Það fór kaldur hrollur um kommissarana í Brussel

Úrslit kosninganna í Frakklandi og Grikklandi vekja óhug í höfuðstöðvum ESB eftir mikla vinstrisveiflu í báðum löndum. Bandalag Merkel og Sarkozy, sem öllu vildu stjórna í ESB, er nú fyrir bí og gríski forsætisráðherrann sem ESB útnefndi stendur nú einangraður eftir hrun valdaflokkanna þar.

Í Grikklandi varð mikil vinstrisveifla og næststærsti flokkurinn á þingi er nú vinstriflokkurinn Syriza. Leiðtogi flokksins, Alexis Tsipras krefst þess að mynduð verði vinstristjórn. Úrslitin eru mikið kjaftshögg fyrir flokkana tvo, Sósíalistaflokkinn og Nýtt lýðræði, sem stýrt hafa Grikklandi til skiptis undanfarna áratugi. Þessir flokkar hrundu og fengu samtals aðeins um þriðjung atkvæða en höfðu áður 77%. Þeim er nú hegnt fyrir samningana sem þeir gerðu við ESB og AGS, en Syriza naut þess mjög að hafa gagnrýnt stefnu ESB í málefnum Grikkja harðlega.

Nýr forseti Frakka, Francois Hollande, boðar 75% skatt á hátekjur og ætlar að auka umsvif hins opinbera til að reyna að rétta franskt efnahagslíf við. Hann stendur þó frammi fyrir miklum vanda því að skuldir franska ríkisins, 5. stærsta hagkerfis heims, nema 90% af vergri landsframleiðslu, sem er að sjálfsögðu langt fyrir ofan þau 60% mörk sem sett eru þeim ríkjum sem taka upp evru.

Það sem þó vekur mestan kvíða í háborg ESB í Brussel eru ítrekaðar yfirlýsingar Hollande um nýgerðan sáttmála ESB til bjargar evrunni, en hann varð til undir stjórn og með harðri hendi Merkel og Sarkozy. Nýr Frakklandsforseti krefst þess að samningurinn verði ristur upp og tekinn til gagngerðar endurskoðunar. Hvort Hollande hefur mátt eða nægilega eindreginn vilja til að efna þetta fyrirheit sem hann gaf kjósendum, skal ósagt látið. - RA

Vill mynda vinstristjórn

Athugasemdir

[Ómar Bjarki Kristjánsson, 7.5.2012 kl. 12:37]

þetta er skrítin fréttaskýring.

það skiptir auðvitað engu máli fyrir EU hvort forseti í Frakklandi heitir Holland eða Sarkósý. Blæbrigðamunur en skynsemi og raunsæi að leiarljósi í meginlínum.

það sem skeði í Grikklandi var að Nasistaflokkur fékk tæp 10% fylgi og það vekur hrylling sem vonlegt er. Nema hjá Andsinnum hérna uppi í fásinninu. þeir fagna. I wonder why.

[Gunnlaugur Ingvarsson (IP-tala skráð) 7.5.2012 kl. 13:54]

Fyrir aðildarsinna eins og Ómar Bjarka sem eru í stöðugri afneitun á hina efnahagslegu og pólitísku upplausn og niðursveiflu ESB stjórnsýslunnar. Þá reynir hann enn að loka augunum og telur allt bara í fína algi. En reynir að gera það að aðalmálinu og draga alla athyglina að því að einn smáflokkur í Grikklandi sem sumir kalla "fasískan" hafi fengið um 9% fylgi og 20 þingmenn eða 6,5% af heildarþingmanna fjölda Gríska þingsins.

Það sem er auðvitað fréttnæmt er að stóru flokkarnir PASOK og nýtt lýðræði sem sömdu við ESB um skuldaklafann og höfðu áður 77% fylgi þjóðarinnar hrundu í fylgi sínu og fengu samanlagt innan við þriðjung atkvæða eða aðeins 31,6%.

En vegna óréttláts atkvæðavægis þá gefur það þeim engu að síður rétt innan við helming þingsæta.

Fréttaskýring VV hér að ofan er mjög góð og í samræmi við það sem helstu stórblöð og fjölmiðlar heimsins segja um málið.

Embættismanna hyskið í Brussel skelfur á beinunum !

En ESB aftaníossinn Ómar Bjarki kýs áfram sína afneitun og enn og aftur að stinga frekar höfðinu í sandinn !

Benda bara á einhverja vonda "andsinna" ímyndaða "Framsjalla" og svo líka "fasista" !

[V.Jóhannsson (IP-tala skráð) 7.5.2012 kl. 14:44]

Merkilegt orðalag ef rétt er. Auka umsvif hins opinbera til að reyna að rétta franska efnahagslífið við.

Hvernig getur ráðning á fleiri opinberum starfsmönnum á launum (skattapeningum) frá hinu opinbera, rétt franska efnahagslífið?

