Þjóðin fær þá fyrst að kjósa þegar 27 ESB ríki hafa afgreitt aðildarumsókn

Samkvæmt áformum Össurar utanríkisráðherra fær þjóðin þá fyrst að taka afstöðu til ESB-aðildar þegar leiðtogaráð ESB hefur samþykkt aðildarsamninginn ásamt þingi ESB, og samningurinn hefur verið undirritaður af fulltrúum allra ESB ríkja, svo og af Össuri fyrir hönd Íslendinga. Þetta er einmitt það sem ýmsum finnst afar lýðræðislegt og nefnt hefur verið „að kíkja í pakkann“.

 

Þegar gengið var til seinustu þingkosninga var aðeins einn flokkur sem lýsti yfir að hann styddi aðild að ESB. Þegar svo aðildarumsóknin var samþykkt á Alþingi lá það fyrir að meiri hluti þingheims teldi aðild að ESB ekki samrýmast hagsmunum Íslendinga. En meiri hlutinn „vildi kíkja í pakkann“.

 

Áður en umsóknin var endanlega samþykkt var tillaga flutt á Alþingi þess efnis að þjóðin fengi að skera úr um hvort sótt yrði um aðild. Sú tillaga var felld með tveggja atkvæða mun. Fimm þingmenn VG greiddu atkvæði með þeirri tillögu. Það voru þau Atli Gíslason, Ásmundur Einar Daðason, Guðfríður Lilja Grétarsdóttir, Jón Bjarnason og Lilja Rafney Magnúsdóttir. Við lokaafgreiðslu málsins greiddi Þuríður Backman atkvæði gegn aðildarumsókninni ásamt Atla, Ásmundi, Jóni og Lilju Rafneyju. Guðfríður Lilja sat hjá. En Samfylkingunni tókst með harmkvælum að koma aðildarumsókninni í gegn með liðlega hálfan þingflokk VG á bak við sig ásamt atkvæðum nokkurra þingmanna til viðbótar úr ýmsum áttum.

 

Þá þegar sýndu skoðanakannanir að meiri hluti þjóðarinnar var andvígur aðild að ESB. Sú afstaða hefur verið staðfest í öllum skoðanakönnunum sem síðan hafa farið fram.

 

Össur utanríkisráðherra fékk því afar veikt umboð frá Alþingi og hafði að sjálfsögðu ekkert umboð frá þjóðinni. Engu að síður hefur hann vaðið áfram, eftirlitslaus að því er virðist, og gefið yfirlýsingar út og suður sem ekki eru í samræmi við það veika umboð frá Alþingi sem honum var þó ætlað að styðja sig við, samanber þá yfirlýsingu hans að Ísland þurfi ekkert á því að halda að fá undanþágu frá sjávarútvegsstefnu ESB. Utanríkismálanefnd Alþingis er sniðgengin og formaður hennar, fulltrúi VG í nefndinni, Árni Þór Sigurðsson, lætur gott heita.

 

Það er bersýnilega opinber stefna Össurar og samninganefndarinnar að þjóðin fái enga aðkomu að þessu máli fyrr en löngu eftir að allt er klappað og klárt og fullfrágengið með undirritun Össurar og fulltrúa aðildarríkja ESB.

 

Er þetta heiðarleg og lýðræðisleg málsmeðferð?

Eru þetta vinnubrögð sem Vinstri hreyfingin grænt framboð getur verið þekkt fyrir að bera ábyrgð á?

 

Ragnar Arnalds

 (Ef menn kynnu að efast um að sú málsmeðferð, sem hér að ofan er lýst, sé fyrirætlun Össurar utanríkisráðherra er hér birt skrifleg og myndræn lýsing á aðildarferlinu sem ráðuneyti Össurar sendi frá sér á liðnu ári.)

Athugasemdir

[Jón Frímann Jónsson, 3.8.2011 kl. 18:50]

Það er kannski ráð að spurja Ragnar Arnalds að því hérna hvort að hann sé ennþá á móti EFTA og EES.

Ertu ennþá á móti EFTA og EES aðild Íslands ? 

[Bjorn (IP-tala skráð) 3.8.2011 kl. 19:48]

Kæri Jón Frímann

Ég veit ekki af hverju þú segir að mamma mín sé sæt.  Hefur þú séð hana nýlega?

