Papandreou kennir evrunni um ástandið í Grikklandi

Við vorum undir evrópsku eftirliti sem virkaði ekki, við vorum með í evrunni, sem hjálpaði ekki og við fengum lánaðar háar fjárhæðir og notuðum þær ranglega í ófaglegar fjárfestingar, sukk, bruðl, vinafyrirgreiðslu og klíkufjármögnun, segir nýafsettur leiðtogi Grikkja, Georgios Papandreou.

Í nóvemberbyrjun s.l. tilnefndi ESB nýjan forsætisráðherra í tveimur hjálendum sínum, Grikklandi og Ítalíu og voru þeir báðir þrautþjálfaðir Brusselmenn úr innsta hring æðstu embættismanna ESB. Ferli Papandreou fráfarandi forsætisráðherra Grikklands á valdastóli lauk þegar hann stakk upp á því að gríska þjóðin fengi sjálf að ákveða örlög sín í þjóðaratkvæði um aðgerðir „til bjargar" Grikkjum. Þá var forystuliði ESB nóg boðið og Papandreou þorði ekki annað en að hætta við þjóðaratkvæðið.

Lucas Papademos sem til skamms tíma gegndi embætti varaforseta Seðlabanka ESB (ECB) var tilnefndur til forystu í Grikklandi, maður sem ekki sótti umboð sitt til landa sinna og hafði aldrei verið kosinn til nokkurrar pólitískrar forystu þar í landi. Hann átti að tryggja að vilji ESB næði fram að ganga eins fljótt og auðið er. Síðan eru liðnir þrír mánuðir og loks nú virðist ætla að takast að berja Grikki til hlýðni.

Papandreou er formaður gríska jafnaðarmannaflokksins PASOK, en  fylgið hefur hrunið af flokknum að undanförnu. Bæði faðir hans og afi voru leiðtogar flokksins og gegndu lengi stöðu forsætisráðherra. En Papandreou fékk fleira í arf. Í viðtali við norska blaðið Klassekampen sem birtist á Smugunni 8. febr. s.l. segist hann hafa fengið grísku fjármálakreppuna í arf og margir eigi sök á því hvernig hún sé orðin. Hann krefst aukins lýðræðis í Evrópusambandslöndum og telur ESB vera á valdi stórfyrirtækja og auðhringa. Hann orðar það svo að við „lifum í íhaldssamri Evrópu sem nú vill ekkert gera nema að spara, spara og spara, fyrir fjármálastofnanir og fyrirtæki en ekki fyrir almenning."

Laun hafa lækkað um 30 prósent

Eftir kreppu hefur hinn almenni borgari í Grikklandi þurft að þola margt. Laun á opinbera markaðnum hafa lækkað um 30 prósent. 130 þúsund opinberir starfsmann hafa verið reknir úr vinnu. Virðisaukaskattur hefur verið hækkaður um 20 prósent og undanþágum gegn honum verið fækkað. Yfirvinnutaxtar hafa verið lækkaðir um 20 prósent.

Papandreou hefur áhyggjur af frelsi fjölmiðla. Þeir hafi ekki staðið sig, hvorki í aðdraganda kreppunnar, né eftir að hún hófst. Það sé alvarlegt vandamál og ekki að leysast. - Við tölum um frjálsa fjölmiðlun, en fjölmiðlarnir hafa verið keyptir upp af stórfyrirtækjum og bönkum og það verður að segjast að þeir eru málpípur eigendanna og stunda stöðugt lobbíisma fyrir þá.

ESB telur hann vera sama marki brennt, það séu samtök fyrir elítuna. Frakkar óttist þjóðaratkvæðagreiðslur og hið sama geri margar íhaldssamar ríkisstjórnir innan sambandsins. Evrópusambandið verður að skipta um áherslur og auka lýðræðið. Sambandið á að vera fyrir fólkið en ekki fyrir elítuna og fjármagnið. Markaðurinn þarf að fylgja þjóðarvilja í stað þess að þjóðirnar beygi sig undir tæknilegar lausnir markaðarins.  Meðan svo er skiptir minnstu hver er í ríkisstjórn, við þurfum að fylgja því ferli sem ESB hefur ákveðið, svo lengi sem við erum með í Evrusamstarfinu, enda er ekki auðvelt að yfirgefa það til þess er Grikkland orðinn of mikill hluti af kerfinu.  En Papandreou telur að breytingarnar verði að koma innan frá, enda sé skortur á lýðræði ekki aðeins vandi Grikkja, Evrópusambandsins heldur sé það alþjóðlegt vandamál sem verði að vinna gegn."

Í frétt á mbl.is segir Jeremy Warner, aðstoðarritstjóri breska dagblaðsins Daily Telegraph: „Grikkland hefur fáa aðra möguleika núna en að koma á gjaldeyrishöftum og yfirgefa evruna. Því lengur sem landið bíður með það því verri verður staða þess.“

Reyna að losna við Grikki

Athugasemdir

[Ásmundur Harðarson (IP-tala skráð) 11.2.2012 kl. 12:21]

Grikkir höfðu ekki þroska til að notfæra sér kosti evrunnar. Það má líkja því við þegar fjárhagslega illa staddur einstaklingur fær stóran lottóvinning og fer síðan í hundana. 

