Makríldeilan sýnir glöggt hvers vegna ESB-aðild er glapræði

Ef Íslendingar væru í ESB hefði þjóðarbúið orðið af minnst 20 milljörðum kr. tekjum miðað við hvað ESB vill nú skammta okkur í makrílkvóta. Við ESB-aðild glatast réttur okkar til að semja við önnur ríki um sjávarútvegsmál. Sá réttur er einn og sér næg ástæða til að hafna aðild að ESB.

 

Makríldeila Íslands og Færeyja við ESB, sem nú hefur staðið árum saman, er ágæt sýnikennsla um ósvífni og yfirgang valdamanna í ESB þegar þeir telja sig geta vaðið yfir réttindi smáþjóða í krafti valdaaðstöðu sinnar. Þegar Íslendingar hófu makrílveiðar var það einbeitt afstaða ráðamanna ESB að við ættum ekki að fá að veiða neinn makríl í eigin lögsögu. Ekki eina bröndu! Íslendingar létu að sjálfsögðu afstöðu þeirra sem vind um eyrun þjóta en lýstu þó yfir vilja til samninga. Í fyrstu var því einnig neitað, en loks hófust samningafundir sem allir urðu árangurslausir. Undanfarin tvö ár hafa því íslenskir sjómenn veitt 130-150 þúsund tonn eða sem svarar til 16% af samanlögðum afla strandríkja við Atlantshaf samkvæmt útgefnum kvóta sjávarútvegsráðherra.

 

Í nýlegri orðsendingu Tómasar H. Heiðar, aðalsamningamanns Íslendinga í viðræðum um makrílveiðar, kemur fram að á undanförnum fundum hafi fulltrúar ESB aftur og aftur LÆKKAÐ tilboð sín! Fréttablaðið segir frá því í dag að ESB hafi „gert að tillögu sinni að hlutdeild Íslands yrði 8% á fundi í London í haust“ en „ESB hafi „nefnt enn hærri tölur fyrr í samningaviðræðum strandríkjanna.“ Nú hljóðar tilboð ESB upp á 6,5%! Samhliða því hótar ESB að beita Íslendinga og Færeyinga refsiaðgerðum og „ýjar að innflutningsbanni og öðrum viðskiptaaðgerðum“, segir Tómas H. Heiðar.

 

Viðbrögð ESB-sinna við ósvífni ESB eru mismunandi. Í gær skrifar einn þeirra, Ómar Bjarki Kristjánsson, um þetta mál hér á Moggablogginu:

 

„Vonandi refsiaðgerðir gegn LÍÚ. Vonandi að tekið verði á þessu vandamáli sem frekja og yfirgangur LíÚ er. Því ljóst er að ekkert stjórnvald á íslandi er fært um að hafa stjórn á þessari klíku. Skammarlegt fyrir landið hvernig þetta hagar sér.“

 

ESB-dýrkendur eins og Ómar taka alltaf hagsmuni ESB fram yfir hag eigin þjóðar. Það er eins og hluti landsmanna skilji ekki að refsiaðgerðir gegn íslenskum sjávarútvegi beinast að okkur öllum, mér og þér og þeim sjálfum. Makrílveiðar íslenskra sjómanna, sem eingöngu fara fram í íslenskri lögsögu, eiga stóran þátt í að útflutningstekjur okkar eru að aukast, landsframleiðsla að vaxa en það hefur einmitt hjálpað þjóðinni að brjótast upp úr pyttinum sem hún hrundi ofan í við fall bankanna.

 

Ýmsir aðrir ESB-sinnar reyna að hengja sig í þá staðreynd að Norðmenn taka þátt í þessum ósvífnu tilboðum ESB til Íslendinga. Að sjálfsögðu er það þó algert aukaatriði. Forystumenn sjávarútvegsmála ESB hafa af klókindum valið þá leið að semja fyrst við Norðmenn um þessar veiðar en svo er Íslendingum og Færeyingum stillt upp sem afgangsstærðum og þeim ætlað að þiggja það sem að þeim er rétt.

 

Að sjálfsögðu er ekkert annað fyrir okkur Íslendinga að gera en að halda okkar striki í eigin lögsögu samkvæmt óumdeildum fullveldisrétti okkar sem við höfum enn ekki fórnað á altari ESB sem betur fer. Næsta rökrétta skrefið er síðan að hætta aðildarviðræðum við ESB enda ætti að blasa við hverju mannsbarni, sem fylgist með fréttum og hefur eðlilega dómgreind, hvað bíður okkar í sjávarútvegsmálum ef við göngum í ESB.

