Ögmundur: Komum okkur út úr þessu endemis rugli sem fyrst

Reynslan sýnir að undanþágur sem ESB veitir frá regluverki sínu eru aðeins sjónarspil  til bráðabirgða. Við eigum að láta þjóðina kjósa sem fyrst um málið og ekki að bíða eftir því að formlegur aðildarsamningur við 27 ríki ESB liggi fyrir.

 

Í stuttu máli sagt er þetta kjarninn í afar athyglisverðri grein sem Ögmundur Jónasson, innanríkisráðherra, ritar á heimasíðu sína Ögmundur.is. Hann leggur sérstaka áherslu á að: „Okkur liggur á að komast út úr þessu endemis rugli.“

 

Ögmundur vill láta kjósa um málið sem fyrst: „Við skulum hætta að tala um tímasetningu á þjóðaratkvæðagreiðslu einsog við fáum engu  þar um það ráðið, þetta sé nánast komuð undir óviðráðanlegu náttúrulögmáli. Við eigum að sjálfsögðu að segja samninganefndunum hvenær hentar okkur að kjósa. Þær hagi sínum störfum í samræmi við það.“

 

Ögmundur gerir lítið úr því að málið snúist um það hvaða undanþágur við fáum „enda sýni reynslan að undanþágur eru sjónarspil  til bráðabirgða.“

 

Hann biður lesendur að vara sig á blekkingaleiknum sem fylgir ESB-viðræðunum:  „Hinir miklu „sigrar" við samningaborð í aðildarviðræðum hafa oftar en ekki reynst vera sjónhverfingar einar. Innganga í Evrópusambandið jafngildir að gangast enn lengra undir miðstýringu og regluverk ESB sem virðist engin takmörk þekkja fyrir forræðishyggju sinni. Þess vegna vara ég við öllu áróðursgjálfrinu sem tengist samningaviðræðunum.“

 

Ögmundur viðurkennir að margir hafi í upphafi misreiknað sig á aðildarumsókninni: „Það sem ég og mörg okkar misreiknuðum þá var hve djúpt þetta ferli reyndist  og hve ágengt Evrópusambandið er í kröfum sínum og hve viljugt það er að smyrja þetta ferli allt með fagurgala og fégjöfum.“

 

Ögmundur spyr: „En hvað er það sem við ætlum að kjósa um?“ Og svar hans er: „Auðvitað um efnislega niðurstöðu. Þegar bitastæð efnisleg niðurstaða liggur fyrir - og það getur auðveldlega gerst fyrr en síðar, þá eru forsendur komnar fyrir þjóðaratkvæðagreiðslu. Ef þjóðin segir já, þá göngum við frá kommusetningunni í plagginu. Ekki fyrr.“

 

Við hér á Vinstrivaktinni teljum að vísu að fyrir löngu sé tímabært orðið að þjóðin fái að kjósa um það hvort landsmenn geta ekki komist „út úr þessu endemis rugli“ eins og Ögmundur kemst að orði. Við erum jafnframt í sama báti og innanríkisráðherrann sem ræðir um að þjóðin sé þrískipt í ESB-málinu:

 

Í fyrsta lagi: „Hluti þjóðarinnar vill ganga í ESB, óháð hvað kemur út úr viðræðum um aðild Íslands. Á þessu máli hefur Samfylkingin verið nær óskipt um nokkuð langa hríð og að sjálfsögðu margir fylgismenn annarra flokka.  Þessi hluti þjóðarinnar  hefur barist fyrir inngöngu í ESB og hefur viljað þangað inn hvað sem það kostar.“

 

Í öðru lagi: „Annar hluti þjóðarinnar vill vita hvað kemur út úr viðræðum um undanþágur og tímabundna fresti  frá regluverki  Evrópusambandsins.“

 

Í þriðja lagi  segir Ögmundur afdráttarlaust um sjálfan sig og þriðja hópinn: „Síðan eru það við hin, sem erum andvíg því að Ísland gangi í Evrópusambandið, hvað sem út úr viðræðunum kemur enda sýni reynslan að undanþágur eru sjónarspil  til bráðabirgða.“

 

Grein Ögmundar er einkar mikilvæg vegna þess að hann leggur áherslu á það sama og við hér á Vinstrivaktinni höfum margsinnis hamrað á að það sé fráleitt að þjóðin fái enga aðkomu að þróun þessa máls fyrr en allt sé frágengið og Össur hafi gert formlegan samning við ESB og 27 aðildarríki þess. Skýr og afdráttarlaus afstaða Ögmundar er ánægjuleg jólakveðja til lesenda Vinstrivaktarinnar. Við látum aftur frá okkur heyra eftir helgi. Gleðileg jól! - RA   

Athugasemdir

[Ásmundur Harðarson (IP-tala skráð) 23.12.2011 kl. 15:33]

Ögmundur á fullu í blekkingaráróðrinum. Eða veit hann kannski ekki betur?

