ESB er vitfirring, segir leiðtogi já-manna í Noregi

Á sama tíma og Össur segir á Alþingi að Íslendingar eigi að ganga í ESB, „enda sé það pólitískt heilbrigðisvottorð fyrir ESB að ríki vilji þangað inn“ lýsir leiðtogi já-hreyfingarinnar í Noregi því yfir að ESB sé vitfirring („galskap“), sem bjóði stanslaust upp á kreppufundi, kreppupakka og örþreyttar taugar  („EU er blitt en fast leverandør av krisemøter, krisepakker og tynnslitte nerver“).

 

Leiðtogi já-hreyfingarinnar, Paal Frisvold, lét þessi orð falla á kappræðufundi í Halden sem norska utanríkisráðuneytið stóð fyrir. Hann bætti því við að jákvæð afstað til ESB-aðildar hljómaði í dag eins og gríska. Ummæli Paal Frisvold eru auðskiljanleg í ljósi þess að samkvæmt nýjustu skoðanakönnun í Noregi sem gerð var af Synovate (Aegis Group) fyrir Dagbladet myndu aðeins 12 % kosningabærra manna í Noregi segja já við ESB-aðild.

 

Félagafjöldi í norsku Evrópuhreyfingunni fer stöðugt minnkandi og er nú kominn niður í 4500 að sögn Aftenposten en til samanburðar eru félagar í hreyfingunni „Nei til EU“ um 30.000.

 

En á Íslandi eigum við utanríkisráðherra sem rökstyður umsókn um inngöngu í ESB  með því að Íslendingar verði að gefa "vitfirringunni" í ESB og á evrusvæðinu heilbrigðisvottorð!!!

 

Frétt Aftenposten er hér að finna: http://www.aftenposten.no/nyheter/iriks/Norsk-Ja-leder--EU-er-galskap-6690557.html

Aldrei betra að semja við ESB

Athugasemdir

[Ásthildur Cesil Þórðardóttir, 9.11.2011 kl. 12:04]

Össur er hreinlega ekki í lagi. Hvað er að manninum.

„Í sérstökum bæklingi sem Evrópusambandið hefur gefið út til að útskýra stækkunarferlið er kafli sem heitir Aðlögunarviðræður. Kaflinn hefst á þessum orðum: “Fyrst er mikilvægt að undirstrika að hugtakið „samningaviðræður“ getur verið villandi. Aðlögunarviðræður beinast að skilyrðum og tímasetningum á inngöngu umsóknarríkis, framkvæmd og beitingu ESB-reglna, sem eru upp á 90.000 blaðsíður. Og þessar reglur (líka þekktar sem „acquis“, sem er franska yfir „það sem hefur verið ákveðið“) eru ekki umsemjanlegar. Fyrir umsóknarríki er þetta í grundvallaratriðum spurning um að samþykkja hvernig og hvenær eigi að framkvæma og beita reglum ESB og starfsháttum. Fyrir ESB er mikilvægt að fá tryggingu fyrir dagsetningu og skilvirkni innleiðingar umsóknarríkis á reglunum.““

[Jón Steinar Ragnarsson, 9.11.2011 kl. 12:17]

Það er meira að segja talsvert síðan að Stoltenberg gaf hið sama í skyn og snéri stefnu venstre um 180 gráður í málinu. Ég er viss um að þeir hjá sambandinu sjálfu klóri sér í hausnum yfir þessum einfeldningum hér uppi, svo ekki sé talað um klofna ríkistjórn í málinu og 70% meirihluta gegn þessu hér heima.

Nú er Spánn að hrynja til grunna og þeir geta ekkert gert til að stöðva það. Spurning hvenær ESB gerir hallarbyltingu þar og skiptir um leiðtoga eins og þeir hafa gert á Grikklandi og á Ítalíu. Inngrip sem hljóta að vera brot á öllum alþjóðalögum í raun.

[Kristján B Kristinsson (IP-tala skráð) 9.11.2011 kl. 17:33]

Er ekki ESB að springa?

[Ásthildur Cesil Þórðardóttir, 9.11.2011 kl. 17:42]

Vonandi.

[Sigurður Þórðarson, 10.11.2011 kl. 11:12]

Síðustu forvöð að ganga í ESB áður en það leggur upp laupana.