....við fengum lánaðar háar fjárhæðir og notuðum þær ranglega í ófaglegar fjárfestingar, sukk, bruðl, vinafyrirgreiðslu og klíkufjármögnun, segir nýafsettur leiðtogi Grikkja, Georgios Papandreou.

Eins og sjá má kennir Papandreuo Grikkjum sjálfum um ófarir þeirra. Grikkir létu eins og öll þeirra vandamál væri leyst með upptöku evru.

Er það mat Vinstrivaktarinnar að Íslendingar hafi ekki þroska til að notfæra sér þann happafeng sem felst í ESB-aðild og upptöku evru? 

[Stefán (IP-tala skráð) 11.2.2012 kl. 13:17]

Ásmundur, er það ekki nokkuð augljóst að íslensk stjórnvöld hafa ekki þroska í efnahagsmálum sem upptaka evru felur í sér. Enda uppfyllir íslenska lýðveldið ekki Mastricht kröfurnar.

Ég hef ekki tekið eftir því að nokkur einasti stjórnmálaflokkur eða stjórnmálamaður sem vill ganga í ESB hafi mótmælt því að afnema fjórfrelsið í október 2008. Það liggur engum á að innleiða aftur fjórfrelsið. En samt vilja menn drífa sig inn í ESB. Þetta er skilningsleysi á evrópuhugsuninni sem liggur að baki ESB.

Þannig að það er augljóst að Ísland hefur ekkert að gera í ESB á meðan að svo er. Þegar enginn skilur "evrópuhugsununina" öðruvísi en alki sem lofar betrun ef hann skiptir um umhverfi.

[Gunnlaugur Ingvarsson (IP-tala skráð) 11.2.2012 kl. 13:59]

Það vantaði ekki að Ásmundur "ESB varðhundur" Harðarson, er hér mættur eins og venjulega með sínar endalausu varnir og afsakanir um hinn mikla óskeikulleika ESB og EVRUNNAR.

Ætli það geti verið að hann sé kannski á sérstökum launum við þetta ?

Nú kennir hann þroskaleysi þessarar aldagömlu menningarþjóðar Grikkja um að hafa ekki haft nægan þroska til að nýta sér þessa yfirburða kosti EVRUNNAR.

Það er líka vinsælt núna í Brussel að tala um leti og ómennsku Grikkja og því hafi allt farið svona illa, það er ekki ósvipað og hlægilega heimskulegar yfirlýsingar Ásmundar hér að ofan.

Staðreynsdirnar tala sínu máli. Allt EVRU svæðið leikur á reiðiskjálfi og innbyggðir hönnunargallar þessa skuldavafnings EVRUNNAR koma alltaf betur og betur í ljós. Þess vegna sagði þekktur dálkahöfundur hinns virrta Þýska viðskiptatímarits um daginn að "EVRAN væri hættulegasti gjaldmiðill í heimi"

Jochka Fischer fyrrverandi utanríkisráðherra Þýskalands til margra ára og hefur hingað til verið talin mikill ESB sinni, er ekki lengur bjartsýnn á framtíð EVRUNNAR eða ESB stjórnsýsluapparatsins. Í nýlegu blaðaviðtali spáir EVRU svæðinu svæðinu nú inn í langvarandi kreppu, bæði efnahagslega og pólitískt og að forsvarsmenn Sambandsins hafi mistekist og vanmetið mikilvægi lýðræðisins og almennig aðildarlandanna.

[Ómar Bjarki Kristjánsson, 11.2.2012 kl. 15:57]

þetta verður að teljast með undarlegustu skrifum só far.

Og bottomlæn er: Útlendingar eu vondir en EU þó verstir eða? Er það boðskapurinn. Já, mér sýnist það einna helst.

[Gunnlaugur Ingvarsson (IP-tala skráð) 11.2.2012 kl. 17:26]

Ómar Bjarki Kristjánsson ESB rembingur er nú orðin meðal þekktustu þjóðhatara Íslandssögunnar.

Það sást best á commentum hans hér á þessari síðu um daginn þegar hann heimtaði það með frekju og hroka að ESB setti nú hnefann í borðið og stöðvaði fullkomlega löglegar makrílveiðar okkar íslendinga innan okkar eigin fiskveiðilögsögu !

Allt skal til vinna fyrir Brussel valdið sem hann dýrkar og dáir, jafnframt því að hatast við sína eigin þjóð !

[Ómar Bjarki Kristjánsson, 11.2.2012 kl. 17:46]

Óttarlegt bull er þetta í þjóðrembingum. það er eigi furða að sjallar hafi rústað hérna landinu. það var vegna þjóðrembings innbyggjara sem sjallaelítan spilar á eins og banjó með tilheyrandi skaða og tjóni fyrir landið. Þessi illa þefjandi þjóðrembingur er svo ofstækisfullur að það að mótmæla því að LÍÚ hyskið útrými sameiginlegum fiskistofnum sjávar er orðið saknæmt og ,,ESB rembingur". það er bara ekkert í lagi. þið sjallar og þjóðrembingar eigið eftir að sökkvað þessu aumingjans landi í yfirgengilegu hálfbjánakjaftæði, höftum, einangrun og skoðannaofbeldi.