Það er allavega sláandi að hann skuli ekki vita að það er löngu hætt að virka að reyna að telja fólki trú um að um ekkert sé að semja við ESB þvi að þar sé allt fastmælum bundið í lögum og reglum.

Þetta er auðvitað fjarri öllu lagi eins og þeir vita sem eru ekki í afneitun. Samningar ESB við aðildarþjóðirnar eru með sérlausnum “special arrangements”) fyrir hverja aðildarþjóð. Einnig er bruðist við kvörtunum eftir að samningar hafa verið gerðir.

Þannig bárust kvartanir frá Bretum vegna þess að Spánverjar keyptu veiðiheimildir í beskri lögsögu og sigldu með fiskinn heim. ESB setti þá skilyrði um efnahagsleg trengsl við landið sem Bretar útfæðu þannig að kvótahopp er ekki teljandi vandamál.

Auk þess gilda ólíkar reglur um hin ýmsu fiskveiðsvæði. Úr bók Auðuns Arnórssonar Úti eða inni......

..."Sameiginlega fiskveiðistefnan skiptist upp í nokkra hluta eftir því hvaða mið er um að ræða. Þannig má segja að sérstefna gildi um veiðar í Miðjarðarhafi, önnur um veiðar í Atlantshafi undan vesturströnd meginlandsins, sú þriðja um um veiðar í lögsögu Írlands, sú fjórða um veiðar úr Norðursjó, og jafnvel sú fimmta um veiðar við Hjaltlandseyjar og sjötta um veiðar umhverfis Azoreyjar, Kanaríeyjar, Madeira, Guadelupe, Réunion og slík fjarlæg eylönd sem tilheyra ESB."...

..."Sú staðreynd að mjög lítill hluti þeirra fiskistofna sem er að finna í íslenskri fiskveiðilögsögu, eru sömu stofnar og finnast í lögsögu núverandi ESB-landa ætti því að gagnast Íslendingum vel í að rökstyðja kröfur í aðildarsamningum um að sérreglur skuli látnar gilda um veiðar úr þessum séríslensku fiskistofnum."...

[Vinstrivaktin gegn ESB, 23.12.2011 kl. 16:11]

Ásmundur! Sú fullyrðing Auðuns Arnórssonar, að ""að mjög lítill hluti þeirra fiskistofna sem er að finna í íslenskri fiskveiðilögsögu, eru sömu stofnar og finnast í lögsögu núverandi ESB-landa", er einfaldlega bull. Síldin, loðnan, makríll, kolmunni... allt eru þetta fiskistofnar sem "finnast í lögsögu núverandi ESB-landa" og nefnast flökkustofnar eða deilistofnar. Þeir nema mjög stórum hluta af afla íslenskra fiskiskipa, þ.e. um þriðjungi ef miðað er við útflutningsverðmæti og hærra hlutfalli í tonnum talið. ESB fer með samningsrétt fyrir hönd aðildarríkjanna þegar úthlutað er kvóta úr deilistofnum. Á því hefur engin undantekning verið gerð, hvort sem veitt er í Miðjarðarhafi, Atlantshafi eða Norðursjó. Tilvitnanir þínar í Auðunn Arnórsson eru því harla lítils virði.  

[Ásmundur Harðarson (IP-tala skráð) 23.12.2011 kl. 19:12]

Mér þætti fróðlegt að vita hvernig Vinstrivaktin fær út að flökkustofnar gefi af sér um þriðjung af aflaverðmæti Íslendinga. Auðunn Arnórsson skrifaði bók sína fyrir nokkrum árum. Mér datt því í hug að miða við árið 2006. Skv Hagstofu Íslands skiptist aflaverðmæti flökkustofna með eftirfarandi hætti:

Norsk- íslensk síld......................... 3.951.852

Kolmunni ................................... 3.584.730

Loðna....................................... 2.180.460

Loðnuhrogn.................................... 352.388

Makríll og annar uppsjávarfiskur............... 98.500

Samtals..................................... 9.914.042

Heildarafli................................ 76.163.325

9!815542/76163325 = 13.02%

13.% er ekki nema rúmlega þriðjungur af því sem Vinstruvaktin heldur fram. Hagstofan gefur ekki upp sérstaka tölu fyrir makríl. Hér er því einnig hafður með annar ótilgreindur uppsjávarfiskur svo að rétt tala er eitthvað lægri.