 

Ragnar Arnalds

Athugasemdir

[Ásmundur Harðarson (IP-tala skráð) 16.12.2011 kl. 18:09]

Þetta kallar maður að snúa hlutunum á hvolf.

Auðvitað erum við í betri aðstöðu til að fá sanngjarna meðhöndlun ef við erum í ESB. Skárra væri það nú.

Harka ESB skýrist af því að sambandið er að verja hagsmuni eigin þjóða eins og henni ber. Við erum úti og verðum því að sætta okkur við að ESB reyni að gera sinn hlut sem mestan á kostnað okkar.

Vegna reynslu okkar af sjávarútvegi er meira en líklegt að við munum hafa mikið með þessi mál að gera innan ESB eftir inngöngu. Svo mikið er víst að við erum í miklu betri aðstöðu til að fá sanngjarna úrlsausn í ESB en utan þess.

Enn og aftur verður Vinstrivaktin uppvís að því að líta á ESB eins og eitthvert utanaðkomadi skrýmsli sem hefur einkaleyfi til þess að fara illa með þjóðir sambandsins.

Þetta er ótrúlega barnalegur málflutningur sem minnir á þegar margir Íslendingar litu á ríkið sem sinn mesta óvin sem rétt væri að reyna að hafa sem mest fé af.

Menn horfðu með velþóknun á aðra féfletta ríkið og sáu ekkert samhengi á milli þess og að þeir sjálfir þurftu að greiða hærri skatta fyrir bragðið.

Eru virkilega engin rök gegn aðild Íslands að ESB?

[Elle_, 16.12.2011 kl. 20:20]

Ekki ´ótrúlega barnalegur málflutningur´ eins og Ásmundur segir.  Heldur lýsandi pistill um skrímslið Evrópusambandið og yfirganginn þaðan endalaust.  Ef það er ekki ICESAVE-KÚGUN er það FISKVEIÐI-KÚGUN. 

Farið nú að vakna þið Brussel-lið.  Þið eruð í minnihluta og þið ráðið þessu ekki.  Við viljum ekki sjá þetta yfirgangssamband ykkar og ætlum kannski að sækja um í allt öðru ríkjasambandi. 

Í landinu er ekki einveldisstjórn Jóhönnu með sitt 19% fylgi þó það sé hrikalega erfitt fyrir ykkur að sætta ykkur við LÝÐRÆÐIÐ.  Já, stjórnarfarið í landinu samkvæmt stjórnarskrá.   

[Helga Kristjánsdóttir, 16.12.2011 kl. 23:33]

Ásmundu;   Eftir inngöngu,(sem við ætlum að hindra), erum við í miklu betri aðstöðu til að fá sanngjarna úrlausn í esb.  en utan þess!!   Akkurat! Láta af hendi 100% réttindi til yfirgangssambandsins,eiga von um sanngjarnari úrlausn. Makríllinn fitar sig í okkar lögsögu, sanngjarnast er að við veiðum hann sem gjald fyrir. Við erum sjálfstæð þjóð.

[Viðar Friðgeirsson, 17.12.2011 kl. 00:05]

Ásmundur. Þú ert einfaldlega verukeikafirrtur eins og allir þínir félagar í já liðnu. þið áttið ykkur ekki á aðalatriðum. þið kunnið ekki að greina hismið fra kjarnanum. Það er svo einfalt að eftir inngöngu í þennan vonlausa klúbb vonlausra aumingja, munum við ekki hafa neina möguleika til að semja við aðrar þjóðir um eitt eða neitt. Það mun einfaldlega vera á herðum blíantsnagara ESB. Þeir munu líka ráða því hvað við meigum veiða úr flökkustofnum á Íslandsmiðum. T.D Makrílstofninum, sjáið þið ekki "já-liðar" hvað er að gerast núna í þessari deilu? Haldið þið að við fengjum að veiða þennan stofn ef við værum innvígðir í aumingjaklúbbinn? Nei, þá væri okkur einfaldlega bannað að veiða. Reynið að vakna til lífsins aumingjarnir ykkar og verja hagsmuni ISLANDS:

[Gunnlaugur Ingvarsson (IP-tala skráð) 17.12.2011 kl. 10:19]

Málflutningur Ásmundar Friðrikssonar hér að ofan er alveg fráleitur.

Það er einmitt vegna þess að við erum alþjóðlega viðurkennd sem frjálst og fullvalda strandríki með full yfirráð og stjórn á okkar eigin fiskveiðilögsögu. Við njótum réttar Strandríkis samkvæmt Hafréttarsamningi Sameinuðu Þjóðanna, þar sem við erum fullir aðilar að.