[Gunnlaugur Ingvarsson (IP-tala skráð) 11.2.2012 kl. 18:31]

@ Ómar Bjarki Kristjánsson !

Þetta botnlausa ESB- rembings kjaftæði þitt hér að ofan lýsir best þér og þínum ofstækis fullu og ESB sinnuðu skoðunum, sem eru yfirfullar af þjóðarhatri og virðingarleysi fyrir öllum þeim sem taka ekki undir þínar ofstopafullu og ESB sinnuðu skoðanir !

[Ásmundur Harðarson (IP-tala skráð) 11.2.2012 kl. 19:24]

Reyndar voru Grikkir þegar í vondum málum áður en þeir gengu í ESB. Með ESB-aðild hefðu þeir hugsanlega getað rétt úr kútnum. Í staðinn misnotuðu þeir aðstöðu sína til að sökkva enn dýpra í svaðið. Papandreou lýsir þessi ágætlega eins og sjá má í færslu Vinstrivaktarinnar.

Þannig er það sukkið í Grikklandi sem er vandinn auk hinnar alþjóðlegu skuldakreppu sem á upptök sín í undirmálsskuldabréfum frá BNA.

Það geta allar þjóðir sem lifa ekki um efni fram aðlagað sig evrunni. Það eina sem þarf til er að skulda ekki mikið svo að óhætt sé að auka við skuldir þegar illa árar eða sem er enn betra að safna sjóðum þegar vel árar.

Ef þetta dugar ekki til verða menn að sleppa öllum launahækkunum meðan vandinn er að ganga yfir og í alverstu tilfellunum getur verið nauðsynlegt að lækka laun.

[Ómar Bjarki Kristjánsson, 11.2.2012 kl. 21:11]

Síðn hvenær ar það eitthvað ,,vinstri" að vilja stórskaða fiskistofna sjávar? Hérna er haldið út einhverri síðu á kostnað almennings sem hamrar á því á fiskistofum sjávar skuli rústað! Maður á ekki orð.

[Elle_, 11.2.2012 kl. 21:49]

Eg er sammála Gunnlaugi í öllu að ofan.  Hvað ætli Stefan Fule borgi mönnum fyrir að skrifa um ´happafenginn´ og ´remburnar´??  Verður sífellt fáránlegra.

[Ásmundur Harðarson (IP-tala skráð) 11.2.2012 kl. 22:53]

Gunnlaugur, hvað veldur þessari örvæntingu þinni?  Þvílíkt ofstæki!!! Þú býrð í ESB- og evrulandi en vilt alls ekki að Ísland fái að njóta þess að vera ESB-ríki með evru. Hvað veldur?

Ertu kannski einn þeirra sem lifa góðu lifi  á gengissveiflum krónunnar? Sumir hafa orðið milljarðamæringar á þeim á kostnað almennings á Íslandi.

Er málstaður ykkar svo gjörsamlega vonlaus að þið getið ekki tekið þátt í málefnalegum umræðum um ESB? Eru upphrópanir, slagorð og blekkingar ykkar eina haldreipi?

[Stefán (IP-tala skráð) 12.2.2012 kl. 08:02]

Ísland er í EES. Íslensk stjórnvöld ákváðu að afnema fjórfrelsið, sem er grundvöllur ESB, í október 2008.

Það eru komin þrjú og hálft ár síðan þá.

Ísland er augljóslega ekki fært um að ganga í ESB. Það er algerlega augljóst.

ESB er ekki töfralausn. Að hleypa Íslandi í ESB væri glapræði.

Fyrst eiga ESB-sinnar á Íslandi að gera heimavinnuna sína, þ.e. koma aftur á fjórfreli sem EES samningurinn felur í sér.

Samfylkingin, ESB-flokkur, samþykkti í október á síðasta ári að lögfesta afnám fjórfrelsisins. Engin mótmæli komu frá ESB-sinnum nema einstaka einstaklingi, ekki stjórnmálamanni. Pétur Blöndal mótmælti en hann vill ekki í ESB.

Taka til heima hjá sér. ESB má ekki við öðru landi í bandalagið þar sem allt er í óreglu heima fyrir.

[palli (IP-tala skráð) 12.2.2012 kl. 09:11]

Þessi óhugnarlega heimski einstaklingur Ómundur fær mann til að vilja fá aftur refsinguna að dæma menn í útlegð.

Kanski þetta andlega viðrini geti lært að meta eigin þjóð og land ef honum er sparkað burt í nokkur ár.

Hann gæti þá a.m.k. drullast í þetta ESB sitt á meðan.

Hvorki aðildarsinnar né auðvitað aðildar-andstæðingar myndu sakna hirðfíflsins.

[Stefán (IP-tala skráð) 12.2.2012 kl. 09:42]

Palli, er ekki best að vera málefnalegur.

Ég efa að þú aukir stuðning gegn ESB með svona skrifum.

Ég efa einnig að þú aukir skilning fólks á því af hverju Ísland á ekki að ganga í ESB.