2010 hefur þetta hlutfall hækkað upp í 18.5% vegna aukinna makrílveiða í óþökk ESB og annarra þjóða, sem málið varðar, nema Færeyinga. Sú tala er því ekki marktæk. Einnig er ovíst hvort makríllinn gengur áfram inn í íslenska lögsögu í þetta miklum mæli.

13% er lítið hlufall af heildaraflanum og því er ekkert rangt við skrif Auðuns Arnórssonar. Bók Auðuns er hlutlaus úttekt á ESB ætluð Íslendingum til að gera upp hug sinn. Hvergi er um neinn áróður að ræða. Þeir sem lesa bókina með opnum hug hafa ekki hugmynd um hvaða skoðun Auðunn hefur á málinu.

Hlutlaus úttekt samræmist náttúrlega ekki blekkingaráróðri andstæðinga aðildar. Þeir hljóta því að afgreiða bók Auðuns sem áróður fyrir aðild. Það er ótrúlega billegt að benda á eitt atriði sem vísbendingu um að ekkert mark sé takandi á bók Auðuns. Það tekur svo út yfir allan þjófabálk að ekki minnsti fótur er fyrir þessu eina atriði.

http://www.hagstofan.is/?PageID=2596&src=/temp/Dialog/varval.asp?ma=SJA09001%26ti=Afli+og+ver%F0m%E6ti+eftir+tegundum+og+vei%F0isv%E6%F0um+1993%2D2010%26path=../Database/sjavarutvegur/af3Fisk/%26lang=3%26units=Tonn/1.000%20kr%F3nur.

[Ásmundur Harðarson (IP-tala skráð) 23.12.2011 kl. 19:24]

Tölur um aflaverðmæti í athugasemdinni hér næst fyrir ofan er í þúsundum króna.

[Guðmundur 2. Gunnarsson (IP-tala skráð) 23.12.2011 kl. 21:07]

Eigum við ekki að reyna að halda okkur við sannleikann, sem virðist ansi flókið fyrir talsmann ESB - einangrunarsinna.  Vinstrivaktin hefur lög að mæla sem fyrr um 30% - in. 

 

Ekkert lát er á lygaáróðri ESB - einangrunarsinna sem er hið besta mál, og hittir þá sem ástralskur bjúgverpill í skallann eins og í þessu tilfelli.  Verður gaman að sjá spriklið í viðkomandi bloggróna þega á að reyna að krafsa yfir skítinn .:

Hagstofa Íslands

Fréttir

þriðjudagur - 19. apríl 2011

Nr. 78/2011

Verðmæti sjávarafla janúar-desember 2010 (uppf.) og janúar 2011

Aflaverðmæti 9 milljarðar króna
Aflaverðmæti íslenskra skipa nam 9 milljörðum króna í janúar 2011 samanborið við 8,3 milljarða í janúar 2010. Aflaverðmæti hefur því aukist um 669 milljónir eða 8% á milli ára.

Aflaverðmæti botnfisks var 5,6 milljarðar og dróst saman um 20,3% frá janúar í fyrra þegar aflaverðmætið nam 7 milljörðum. Verðmæti þorskafla var um 3,2 milljarðar og dróst saman um 23,5% frá fyrra ári. Aflaverðmæti ýsu nam 827 milljónum og dróst saman um 35,3% en verðmæti karfaaflans nam 660 milljónum, sem er 30,4% aukning frá janúar 2010. Verðmæti ufsaaflans dróst saman um 20,9% milli ára var 314 milljónir í janúar 2011.

Verðmæti uppsjávarafla nam um 3 milljörðum króna í janúar 2011, sem er um 304% aukning frá fyrra ári. Sú aukning skýrist af loðnuafla að verðmæti 2,5 milljarðar króna, en engin loðna veiddist í janúar 2010. Aflaverðmæti flatfisksafla nam 346 milljónum, sem er 34,4% samdráttur frá janúar 2010.
 
Verðmæti afla sem seldur er í beinni sölu útgerða til vinnslu innanlands nam 5,6 milljörðum króna í janúar og jókst um 43,8% miðað við janúar 2010. Verðmæti afla sem keyptur er á markaði til vinnslu innanlands dróst saman um 27,4% milli ára og var ríflega 1,5 milljarðar í janúar 2011. Aflaverðmæti sjófrystingar nam tæpum 1,6 milljörðum í janúar og dróst saman um 4,7% milli ára en verðmæti afla sem fluttur er út óunninn nam 315 milljónum, sem er 56,2% samdráttur frá janúar 2010.

