Breytt viðhorf til aðildarumsóknar í þingflokki VG

„Mjög aukinn stuðningur er innan þingflokks Vinstri hreyfingarinnar - græns framboðs við að endurmeta aðildarumsókn Íslands að Evrópusambandinu. Forsendur þykja hafa breyst og vilji er fyrir því að taka málið upp á Alþingi á ný.“

 

Þetta var fullyrt í kvöldfréttum RÚV í gær. Í fréttinni var síðan sagt: „Utanríkismálanefnd Alþingis fundar á mánudaginn með samninganefnd Íslands gagnvart ESB þar sem farið verður yfir stöðu aðildarviðræðnanna.  Enn er kaflinn um sjávarútvegsmál óræddur og óljóst hvenær hann verður opnaður.  Heimildir fréttastofu herma að í þingflokki vinstri grænna þyki mönnum óþægilegt að hefja kosningaveturinn með málið í þeim farvegi sem það er nú.

 

Forsendur í Evrópu hafi breyst 

Fréttastofa hefur í dag rætt við marga þingmenn vinstri grænna sem hingað til hafa verið fylgjandi aðildarviðræðunum.  Samhljómur er hjá þeim nú um að endurmeta þurfi stöðuna vegna þess hvernig forsendur hafi breyst.  Þeir telja líklegt að málið verði tekið upp þegar þing kemur saman í haust. Katrín Jakobsdóttir varaformaður vinstri grænna segir eina forsendu VG í málinu hafa verið að þjóðin hefði aðkomu að málinu.

 

„Það er líka ljóst að forsendur í Evrópu hafa breyst, efnahagslegar og pólitískar líka. Það er mikil óvissa hvert Evrópusambandið stefnir. Það er ljóst að þessi óvissa þar hefur talsverð áhrif á þetta ferli hér á landi,“ segir Katrín. Hún segir málið hafa verið rætt í VG en fyrst og fremst sé þetta mál sem stjórnarflokkarnir þurfi að ræða sín á milli og fara yfir heildstætt.

 

Fer betur á því að ræða við samstarfsflokkinn en í fjölmiðlum

 

Katrín segir að það sé ekki sérstakt kappsmál Vinstri grænna að Ísland fari inn í ESB.  „Það hafa verið hugmyndir uppi um það hjá ýmsum að setja málið á ís, þjóðin fái aðkomu að því hvort halda eigi áfram með málið, eða hvort draga eigi umsóknina til baka og hætta við málið. Eða jafnvel halda málinu áfram óbreyttu og ljúka því með þjóðaratkvæðagreiðslu. Þannig að það eru auðvitað margar leiðir sem hægt er að fara og það eru ýmsar skoðanir á því,“ segir Katrín. Umræðan sé ekki komin á það stig að hægt sé að lýsa einhverri sérstakri leið og líka betur á því að ræða þetta við samstarfsflokkinn beint en í fjölmiðlum.

 

Umhverfisráðherra vill endurmeta stöðuna

 

Svandís Svavarsdóttir umhverfisráðherra er ein þeirra sem telur að endurskoða þurfi ákvörðun um aðildarumsóknina.  Einboðið sé að endurmeta þurfi stöðuna í aðdraganda kosninganna, vegna tímaássins og stöðu mála í Evrópu meðal annars.

 

„Þannig að Vinstri hreyfingin grænt framboð hlýtur sem flokkur að þurfa að ræða það innan sinna raða hvaða nálgun er best í slíkri endurskoðun og það er rakið að gera það á flokksráðsfundinum nú í lok mánaðarins. Og í framhaldinu tel ég rétt að fara ítarlega yfir málið í samstarfsflokknum í ljósi þessara breyttu forsendna frá árinu 2009.“ segir Svandís.

 

Utanríkismálanefnd Alþingis fundar með samninganefnd Íslands gagnvart ESB þar sem farið verður yfir stöðu aðildarviðræðnanna. Heimildarmenn fréttastofu innan VG segja ljóst að taka þurfi málið upp þegar þing kemur saman í haust.