Svona skrif gerir lítið úr skrifum höfunda á síðunni að mínu mati.

[palli (IP-tala skráð) 12.2.2012 kl. 10:18]

Stefán, það er alveg rétt að þetta er ekki málefnaleg skrif hjá mér, og áttu ekki að vera það.

Ég hef gefist upp á tilraunum til rökræðna við Ómund. Það er tilgangslaust.

Ég hef tekið að mér að sparka við og við í þennan apakött, en jú, kanski best að halda því í hófi.

Hvernig á maður að bregðast við jafn miklum lygum og heilaþvottar-áróðri? Málefnalegar rökræður gagnast lítið gegn trúarofstæki.

[Gunnlaugur Ingvarsson (IP-tala skráð) 12.2.2012 kl. 10:24]

@ Ásmundur Friðriksson.

Ég er ekki neitt örvæntingarfullur og ég er heldur ekki haldinn neinu ofstæki, þó svo að ég svari ESB sinnuðum ofstækismönnum, sem þú ert reyndar ekki. Svo skalt þú ekki reyna að sverta mig með því að væna mig um einhver óheiðarleg eða vafasöm viðskipti.

Þó svo að ég og konan mín búum alla vegana nú um stundarsakir í ESB- og EVRU ríkinu Spáni, þá þurfum við samt ekki að hafa þá skoðun að ESB aðild og að nota EVRU sem gjaldmiðil passi Íslensku þjóðinni.

Við höfum nú búið hér í 4 ár og við sjáum ekki að ESB eða EVRAN passi þessari þjóð, nema síður væri.

Hér er miklu verra ástand en nokkurn tímann er á Íslandi.

Hér en neikvæður hagvöxtur, hér hafa laun, lífeyrir og bætur verið lækkaðar með handafli. Skattar og opinber gjöld verið stórhækkuð og skorið niður í velferðarkerfinu. Almennur kaupmáttur hefur lækkað og er miklu lægri en á Íslandi með sína krónu.

Hér er viðvarandi og sífellt vaxandi atvinnuleysi og er nú 23% á landsvísu og hátt í 50% meðal ungs fólks.

Hér er atvinnuvegirnir í kalda koli og þyrfti sjálfssagt svona ca 40 til 50% gengisfellingu til þess að koma atvinnulífinu í gang, en Spænsk stjórnvöld geta ekkert gert því að þau hafa framselt völd sín yfir peningamálum þjóðarinnar til Brussel.

Hér flýr fólk vesöldina í stórum stíl og Spænsku þjóðinni stórfækkar í fyrsta skipti í áratugi.

Hér hafa innbrot og glæpir og vændi vaxið hröðum skrefum. Austur Evrópsk skipulögð mafíu glæpagengi frá hinum nýju ESB ríkjum vaða hér uppi.

Hér er orðin sjáanleg fátækt og vesöld á götum úti, betl og vændi og útigangsfólk og fatlaðir sem líða skort eru úti um allt.

Hér er viðvarandi ógeðsleg spilling í öllu stjórnkerfinu upp úr og niður úr, þ.e. í stjórnmálum og viðskiptalífi og embættisaðli og meira að segja hjá lögreglunni líka. Og þetta þykir eiginlega bara eðlilegt og ekkert svo mikið tiltökumál. Heimafólk segir mér að spillingin hafi vaxið um allan helming með ESB aðildinni. Matarholurnar hafi orðiðð fleiri og ósýnilegri.

Samtals eigum ég og konan mín 6 uppkomin börn sem búa á Íslandi og af eigin rammleik þá farnast þeim öllum mjög vel bæði í námi og störfum.

Við óskum þeim ekki þess ESB helsis og reglufargans sem við þekkjum héðan eða að taka upp gjaldmiðil sem alls ekki passar íslensku hagkerfi og þjóðin hefði enga stjórn yfir !

[Anna Sigríður Guðmundsdóttir, 12.2.2012 kl. 11:28]

Eyrstu orðin í þessum pistli smellpassa við Ísland.

Sú þjóð sem ekki sýnir þann þroska að taka til í stjórnsýslunni heima hjá sér, fer ekki vel út úr myntsamstarfi sem krefst aðhalds af ströngustu gerð, og pappírsvinnu, sem ekki einu sinni ESB sjálft skilur upphaf eða endi á. Því miður trúa margir því að ESB geti siðað íslendinga með farsælum árangri.

Stjórnsýslu-ruglið hér á Íslandi er heimatilbúinn vandi, sem misvitrir mútuþegar hafa staðið fyrir. Þann vanda verður að leysa hér heima og af heimamönnum. ESB mun ekki sjá um að halda uppi lögum og reglum hér, þótt aðildargjaldið sé greitt árlega.

Hér hafa EES-lög og reglur verið þverbrotnar í mörg ár, án athugasemda frá "stóra bróður" í Brussel. Það er ekkert vandamál fyrir þær höfuðstöðvar, að reglurnar séu þver-brotnar. Það finnst mér ógnvekjandi.

Lánaútreikningar hér á landi eru framkvæmdir og innheimtir á glæpsamleg og ólöglegan hátt, og standast ekki íslensk lög, stjórnarskrá og reglur EES.