Hérna er síðan ein besta ESB greinin eftir Jón samkvæmt Forbes. 

http://www.jonfr.com/?p=4881

[Vinstrivaktin gegn ESB, 3.8.2011 kl. 19:51]

Ég var andvígur aðild að EFTA og EES vega þess að ég vissi að reynt yrði að koma okkur í EBE, fyrirrennara ESB, í kjölfarið, sem að sjálfsöðgu var miklu, miklu alvarlegra skref. Það reyndist rétt. Það var strax reynt. EES var hugsað sem biðsalur fyrir ríki sem væru á leiðinni í ESB. Og það urðu einmitt örlög Dana, Finna og Svía. Aðild var samþykkt með naumum meiri hluta í þessum ríkjum. Norðmenn rétt sluppu þótt tvívegis væri reynt að troða þeim í EBE og ESB. Nú er aðeins lítill minnihluti í Noregi sem vill ganga í ESB.  Við Íslendingar höfum staðið storminn af okkur blessunarlega enda myndu skip erlendra ríkja fiska meiri hlutann af fiski á Íslandsmiðum ef við hefðum runnið inn í EBE á 7. eða 8. áratugnum. Við hefðum aldrei fengið 200 mílna landhelgi og værum í sporum Íra sem fá að hirða fjórðung af aflanum á eigin miðum. Við gerðum ágætan samning við EBE um afnám tolla á sjöunda áratug seinustu aldar og þurftum ekkert á EES samningnum að halda. Það merkilegasta sem segja má að sé arfleifð EES er einkavæðing bankanna, eftirlitslausir fjármagnsflutningar milli landa og bankahrun furðu fljótt eftir gerð EES samningsins. Við Íslendingar verðum að stíga varlega til jarðar þegar um er að ræða framsal valds, svo fremi sem við viljum áfram vera sjálfstæð þjóð. En ef ekki þá liggur beinn og breiður vegur inn í faðm stóru ríkjanna í Evrópu sem sannarlega hafa ekkert á móti því að fá okkur undir þeirra stjórn.

Ragnar Arnalds 

[Jón Frímann Jónsson, 3.8.2011 kl. 21:21]

Ragnar, Danmörk var aðeins í EFTA í rúman áratug (1960 til 1973) áður en þeir urðu aðildar að EEC árið 1973. Þá með Bretlandi og Írlandi. Noregur hafnaði að ganga í EEC það árið.

Svíþjóð og Finnland gengu ekki í ESB fyrr en árið 1995 (Noregur hafnaði því aftur það árið), eða 22 árum eftir að Danmörk gekk í ESB. Það er þannig að bæði Svíþjóð og Finnland voru búin að ganga í EES árið áður en þau gengu í ESB.

Það sem þú heldur fram um landhelgina er rangfærsla af verstu sort. Þökk sé dómi alþjóðlegs dómstóls þá var landhelgi allra landa sem höfðu áhuga á slíku að færð út í 200 sjómílur í kringum árið 1982 [sjá hérna]. Það gilti líka um lögsögur þeirra ríkja sem voru í EEC á þessum tíma. Enda tóku Evrópuríkin ákvörðun um að færa lögsögu sína út í 200 mílur á þessum tíma eftir að slíkt taldist vera fært í skilningi alþjóðlegra laga. Það sem er haldið fram um að íslendingar hafi rutt þessa braut er ekkert nema þjóðsaga hjá íslendingum. Staðreyndinar eru allt aðrar en íslendingar halda fram þegar þeir tala um landhelgina og hina "miklu" baráttu sem þeir stóðu í á sínum tíma.

Tvíhliðasamningur Íslands og ESB er takmarkaður og tapa íslendingar miklum fjármagni með því að hafa þennan úrelta samning í gildi. Þetta sést vel þegar tölur um út og innflutning frá Íslandi eru skoðaðar á vefsíðu ESB. Enda e útflutingur frá Íslandi ennþá tollaður af ESB og sætir takmörkunum þar að auki (þ.e matvara). Allt þetta yrðu íslendingar lausir við að ganga í ESB. Einnig sem að samkeppni á Íslandi mundi snarbatna við að íslendingar gengu í ESB.

Það kemur lítið EES samningum við þó svo að sjálfstæðisflokkurinn með aðstoð framsóknarflokksins hafi ákveðið að einkavæða íslensku bankana. Það að kenna EES samingum um efnahagshrunið er léleg afsökun þeirra sem vilja ekki bera ábyrgð á því sem gerðist á Íslandi. Allt þetta var að forskrift stjórnvalda, ekki EES samningins eða ESB. Að halda slíku fram er ennfremur bara að firra spillingaröflin ábyrgð á því sem hefur gerst á Ísland. Bæði í kjölfarið og eftir bankahrunið.

Málflutningur þinn er til háborinnar skammar og á ekki þrífast á 21 öldinni. Enda er þetta ekkert nema hatur og hræðsla í garð útlendinga sem þú elur á hérna Ragnar Arnalds.