 

Svandís vill ekki segja til um hvort hún styðji tillögu um hvort aðildarviðræðum verði frestað eða þeim hætt.

 

„En ég árétta það að VG verður að fara yfir þessi mál innan sinna raða og þar eru allir möguleika uppi á borðinu. Í framhaldinu tel ég rétt að við förum yfir málið með samstarfsflokknum.““

Vilja endurskoða ESB-umsóknina

Athugasemdir

[Valdimar Samúelsson, 12.8.2012 kl. 12:41]

Það á ekki að taka neina málamiðlun varðandi að setja ESB aðildarumsókn á frest. Það verður að afmá allt sem getur orsakað að málið verði tekið upp á ný. þetta er trikks hjá VG og þeir vita að fólkið kýs á móti.

[Gunnlaugur I., 12.8.2012 kl. 12:53]

Að fenginni sárri og biturri reynslu þá vil ég nú leyfa mér að taka þessum fréttum með miklum fyrirvörum. Jú, jú skiljanlega eru þau orðin óróleg klukkna kortér í kosningar yfir að hafa svikið eina sína meginstefnu og brugðist og beinlínis mysþyrmt kjósendum sínum. Þeir hafa einnig misst 3 góða þingmenn fyrir borð og restin af þingflokknum er klofinn og tvístraður. Þar á ofan hafa þeir misst fullt af góðu trúnaðarfólki fyrir borð og meira en helming fylgis síns samkvæmt öllum skoðanakönnunum. Samt hefur engu mátt breyta og þessu blindflugi áfram haldið úti eins og ekkert hafi gerst.

Ég tel lang líklegast að ægivald Steingríms J. yfir flokknum muni enn einu sinni koma í ljós, með því að hann mun lævíslega fá það í gegn að skipuð verði "sérstök ESB nefnd" sem "Fari heildstætt yfir málin" eins og það verður kallað á fínu máli. Svona svipað og með Nubo málið og Magma málið.

Yfir þessa nefnd verður sjálfssagt settur helsti (S)vikapiltur Steingríms J. það er auðvitað enginn annar en hin þæga og auðsveipna silkihúfa Árni Þór Sigurðsson.

En eins og allir ættu að vita þá er Árni sérlegur sérfræðingur í að búa til tæknilegt flækjustig og tefja mál og jafnvel láta fundarboð ekki berast í tæka tíð eins og dæmin sanna af formennskutíð hans í Utanríkismálanefnd Alþingis sanna. Nefndin mun því koma seint og illa saman, allt verður þar að vera í pukri og leynd, kallað trúnó. Formaðurinn mun svo samviskulega sjá til þess að málin verða sett í lága drifið og á flækjustig númer 9 og engar niðurstöður munu koma frá nefndinni fyrir næstu kosningar. Þannig að tilganginum verður fullkomlega náð.

Alveg sama trixið og gert var með MAGMA nefndinni og Nubo nefndinni.

Blindfluginu til Brussel mun því ekki ljúka fyrr en eftir næstu kosningar, þar sem Vinstri hreyfingunni grænu framboði verður refsað með sögulegum hætti fyrir öll svikin og undanhaldið í ESB málinu !

[Birgir (IP-tala skráð) 12.8.2012 kl. 14:56]

Ég held það trúi þessu enginn heilvita maður. Bæði Katrín og Svandís hafa stutt Steingrím í einu og öllu hingað til, og engar líkur á að þær sýni nú sjálfstæða hugsun og gangi gegn vilja hans.

Líkast til er þetta örþrifaráð runnið undan rifjum Steingríms til að reyna að stemma stigu við atkvæðaflóttanum. En líkt og að smella litlum plástri á deyjandi mann þá er þetta of lítið og of seint.

[Hilmar (IP-tala skráð) 12.8.2012 kl. 17:06]

Og Stefán Ólafsson Samfylkingur farinn að boða viðræðustopp við ESB.

Það er ljóst að ESB sinnar eru á hröðu undanhaldi. Stríðinu er lokið, en við tekur örvæntingarfull leit að afsökunum sem mögulega gætu lengt valdasetu ESB flokkana.

