ESB vill ráða á hafsbotni Hvalfjarðar

Evrópusambandinu er ekkert óviðkomandi og ber í stjórngleði sinni ýmis merki alræðisstjórna. Það er með öðrum orðum reynt að teygja vald þess inn á öll svið. Þannig berast Íslendingum fréttir af því að ESB vilji nú fara með völd undir hafsbotni Hvalfjarðar.

Samkvæmt neytendatilskipun ESB má afsláttur frá almennum kjörum aldrei vera meiri en 13%. Í dag er það fyrirkomulag við lýði í Hvalfjarðargöngum að afsláttur er veittur þeim sem kaupa margar ferðir en fullt gjald er 1000 krónur fyrir hverja ferð. Hægt er að kaupa 10 miða kort og þá kostar ferðin 635 krónur en þeir sem kaupa 100 ferðir fá hverja ferð á 283 krónur. 

Evrópusambandið sækir nú fast að neytendatilskipun nái yfir allt EES svæðið og þá verður að breyta gjaldskránni þannig að lægsta gjald hækkar úr 283 krónum í 480 en hæsta gjald lækkar úr 1000 krónum í 550. Fyrir þann sem hér skrifar og notar göngin örsjaldan á ári skiptir þetta vitaskuld litlu þó til ábata sé en fyrir t.d. Reykvíking sem sækir vinnu í Grundartanga er þetta veruleg skerðing á kjörum. Um sinn eru það Norðmenn sem halda hlífiskildi yfir stórnotendum ganganna en norsk stjórnvöld hafa barist gegn því að tilskipun þessi nái yfir EES svæðið. 

Það eru vitaskuld til rök með og móti þessari breytingu sem ekki verður fjölyrt um hér. Hitt er miklu fremur umhugsunarefni, hversvegna á Evrópusambandið að taka ákvörðun í máli sem þessu. Fram til þessa hefur það einfaldlega verið í höndum þeirra sem reka göngin hvernig gjaldskrá þessari er hagað og vitaskuld fer best á því. 

Getur verið að suður í Brussel hafi menn fundið hinn algilda sannleika um réttlætið og að í þeim lögmálum standi að afsláttur megi aðeins vera 13%? Eða er möguleiki að nú sem fyrr séu höfuðeinkenni alræðisins yfirgangur og heimska?

Athugasemdir

[Elle_, 13.5.2012 kl. 11:38]

Macedonian International News Agency:

Iceland, the only country to defeat the EU and Global Banksters

[Helga Kristjánsdóttir, 13.5.2012 kl. 12:03]

Já takk Elle,

[Elle_, 13.5.2012 kl. 12:51]

Fréttamiðillinn veit þó ekki að stjórnin sem tók við, Helga, núverandi stjórn, var bankamafíustjórn.  Og ólýðræðislegasta og versta stjórn lýðveldisins.

[Ásmundur (IP-tala skráð) 13.5.2012 kl. 15:28]

Það er illt í efni ef menn þurfa að leita sannleikans um Ísland í Makedóníu.

Það er skrýtinn sannleikur eins og lesa má.

[Kolbrún Hilmars, 13.5.2012 kl. 16:10]

Ég las fyrir stuttu eina ágæta grein í hinu breska Telegraph, en þar sem ég átti ekki von á því að þurfa að vitna í greinina hélt ég henni ekki til haga.

Greinin fjallaði um þessi eilífu afskifti ESB apparatsins af aðildarþjóðum, allt frá sköpulagi agúrka til alls hins sem hreyfist. Hið eina sem ég man orðrétt varðandi samskipti elítunnar við aðildarþjóðir er "they [the burocracy] never stop chattering".

[Elle_, 13.5.2012 kl. 16:20]

Man eftir svipuðu, Kolbrún, í Amercan Thinker:

The Death of Nation-States and the Rise of Empire

[Elle_, 13.5.2012 kl. 16:20]

American Thinker.

[Gunnlaugur Ingvarsson (IP-tala skráð) 13.5.2012 kl. 17:55]

Ásmundur ESB aftníossi Harðarson, er nú kjaftstopp, en leitar nú ESB sannleikans í Makedóníu !

[Elle_, 13.5.2012 kl. 18:38]

Já, hvað ætli hann hafi meint að ofan?  Maður bjóst nú við allt væri heilagt að hans dómi frá Evrópunni en Macedonia er þar. 

Hann hatar eða þolir ekkert amerískt eða bandarískt og allir þaðan víst vitleysingar.  Hann verður að skjóta niður það sem American Thinker skrifaði. 

Ætli hann sé á einum fundinum enn með Eiríki Bergmann að gá hvað hann megi segja næst??  Þangað til verður hann KJAFTSTOPP.

[Ásmundur (IP-tala skráð) 13.5.2012 kl. 19:07]

Elle huggar sig nú við uppgang ESB, eins og honum er lýst í American Thinker, og virðist taka heils hugar undir slíkar skoðanir. Öðruvísi mér áður brá.

Gunnlaugur attaníossi er enn við sama heygarðshornið með allt niður um sig í fullkominni örvæntingu og rökþroti.

Kolbrúnu minnir hitt og þetta eftir behag.

Svona fara umræðurnar gjarnan þegar rökin vantar.

[Elle_, 13.5.2012 kl. 19:58]

Nú?  Var það ekki nóg??:

Death of Nation-States

Öfugt við það sem Ás-jarlinn segir um dýrðina og fullveldið og lýðræðið þarna.