Hagstofan hefur endurskoðað bráðabirgðatölur fiskafla ársins 2010. Heildarafli íslenskra skipa var 1.063.326 tonn og aflaverðmætið tæpir 133 milljarðar króna. Þar af var þorskafli 178.516 tonn að verðmæti 44,6 milljarðar króna, ýsuafli  64.942 tonn að verðmæti 15,2 milljarðar króna, síldaraflinn 254.474 tonn að verðmæti 10,9 milljarðar og makrílaflinn 122.031 tonn að verðmæti 7,8 milljarðar króna.

Upplýsingar um afla og aflaverðmæti janúarmánaðar 2011 ásamt endurskoðuðum tölum fyrir árið 2010 er að finna í talnaefni.

Verðmæti afla janúar 2011
Milljónir króna	Janúar	Breyting frá
		2010	2011	fyrra ári í %
Verðmæti alls	8.338,1	9.007,2	8,0
Botnfiskur	7.007,2	5.588,1	-20,3
	Þorskur	4.239,7	3.242,0	-23,5
	Ýsa	1.278,8	826,9	-35,3
	Karfi	506,1	659,8	30,4
	Ufsi	397,2	314,1	-20,9
	Annar botnfiskur	585,4	545,3	-6,9
Flatfisksafli	527,8	346,2	-34,4
Uppsjávarafli	751,6	3.038,7	304,3
	Síld	208,4	304,2	46,0
	Loðna	0,0	2.537,2	–
	Kolmunni	279,1	0,7	-99,7
	Annar uppsjávarafli	264,0	196,5	-25,6
Skel- og krabbadýraafli	44,7	29,7	-33,7
	Rækja	42,8	27,8	-35,0
	Annar skel- og krabbad.afli	2,0	1,9	-5,3
Annar afli	6,8	4,6	-32,8

[Vinstrivaktin gegn ESB, 23.12.2011 kl. 21:36]

Ásmundur! Hér að ofan bentum við á að sú fullyrðing Auðuns Arnórssonar "að mjög lítill hluti þeirra fiskistofna sem er að finna í íslenskri fiskveiðilögsögu, eru sömu stofnar og finnast í lögsögu núverandi ESB-landa", væri einfaldlega bull. Þú neyðist til að hverfa fimm ár aftur í tímann til ársins 2006 til að reyna að afsanna þetta. Hvers vegna það? Jú, vegna þess að þá var makríllinn að litlu leyti kominn inn í aflatölur. En þar á ofan sleppirðu alveg allmörgum fiskitegundum sem tilheyra svonefndum deilistofnum sem ESB tæki alfarið undir sína stjórn, um leið og við glötum samningsréttinum, og má þar nefna: úthafskarfa og úthafsrækju.

Heildarafli 2009 var 1.129.621 tonn og þar af var uppsjávarafli 628.821 tonn. Það eru 56%. Þar við bætist úthafskarfi, úthafsrækja o.fl. Heildarafli 2010 var 1.063.467 tonn og þar af var uppsjávarafli 595.653 tonn eða 56%. Þar við bætist úthafskarfi, úthafsrækja o.fl.

Hlutfall útflutningsverðmætis deilistofna sveiflast töluvert meira og er flóknara að reikna út en það hefur oft verið nálægt 30% en stundum nokkru minna. En hvort sem við erum að tala um 20%, 25% eða 30% ætti að vera augljóst öllum að það er hrein fölsun hjá þér og Auðuni að tala um að 55-60 % aflans og 20-30% aflaverðmætis sé "mjög lítill hluti fiskistofna". 

[Ásmundur Harðarson (IP-tala skráð) 23.12.2011 kl. 21:50]

Því innihaldslausari sem skrif Gummundar 2. eru þeim mun hávaðasamari er hann. Hann trúir því greinilega að hann geti bætt fyrir innihaldsleysið með hávaða og látum.

Það sem var til umræðu var sú fullyrðing í bók Auðuns Arnórssonar að "að mjög lítill hluti þeirra fiskistofna sem er að finna í íslenskri fiskveiðilögsögu, eru sömu stofnar og finnast í lögsögu núverandi ESB-landa", og svar Vinstrivaktarinnar við fullyrðingu Auðuns.

Vinstrivaktun hélt því fram að þetta væri einfaldlega bull því að aflaverðmæti flökkustofna væri þriðjungur heildarafla.

Af þessu dróg Vinstrivaktin þá ályktun að ekki væri neitt mark takandi á bók Auðuns.