Guðbjörn Jónsson er með góðar skýringar á lögbrotum við útreikninga verðtryggingarinnar á sinni bloggsíðu. Þar má líka sjá myndband á You-tube um verðtryggingar-ruglið.

Eins og venjulega, þá hafa ríkisfjölmiðlarnir ekki áhuga á að fjalla um lögbrot banka-glæpaliðsins. Það segir manni bara hverjir stjórna frétta-umræðunni í ríkisfjölmiðluninni! Banka-glæpagengin finna ekkert fyrir því að blekkja, ljúga og stela.

Hvað ætlar fólk að sækja til ESB. Er það ekki bara að sækja vatnið yfir lækinn, og borga háar upphæðir fyrir, þegar það er til hér heima? Höfum við ekki meir en nóg að borga, þótt við séum ekki að biðja um að borga fyrir spillta stjórnsýslu í Brussel, sem ekki virðir einu sinni EES reglurnar?

M.b.kv.  

[Anna Sigríður Guðmundsdóttir, 12.2.2012 kl. 11:39]

Bloggið hans Guðbjörns Jónssonar: gudbjornj.blog.is

M.b.kv.

[Ásmundur Harðarson (IP-tala skráð) 12.2.2012 kl. 11:58]

Gunnlaugur, eins og sjá má í tilvitnun í athugasemd #1 kennir Papandreou Grikkjum sjálfum um hvernig komið er fyrir þeim.

Þessi lýsing Papandreou getur átt við allar evruþjóðirnar sem eru í vanda.

Þannig má segja að evran henti vel þjóðum sem lifa ekki um efni fram en verr þeim sem vilja halda áfram að lifa um efni fram við óráðsíu og spillingu.

Reyndar gengur ekki að lifa um efni fram við óráðsíu og spillingu til lengdar hvort sem menn eru í eða utan ESB með eða án evru. 

Gengislækkun eigin gjaldmiðils er skammgóður vermir fyrir mjög skuldugar þjóðir vegna þess að skuldirnar hækka um leið og gjaldmiðillinn lækkar.

Upptaka evru hlýtur því að vera markmið allra ESB-þjóða nema hugsanlega Breta.

Allar hljóta þær innst inni að vilja koma á góðum stjórnarháttum, uppræta spillingu og bæta lífskjör. 

[Stefán (IP-tala skráð) 12.2.2012 kl. 12:30]

Ásmundur, eigum við þá ekki að berjast fyrir því á Íslandi að koma lagi á hlutina.

Allavega hlýtur það að vera markmið að festa fjórfrelsið sem kom með EES aftur í sessi.

En getur þú hjálpað mér aðeins. Hvar eru kröfur jafnaðarmanna og annara sem vilja í ESB um að standa við EES samninginn?

Hvernig getur það verið að þeir sem vilja í ESB er alveg sama um EES samninginn?

ESB er ekki endurhæfingarmiðstöð. Endurhæfingin þarf að eiga sér stað áður en að gengið er í bandalagið.

[Ásmundur Harðarson (IP-tala skráð) 12.2.2012 kl. 14:45]

Stefán, EFTA-dómstóllin hefur kveðið upp úrskurð um að gjaldeyrishöftin samræmist EES-samningnum við þær aðstæður sem við búum við.

http://sedlabanki.is/?PageID=13&NewsID=3036

Eigi að síður er stefnt að því að afnema þau 2013 þó að það geti dregist eitthvað lengur. 

Ég tel að frjáls viðskipti með krónu geti ekki gengið til lengdar þó ekki væri nema vegna þess hve auðvelt það er fyrir vogunarsjóði að keyra gengi krónunnar niður úr öllu valdi með skortsölu.

Valið er því væntanlega um gjaldeyrishöft til frambúðar og úrsögn úr EES með alvarlegum afleiðingum eða ESB-aðild og upptöku evru. 

[Stefán (IP-tala skráð) 12.2.2012 kl. 15:24]

Ásmundur, gott að láta dómstóla segja að það er í lagi að afnema fjórfrelsið.

Gjaldeyrishöftin bitna á einstaklingum. Þeim einstaklingum sem héldu að Ísland myndi virða samninga við ríki ESB.

ESB byggir ekki á því að fá undanþágu eins og Ísland gerir í þessu máli.

Það er ekki andi ESB. Ef Ísland getur ekki uppfyllt EES samninginn, hvernig á það þá að uppfylla ESB-samninginn?

Stefnan er sett á ESB án þess að Ísland geti uppfyllt EES samninginn.

Finnst þér þetta ekki svolítil þversögn?

Hvað ætla íslensk stjórnvöld að gera þegar evrur fara úr landi í aðra banka eins og er að gerast á Grikklandi í dag?

Aftur setja á tímabundin gjaldeyrishöft sem ekki bitna á stórfyrirtækjum heldur einstaklingum?

Svo spyr ég aftur, eru einhversstaðar kröfur ESB-sinna um það að Ísland uppfylli EES-samninginn? Eða skipta samningar við erlend ríki engu máli?

Skiptir þá samningurinn við ESB engu máli þegar á reynir?

