Smugan vekur athygli á gríðarlegu atvinnuleysi ungs fólks í ESB

Í athyglisverðri grein í Smugunni í þessari viku er fjallað um atvinnuleysi ungs fólks innan ESB. Vísað er til nýrrar skýrslu þar að lútandi. Innan sambandsins í heild er atvinnuleysi um mitt ár 2011 20,7% og atvinnuþátttaka unga fólksins aðeins 32,9%. Fatlað fólk og börn innflytjenda hafa einkum orðið fyrir barðinu á atvinnuleysinu. Atvinnuleysi ungs fólks hefur lengi verið vandamál innan ESB en þegar harðna fór á dalnum keyrði um þverbak og sér ekki fyrir endann á þeirri þróun, því miður.

Grein Smugunnar er hér:

http://smugan.is/2012/01/gridarlegt-atvinnuleysi-ungs-folks-i-esb/

Skýrsluna er að finna hér: 

http://www.eurofound.europa.eu/pubdocs/2011/72/en/1/EF1172EN.pdf

Athugasemdir

[Ásmundur Harðarson (IP-tala skráð) 19.1.2012 kl. 14:39]

Það er eins í ESB og á Íslandi að atvinnuleysi er mest í yngsta aldurshópnum. Í sumum löndum ESB er það mun minna en á Íslandi, í öðrum miklu meira. Minnst atvinnuleysi meðal ungs fólks í ESB er í Hollandi 4.4%. 

Atvinnuleysið í einstökum löndum ESB hefur ekkert með ESB að gera. Þvert á móti minnkaði það hjá þeim þjóðum sem gengu í ESB á árunum áður en kreppan hófst. Það jókst svo aftur vegna kreppunnar eins og annars staðar. 

[Vinstrivaktin gegn ESB, 19.1.2012 kl. 14:57]

Atvinnuleysi ungs fólks hefur verið viðvarandi vandamál í í mörg ár í fjölmörgum ESB-ríkjunum, líka fyrir hrun. Mið- og austurevrópuríkin sem síðar gengu inn í bandalagið hafa mismunandi sögu hvað það varðar og sum tiltölulega nýlega komin úr öðru miðstýrðu bandalagi austurblokkarinnar. Skýrslan talar sínu máli um stöðuna nú.

[Ásmundur Harðarson (IP-tala skráð) 19.1.2012 kl. 15:30]

Það er rétt að það var mikið atvinnuleysi í mörgum ESB- löndum fyrir hrun. En það var jafnvel meira áður en þau gengu í ESB á árunum fyrir hrun.

Þess vegna bendir ekkert til að mikið atvinnuleysi sé um að kenna aðildinni að ESB nema síður sé. Það sést einnig á því að atvinnleysið er lítið í mörgum ESB löndum bæði hjá ungu fólki og öðrum.

[Vinstrivaktin gegn ESB, 20.1.2012 kl. 09:47]

Til að uppfylla ströng skilyrði Maastricht sáttmálans hefur orðið að grípa til efnahagsráðstafana sem auka á atvinnuleysi, þetta er vel þekkt öllum sem fylgjast með. Fleira veldur, en þetta er eitt af því og fáir nema ESB-sinnar á Íslandi sem ekki vilja vita af því.

[Ásmundur Harðarson (IP-tala skráð) 20.1.2012 kl. 15:10]

Vinstrivaktin þarf að upplýsa ESB-sinna í afneitun um hvernig Maastricht-sáttmálinn ofl eykur atvinnuleysi í ESB-löndum. 

ESB-sinnar hljóta að vera í markhópi Vinstrivaktarinnar en ekki þeir sem hafa nú þegar móttekið sakramentið.

Auk þess virðist þetta aðeins eiga við um sum ESB-löndin enda er atvinnuleysi tiltölulega lítið í mörgum öðrum. Hvernig stendur á því í ljósi Mastricht-sáttmálans?

Með þeim stöðugleika sem fæst með evru (og jafnvel fyrr með bindingu krónu við evru) eykst samkeppnihæfni Íslands. Framleiðsla á vörum og þjónustu til útflutnings mun þá aukast mikið og mörg ný atvinnutækifæri verða til.

Þannig stuðlar ESB-aðild að aukinni atvinnu á Íslandi.