Stjórnarskrá Norðmanna 200 ára

Norðmenn fagna því í ár að 200 ár eru liðin frá því þeir fengu sína eigin stjórnarskrá – Den norske Grunnloven  - afhenta að Eiðsvöllum  17. maí árið 1814. Þá verða einnig liðin tuttugu ár frá því að þeir höfnuðu í þjóðaratkvæðagreiðslu í seinna sinn aðild að ESB. 

 

Af því tilefni verður NEI við ESB -hreyfingin í Noregi með baráttudagskrá allt árið til heiðurs þessum hornsteinum norsks samfélags, lýðræðis og fullveldis. Verður það gert  með reglulegum viðburðum fram til hausts þegar aðalhátíð þeirra verður hinn 28. nóvember.  Síðan Norðmenn höfnuðu aðild í seinna sinn hefur ESB breytt inntaki umsóknarferils að sambandinu og lýkur nú samningum ekki um einstaka kafla fyrr en umsóknarríkið hefur annaðhvort innleitt allt regluverkið eða tímasett nákvæmlega hvenær það verður gert:

 

„Í fyrsta lagi er mikilvægt að undirstrika það að hugtakið samningaviðræður getur verið misvísandi. Aðildarviðræður snúast um skilyrði fyrir og tímasetningar á upptöku umsóknarlands á reglum ESB, framkvæmd þeirra og beitingu – sem fylla 90 þúsund blaðsíður. Um þessar reglur ... verður ekki samið.“ 

 

1814 og 1994: Lýðræði og fullveldi þjóðar

 

„Heming Olaussen skýrir frá því að brátt muni NEI VIÐ ESB hrinda af stað átaki í tengslum viðstjórnarskrárafmælið. Þann 10. febrúar hrindum við af stað átaki sem fjallar um að 1814 og 1994 hafi verið tvær hliðar sama máls. Bæði stjórnarskráin og ESB-atkvæðagreiðslan fjalla um sjálfræði og sjálfsákvörðunarrétt þjóðarinnar. Um þessi mikilvægu gildi viljum við skapa umræðu“, segir hann. “ Heming er formaður norsku NEI VIÐ ESB-samtakanna. Þessu baráttu- og fagnaðarári Norðmanna lýkur svo mikilli afmælishátið 28. nóvember.

 

Norðmenn áfram á verði

 

 NEI VIÐ ESB- hreyfingin í Noregi er gríðaröflug og andstaðan við mögulega inngöngu Noregs í sambandið mjög sterk og stöðug. Síðasta skoðanakönnunin frá því í lok janúar sýndi að  71% þjóðarinnar voru andvíg inngöngu, 19% hlynnt og 10% gáfu ekki upp afstöðu. Eru það nánast sömu tölur og komu fram í síðustu skoðanakönnun fyrir 4 mánuðum..

Hinsvegar eru norsku nei-samtökin á varðbergi gagnvart nýrri ríkisstjórn sem er í eðli sínu höll undir inngöngu í ESB þótt  þau mál væru ekki á oddinum í kosningunum síðastliðið haust.

 

Norska ríkisstjórnin hefur skipað sérstakan ESB-ráðherra sem heyrir undir forsætisráðherra og vekur það grunsemdir og tortryggni ESB-andstæðinga. Haft er fyrir satt að mikill meirihluti þingmanna á norska Stórþinginu sé hallur undir inngöngu Noregs í ESB en afgerandi meirihluti þjóðarinnar því andvígur eins og skoðanakannanir sýna.

 

Vonandi er að staðan á Alþingi Íslendinga sé í meira samræmi við þann vilja þjóðarinnar að  60-70 % þingmanna séu andvíg inngöngu í ESB og fylgi því eftir að sú umsókn sem Alþingi setti illu heilli af stað verði afturkölluð. - JB

 

[1] “First, it is important to underline that the term "negotiation" can be misleading. Accession negotiations focus on the conditions and timing of the candidate's adoption, implementation and application of EU rules - some 90,000 pages of them. And these rules ... are not negotiable.” (Sjá: http://ec.europa.eu/enlargement/pdf/ publication/enl-understand_en.pdf)

[1] Heming Olaussen forteller at Nei til EU snart lanserer en kampanje i forbindelse med grunnlovsjubileet. ( neitileu.no). –„10. februar lanserer vi en kampanje som handler om at 1814 og 1994 er to sider av samme sak. Både Grunnloven og EU-avstemningen handler om nasjonal suverenitet og folkestyre. Disse viktige verdiene ønsker vi å skape debatt rundt“, sier han.