Evrusvæðið, draumaland ESB-sinna, er einn dýpsti atvinnuleysispyttur heims

Um 12% prósenta atvinnuleysi hefur verið á evrusvæðinu undanfarna mánuði. Hagvöxtur þar er nánast enginn og svæðið í efnahagslegu frosti. Á Íslandi hefur árstíðaleiðrétt atvinnuleysi verið um 5-6% undanfarna mánuði.

 

Hagvöxtur var enginn í Finnlandi á síðasta ársfjórðungi 2013, og þar hefur verið stöðugur samdráttur frá því í byrjun árs 2012. Í Finnlandi er mjög vaxandi óánægja með evruna.  Ástandið er merkjanlega skárra á þeim hluta ESB sem er laus við evruna, en þar var hagvöxtur 0,5%.

 

Atvinnuleysi mældist 28% á Grikklandi á haustmánuðum s.l. árs. Aðrar eins tölur hafa aldrei áður sést. Gríðarlega hátt atvinnuleysi er í röðum yngra fólks, þ.e. undir 25 ára, eða 61,4%. Atvinnuleysi á Grikklandi er nú tvöfalt meira en á evrusvæðinu. Landsframleiðsla þar hefur dregist saman um 25% á fjórum árum.

Atvinnuleysi er 5-6% hér á landi samkvæmt tölum Hagstofunnar og er þá miðað við ríflega 82% af mannfjölda á aldrinum 15-64 ára. Á evrusvæðinu eru hins vegar aðeins um 64% af þessum aldri á vinnumarkaði og af þeim eru 12% án atvinnu.

Þetta er mjög sláandi munur og bendir ekki til þess að skynsamlegt sé fyrir Íslendinga að ganga í ESB til þess gagngert að taka upp evru, en það eru eins og kunnugt er aðalrökin fyrir inngöngu í ESB.

Athugasemdir

[Jón Frímann Jónsson, 5.3.2014 kl. 13:17]

Þetta er sama kjaftæði í Ragnari Arnalds og viðhengjum og áður en Ísland gekk í EES samninginn og ég er ekki frá því að sama rugli hafi verið haldið fram áður en Ísland gekk í EFTA.

Síðan ætla ég að benda á þá staðreynd að atvinnuleysi í Austurríki er 4,9% og í Þýskalandi er atvinnuleysi 5,0%. Það er 7,0% atvinnuleysi í Danmörku og þeir eru ekki að nota evruna sem gjaldmiðil.

Þær fullyrðingar sem ESB andstæðingar setja fram á Íslandi eru ekkert annað nema kjaftæði sem þeir semja upp á staðnum til þess að réttlæta andstöðu sína við Evrópusambandið.

Nánar: http://epp.eurostat.ec.europa.eu/statistics_explained/index.php/Unemployment_statistics

[Jón Steinar Ragnarsson, 5.3.2014 kl. 20:11]

Jón Frímann hinn yfirvegaði talsmaður ESB á Íslandi: hér er graf yfir stöðuna í janúar s.l.

http://epp.eurostat.ec.europa.eu/statistics_explained/images/2/20/Unemployment_rates%2C_seasonally_adjusted%2C_January_2014.png

Það er hentugt fyrir þig að nefna Austurríki sem hefur lægsta hlutfallið. Næst kemur hin Evrulausa Danmörk með 5%.

Þrátt fyrir allt fjorfrelsið tekst bandalaginu ekki að jafna þessum tölum út á milli landa. Þrátt fyrir hinar slavnesku þrælakistur sem eiga að fóðra þennan jöfnuð.

Meðaltalið lýgur ekki og það er verra en það varð verst þegar allt hrundi hér til grunna.

2/3 eru langt út úr korti hvað atvinnuleysi varðar. Og mundu að allt þetta fólk hefur frelsi til að flytja sig milli staða til að leita atvinnu. Það er fátt um fína drætti þegar nánast allar þjóðir eru eru komnar langt yfir þolmörk vinnumarkaðarins.

En endilega haltu áfram að mæta með stóryrðin og tengla sem þú virðist ekki hafa skoðað sjálfur. Eurostat lýgur varla, er það?

[Jón Steinar Ragnarsson, 5.3.2014 kl. 20:23]

Ég get haldið áfram að hjálpa þér að skilja þetta:

http://en.wikipedia.org/wiki/List_of_countries_by_unemployment_rate

Hér geturðu borið saman ESB og restina af heiminum. Aðeins verst stæðu þróunarrikin og stríðshrjáð lönd komast nærri því versta í ESB. Þú hefur það þarna svart a hvítu.

Taktu svo eftir Austurriki á þessum lista. Þar er þessi merkilega athugasemd sett við töluna: "previously employed individuals only."

Þannig mæla þeir það á þeim bæ. (Svo í raun er Danmörk með minnsta atvinnuleysið.) Það hentar statistíkinni vel að telja aðeins þá sem misst hafa vinnu á timabilinu. Segir þetta okkur ekki frekar að atvinnuleysi hafi aukist um tæp 5% í Austurríki, án tillits til þess hvert það var fyrir. Hefurðu kannað það hvernig þeir hafa þetta í Austuríki?

[Jón Steinar Ragnarsson, 5.3.2014 kl. 20:32]

Í Austurríki telja þeir ekki unga fólkið með, sem er að fara í fyrsta sinn inn á vinnumarkað. Strqngir þarna í leðurbrókunum.

http://www.ams.at/english/14609.html

Þeir sem flosna upp úr skolum fá ekki atvinnuleysisbætur. Þettá að halda ungviðinu við efnið. Þetta fólk fer beint á Hótel mömmu. Atvinnuleysi ungs fólks mælist því lítið að sjálfsögðu.

Þeir fá einir bætur, sem misst hafa vinnu. Mjög hentugt fyrir statistíkina. Annars merkilegt að reikningshausarnir hjá Eurostat skuli ekki taka fram þessa ólíku nálgun við tölfræðina.

Kannski hentar það ekki eða er talið hafa kosmetiskt gildi? Hver veit.

[Elle_, 5.3.2014 kl. 23:10]

 Hinn svokallaði Ásmundur, embættismaðurinn sem fór yfir um í síðum Vinstrivaktarinnar, ætti að geta svarað þessu um Eurostat.  Við skulum svo sjá hvort hann eða skugginn hans, Páll, svara ekki.