Ég hélt að aukin framleiðni væri m.a. höfuðmálið, en ekki blýantsnagarar hjá hinu opinbera. Týpikal krata hugsunarháttur.

[Ásmundur (IP-tala skráð) 7.5.2012 kl. 16:55]

Að úrslit kosninganna í Frakklandi og Grikklandi veki hroll hjá kommisörum í Brussel eða að hyskið í Brussel skelfi á beinunum eins og Gunnlaugur orðar það er bara bull. 

Ég hef leitað vel og lengi að slíkum viðbrögðum en hvergi fundið. Örvæntingin virðist vera að heltaka Vinstrivaktina og Gunnlaug attaníossa.

Hins vegar hafa menn óttast viðbrögð fjármálamarkaða. Sá ótti virðist hafa verið ástæðulaus. Í Frakklandi, Þýskalandi og Bandaríkjunum hækkuðu helstu vísitölur lítils háttar. Enn eru markaðir opnir í Bandaríkjunum en í London var  frídagur.

Ég held að kommisararnir í Brussel séu bara sáttir við sigur Hollande. Úrslitin í Grikklandi voru eins og búist var við. Óvissan er þar mikil.

Nú þegar áherslan hefur öll verið á nauðsynlegan niðurskurð er kominn tími til að huga að því að vinna að því að auka atvinnu.

Það hefur einmitt verið unnið í þeim anda innan ESB nú alveg upp á síðkastið.    

[Gunnlaugur Ingvarsson (IP-tala skráð) 7.5.2012 kl. 17:34]

Mikið er aumlegt að sjá hér til Ásmundar Harðarssonar, eina ferðina enn réttlæta allt sem ESB Elítunni og þeirra valdabákni tilheyrir.

Það er alveg sama hvað lætur undan og hvernig upplausnarástandið- atvinnuleysið og sífellt minni tiltrú fólksins skekur þetta Stjórnsýslu apparat hinns yfirguðdómlega Brussel valds.

Þá er Ásmundur alltaf mættur á "Vaktina" sína eins og sérlegur blaðafulltrúi stórfyrirtækis í miklum vanda sem allir sjá að hefur, brotið gegn viðskiptavinum sínum, starfsfólki og hluthöfum, þannig að vinnustaðurinn logar í verrkföllum og málaferlum. Þá reynir blaðafulltrúinn samt alltaf alveg sama hvað, að klóra í bakkann fyrir stórfyrirtækið og réttlæta allar þeirra gerðir og ráðaleysi því að það skaffar honum jú launin.

Svipað virðist vera með með Ásmund þennan Friðriksson hann reynir alltaf, alveg sama hvað, að bera endalaust í bætifláka fyrir ESB og allar þeirra gerðir eða aðgerðarleysi. Samkvæmt honum mun allt vera rétt og satt sem þessi valdaelíta gerir og ekkeret reynt að gera úr mótmælum, atvinnuleysi eða ráðaleysi þessarar valdaelítu.

Getur verið að það sé eins á komið með þessum "blaðafulltrúa" stórfyrirtækis, sem ég nefndi hér áðan og Ásmundi Friðrikssyni að báðir séu þeir launaðir leigupennar fyrir að verja ákveðið vald og ákveðna hagsmuni, já getur það verið sem mér og fleirum sýnist ?

[Ásgrímur Hartmannsson, 7.5.2012 kl. 22:02]

Flott. Visntrisveifla. Þá fer EB bara hraðar á hausinn.

[Ásmundur (IP-tala skráð) 7.5.2012 kl. 23:01]

Aumt svar frá Gunnlaugi.

Hann gerir enga tilraun til að sýna fram á, að fullyrðingar hans og Vinstrivaktarinnar um að ESB skelfi á beinunum og að um það fari kaldur hrollur, eigi við rök að styðjast.

Hann vísar ekki í einn einasta af þessum helstu fjölmiðlum heimsins sem að hans sögn færðu honum heim sanninn um þetta enda eru þeir vandfundnir.

Í staðinn er Gunnlaugur með útúrsnúninga og skæting hins rökþrota manns.

Í Grikklandi þarf að fara blandaða leið. Niðurskurður var nauðsynlegur til að stöðva þá sóun fjármuna sem olli vandanum. En það nægir ekki til. Það þarf einnig að örva hagvöxt.

Nú er komið að örvun hagvaxtar. Það er því heppilegt að Hollande taki við sem forseti Frakklands.  

[Elle_, 7.5.2012 kl. 23:15]

Efnahagur, evra, fjárhagur, gjaldmiðill, hagsveifla, hagvöxtur, vextir.  Við erum að tala um fullveldi, ekki endalausan hag og peninga.  Gunnlaugur var ekkert rökþrota og ég er sammála honum.

[Hans Haraldsson (IP-tala skráð) 8.5.2012 kl. 00:28]

Ásmundur: Manstu eftir þessum?

