Hverjir fá milljarðana sem Grikkjum eru lánaðir?

„Af þeim fjallháu haugumaf peningum, sem "björgunarmenn" lána gríska ríkinu, fær almenningur ílandinu ekki svo mikið sem eina evru". Á þetta minnir Haraldur Hansson í bloggi sínu13. júlí s.l:

„Grikkir eru neyddir tilað taka lán og því kallast þau "neyðarlán", þótt réttara væri að talaum nauðungarlán. Þau millilenda eitt augnablik á kennitölu grískra skattgreiðenda,sem fá ekkert ... nema reikninginn.

Gríski harmleikurinn hófstá því að þeir "kíktu í pakkann", létu glepjast og gengu í hamarinn.Grikkir hafa það sér til málsbóta að eftir valdatíð herforingja-stjórnarinnarleituðu þeir að betra stjórnarfari. Vildu verða "þjóð meðal þjóða"eins og það er kallað.

Þeir gengu í gamla EBE löngufyrir tíma Maastricht og evrunnar. Nú er búið að breyta því í ESB og skipta drökmunniút fyrir evru. Þar með hvarf peningastjórnin til Frankfurt, sem er drjúgurhluti vandans, en restin er heimatilbúin.

Ríkið ábyrgðist erlendarskuldir óreiðubanka, samkvæmt handriti ESB og AGS, sem sendu hótanir til Aþenuaf stakri kurteisi. Nú fær ríkið "neyðarlán" af því að það getur ekkiborgað.

Erlendir lánadrottnareru kátir, þeir fá aftur allt sem þeir lánuðu af glannaskap á Frankfurt vöxtum.Bólan kom, sá og hvellsprakk.

Aðeins lokakaflinn ereftir: Skera niður, hækka skatta, selja eignir. Eftir situr gríska þjóðin,skuldug, eignalítil og niðurlægð. Þeir eru að komast að því fullkeyptu hve dýruverði þarf að gjalda það að senda fullveldi sitt til Brussel.

Nú er búið að slátraGrikkjum, bæði pólitískt og efnahagslega. Portúgal og Írland eru "íferli". Þetta er skilvirk slátrunaraðferð, sem því miður verður hugsanleganotuð á fleiri. Er Ítalía of stór til að falla eða verður hún næst? Og Spánn erkominn í biðröðina líka. Fórnarlömb evrunnar hrannast upp."

Athugasemdir

[Vilhjálmur Stefánsson, 19.7.2011 kl. 17:17]

Af hverju kalla þeir ekki á Hirðfíflið Össur Skarphéðinsson til að redda þessum ESB vanda??

[Guðmundur Ásgeirsson, 19.7.2011 kl. 18:36]

Ertu að meina sama Össur og segist ekki hafa hundsvit á peningamálum?

[Anna Sigríður Guðmundsdóttir, 20.7.2011 kl. 01:33]

Lánadrottnarnir fá miljarðana aftur með okurvöxtum og tilheyrandi fórnarkostnaði fyrir almenning Grikklands, með almenning sem þræla í kaupbæti. Gildir líka um öll önnur ríki sem fá lán til að klára að hengja sig með.

Það er eins gott fyrir almenning í Grikklandi, og í heiminum öllum, að viðurkenna heims-gjaldþrotið strax.

Þá fyrst verður hægt að horfa fram á veginn, fyrir almenning þessa gjaldþrota heims. Allt annað er bara áframhaldandi rán og blekking. 

Það þarf engan hagfræðing til að skilja, að ekkert verður til úr engu.

M.b.kv.

[Skeggi Skaftason, 20.7.2011 kl. 11:06]

"Ríkið ábyrgðist erlendarskuldir óreiðubanka"

segir í þessum pistli.

Er þetta rétt? Er gríska kreppan ekki fyrst og fremst ríkisskuldakreppa, en ekki bankaskuldakreppa?

Það er munur  þar á. Gerir pistlahöfundur sér grein fyrir því, eða er hann viljandi að rugla fólk í ríminu?

[Skeggi Skaftason, 20.7.2011 kl. 11:17]

Þetta er af alfræðivefnum Wikipedia.org:

The Greek economy was one of the fastest growing in the eurozone during the 2000s; from 2000 to 2007 it grew at an annual rate of 4.2% as foreign capital flooded the country.^[24] A strong economy and falling bond yields allowed the government of Greece to run large structural deficits. According to an editorial published by the Greek newspaper Kathimerini, large public deficits are one of the features that have marked the Greek social model since the restoration of democracy in 1974. After the removal of the right leaning military junta, the government wanted to bring disenfranchised left-leaning portions of the population into the economic mainstream.^[25] In order to do so, successive Greek governments have, among other things, customarily run large deficits to finance public sector jobs, pensions, and other social benefits.^[26] Since 1993 debt to GDP has remained above 100%.

Grikkir eru þannig alls ekki að fjármagna "óreiðubanka", með sama hætti og Írland til dæmis.

Pistlahöfundur er kannski á ýja að því að "óreiðubankarnir" séu þeir sem lánuðu gríska ríkinu. Þeir hefðu kannski bara ekki átt að gera það? Hefðu bara átt að segja:

Við treystum ekki Grikklandi og grískri ríkisstjórn, við treystum ekki ríkisreikningi ykkar og bókhaldi.

Það hefði kannski verið sanngjarnara gagnvart Grikklandi?

Hvað leggur pistlahöfundur til? Að ALLAR skuldir gríska ríkisins verði afskrifaðar?