Ég sýndi fram á það í fyrri athugasemd að þetta hlutfall var fyrir fáeinum árum, um það leyti sem Auðunn skrifaði bókina, ekki 33% heldur 13%.

Upplýsingar um verðmæti sjávarafla í janúar 2011 eða fyrir árið 2010 hefur ekkert með málið að gera jafnvel þó að þetta hlutfall kæmi þar fram sem það gerir ekki.

Guðmundur 2. lætur sem hann sé að sýna fram á að Vinstri vaktin hafi rétt fyrir sér með að aflaverðmæti flökkustofna sé þriðjungur heildaraflans. Hann gerir þó enga tilraun til að sýna fram á það.

Treystir Guðmundur 2. á að fólk sé fífl?

[Guðmundur 2. Gunnarsson (IP-tala skráð) 23.12.2011 kl. 22:06]

Ámundur - Ha ha ha ha.....  Satt að segja þá skil ég afar vel að þú ert ekki fær um að lesa út úr jafn einfaldri töflu og þá sem Hagstofa Íslands skilar frá sér fyrir almenning að lesa sér til um þetta málefni.  Hvarflar ekki að mér að annað fólk er svo mikið fífl (þó að hugsanlega finnist einhverjir) að þau sjá ekki það augljósa í að þar kemur skýrt fram að það sem síðuhaldarar halda fram um 30% - in. 

Hugsanlega áttu einhvern að sem vill þér vel sem nennir að skýra töfluna út fyrir þér...

Kannski hjálpar þetta aðstoðarmönnunum og þér eitthvað meira.:

http://www.hagstofa.is/Pages/95?NewsID=5706

.

[Ásmundur Harðarson (IP-tala skráð) 23.12.2011 kl. 22:50]

Hvað finnst Vinstrivaktinni um svona stuðning eins og hún fær frá Guðmundi 2?

Þykir henni sómi vera af vinnubrögðum af þessu tagi? Er í góðu lagi að fólk beiti fáranlegum blekkingum sem allt fólk með meðalgreid og töluvert minna en meðalgreind sér í gengum ef það nennir að setja sig inn í málin?

Kannski treystir Guðmundur 2. einmitt á að með því að hafa athugasemdina nógu langa þá nenni menn ekki að lesa hana.

það kemur margt örvæntingarfullt frá andstæðingum aðildar þessa dagana. En það hlýtur að vera hámark örvæntingarinnar að reyna að styðja rangfærslu með löngu máli sem snertir málefnið ekki neitt.

Er þetta kannski mórallinn hjá andstæðingum ESB-aðildar?

[Ásthildur Cesil Þórðardóttir, 24.12.2011 kl. 00:53]

Það má segja að þú Ásmundur ert svona lykilmaður í því að sýna fólki fram á hve miklir kjánar ESB sinnar eru, svona a la Steini Briem og Jón Frímann, ásamt nokkrum öðrum líkum sem berja svo sannarlega höfði við stein og snúa öllu á hvolf.  Ef til vill ertu í raun ESB andstæðingur sem vilt koma höggi á aðildarsinna. 

[Ásthildur Cesil Þórðardóttir, 24.12.2011 kl. 00:54]

Reyndar ekki líkum heldur slíkum. 

[Guðmundur 2. Gunnarsson (IP-tala skráð) 24.12.2011 kl. 01:47]

Ásmundur.  Ekki vera svona barnalegur og held að innistæðuleysi stóryrða er orðið meira en lítið vandræðalegt hjá þér.  Reiknaðu sjálfur prósentuhlutfall verðmæti uppsjávaraflans 27 milljarðina  af 132 milljörðunum sem er heildarverðmæti alls afla er og um leið ættiru jafnvel að skilja hversu fáránlegur málfluttningurinn þinn er. 

Uppsjávarafli - loðna/síld/makríll/kolmuni - er mun verðminni á markaði en botnssjávarafli ef það hjálpar þér eitthvað ef þú ert að rugla með prósentuhlutfall tonna af uppsjávarafla vs. botnssjávarafla.

......

30. Mars 2011 | ÚTVEGURINN

Hagstofan: Aflaverðmætið í fyrra milljarði meira en áður var gefið upp

Aflaverðmæti íslenskra skipa nam á síðasta ári rúmum 132 milljörðum  króna og jókst um 17 milljarða króna miðað við árið á undan þegar það var 115 milljarðar króna. Um er að ræða 14,7% aukningu á milli áranna 2009 og 2010. Þetta kemur fram í leiðréttri frétt frá Hagstofu Íslands en í fyrri frétt var aflaverðmæti ársins 2010 sagt rúmur 131 milljarður króna.