Þjóðréttarleg staða okkar innan alþjóðasamfélagsins er gríðarlega sterk og veitir okkur í raun sama rétt og hvaða stórþjóðar sem er. Við stöndum þeim jafnfætis.

Við höfum þar 100% vægi sem þjóð og það tryggir réttindi okkar á margvíslegan hátt.

Ef við yrðum aðilar að ESB þá framseldum við strandríkisréttinn frá okkur og rétti okkar til að stjórna sjávarauðlindinni. Við fengjum makrílkvóta skammtaðan úr hnefa og hefðum sáralítið ef nokkuð að segja við borð Commísarana í Brussel þar se að við hefðum aðeins 0,8% atkvæðavægi, eða brota brot.

Er þá ekki betra að vera fullvalda og sjálfsstætt ríki með 100% alþjóðlega viðurkenndan rétt í öllum okkar eigin hagsmunamálum.

Frekar en að gera eins og aðildarsinnar vilja að framselja fyrst til ESB Stjórnsýsluapparatsins dýrmæt réttindi og yfirráð yfir sjávarauðlindum okkar og þurfa svo að ganga um með betlistaf í hendi til að reyna af veikum mætti með aðeins 0,8% atkvæðavægi að vopni, að eiga við ofurefli og þurfa að berjast við það til að fá eitthvað smá eða hluta af þeim réttindum okkar aftur til baka.

Þá værum við komnir á knéin eins og hverjir aðrir þurfalingar og ölmusumenn.

Þetta vilja íslensku ESB- aftaníossarnir.

Fullveldið er okkar mikilvægasta og verðmætasta auðlind, það sannast enn og aftur rækilega ekki hvað síst nú í þessari makríldeilu við ESB Ríkjasambandið.

[Ásmundur Harðarson (IP-tala skráð) 17.12.2011 kl. 10:50]

Óskaplega eiga menn ertitt með að skilja þá augljósu staðreynd að Ísland er í margfalt betri aðstöðu til að tala sínu máli innan ESB en utan. Að láta sér detta annað í hug er eins og að segja að úlendingar utan EES hafi meiri möguleika á Íslandi en Íslendingar sjálfir

ESB er ekkert annað en þær þjóðir sem mynda það. Það er því ekki bara barnalegt heldur einnig ótrúlega heimskulegt að líta á ESB sem eitthvert utanaðkomandi skrýmsli sem situr fyrir aðildarþjóðunum til að gera þeim allt til ama.

ESB er hagsmunabandalag þessara þjóða á sviði efnahagsmála. Athygli vekur að fámennustu þjóðunum, Luxemborg og Möltu, hefur vegnað sérstaklega vel í ESB. Í báðum þessum löndum er td atvinnuleysi helmingi minna en á Íslandi.

Það er hægt að færa fyrir því sterk rök að Ísland muni hafa meiri ávinning af að ganga í ESB en aðrar þjóðir. Ástæðan er sveiflukennd króna sem veldur mikilli verðbólgu, háum vöxtum og gerir verðtryggingu nauðsynlega. Tjón vegna gjaldeyrishafta fer svo versnandi með hverju árinu sem líður.

Flestir Íslendingar eru orðnir svo samdauna sjúku efnahagslífi sem fylgir ónýtri krónu að þeir gera sér enga grein fyrir þeim gífurlega ávinningi á ótal sviðum sem felast í þeim stöðugleika sem fylgir ESB-aðild og upptöku evru.

[Ásmundur Harðarson (IP-tala skráð) 17.12.2011 kl. 11:20]

Skrif andstæðinga ESB-aðildar Íslands hér fyrir ofan endurspegla fyrst og fremst ótrúlega vanmáttarkennd og stundum hreina paranoju.

Þeir hafa greinilega enga trú á að Íslendingar fái notið alls þess sem ESB hefur upp á að bjóða vegna þess að ESB muni valta yfir okkur og ræna auðlindir okkar. Paranojan kemur fram í skrýmslinu sem er þó ekkert annað en hinar ESB-þjóðirnar sem allar hafa hag að því að gæta hagsmuna hvorrrar annarrar. 

Þetta er að mínu mati langstærsta vandamálið varðandi ESB-aðild Íslands. Getur verið að Íslendingar séu á svo lágu þroskastigi að þeir séu óhæfir til að starfa náið með öðrum þjóðum? Margir hafa nægan þroska til þess en eru þeir of fáir? Samningamenn ESB hafa furðað sig á sumum samningamönnum Íslands. Í þeim hópi eru toppmenn að þeirra mati en einnig ótrúlegir lúðar.

