Nema galtóma heildstæða ferlið og skoðunin og rykið er allt orðið svo hundgamalt og gegnglært og ólýsanlega þreytandi að það er fyrir löngu hætt að virka á allt hugsandi fólk.

[Pétur Örn Björnsson (IP-tala skráð) 22.8.2012 kl. 18:01]

Taktu eftir því Elle, að Svadís Svavarsdóttir Gestssonar var í skinhelgu helgimyndaviðtali í DV, helgina fyrir helgina að Hólum.  Hvað boðar það?

Svavar er lærifaðir Steingríms J. í pólitík, sbr. Icesave "masterplan" þeirra og Indriða um það hvernig skuli valdnauðga og skuldsetja almenning til helvítis

... er nú þeirra eina plan B, að dóttir læriföðursins taki við af lærisveininum?

[Elle_, 22.8.2012 kl. 18:27]

Við munum fá það allt svart á hvítt helgina eftir helgina að Hólum.

[Anna Benkovic Mikaelsdóttir, 23.8.2012 kl. 04:19]

halló, hafið þið ekki lesið stjórnarsáttmálann?

Þetta mál er af skiljanlegum ástæðum erfitt fyrir VG. Blasir það ekki við hverju barni?

[Gunnar Heiðarsson, 23.8.2012 kl. 07:04]

Jú Anna, við höfum lesið stjórnarsáttmálann, þá leiðinlegu lesningu. Einmitt þess vegna er undarlegt hver viðbrögð Samfylkingar eru við ummælum VG liða. Enn undarlegri og nánast óskyljanleg eru þó viðbrögð formanns VG við ummælum flokksfélaga sinna, í ljósi þess sáttmála.

Það er nefnilega svo að greinin um aðildarumsóknina er tvíþætt og svo er stjórnarsáttmálinn nú nokkuð lengri en bara sú grein, miklu lengri.

Það fer þó minna fyrir kröfum SF þingmanna að staðið sé við aðra hluta þess sáttmála, eins og t.d. að standa vörð heimilanna, standa vörð aldraðra og öryrkja og svo mætti lengi telja. En þegar kemur að þessari stuttu grein um umsókn að ESB, er þessi sáttmáli allt í einu orðinn heilagt plagg í augum SF þingmanna og það aðeins hluta þeirra greinar. Að öðru leyti má þessi sáttmáli missa sig, að þeirra mati.

[Ásmundur (IP-tala skráð) 23.8.2012 kl. 08:54]

Gunnar virðist ekki gera sér grein fyrir að stjórnarsamstarf getur því aðeins gengið að ríkisstjórnarflokkarnir séu samstíga í þeim málum sem stjórnarsáttmálinn nær yfir.

Stjórnarsáttmáli gengur út á markmið. Það er ekki víst að öll markmiðin náist vegna ytri aðstæðna. Það leggur Gunnar að jöfnu við að annar flokkurinn svíki hinn með því að koma í veg fyrir að eitt aðalatriði stjórnarsáttmálans nái fram að ganga. 

Hér væri ekki aðeins um að ræða gróf svik við samstarfsflokkinn. Að svíkja loforð um að þjóðin fái að skera úr um aðild eftir að samningur liggur fyrir er ekki síður alvarlegt brot.

[Ásmundur (IP-tala skráð) 23.8.2012 kl. 09:06]

Gunnar virðist ekki gera sér grein fyrir að stjórnarsamstarf getur því aðeins gengið að ríkisstjórnarflokkarnir séu samstíga í þeim málum sem stjórnarsáttmálinn nær yfir.

Stjórnarsáttmáli gengur út á markmið. Það er ekki víst að öll markmiðin náist vegna ytri aðstæðna. Það leggur Gunnar að jöfnu við að annar flokkurinn svíki hinn með því að koma í veg fyrir að eitt aðalatriði stjórnarsáttmálans nái fram að ganga. 

Hér væri ekki aðeins um að ræða gróf svik við samstarfsflokkinn. Að svíkja loforð um að þjóðin fái að skera úr um aðild eftir að samningur liggur fyrir er  alvarlegt lýðræðisbrot.

[Ásmundur (IP-tala skráð) 23.8.2012 kl. 09:16]

Biðst afsökunar á að síðasta athugasemd er endurtekin nokkurn vegin óbreytt. Ástæðan er að það gekk ekkert að koma þeirri fyrri inn á vefinn af einhverjum ástæðum. Þegar ég reyndi aftur með því að breyta henni örlítið komu þær báðar.

[palli (IP-tala skráð) 23.8.2012 kl. 09:20]

..og hverjum er ekki fullkomlega drullusama, Ásmundur?