Fjöldamorðin og afstaða Norðmanna til ESB aðildar

Sjá mátti í íslenskum bloggheimum um daginn að sú von kviknaði að fjöldamorðin í Noregi gætu haft áhrif í þá átt að auka stuðning þar í landi við ESB-aðild.  Sá barnaskapur virtist til kominn meðal ESB-sinna sem ímynduðu sér að andstaða við ESB aðild ætti eitthvað skylt við kynþáttahatur eða hatur á útlendingum.

 

Eins og kunnugt er beindust fjöldamorðin í Noregi fyrst og fremst að ungliðahreyfingu Verkamannaflokksins. Það kom því ekki á óvart að í skoðanakönnunum sem birtar voru fljótlega eftir morðin sýndu margir samhug sinn og samúð með því að lýsa yfir stuðningi við þann flokk. Fylgi við Verkamannaflokkinn rauk upp á fáeinum dögum. Þar sem sá flokkur er jafnframt sterkasta stjórnmálaaflið í Noregi sem hefur aðild að ESB á stefnuskrá sinni, töldu ýmsir að þar með færi stuðningur við aðild vaxandi meðal norskra kjósenda.

 

Það er þó mesti misskilningur.  Samkvæmt nýrri skoðanakönnun sem gerð var á vegum Sentio í Noregi hefur lítil breyting orðið á afstöðu Norðmanna til ESB aðildar þótt stökkbreyting yrði á fylgi stjórnmálaflokka. Nú eru 71,1 % Norðmanna andvígir aðild að ESB en 18,7% hlynntir aðild. Nokkrum dögum fyrir árásina voru 73,4% Norðmanna andvígir aðild. Munurinn er innan venjulegra skekkjumarka en í báðum tilvikum er andstaðan við ESB-aðild með því hæsta sem mælst hefur þar í landi.

 

Þess ber að geta að ungliðahreyfing norska Verkamannaflokksins hefur lengi skipað sér í hóp eindreginna andstæðinga við ESB-aðild, öfugt við það sem gilt hefur um flokkinn. Viðleitni til að blanda afstöðunni til ESB inn í þetta morðmál er því algerlega út í bláinn.

 

Þetta óhugnanlega mál er einfaldlega þess eðlis að þeir sem reyna að nota það sér til framdráttar í pólitískum rökræðum ættu að skammast sín og raunar á það ekki síður við þá sem eru svo barnalegir að ímynda sér að baráttan hér á Íslandi fyrir íslenskum hagsmunum og fullveldisréttindum sé sprottin af hatri á útlendingum.

Athugasemdir

[Gunnlaugur Ingvarsson (IP-tala skráð) 6.8.2011 kl. 15:32]

Aðeins sáralítill hluti Norsku þjóðarinnar styður ESB- aðild og mikill og afdráttarlaus meirihluti stuðningsmanna allra Norsku stjórnmálaflokkana eru algerlega andvígur ESB- aðild Noregs.

Það hefur ekkert breyst við þetta hroðalega hryðjuverk sem framið var í Noregi. En slík hálmstrá eru gripinn af ESB sinnum beggja landa. En þeir ættu að skammast sín að nota þennan hræðilega harmleik pólitískum rétttrúnaði sínum til framdráttar !

Aðeins rúmelga 10% kjósenda eru hlutlausir eða taka ekki afstöðu og aðeins 18,2 segjast hlynntir ESB aðild.

Það þýðir að aðeins sáralítill minnihluti Norsku þjóðarinnar eru hlynntir ESB aðild, en mikill og vaxandi meirihluti þjóðarinnar er í andstöðu við ESB aðild þó svo að ekkert sé búið alla vegana ekki nýlega að kíkja í neinn "ESB pakka" hjá þeim og hvað hann hefði kannski mögulega að geyma !

Mikill meirihluti Norðnmanna telur sig ekkert þurfa að kíkja í þennan gamla myglaða Epalakassa sem heitir ESB aðild.

Þeir hafa hvort eð er tvisvar sinnum kíkt í ESB Eplakassann og niðurstaðan í bæði skiptin hefur verið afdráttarlaus höfnun á ESB stjórnsýslu helsinu !

Nákvæmlega sama sinnis eða jafnvel enn afdráttarlausari en nokkru sinni fyrr er nú mikill meirihluti Norskra kjósenda.

Ef þessum 10,2% sem ekki taka afstöðu eða eru hlutlausir er sleppt eins og auðvitað væri gert í almennum kosningum við þá sem ekki mæta á kjörstað eða skila auðu þá væru hátt í 80% Norðmanna andvígir ESB aðild og þó er enginn samningur við þá á döfinni og ekkert verið af þeirra hálfu verið kíkt í pakkann eða einu sinni reynt að kíkja í þennan svokallaða ESB pakka þeirra í u.þ.b. 20 ár eða svo.

Þetta eru reyndar alls ekki ósvipaðar niðurstöður og birst hafa hér í skoðanakönnunum, sem ESB trúboðið vill þó alls ekki taka neitt mark á, af því að þeir segja að enginn geti tekið raunverulega afstöðu fyrr en þeir viti nákvæmlega hvað er í ESB pakkanum.

En afhverju er ESB andstaða Norðmanna þá svona yfirgnæfandi og afdráttarlaus ?

Þessu þrjóskulega og lymskulega sjónarmiði ESB sinna eru greinilega bæði Norskir og Íslenskir kjósendur algerlega ósammála.

Því þeir telja sig vel vita og þora báðir að taka mjög afdráttarlausa og afgerandi afstöðu gegn ESB apparatinu !

Þeir hafa séð alveg nóg og það í beinni útsendingu frá ESB/EVRU hörmungunum !

Það er því algerlega rangt að íslenskir kjósendur frekar en Norskir geti ekki tekið upplýsta og sjálfsstæða ákvörðun fyrr en þeir viti nákvæmlega hvurslags skilmála og skilyrði ESB stjórnsýsluapparatið setur landi okkar og þjóð !

Ítrekuð döpur reynsla Norðmanna af þessum ESB málum er að mörgu leyti okkur til eftirbreytni, við getum víst margt af þeim lært í þessu !

Þeir sem til þekkja í raun vita mjög vel að það verður hvort eð er aldrei annað í ESB pakknum annað en að ganga 100% að þeirra skilyrtu skimálum í formi þeirra tilskipana eins og Mastricht- og Lissabon sáttmálarnir eru á meðan Evru svæðið og stór hluti Evru landana logar stafnana á milli í sinni skelfilegu fjárhagslegu- Evru- og Efnahagskrýsu !

Skilur einhver hvað er verið að gera með þessari kostnaðarsömu ESB umsókn í mikilli andstöðu við mikinn meirihluta Íslensku þjóðarinnar !