[Hans Haraldsson (IP-tala skráð) 20.7.2011 kl. 14:39]

Skeggi: Grikkland fer í þrot hvort eð er. Það gerir þeim ekkert gagn þótt evrópskir skattgreiðendur séu látnir kaupa skuldir þeirra af bönkum áður en það gerist.

Þetta virðist sett saman þannig að evrópskir skattagreiðendur fái skellinn, reiðin beinist að Grikkjum en bankarnir fái peninginn.

[Skeggi Skaftason, 20.7.2011 kl. 15:21]

Ég held einmitt að verið sé að ræða á ýmsum vígstöðvum hluta-afskriftir, í samráði við kröfuhafa, til að forða landinu frá gjaldþroti.

Það er alls ekkert "gott" fyrir Grikkland ef ríkissjóður þeirra verði gjaldþrota. Þá fyrst verða Grikkir virkilega að skera niður ríkisútgjöld og þjónustu.

Eða hvað leggur þú til, Hans?

[Hans Haraldsson (IP-tala skráð) 20.7.2011 kl. 19:58]

Skeggi: Ríkissjóðir verða ekki gjaldþrota eins og einstaklingar eða fyrirtæki enda hafa ríki skattlagningarvald. Ríki geta hinsvegar lýst yfir greiðsluþroti þegar þau ákveða að það kosti of miklar fórnir að greiða af skuldum.

Neyðarlánin sem slík eru hvorki að gera Grikkjum gagn né mikið ógagn, held ég. Þau eru bara dulbúinn styrkur til franskra og þýskra banka.

Krafa hinna ESB-ríkjanna um sölu ríkiseigna með hraði vegaur hinsvegar að hag grísks almennings. Ef gríska ríkið ætlar að grynnka á skuldum með einkavæðingu á það að sjálfsögðu að semja við lánadrottna fyrst og bíða svo eftir góðu verði. Ef vaxtaklukkan er látin tifa á meðan að eignir eru seldar á brunaútsölu er mikil hætta á að árangurinn verði alls engin.

Þegar að greiðsluþroti Grikklands kemur þyrfti ESB að tryggja grískum yfirvöldum aðgengi að lausafé fyrir daglegan rekstur en þar sem Grikkir hafa afsalað sér myntsláttuvaldinu og grísk ríkisskuldabréf yrðu ekki tæk veð í Seðlabanka Evrópu ef landið lýsti yfir þroti er það raunveruleg hætta að grunnstarfsemi gríska ríkisins geti truflast alvarlega. Það er raunar þess vegna sem ESB hefur hreðjatak á Grikkjum.

[Haraldur Hansson, 21.7.2011 kl. 00:33]

Skeggi: Hafðu þakkir fyrir pælingarnar. En til að byrja með, hvað féllu margir bankar á nýja evrópska áreiðanleikaprófinu? Hversu margir þeirra voru grískir?

Þegar ég setti saman þennan texta vissi ég mætavel að gríska staðan var ekki að fullu sambærileg við Írland. En, þegar betur er að gáð er hún þó miklu líkari en kann að virðast.

Rótin er sú sama: Erlent fjármagn "flæddi inn í landið" á óraunhæfum vaxtakjörum sem ýtti undir eyðslu (nokkuð sem við þekkjum). 

Vandinn er sá sami: Bankarnir geta ekki lengur staðið í skilum við erlenda lánardrottna.

Lausnin er sú sama: Að lána ríkinu enn meira svo það geti greitt lánardrottnum sínum og senda skattborgurum reikninginn.

Ástæðan er sú sama: Að lágmarka tjón erlendra lánardrottna, sem eru aðallega franskir og þýskir bankar.

Þó svo að hluti útlána grískra banka sé til skuldara sem heitir "ríkissjóður" breytir það ekki meginreglum. Það þarf tvo til svo þessi staða komi upp; glanna sem lánar og glanna sem tekur lán. Ef ríkið borgar ekki grískum bönkum þá borga þeir ekki þeim erlendu. Þetta er keðja, sem (að hluta til) er einum hlekk lengri en á Írlandi.

Varðandi vangaveltur þínar í lokin. Ég legg ekki til neina patentlausn, lýsi bara þeirri skoðun minni að ef bankar stunda glannaleg útlán eiga þeir að taka afleiðingum gjörða sinna en ekki fá að velta þeim yfir á almenning. Fara á hausinn ef því er að skipta. Gildir einu hvað bankinn heitir eða hverjum hann lánaði. Kannski að þetta verði til bóta.

Aðgerðirnar í Grikklandi taka hins vegar mið af allt öðru. Að kalla þær aðstoð við grísku þjóðina er argasta ósvífni. 

[Skeggi Skaftason, 21.7.2011 kl. 09:37]

Takk fyrir svörin, Haraldur og Hans.

 Mér finnst samt ögn að verið sé að hræra saman hlutum sem eru ekki alveg sambærilegir. Á Írlandi og Íslandi urðu til eignabólur. Þær sprungu, og skildu eftir sig skuldasúpu.

Í Grikklandi hefur ríkið verið rekið með viðvarandi halla, ekki bara síðustu tíu ár heldur mun lengur, og ekki hægt að kenna bara um miklu framboði á lánsfé. (En það er kannski Íslendingum tamt, að skuldugir kenni lánadrottnum um að hafa otað að sér fé!)

Gríska ríkið er enn með blússandi halla, >10% ef ég man rétt.

Ef Grikkir fá engin "neyðarlán" ná þeir ekki endum saman. Núna.  Þess vegna er einföldun að segja að neyðarlánin renni bara beint í vasa erlendra banka og séu til einskis gagns fyrir Grikki.