VG er ESB flokkur, eins og Samfylkingin. Að boða frelsun svona kortér fyrir refsingu kjósenda er ákaflega trúverðugt, eða þannig. Gerir lítið annað en að bæta hræsni og tækifærismennsku við sem pólitísk einkenni VG.

Það er allavega ljóst, að innan VG og Samfylkingar fer fram dauðaleit að nothæfum afsökunum.

Eins og venjulega, þá finna þeir út, að þetta sé einhverjum öðrum að kenna.

[Helga Kristjánsdóttir, 13.8.2012 kl. 03:52]

Ég tel að VG.stelpurnar geri þetta með vitund og vilja Steingríms brögðótta,þó skal ekkert fullyrt.

[Anna Sigríður Guðmundsdóttir, 13.8.2012 kl. 08:06]

Ekki mun ég gefa VG annað tækifæri.

Sem kjósandi ber ég ábyrgð á því að nota gagnrýna raunhæfa hugsun, og meta eftir því. Ef ég er svo ábyrgðarlaus að kjósa flokk/fólk aftur, sem ekki hefur sýnt mér annað en 100% svik á því sem ég kaus þau út á, þá er það á mína ábyrgð að kjósa aftur sömu svikin og vitleysuna!

Það vantar gagnrýna hugsun og langtíma-minni hjá okkur íslendingum. Ábyrgðin og valdið er hjá almenningi.

M.b.kv.

[Seiken (IP-tala skráð) 13.8.2012 kl. 08:38]

Kosningar nálgast og það er eðlilegt að VG reyni að grugga vatnið og vona að kjósendur sjái ekki í gegnum svikin við stefnu flokksins. Það er hins vegar erfitt að sjá fyrir sér að Svandís og Katrín þori að fylgja þessu eftir.  

Ef kjósendur vilja hins vegar breytingar á íslensku samfélagi, sem ég tel að meirihluti sé fyrir, þá er fljótlegasta leiðin sú að eyða VG og Samfylkingunni og virkja þeirra fylgi ásamt óákveðna fylginu til handa nýju framboðunum.  

[Ásmundur (IP-tala skráð) 13.8.2012 kl. 09:45]

Ætlar niðurlægingu Vinstri grænna aldrei að linna? Ruglið í þessum flokki er svo yfirgengilegt að það er raun að rifja það upp.

Það er eins og þeir séu að keppast við að telja þjóðinni trú um að ekki sé neitt mark á þeim takandi og þeir séu tilbúnir að svíkja gefin fyrirheit, jafnvel stjórnarsáttmála.

Slíkur flokkur fær auðvitað lítið fylgi í næstu kosningum. Heiðarleiki er númer eitt í hugum kjósenda. Stjórnmálaflokkur sem í engu er treystandi er einskis megnugur. 

Auk þess mun almenningur forðast flokk sem setur það á oddinn að leyfa þjóðinni ekki að kjósa um eigin mál og splundrar jafnvel farsælli ríkisstjórn til að koma í veg fyrir það.

Hvað liggur að baki slíkum sjálfstortímingartilburðum? Er það löngun til að komast í eina sæng með Sjálfstæðisflokknum?    

[Anna Sigríður Guðmundsdóttir, 13.8.2012 kl. 10:04]

Það er víða pottur brotinn. Óskylt mál er í beinni útsendingu núna á nrk.no. Kynna á rapport fra 22 juli í Norge. Okkur kemur þetta öllum við, og þess vegna bendi ég á þetta hér og nú. Við getum lært af mistökum annarra þjóða og hörmungum þeirra.

M.b.kv.

[Elle_, 13.8.2012 kl. 14:01]

´Ásmundur´, komdu út úr þokunni.  Sáttmáli hvað?  Þjóðin vill ekki sáttmálann ykkar.  Og ekkert sem núverandi VG-lið gerði gæti bjargað þeim.  Eyðileggingin varð strax og þau tóku við stjórn.  Kata Steingríms getur ekki platað okkur þó hún setji upp falskan sakleysissvip.