[Ásmundur (IP-tala skráð) 13.5.2012 kl. 20:18]

Enda eru ESB-þjóðirnar sprelllifandi með eigið fullveldi með samvinnu á ákveðnu sviði.

[Elle_, 13.5.2012 kl. 23:50]

Kannski eru ríkin og þjóðirnar enn á lífi en ´sprelllifandi´ eru þau ekki.  Ríki dýrðarsambandsins eru nefnilega dauðvona, missa fullveldið komi þau sér ekki út þaðan.

Ríkin verða yfirtekin þó hervald verði kannski ekki notað eins og Þýskaland gerði þetta í heimsstyrjöldinni.  Ætla samt að hryggja þig með að sambandið mun steindrepast fyrr en það gerist.

[Elle_, 14.5.2012 kl. 00:17]

Það mun steindrepast vegna ósættis og óvilja ríkjanna.

[Ásmundur (IP-tala skráð) 14.5.2012 kl. 07:31]

Er þetta nýjasta nýtt í sálfræðinni? Hræðsla við að að ríki verði yfirtekin af þeim sjálfum.

Þetta lýsir vanmáttarkennd, paranoju og litlum félagslegum þroska. Og síðast en ekki síst skorti á rökréttri hugsun.

Sérkennilegt svo að ekki sé meira sagt.

[Ásmundur (IP-tala skráð) 14.5.2012 kl. 08:11]

Það er gott að hafa reglur til að koma í veg fyrir mismunun. Hér á landi er víða pottur brotinn í þeim efnum.

En það er enginn mismunun fólgin í því að veita meira en 13% afslátt á ferð á td tíu ferða korti ef allir geta keypt þau. Þeir sem fara sjaldan um Hvalfjarðargöng geta einnig keypt slík kort og einfaldlega átt þau lengur en hinir sem fara oftar.

Mig grunar því að Vinstrivaktin sé að mistúlka regluna og að aðeins sé um að ræða að ekki megi selja sömu vöru, td tíu ferða kort, nema með 13% afslætti til sérstakra vildarvina.

[Elle_, 14.5.2012 kl. 10:31]

Ekkert nýtt í sálfræði að ég viti að alræði og valdníðsla sé vilji eða þörf fyrir að vaða yfir eða yfirtaka allt og alla.  Og það lýsir bæði Brusselbákninu og ykkar flokki.  Veit ekki hvort það er heimska,´félagslegi óþroskinn og paranojan og vanmáttarkenndin´ sem þú talar um eða bara sýki.

[Vinstrivaktin gegn ESB, 14.5.2012 kl. 11:03]

Kærar þakkir fyrir umræðuna. Sem fyrr minnir ritstjórn síðunnar alla þátttakendur þó á að gæta hófs í palladómum um pólitíska andstæðinga.

Aðeins varðandi athugasemd Ásmundar hér að ofan um meintan misskilning okkar. Þetta væri þá misskilningur stjórnar Spalar sem hefur skrifað um þetta á heimasíðu sína, sjá hér: http://spolur.is/ - frétt frá 7. maí.

[Elle_, 14.5.2012 kl. 11:59]

Eg vil segja að ég var að verjast persónuárásum ´Ásmundar´ úr no. 10 + 15 að ofan og eins og oft fyrr.  Lengi.  Og finnst að vísu að það ætti að loka hann úti, vegna eilífra niðurlæginga og persónuskota.  Í no. 10 var ætlunin að niðurlægja okkur öll 3 sem skrifuðum að ofan.

[Ásmundur (IP-tala skráð) 14.5.2012 kl. 14:57]

Grunur minn reynist ekki á rökum reistur.  Tilskipunin mun leiða til að stakar ferðir lækka úr 1000 krónum niður í 550 krónur. Flestir myndu væntanlega fagna því.  

Þetta er tilskipun sem stendur til að verði hluti af EES-samningnum en hefur enn ekki verið innleidd vegna mótmæla Norðmanna.

Þessi tilskipun hlýtur þá einnig að ná yfir önnur afsláttarkjör til neytenda eins og strætó og sundlaugar. Eða hvað?

Það mun þýða mikla lækkun fyrir stök skipti en einhverja hækkun fyrir þá sem kaupa kort.   

[Kolbrún Hilmars, 14.5.2012 kl. 16:08]

Mínu rómaða minni er áreiðanlega farið að förlast - því ég man ekki eftir því að ESB hafi gefið út gjaldskrár fyrir strætó og sundlaugar á Íslandi 

Hvað áttu annars við í #20, Ásmundur?

[Ásmundur (IP-tala skráð) 14.5.2012 kl. 17:23]

Þetta er tilskipun um jafnræði neytenda. Það eru fleiri neytendur en þeir sem fara um Hvalfjarðargöng. Verður ekki hið sama að gilda um alla neytendur?

Eru einhver rök fyrir því að regla um jafnræði neytenda eigi að gilda um Hvarfjarðargöng en ekki strætó og sundstaði?

[Kolbrún Hilmars, 14.5.2012 kl. 18:10]

Ahh, auðvitað; jafnræði neytenda! Ekkert nema hrakandi minni afsakar að ég gleymdi því fyrirbæri.

Hvernig virkar þetta jafnræði neytenda annars, Ásmundur? Innan bæjarmarka, hreppa, landsfjórðunga, landa eða heimsálfa?