[Stefán (IP-tala skráð) 12.2.2012 kl. 15:55]

Ásmundur, það sem ég er að reyna að segja þér er að Ísland á ekki að gera samninga sem það hefur ekki burði og vilja til að standa við.

Samfylkingin er í stjórn. Hún vill ganga í ESB. Samt hefur hún ekki sýnt neinn vilja til að uppfylla EES samninginn. Hefur ekki burði til þess.

Ef það stjórnmálaafl sem vill ganga í ESB sýnir ekki vilja til að uppfylla EES samninginn, þá getur þessi flokkur ekki heldur uppfylt ESB-samningana.

Það myndi ég hafa í huga. Sérstaklega eftir að lögin um gjaldeyrishöftin voru samþykkt í október í fyrra.

ESB byggir ekki á undanþágum.

[Anna Sigríður Guðmundsdóttir, 12.2.2012 kl. 16:55]

Ég biðst afsökunar á stafsetningar-villunni í minni færslu hér að ofan. Upphafsorðið átti að vera : efstu...

Við þurfum víst að átta okkur á að við erum öll í sama liðinu.

Réttlætið er óflokksbundið, og það skilur Lilja Mósesdóttir.

Enda er hún ekki bara vel menntuð, heldur er hún réttlætis-sinnuð, og rík af reynslu við að vinna hörðum höndum fyrir lífinu og brauðinu á borði hins vinnandi verkamanns.

M.b.kv.

[Ásmundur Harðarson (IP-tala skráð) 12.2.2012 kl. 17:09]

Stefán, skýrðu betur hvað þú átt við. Ertu ekki að tala um gjaldeyrishöftin. Það er verið að vinna að því að afnema þau. Hvað viltu meira?

ESB-umsókn tekur einhver ár og enn lengri tíma tekur að taka upp evru. Það er því ekki gáfulegt að stefna að því að uppfylla öll skilyrði áður en umsóknarferlið hefst. Það nægir að þau verði uppfyllt áður en að aðild verður.

Það væri mjög óviturlegt að afnema gjaldeyrishöft án þess að ESB-aðild og evra séu í sjónmáli. Íslensk króna án hafta til lengdar myndi að mínu mati leiða til nýs hruns af ástæðum sem ég hef áður tilgreint. 

[Ásmundur Harðarson (IP-tala skráð) 12.2.2012 kl. 17:30]

Stefán, vandamálin með EES-samninginn - nauðsyn á gjaldeyrishöftum - verða ekki lengur til staðar með aðild að ESB og upptöku evru. Þá eru möguleikar á að krónan fái vernd frá ECB áður en evran verður tekin upp.

Þess vegna er engin þversögn í því að ganga í ESB þó að við séum á undanþágu í EES. Það er einmitt vegna þess að við getum ekki búist við þessari undanþágu til langframa sem nauðsynlegt er að sækja um ESB-aðild eða segja upp EES-samningnum ella.

[Elle_, 12.2.2012 kl. 17:48]

Nei, við erum ekki öll í sama liðinu þó þorri okkar vildi að svo væri og skilji ekki hví það er ekki svo að við viljum öll verja landið.  Innan um okkur eru nefnilega forhertir menn sem svífast einskis.  Og það stenst ekki að ætlast til að neinn verði málefnalegur við slíka menn sem nánast allir í síðunni hafa fyrir löngu gefist upp á að rökræða eðlilega við.

[Ásmundur Harðarson (IP-tala skráð) 12.2.2012 kl. 18:03]

Anna Sigríður, útskýrðu fyrir okkur réttlætið í því að eignir lífeyrissjóðanna og greiðslur úr þeim lækki enn um 10% til að lækka lán þeirra sem geta auðveldlega greitt þau.

Hvaða réttlæti er því að tekjulágir lífeyrisþegar greiði þannig skuldir þeirra sem hafa miklu hærri tekjur og eru ekki í neinum vandræðum með að greiða sínar skuldir? Út á þetta ganga tillögur Lilju Mósesdóttur.

Að vísu skerðist lífeyririnn ekki þetta mikið ef framlag TR eykst á móti eins og skv núverandi reglum. En það þýðir að almennir skattgreiðendur þyrftu að greiða mismuninn.

Hvaða réttlæti er í því að láglaunafólk sé að greiða með sköttum skuldir þeirra sem hafa miklu hærri tekjur en það og eru ekki í neinum vandræðum með að greiða skuldir sínar?

Annars koma eignaréttarákvæði stjórnarskráarinnar í veg fyrir að hægt sé að taka þannig eignir lífeyrissjóðanna eignarnámi. Þessir 200 milljarðar myndu því allir að lokum enda á skattgreiðendum. Himinháar skuldir ríkisins myndu hækka um 200 milljarða að öðru jöfnu.

Sem hagfræðingur er útilokað að Lilja geri sér ekki grein fyrir þessu óréttlæti í tillögum hennar gagnvart tekjulági fólki sem er ekki mjög skuldugt. Ég get því ekki annað en litið á tillögur hennar sem hreint lýðskrum.

[Stefán (IP-tala skráð) 12.2.2012 kl. 18:08]

Smá um hugmyndir Lilju og lífeyrissjóðina.