Máflutningur þinn gegn ESB er ennfremur rökleysa eins og málflutningur þinn gegn EFTA og EES á sínum tíma. Þar hefur rökleysan lítið breyst og aðeins tekið þeim breytingum að atriðum hefur verið skipt út, en kjarni málflutnings þíns er sá sami og hefur alltaf verið eins.

Það er hægt að taka saman málflutning þinn Ragnar Arnalds og setja í litla setningu.

Ragnar Arnalds telur útlendinga vera vont fólk.

[Vinstrivaktin gegn ESB, 3.8.2011 kl. 23:17]

Jón Frímann´

Ég sé að þú hefur tekið að þér að ákveða hverjar mínar skoðanir eru. Ég minnist þess ekki að hafa nokkru sinni álitið útlendinga vont fólk. Varstu sofandi þegar þú skrifaðir þessa endemis vitleysu. Ef ekki þá ættirðu að koma þér í háttinn.

 Ragnar Arnalds

Ragnar Arnalds

[Haraldur Rafn Ingvason, 4.8.2011 kl. 00:41]

Aðildarferlið að bandalaginu er sem meitlað í stein. Það hefur legið fyrir frá upphafi. Hafi einhverjir þingmenn ekki gert sér grein fyrir hvað það þýddi að ganga til viðræðna þá hafa þeir hinir sömu ekki unnið heimavinnuna sína!

[Jón Frímann Jónsson, 4.8.2011 kl. 03:06]

Ragnar Arnalds, Rökleysi þitt er jafn augljóst og hatur þitt á útlendingum. Það er ekkert flóknara en það.

Ég gæti rætt við þig um birtingamyndir útlendingahaturs. Hinsvegar er ég hræddur um að þú mundir ekki skilja það sem ég mundi skrifa. Þó svo að ég setti það á einfaldan og auðskilin hátt fram, eins og ég gerði hérna áðan.

Ég ennfremur ákvað ekkert hverjar þínar skoðanir eru. Ég túlkaði það sem þú segir og set fram mína skoðun. Þar er mikill munur á. Þó er þetta munur sem þú augljóslega skilur ekki.

[Óli minn, 4.8.2011 kl. 08:33]

Er það sem mér sýnist Jón Frímann, að það sé skoðun þín að þeir Íslendingar sem eru á móti því að Ísland gangi í ESB séu það vegna þess að þeir "hata útlendinga" og telji þá vera "vont fólk"?

[Vinstrivaktin gegn ESB, 4.8.2011 kl. 10:53]

Ummæli um útlendingahatur dæma sig sjálf. Hins vegar mættum við íhuga hvernig staðan hér á landi var áður en við urðum hluti af ,,fjórfrelsi" ESB gegnum EES. Þá var hér á landi starfandi í fiskvinnslu og víðar fólk frá fjarlægum heimshlutum sem ráðið var fordómalaust í laus störf, en nú eru laus störf fyrst frátekin fyrir forréttindahópinn sem tilheyrir ESB og EES og svo mega aðrir athuga hvort þeir komist að. Mismunun að minnsta kosti, er það í anda vinstri manna að flokka fólk eftir þjóðerni á þennan hátt? -AB.

[Eggert Sigurbergsson, 4.8.2011 kl. 12:39]

Mitt sjónarhorn á ESB ferlinu er að um leið og Ísland fékk for-aðild frá leiðtogaráðinu þá vorum við komin inn í ESB og aðeins eftir að innlima okkur regluverkslega séð. Það eina sem við fáum að kjósa um er hvort við viljum ganga úr sambandinu eða ekki. Sá áróður um að þjóðin sé að fara að "kíkja í pakkann" án nokkurra skuldbindinga er argasta þvæla.

Þetta útskýrir undrun ESB á því hvers vegna Íslendingar breyta ekki strax hjá sér lögum og reglum enda er kveðið á um það í for-aðildar reglunum að þetta sé búið áður en aðildarlöndin samþykki aðildarsamninginn enda er nánar kveðið á um í honum, í viðaukum, tímafrestir á tímabundnum undanþágum vegna lagabreytinga.  IPA styrkir eru til að hjálpa þeim löndum sem eru í for-aðild að breyta lögum og reglum til að uppfylla þá umbreytingu sem þarf að fara fram áður en aðildarlöndin samþykkja fulla-aðild OG ÁÐUR en þjóðin fær að segja sitt álit.

"The IPA was designed so as to address the needs of the beneficiary countries within the context of pre-accession policy in the most appropriate way. Its main aim is to support institution-building and the rule of law, human rights, including the fundamental freedoms, minority rights, gender equality and non-discrimination, both administrative and economic reforms, economic and social development, reconciliation and reconstruction, and regional and cross-border cooperation."