Ég veit að þetta er ekki mjög málefnalegt innlegg.

[palli (IP-tala skráð) 8.5.2012 kl. 09:49]

Hahaha... nákvæmlega Hans.

Hvað er annars þessi ræfilslegi páfagaukur að ybba sinn gogg?

Þetta andlega viðrini er eins og vírussýkt vélmenni. Sorglegt að vita til þess að manneskja geti sokkið niður á slíkt aumkunarvert tilverustig.

Ásmundur, hvort heldurðu að þú sért að ná einhverjum árangri á þessari vefsíðu eða ekki?

Hvort er það?

Í ljósi viðbragðanna þá er augljóst að þú ert ekki að sannfæra neinn, þannig að ef þú mælir árangurinn eftir því (en ekki hverju?), þá er þetta fullkomlega tilgangslaust hjá þér. Velkominn í veruleikann.

...og ef þú ert ekki að ná árangri, hvers vegna heldurðu þá áfram??

Þarftu nú bara ekki að kíkja til sálfræðings og pæla aðeins í sjálfum þér?

Það er ekkert að því. Þú þarft greinilega á hjálp að halda.

Eða þú getur bara viðurkennt að þú ert á launum við þetta.

Hvort er betra, finnst þér, Ásmundur? Viðurkenna að þú eigir við geðræn vandamál að stríða, eða að þú sért lygari á launum.

Ég gef þér samt efann. Það er betra að vera geðsjúkur en lygari, en geðsýkin hjá þér er samt ekkert joke, sko.

Þú ert alveg í löðrandi veruleikafirringu og afneitun. Slefandi pödduruglaður. Athugaðu hvort geðdeildin taki yfirleitt við þér. Tékkaðu á möguleikunu. Það er nefnilega möguleiki að þú sért orðinn of bilaður fyrir geðlæknana. Farinn yfir línuna. Þarf kanski bara að belta þig niður og halda þér deyfðun á lyfjum í einhvern tíma. Halda þér frá því að hugsa, sem er greinilega þinn veiki hlekkur.

[Ásthildur Cesil Þórðardóttir, 8.5.2012 kl. 10:10]

Það sem Merkel og Zarkovski klikkuðu á er að þar eru ekki lengur einræðisherrar.  Þess vegna datt þeim aldrei í hug að lýðræðið gæti ennþá verið lifandi í löndunum sem þau voru að reyna að kreista síðustu blóðdropana úr.  Ætli Merkel sjálf verði ekki næsta til að falla með dynk?

[Elle_, 8.5.2012 kl. 11:08]

Og Johanna sem gleður engan nema sinn heimakattahóp. 

[Vilhjálmur Stefánsson, 8.5.2012 kl. 11:46]

Hehehe þjóðverjarnir..

[Ásmundur (IP-tala skráð) 9.5.2012 kl. 20:45]

Gunnlaugur, hvernig í ósköpunum stendur á því að að þú hefur búið og starfað öll þessi ár í þessum skelfilegu ESB-löndum? Er þetta masókismi?

Íslendingar ættu að vera búnir að læra að taka ekki mark á bandarískum hagfræðingum, jafnvel heimsfrægum með nóbelsverðlaun. Þeir fullyrtu fljótlega eftir hrun að við gætum aldrei greitt skuldir okkar og ættum því einfaldlega að hætta að greiða.

Icesave var einnig óviðráðanleg skuld að þeirra mati. Allt reyndist þetta hin mesta fjarstæða eins og nú er komið í ljós.

Það er því engin ástæða til beygja sig í duftið fyrir nóbelsverðlaunahöfum í hagfræði. Minnimáttarkenndin sem gerur andsinna afhuga ESB aðild kemur einnig fram í að álit útlendinga er tekið gagnrýnislaust og því trúað eins og nýju neti.

Hagfræðingar fá gjarnan nóbelsverðlaun vegna mjög afmarkaðs sviðs innan greinarinnar. Þá skortir því oft heildarmyndina.

Hvorki Íslendingar né aðrir Evrópubúar myndu vilja amerískt ástand, þar sem fjarmagnið ræður öllu. Þess vegna eru amerískir hagfræðingar tæpast réttir ráðgjafar.

Ameríkanar eru auk þess miklir andstæðingar evru af eiginhagsmunaástæðum. Hún ógnar stöðu dollars sem hin alþjóðlega viðskiptamynt. Það yrði þeim gífurlegt áfall ef dollarinn þyrfti að gefa eftir gagnvart evru.

Bandaríkjamenn eru meðal mestu þjóðrembinga í heimi ef ekki þeir almestu. Hagfræðingar eru því undir miklum þrýstingi að tala niður evru. Annað þykir "unamerican" sem er eitt versta skammaryrði þar um slóðir.

Það er því vissara að fara varlega í að trúa bandarískum hagfræðingum. Lærum af reynslunni.