Eru ekki verkalýðsfélögin sem stjórnarmenn? Geta ekki félagsmenn í verkalýðsfélögunum ekki kosið sér formenn og stjórnarmenn sem svo sitja í lífeyrissjóðunum og ákveðið að koma til móts við skuldara?

Væri kanski betri leið en að gera fjárnám í peningunum okkar sem við erum neydd til að greiða í lífeyrissjóðina.

[Ásmundur Harðarson (IP-tala skráð) 12.2.2012 kl. 21:39]

Stefán, stjórnir lífeyrissjóðanna geta ekki notað hluta eigna þeirra til almennra lánalækkana vegna þess að það er brot á lögum um lífeyrissjóði.

Skv þessum lögum er óheimilt að nota eigur lífeyrissjóðanna í annað en til að ávaxta féð og greiða lífeyri.

Það er ógnvekjandi þegar stjórnmálaafl, sem er tilbúið til að hunsa lög og stjórnarskrá, verður til og nýtur fylgis.

Slíkt gerist oft í kreppuástandi og er uppgangur nasistaflokks Hitlers þekktasta dæmið um það. 

Ég er þó ekki að líkja Samstöðu við hann heldur aðeins að benda á að kreppur eru góður jarðvegur fyrir lýðskrum..   

[Ásmundur Harðarson (IP-tala skráð) 12.2.2012 kl. 23:23]

Úr leiðara Fréttablaðsins nú um helgina: 

"Ein ástæðan fyrir fylgi Samstöðu gæti verið gylliboð Lilju Mósesdóttur og félaga, sem vilja láta afskrifa drjúgan skerf af húsnæðislánum allra og láta skattgreiðendur og lífeyrisþega borga. Þau vilja líka hækka ríkisútgjöldin, lækka skattana, hækka lífeyrisbætur hjá þeim sem þiggja þær í dag og láta framtíðarkynslóðir borga. Ef hinir flokkarnir panikkera og bregðast við góðu gengi Samstöðu með yfirboðum tekur ekki mörg ár að koma Íslandi í stöðu Grikklands; ríkissjóður á hausnum og efnahagurinn í kaldakoli. Það væri óneitanlega óheppileg afleiðing af "endurnýjun stjórnmálanna eftir hrun" sem stundum er talað um.

Lýðskrumið hefur átt upp á pallborðið í öllum flokkum að undanförnu. Flest bendir þó til að nýju framboðin, sem eru orðin allnokkur, ætli að ganga enn lengra í því en hinir grónu stjórnmálaflokkar. Fái þau þriðjung atkvæðanna, eins og könnunin gefur vísbendingu um, gæti svo farið að næsta ríkisstjórn yrði stofnuð sem varnarbandalag sæmilega ábyrgra stjórnmálaflokka gegn óábyrgri atkvæðakaupastefnu á borð við þá sem hefur sett mörg lönd á hausinn.

En þá neyðast foringjar gömlu flokkanna líka til að sitja á sér í hnútukastinu og svikabrigzlunum sem einkenna stjórnmálaumræðuna um þessar mundir og byrja að byggja brýr sín á milli."

Blaðhlutar     Blaðhlutar     Frettabladid     Serblad     Allt     Atvinna     Serblad       Forsíða     Forsíða

Síður     Síður     Síða 1     Síða 2 & 3     Síða 4 & 5     Síða 6 & 7     Síða 8 & 9     Síða 10 & 11     Síða 12 & 13     Síða 14 & 15     Síða 16 & 17     Síða 18 & 19     Síða 20 & 21     Síða 22 & 23     Síða 24 & 25     Síða 26 & 27     Síða 28 & 29     Síða 30 & 31     Síða 32 & 33     Síða 34 & 35     Síða 36 & 37     Síða 38 & 39     Síða 40 & 41     Síða 42 & 43     Síða 44 & 45     Síða 46 & 47     Síða 48 & 49     Síða 50 & 51     Síða 52 & 53     Síða 54 & 55     Síða 56 & 57     Síða 58 & 59     Síða 60 & 61     Síða 62 & 63     Síða 64 & 65     Síða 66 & 67     Síða 68 & 69     Síða 70 & 71     Síða 72 & 73     Síða 74 & 75     Síða 76       Stjórnborð     Stjórnborð   Smelltu hér til að prenta: Síða 16 - Síða 17 Allar síður Veldu lestrarmáta: Opnur Stök síða Smelltu hér til að sækja: Veldu blað Full útgáfa (zip) Full útgáfa (exe) Veldu upplausn: 1024x768 800x600 1024x768 1280x1024 1600x1200

[Anna Sigríður Guðmundsdóttir, 13.2.2012 kl. 00:23]

Ásmundur. Mér finnst þú snúa út úr raunveruleikanum. Í öðrum löndum eru allir frjálsir að borga eða borga ekki í lífeyrissjóð. Hvernig getur þú kennt Lilju Mósesdóttur um svikula óstjórnina í íslensku svika-lífeyriskerfinu? Ég er bara svo illa gefin að ég skil ekki hvað þú átt við.