Í leiðréttri frétt Hagstofu Íslands segir ennfremur: „Aflaverðmæti botnfisks var 93,5 milljarðar króna á árinu 2010 og jókst um 13,6% frá fyrra ári þegar aflaverðmætið nam 82,3 milljörðum. Verðmæti þorskafla var um 44,6 milljarðar og jókst um 20,8% frá fyrra ári. Aflaverðmæti ýsu nam 15,2 milljörðum og dróst saman um 1% milli ára. Verðmæti karfaaflans nam 12 milljörðum, sem er 20% aukning frá árinu 2009. Verðmæti ufsaaflans jókst um 9,2% milli ára og nam 8,5 milljörðum á árinu 2010. Verðmæti annars botnfisks jókst í heild um 7,9% milli ára

Verðmæti flatfiskafla nam tæpum 9,2 milljörðum króna á árinu 2010, sem er 6,6% samdráttur frá fyrra ári. Aflaverðmæti uppsjávarafla jókst um 26,4% milli ára og nam 27 milljörðum. Verðmæti síldaraflans á árinu 2010 nam tæpum 10,9 milljörðum sem er 14,6% samdráttur frá árinu 2009. Verðmæti makríls nam 7,8 milljörðum á árinu 2010 samanborið við 4,5 milljarða árið áður.

Verðmæti afla sem seldur er í beinni sölu útgerða til vinnslu innanlands nam 53,8 milljörðum króna á árinu 2010 og jókst um 25,5% frá fyrra ári. Aflaverðmæti sjófrystingar var 49,3 milljarðar, sem er 19,1% aukning milli ára. Verðmæti afla sem keyptur er á markaði til vinnslu innanlands jókst um 22,9% milli ára og var um 18,8 milljarðar."
 

http://www.liu.is/frettir/nr/1377/

..................

Hugsanlega gengur þér betur næst..

.

[Ásmundur Harðarson (IP-tala skráð) 24.12.2011 kl. 08:52]

Nú er Ásthildur búin að staðfesta að hún svífst einskis í andstöðunni við ESB-aðild. Svona getur græðgi kvótaeiganda leikið þá grátt. Eins og Guðmundur 2.treystir hún á að fólk sé fífl.

Þetta verður auðveldur leikur fyrir aðildarsinna ef treysta má á að fólk sé ekki fífl. Það bendir til afspyrnu lélegs málstaðar ef grípa þarf til slíkra bragða til að verja hann. Örvæntingin er algjör.

Ég ætla ekki að taka frekari þátt í þessum subbuskap. Guðmundur 2. og Ásthildur fá að velta sér upp úr honum í friði fyrir mér. En hvað segir Vinstrivaktin? Er hún sátt við framferði þessara stuðningsmanna sinna? Ætlar hún að vinna slaginn með þessum hætti?

Ásthildur og Guðmundur 2.eru hægri menn. Það er alkunna að margir þeirar svífast einskis í málflutningi sínum og er ekkert heilagt í því sambandi. En gera vinstri menn ekki meiri kröfur til sjálf sín?

[GB (IP-tala skráð) 24.12.2011 kl. 09:32]

Samningurinn verður samkvæmt lögum og reglum Esb með tímabundnum undanþágum,  annað er brot og önnur ríki geti höfðað mál, td. spánverjar vegna fiskveiðimála. Alveg sama hvað Gulrótarössur segir.

[Ásmundur Harðarson (IP-tala skráð) 24.12.2011 kl. 10:15]

Vinstrivaktin segir að ég neyðist til að fara aftur til 2006 til að réttlæta skrif Auðuns. Hún vill miða við 2009.

Það er skrítið vegna þess að bók Auðuns kom út löngu fyrr. Ég neyddist ekki til að velja 2006 heldur valdi það ár sem gæti hafa gefið nýjustu upplýsingar þegar Auðunn skrifaði bókina.

Kannski var það eitthvert annað ár sem gaf enn lægra hlutfall. En það var örugglega ekki 2009 enda enn einhver ár í að það ár gengi í garð.

Í útreikningum mínum sleppi ég engum af þeim fisktegundum sem Vinstrivaktin taldi upp í fyrri athugasemd sinni. Hluttfall aflaverðmætis þeirra 2006 var 13% og er inni í þeirri tölu annar ótilgreindur uppsjávarfiskur. Hlutfallið 2010 var 18.5%.