Þeir þingmenn VG sem samþykktu aðild Íslands að ESB á Alþingi ættu allir sem einn að segja af sér enda voru þeir kosnir út á að hafna aðild að ESB enda auglýstu þeir að sannfæring þeirra stæði til þess. Ég kaus VG í trú um að þingmannsefni flokksins stæðu við sína sannfæringum um að Ísland ætti ekki heima í ESB, vonbrigðin urðu því gífurleg þegar hópur þingmanna VG samþykkti inngöngu Íslands í ESB gegn tímabundnum afnotum af fáeinum ráðherrastólum STRAX eftir kosningar. EKKI ER MEÐ NOKKRU MÓTI ANNAÐ HÆGT EN AÐ LÍTA Á SAMÞYKKT VG Á INNGÖNGU Í ESB SEM GRUNDVALLAR STEFNUBREYTINGU KORTERI EFTIR KOSNINGAR OG AÐ ATKVÆÐI HEIÐARLEGS FÓLKS HAFI VERIÐ SVÍVIRT!

[Örn Ægir (IP-tala skráð) 4.8.2011 kl. 13:46]

X. kafli. Landráð.
86. gr. Hver, sem sekur gerist um verknað, sem miðar að því, að reynt verði með ofbeldi, hótun um ofbeldi, annarri nauðung eða svikum að ráða íslenska ríkið eða hluta þess undir erlend yfirráð, eða að ráða annars einhvern hluta ríkisins undan forræði þess, skal sæta fangelsi ekki skemur en 4 ár eða ævilangt.
87. gr. Geri maður samband við stjórn erlends ríkis til þess að stofna til fjandsamlegra tiltækja eða ófriðar við íslenska ríkið eða bandamenn þess, án þess að verknaðurinn varði við 86. gr., þá varðar það fangelsi ekki skemur en 2 ár eða ævilangt. Sé þetta í því skyni gert að koma erlendu ríki til þess að skerða sjálfsákvörðunarrétt íslenska ríkisins á annan hátt, þá varðar það fangelsi allt að 8 árum.
88. gr. [Hver, sem opinberlega í ræðu eða riti mælir með því eða stuðlar að því, að erlent ríki byrji á fjandsamlegum tiltækjum við íslenska ríkið eða hlutist til um málefni þess, svo og hver sá, er veldur hættu á slíkri íhlutun með móðgunum, líkamsárásum, eignaspjöllum og öðrum athöfnum, sem líklegar eru til að valda slíkri hættu, skal sæta …¹⁾ fangelsi allt að 6 árum. Ef brot þykir mjög smávægilegt, má beita sektarhegningu.

[Jón Frímann Jónsson, 4.8.2011 kl. 17:49]

Ragnar Arnalds, Þú dæmir þig nú bara mest sjálfur. Í öllu þínu rökleysi og sem því fylgir.

Ummæli þín í gegnum tíðina um framfarir og það sem gerst hefur í útlöndum á þessum tíma (síðan árið 1970) gefa góða mynd af því hvernig maður þú ert. Það er ennfremur ljóst á málflutningi þínum að þú ert á móti alþjóðlegri samvinnu og hefur alltaf verið það.

Enda er það pólitísk stefna hjá þér að einangra íslendinga frá alþjóðlegum atburðum. Sem betur fer þá hefur þér ekki tekist að einangra Ísland eins og þú og þeir sem standa í þessu með þér stefna af.

Það verður engin breyting þar á núna. Breytir þá engu hversu mörgum lygum um ESB þú munt dæla út á næstu mánuðum.

[Jón Frímann Jónsson, 4.8.2011 kl. 17:51]

Óli, Stefna ESB er meðal annars að auka skilning milli þjóða. Þar sem slíkt eykur frið og viðskipti milli þjóða Evrópu.

Lærdómurinn af Seinni Heimsstyrjöldinni var Evrópu dýr og þeir ætla sér ekki að endurtaka mistök og kostnaðinn af seinni heimsstyrjöldinni í Evrópu.

[Elle_, 5.8.2011 kl. 00:39]

Ragnar Arnalds, takk fyrir frábæra bloggsíðu og skýringar og rökfestu.  Ljótt að sjá að nú hefur Jón Fríman ráðist inn og kallar þig útlendingahatara með öðru.  Mörg okkar sem kærum okkur ekki um og viljum alls ekki gefa upp fullveldið og borga kúgunina ICESAVE, höfum víst fengið blauta tusku framan í okkur oft frá ofanverðum Jóni og öðrum EU-vinnumönnum og verið kölluð ÖLLU ILLU í orðabókum heimsins.  Þar með talið fávitar og fífl, röklaus og útlendingahatarar, ofstækismenn og þjóðernisrembur og öfgamenn.

[Elle_, 5.8.2011 kl. 00:42]

Jón Frímann.