Grikkir voru blekktir af EES-batteríinu ábyrgðarlausa (með aðstoð blekkingar-mats-stofnana), eins og íslendingar, til að taka lán til að byggja upp óraunhæft bull og mannlausar blokkir!

Allt er þetta rugl frá EES-samkundunni seðlabanka-miðstýrðu komið.

Það segir mér enginn að svona svikamyllu-vinnubrögð séu í lagi. Það hefur ekkert með mína sýn á ESB-samvinnuna að gera.

ESB var stofnað til að skapa frið, og nú er ófriður í ESB?

M.b.kv.

[Stefán (IP-tala skráð) 13.2.2012 kl. 06:50]

Anna Sigríður,

getur þú bent mér á lönd þar sem það er val um að greiða í lífeyrissjóði.

Var ekki verið að tala um á þessari eða annari síðu að Portúgal og Grikkland hefðu tekið lífeyrissjóði eignarnámi til þess að lagfæra skuldastöðu hins opinbera?

Patentlausn? Svo virðist vera í Grikkland og Portúgal því skuldastaðan skánaði smá en vandamál einstaklinganna eru enn til staðar.

[Ásmundur Harðarson (IP-tala skráð) 13.2.2012 kl. 08:58]

Anna Sigríður, hvaðan hefurðu þær upplýsingar að "Grikkir voru blekktir af EES-batteríinu til að taka lán........"

Þetta eru hrein öfugmæli enda mega ESB-þjóðir ekki skulda nema takmarkað. Er þetta hluti af blekkingaráróðri andstæðinga aðildar? Gættu þín á blekkingum þeirra.

Hvernig í ósköpunum færðu það út að ég "kenni Lilju Mósesdóttur um svikula óstjórnina í íslenska svikalífeyriskerfinu"?

Það hefur ekkert með lífeyrissjóðina eða stjórnir þeirra að gera að Tryggingarstofnun skerðir sínar greiðslur jafnmikið og lífeyrissjóðirnir greiða hjá þeim sem fá um 80.000 og minna frá lífeyrissjóðunum. Þetta er ákvörðun stjórnvalda.

Það er auðvelt að leiðrétta þetta. Þegar ríkið telur sig hafa efni á því verður það örugglega gert.

Það má vera að það þurfi að gera meira í skuldavanda heimilanna. En þá á að ráðast á vandann þar sem hann er eins og gert hefur verið hingað til og eins og var gert í Bandaríkunum fyrir fáeinum dögum.

Almennar lánalækkanir eru mjög dýrar og gera takmarkað gagn. Það er engin sanngirni í því að lífeyrisþegar og skattgreiðendur greiði skuldir þeirra sem eru betur settir en þeir.

Við verðum að forðast svona aðgerðir ef við ætlum ekki að lenda í sömu sporum og Grikkir. 

Lilja og fylgismenn hennar tala mikið um verðtryggingagróða lífeyrissjóðanna og vilja fá hann til sín. þetta er þó engin gróði, aðeins leiðrétting í samræmi við gerða samninga.

Þessi eign eins og aðrar eignir eru varðar með eignarréttarákvæðum stjórnarskrárinnar.

[Lúðvík Júlíusson, 13.2.2012 kl. 18:33]

"Við vorum undir evrópsku eftirliti sem virkaði ekki, við vorum með í evrunni, sem hjálpaði ekki og við fengum lánaðar háar fjárhæðir og notuðum þær ranglega í ófaglegar fjárfestingar, sukk, bruðl, vinafyrirgreiðslu og klíkufjármögnun, segir nýafsettur leiðtogi Grikkja, Georgios Papandreou."

Papandreou er ekki að kenna evrunni eða ESB um neitt heldur eigin lántökum.

[Elle_, 13.2.2012 kl. 21:02]

Miðað við orðin sem þú settir sjálfur þarna inn, Lúðvík, kennir hann líka evrunni og evrópsku eftirliti um.  Það stendur þarna.

[Lúðvík Júlíusson, 13.2.2012 kl. 21:44]

Elle, þjóðir eru sjálfar ábyrgar fyrir sinni hagstjórn, jafnvel í ESB, og hann segir evruna ekki hafa hjálpað sem þýðir að hún skemmdi heldur ekki fyrir.

Það er ótrúlega langsótt að halda því fram að hann sé að segja að ESB hafði brugðist með því að hafa ekki svipt Grikklandi efnahagslegu fullveldi sínu fyrir löngu.

[Elle_, 13.2.2012 kl. 22:50]

Heldurðu í alvöru að maðurinn meini ekki eftirlit sem var ekki undir stjórn Grikklands eða sem Grikkir gátu ekki haft stjórn á einir lagalega miðað við öll lagalegu yfirráð þessa bákns?  Maður þarf nú ekki að fara lengra aftur en ICESAVE til að geta séð þannig dæmi og við vorum ekki einu sinni í sambandinu.  Við gátum ekki stjórnað leyfi þeirra fyrir einkabanka í þeirra löndum og þeir áttu líka að hafa eftirlit með útibúum þar.  Samkvæmt þeirra lögum.

[Elle_, 13.2.2012 kl. 22:58]

Og með ofanverðu er ég alls ekki að segja að grísk eða íslensk stjórnvöld hafi verið saklaus.