Myndi okkur þess vegna ekki vegna eins vel í ESB og Luxembourg og Möltu sem eru lítið fjölmennari lönd en Ísland?  

[Elle_, 17.12.2011 kl. 11:37]

Enn og aftur skaltu vera að rugla saman gjaldmiðlinum og fullveldinu.  Við vorum að skrifa um fullveldi landsins að ofan og ætlum að halda í það þó ykkur í Brussel-liði Jóhönnu finnist það voða ´barnalegt og heimskt´ af okkur.  Persónuleg get ég sagt að mér er nákvæmlega hvað þeim heimska og hættulega og hverfandi flokki finnst um okkur. 

Við erum fullvalda ríki og viljum ekki að commissarar í miðstjórnarveldinu ykkar hafi yfirráð yfir okkar málum og þar með talið fiskveiðimálum og ICESAVE-KÚGUNINNI.  Við viljum ekki að Brussel commissarar semji fyrir okkur um öll okkar utanríkismál.  Það er annars engu við það að bæta sem kom fram frá hinum að ofanverðu. 

[Elle_, 17.12.2011 kl. 12:02]

Jú, vissulega eru nokkrir Íslendingar á ´lágu þroskastigi´.  Og þar fara fremstir í flokki Íslendingar úr Brussel-liði Jóhönnu sem halda sig geta valtað yfir lýðræði og stjórnarskrá landsins.  Það lýsir ótrúlegum hroka og ´lágu þroskastigi´. 

Það lýsir ekki ´paranoju´ að hafa varann á og sættast ekki á allt sem gömul nýlenduveldi vilja, heldur lýsir mikilli vanþekkingu og ´lágu þroskastigi´ að gera það ekki.   Nákvæmlega þannig vinnur Jóhönnuflokkurinn sem Ásmundur að ofan berst fyrir, leggst flatur fyrir öllum yfirgengilegum kröfum gamalla nýlenduvelda.  Skemmst er að minnast ICESAVE-KÚGUNAR sama Evrópusambands með nokkur gömul ráðandi nýlenduveldi innanborðs. 

Við andstæðingar vorum vitrari en ykkar skaðlegi flokkur og risum upp gegn kúgunarsamningi.  Við hefðum með honum getað tapað ríkiseignum og þar með fullveldinu.  Ætli það hafi ekki verið nákvæmlega það sem þessi heimski flokkur vildi bara svo þau gætu þvingað okkur undir erlend yfirráð??

[Ásmundur Harðarson (IP-tala skráð) 17.12.2011 kl. 12:46]

Afstaða ESB til Icesave var lofsverð og því aðeins meðmæli með því.

Ég mundi alls ekki vilja vera í ríkjasambandi sem setur ekki skilyrði fyrir lánveitingum til bágstaddra landa til að auka líkurnar á endurgreiðslu.

Til að taka þátt í samstarfi siðaðra þjóða þurfa þjóðir að vera siðaðar. Spurnungin er því hvort nógu margir Íslendingar séu nógu siðaðir. Og hvort vanmáttarkenndin ætli þá lifandi að drepða ef þeir komast í nálægð við útlendinga.

Þú þarft að temja þeir meiri siðfágun, Elle.

[Elle_, 17.12.2011 kl. 13:00]

NEI, Ásmundur, ég ætla örugglega ekki að vera með neina ´siðfágun´ gegn slíkum hroka og lygum og yfirgangi og kemur úr ykkar skaðlega flokki.  Og er að vísu ekki minn eðlilegi stíll að tala eins og geri við ykkur en ekkert minna dugir gegn slíku ofbeldi og það er meðvitað.  

Hefur þú efni á að prédika´siðfágun´, maður sem kallar andstæðinga yfirgangs ykkar öllum ljótum orðum??  Hagið ykkur eins og manneskjur gegn okkur og Vinstrivaktinni sem er að hafa mikið fyrir að benda á skaðræði Evrópusambandsins með réttu og við getum þá kannski verið eðlileg og notað eðlilegt orðafar.  

Og fyrsta setningin þín að ofan: ´Afstaða ESB til Icesave var lofsverð og því aðeins meðmæli með því´  væri alger brandari ef málið væri ekki svona grafalvarlegt.  Þarna var um að ræða KÚGUN og það finnst þér LOFSVERT?????   Viðar að ofan notaði orðið ´veruleikafirrtur´ og svei mér þá ef hann hitti ekki naglann beint á höfuðið.   Hann er allavega ekki eins vitlaus og ég að vera endalaust að lemja höfðinu utan í veggi hvað þig varðar.