Annars er það undarleg afstaða að telja okkur vera í verri aðstöðu innan ESB en utan til að gæta hagsmuna okkar í sameiginlegum málum. Þar er greinilega á ferðinni hið ímyndaða ESB-skrímsli sem er skilgetið afkvæmi Bjartsheilkennisins.

Auk þess er ekki bara við ESB að semja. Önnur lönd eiga mun stærri hluta þessara aflaheimilda.

[Ásmundur Harðarson (IP-tala skráð) 24.12.2011 kl. 10:29]

Samningurinn verður með sérlausnum (special arrangements) fyrir Ísland eins og fordæmi eru fyrir með önnur lönd.

Sérlausnir samræmast lögum og reglum ESB. Það er ekki þörf á undantekningum (nema til skamms tíma til aðlögunar) því að sérlausnirnar gilda fyrir alla aðra sem uppfylla sömu skilyrði.

Þetta á allt eftir að koma í ljós þegar samningurinn liggur fyrir.

[Gunnlaugur Ingvarsson (IP-tala skráð) 24.12.2011 kl. 12:05]

Ásmundur segjist; "ekki skilja afhverju að við teljum okkur vera í verri aðstöðu innan ESB en utan til að gæta hagsmuna okkatr í sameiginlegum málum".

Það vill nú svo til að sjávarútvegsstefna ESB hefur öll verið eitt reginklúður alveg frá upphafi. Sóun fjármuna og eyðing fiskistofna og eiginlega er búið að leggja sjávarútveg helstu fiskveiðþjóða innan ESB í rúst.

Gríðarleg reiði er út í ESB meðal allra þeirra sem starfa í greininni, nema auðvitað þeirra sem vinna við skrifborðin sífelllt að "stagbæta stefnuna" og svo allra þeirra fjölmörgu sem vinna hjá margvíslegum eftirlitsstofnunum sjávarútvegsins, sem settar hafa verið upp að kröfu skreiffinnana, til að framfylgja ónýtri stefnunni.

Það er því full ástæða til þess að hræðast, því spor þessa ESB- skrímslis hræða svo sannarlega í þessum málum, sem fleirum.

Fyrir rúmlega 2 árum síðan kom hér sendinefnd frá Írlandi og Bretlandi skipuð forsvarsmönnum sjómannasamtaka og útvegsmanna þessara landa.

Þeir sögðu reynslu sína af sjávarútvegsstefnu ESB hörmulega alveg frá frá upphafi og það væri nánast búið að rústa þeirra sjávarútvegi með gengdarlausri ofstjórn og óstjórn. endalaust væri lofað bót og betrun en ekkert breyttist.

Þeir sögðu við okkur ef að þið viljið áfram búa við að eiga arðsaman og sjálfbæran sjávarútveg sem þið getið verið stoltir af þá skuluð algerlega halda ykkur utan við ESB.

Ef þið hinns vegar viljið eyðileggja ykkar myndarlega sjávarútveg þá skuluð þið auðvitað ganga í ESB.

Þeir vöruðu okkur sérstaklega við að hlusta á einhvern fagurgala um að við fengjum að ráða svo miklu um stefnuna af því að við værum svo stór sjávarútvegsþjóð. Þetta hefði líka verið sagt við þá þegar gengið var inn, þessu verði eflaust líka haldið að ykkur. En þeir hefðu aldrei haft neitt um þetta að segja, allt regluverkið og stjórnun veiða væri ákveðin af skriffinnum sem hefðu vart hundsvit á þessum málum.

Er þetta ekkert til að hræðast Ásmundur. Forystumanna til áratuga í sjávarútvegi þessara ESB nágrannaríkja okkar.

Svo að lokum sendi ég þér og Vinstri vaktinni og öðrum lesendum hér bestu óskir um gleðileg jól, vona að við höfum það öll sem best um jólin og gerum algerlega hlé á þessu ESB rugli, þannig höldum við jólaskapinu sem bestu.

[Guðmundur 2. Gunnarsson (IP-tala skráð) 24.12.2011 kl. 13:53]

Ásmundur.  Innistæðulausar upphrópanir og stóryrði duga skammt.  Það er augljóst að þú ert ekki með barnaskólapróf í stærðfræði né nokkur sem þú hefur aðgang að sem treystir sér til að reikna einfaldasta prósentureikning, og í stað þess á að reyna að ausa aðra drullunni sem hann er búinn að dæla inn á síðuna og hann er á kafi í.  Sannkallaður enn einn ESB athugasemdarsóði sem einhverra hluta vegna hafa skipt á milli ykkur verkum til að reyna að eyðileggja umræðuna á ESB efasemdarsíðum.  Með ólíkindum að aðrar eins mannvitsbrekkur rúmist innan ekki stærri sértrúarflokki, og meira og minna á framfæri okkar hinna sem vinnum fyrir okkur en erum ekki á framfæri hins opinbera, eins og td.  Frímann, Ómar, Briem og þá örugglega stærðfræðibrekkan sjálf, sem fara í fararbroddi athugasemdarónanna.  Skemmtilegt þegar einfeldningar fullyrða að þeir lesi ekki athugasemdir annarra og vitna svo í þær frá upphafi til enda og hafa miklar skoðanir á trúverðugleika efnisins...  He he he .... 

