Jón Bjarnason: Ég get stutt þjóðaratkvæði strax á morgun

„Ég óttast það ekki að leggja ESB málið fyrir þjóðina og studdi það að farið væri í þjóðaratkvæðagreiðslu um viðræður við ESB. Það vildi Samfylkingin ekki. Ég get stutt þjóðaratkvæði um málið strax á morgun enda liggja öll meginatriði fyrir.“

Þetta sagði Jón Bjarnason sjávarútvegs- og landbúnaðarráðherra á opnum fundi utanríkis- og atvinnumálanefnda Alþingis um stöðu aðildarviðræðna Íslands við ESB. Tilefnið voru fullyrðingar Magnúsar Orra Schram um að ráðherra stæði í vegi fyrir lýðræðislegu ferli og því að málið gengi til þjóðarinnar.

Jón benti á að það væri Evrópusambandið sem nú setti Íslandi úrslitakosti með opnunarskilyrðum í einstökum köflum aðildarviðræðnanna og það væri ekki áhugamál hans að tefja viðræðurnar. Aftur á móti skipti mjög miklu máli að fara yfir það hvað ESB ætti við með kröfu sinni um áætlunargerð og missa ekkert frá sér í mikilvægum hagsmunamálum. Þar yrði ekkert dregið í land eftir á.

Aðspurður um umboð ríkisstjórnarinnar til samningaviðræðnanna sagði Jón að það væri skilyrt við þær meginlínur sem dregnar væru upp í áliti utanríkismálanefndar. Það væri því mikilvægt að þingmenn og þá ekki síst þeir sem sitja í utanríkismálanefnd sinntu skyldu sinni í málinu.

Tollamál landbúnaðarins voru einnig til umræðu á fundinum og þar benti ráðherra á að tollverndin væri meðal þeirra atriða sem Ísland hefði sett sem skilyrði í áliti meirihluta utanríkismálanefndar.

Ummæli Jóns Bjarnasonar á nefndafundi Alþingis eru ágætt svar við þeim innantóma og öfugsnúna áróðri samfylkingarmanna að andstæðingar ESB-aðildar standi gegn því að þjóðin fái að fella sinn dóm um ESB-aðild. Auðvitað átti það að gerast áður en sótt var um inngöngu í ESB. Beiðnin um inngöngu sem leiðir til framsals fullveldisréttinda landsmanna á fjölmörgum sviðum, ef af verður, var send án nokkurrar heimildar frá þjóðinni.

Ljóst er að  samfylkingarmenn ætla að halda þessu máli sem lengst frá þjóðinni þar til allt er klappað og klárt og 27 ríki ESB hafa samþykkt inngöngu Íslendinga. Þá fyrst á þjóðin að fá tækifæri til að kippa í neyðarsnúruna í þjóðaratkvæði. Og þetta kalla þeir lýðræði!

Athugasemdir

[Helga Kristjánsdóttir, 11.11.2011 kl. 12:46]

  Þar sem Samfylking fer,þrífst ekkert lýðræði.

[Valdimar Samúelsson, 11.11.2011 kl. 13:50]

Samfylkingin er terrorista flokkur frekar en herstjórn. þeir hafa haldið okkur í greipum óttans frá því í Júní 2009 og ætla að gera það eins lengi og þeim er unnt. Ég vil láta setja þá undir landsdóm fyrir Landráð og stjórnarskrárbrot ásamt brot á Ráðherraábyrgð.

[Ásthildur Cesil Þórðardóttir, 11.11.2011 kl. 18:35]

Burt með þetta óþjóðholla lið.

[Arnór Valdimarsson (IP-tala skráð) 11.11.2011 kl. 21:57]

Þjóðaratkvæðagreiðsla sem ekki er bindandi (samanber lög Jóhönnu lýðræðispostula) er bara risa dýr skoðanakönnun og á ekkert skilt við lýðræði.

Yfirvöld geta hundsað hana rétt sem þessi ríkisstjórn hundsar sí og æ vilja þjóðarinnar, rétt sem öll sín kosninga loforð. Icesafe málið t.d.

[Gunnlaugur Ingvarsson (IP-tala skráð) 12.11.2011 kl. 09:42]

Þegar það óhæfuverk var unnið að Össur sendi ESB umsóknina til Brussel í júlí 2009, var hann heldur betur kampakátur.

Hann hafði í sífellu logið því að þjóðinni að þetta væru einhverskonar könnunarviðræður. Svona til að "kíkja í pakkann" eins og það var orðað.

En eftir að umsóknin var farin inn breyttist lygasúpan hans talsvert.

Nú lagði hann mikla áherslu á að við myndum fara á sérstakri hraðferði inn í sambandið og yrðum komin með samning á borðið eftir 15 til 16 mánuði Samkvæmt því hefði það því átt að hafa skeð í lok árs 2010.

Hann sagði jafnframt bísperrtur sem fyrr að sennilega yrðum við líka komin með EVRU sem gjaldmiðil eftir rúm 2 ár.

Samkvæmt því þá hefði það átt að gerast nú í haust.

Allt voru þetta auðvitað tómar áróðurs blekkingar og lygar, sem betur fer, eins og allir geta nú séð.

Nú meðan EVRU svæðið logar stafnanna á milli og neyðarfundir eru haldnir vikulega vegna Evru-vandans og búið að stofna sérstakan neyðarbjörgunarsjóð.

Þá hamast þeir nú sem aldrei fyrr eins og enginn sé morgundagurinn þeir Össur og hinir ESB-Strumparnir í Samfylkingunni um að lofa og prísa þennan handónýta skuldavafning sem kallast EVRA !

Þjóðin á betra skilið en hafa svona fáráðlinga við stjórnvölinn.

ESB aðildarviðræðurnar og aðlögunarferlið eru komnar út um víðan völl og hvorki samningnefnd okkar né þjóðin ræður neinu um dagskrá viðræðnanna eða um hvað þær snúast, eða hvenær þeim verður lokið.

ESB vill teigja lopann og reyna að afla sér meiri tíma til að bera fé á fólk og fyrirtæki til að afla sér vinsælda og þá kannski kemur samningur.

Það þarf að rjúfa þennan vítahring lyga og blekkinga og komast sem fyrst út úr þessari sjálfheldu tafarlaust.

VG á að krefjast tafarlausrar þjóðaratkvæðagreiðslu um framhald ESB viðræðnanna.

Ég er samt ekki á því að það eigi að slá viðræðurnar alfarið af með öllu, því að slíkt myndi aðeins æra æstustu ESB aftaníossana.

Heldur að bjóða upp á það að viðræðunum yrði frestað um 2 ár eða svo og þá séð til hvernig ESB og EVRU löndunum hefði tekist að leysa úr sínum gríðarlegu vandamálum.

Þá yrði þjóðin spurð um það í þjóðaratkvæaðgreiðslu. Viljið þið að ESB aðildar viðræðurnar verði teknar upp á nýjan leik þar sem frá var horfið, eða viljið þið slíta þeim ? Slíkt ferli væri mjög lýðræðislegt.

Össur og Co ættu ekki að óttast niðurstöðuna þar sem þeir þvert á alla sérfræðinga og helstu leiðtoga ESB halda því blákalt fram við íslensku þjóðinni að ESB og EVRAN muni koma miklu sterkari út úr þessum vandamálum sínum.