Meinsemdir evrusvæðis langt í frá læknaðar – grísk ice-safe kosning framundan!

Össur lýsti því nýlega yfir að fínt væri að upp kæmu þessi vandræði á evrusvæðinu því að þá yrði allt komið í gott lag þegar Íslendingar þyrftu á evrunni að halda. Flest bendir þó til að það sé einber tálsýn eins og fleira sem Össur hampar. Meinsemdin felst í gjörólíkum aðstæðum evruríkjanna og margt á eftir að gerast áður en sér fyrir endann á vandræðum evrunnar.

Á þessum þriðjudagsmorgni eru hlutabréfamarkaðir í frjálsu falli vegna þess að Papandreous, forsætisráðherra Grikklands tilkynnti í gærkvöldi að hann ætli að efna til þjóðaratkvæðis um samkomulag Grikkja við ESB/AGS og Seðlabanka Evrópu. Markaðurinn í London lækkaði við opnun í morgun um 2,77%, Frankfurt um 3,23% og París um 3,16%.

Grískur vefmiðill heldur því fram að ákvörðun forsætisráðherrans sé pólitísk sprengja en í Berlín halda stjórnmálamenn því blákalt fram, að Grikkir ætli að smeygja sér undan samkomulaginu.

Atburðarásin minnir óneitanlega mjög á það sem gerðist á Íslandi þegar ice-safe samningarnir voru tvívegis felldir í þjóðaratkvæði.

Rætt er um að atkvæðagreiðslan fari fram í desember eða janúar. Skoðanakannanir benda til þess að um 60% Grikkja séu andvígir samkomulaginu.

Antonis, foringi Nýja lýðræðisflokksins heldur því fram að Papandreou reyni að beita Grikki fjárkúgun og krefst kosninga. Papandreou mun óska eftir traustsyfirlýsingu þingsins á föstudag. En flokkur Samaras íhugar að láta alla þingmenn sína segja af sér ef þing verði ekki rofið.

Augljóst er að ákvörðun gríska forsætisráðherrans veldur mikilli óvissu á næstu mánuðum og sveiflum á fjármálamörkuðum. En enda þótt Grikkland sé einkum í sviðsljósinu eru vandræðin á evrusvæðinu alls ekki bundin við það ríki. Allur suðurhluti evrusvæðisins sem liggur að Miðjarðarhafinu svo og Portúgal og Írland er í vaxandi vandræðum þrátt fyrir nýja björgunarsjóðinn sem flestir telja eingöngu skammtímalausn á vandræðum evrunnar.

Mikil lækkun á verði banka

Athugasemdir

[Jón Steinar Ragnarsson, 1.11.2011 kl. 11:27]

Ég er ekki frá því að þetta sé allt saman leikrit, skrifað í Brussel. Papandreous er ekki að taka þetta upp hjá sjálfum sér. ESB vill losna við Grikkland úr samstarfinu, því að það er eina leiðin til að fresta þessum dominoeffekt. Þeir geta ekki rekið þá út.

Hræðsluáróðurinn yfir afleiðingum þess að hætta samstarfinu er í anda Icesave áróðursins og Þórólfsmóðursýkinnar Matt.  Það sem þeir óttast kannski mest er að Grikkir plumi sig svo bara án Evrunnar og það verði öðrum fordæmi til að koma sér úr spennitreyjunni. 

Það spillir  hinu raunverulega markmiði embættisfasistanna um að búa til stórríki Evrópu.