Gleðileg jól og megi jóli gefa öllum það í skóinn að ESB fari þangað sem það á best heima of frjósi og þá með sem minnstum skaða fyrir heimsbyggðina.... 

.

[Ásthildur Cesil Þórðardóttir, 24.12.2011 kl. 15:42]

Ha er ég kvótaerfingi?  Faðir minn er dáinn og dó því sem næst eignalaus maður eftir meðferð Kaupþingsbanka og annara útrásarvíkinga á þeim peningum sem hann átti, þetta átti að öllum líkindum sína sök á dauða hans.  Subbuskapurinn er allur þín meginn Ásmundur.

[Ásmundur Harðarson (IP-tala skráð) 26.12.2011 kl. 00:21]

Ásthildur, það er enginn subbuskapur af minni hálfu að hafa ekki verið upplýstur um að kvótaeigandinn faðir þinn misst kvótann sinn áður en henn dó. Ég geng út frá að þetta sé rétt hjá þér.

Það er hins vegar algjör subbuskapur að taka undir þær blekkingar Guðmundar 2. að það sé rétt að 30% aflaverðamætis íslenskra fiskiskipa komi frá deilistofnum.

Ef þú hefur lesið langhund Guðmundar áttu að vita að þrátt fyrir ýmsar tölulegar upplýsingar er þar ekkert að finna um þetta umrædda hlutfall.

Það gerir svo subbuskapinn enn verri að ég var búnn að benda á þessa annmarka á athugasemd Guðmundar. Ekki vænti ég þess að þú teljir þig heyra til fábjánanna sem henn er augljóslega að höfða til.

[Guðmundur 2. Gunnarsson (IP-tala skráð) 26.12.2011 kl. 04:34]

Ásmundur....  Athyglisvert að enn ertu ekki farinn að skilja neitt í opinberum tölum Hagstofu Íslands og fullyrðir að ekkert er hægt að lesa úr þeim.  Er það ekki einmitt vandamálið, að þú hefur ekki það sem þarf til að kynna þér gögn sem þessi?

Þetta er barnaskóladæmi af einföldustu gerðinni sem þér hefur ekki tekist að leysa eftir ítrekaðar tilraunir, sem er spurningin um hversu mörg prósent af heildar aflaverðmætum árið 2010 koma af uppsjáfarafla og einhverjar stórkallalegar yfirlýsingar um að engar upplýsingar er um málið að finna segir nákvæmlega ekki neitt um nokkurn annan en þig.

Taktu nú eftir.  Samkvæmt skýrslu Hagstofu Íslands segir.:

Aflaverðmæti botnfisksafla árið 2010 var = 93,5 milljarðar.

Aflaverðmæti uppsjávarafla árið 2010 var = 27,0 milljarðar.

A)  Hvort var botnsfisksafli eða uppsjáfarafli verðmætari að þínu mati, miðað       við framangreindar upplýsingar?

B)  Hver er mismunurinn í milljörðum á milli þessara tveggja flokka?

C)  Hver er prósentuhlutfall hvors flokks um sig af samanlögðum heildarafla         beggja flokka? 

Og koma svo Ásmundur.  Þú hlýtur að geta svarað einhverri þessara spurninga án þess að ráðast á menn með ESB útburðarvæli og apalátum sem að vísu má skemmta sér konunglega yfir.

Allar nánari upplýsingar um dæmin má finna á þessum þræði.:

http://www.liu.is/frettir/nr/1377/

.

[Ásmundur Harðarson (IP-tala skráð) 26.12.2011 kl. 08:20]

Guðmundur 2. virðist alls ekki skilja hvað er verið að fjalla um, hvorki hvaða skiptingu aflaverðmæta né hvaða ár. Auk þess virðist hann ekki kunna prósentureikning.

Þessar "irrelevant" tölur hans sýna skiptingu í hlutföllunum 1/3.5 sem er víðs fjarri 1/2 sem Vinstrivaktin hélt fram um þá skiptingu sem er til umfjöllunar.