Þá er ekki hrópað hátt á torgum!

Þeir fara alltaf merkilega hljóðlega og þétt með veggjum Evrópusambandssinnarnir þegar sambandið hótar okkur Íslendingum öllu illu vegna fiskveiða. Reglulega.

 

Þá er þagað þunnu hljóði enda samræmist það illa þeirri mynd af bróðurþeli og náungakærleik sem agentar sambandsins hér á landi halda á lofti frá degi til dags.

 

http://www.dv.is/frettir/2013/6/13/hotar-vidskiptabanni-semji-islendingar-ekki-strax/

 

Bara þessi aðferð; hótun um þvinganir, valdbeiting í krafti auðs og markaðsstöðu ber þess ljóst vitni hvers kyns Evrópusambandið er. Það er klúbbur þar sem valdbeiting þykir sjálfsagt meðal og samskiptaform.

 

Við viljum ekki vera í svoleiðis kompaníi – eða hvað?

 

- g.

Athugasemdir

[Ásmundur (IP-tala skráð) 14.6.2013 kl. 20:30]

Vinstrivaktin reynir að koma því inn hjá fólki að ESB leggi Íslendinga í einelti og að þess vegna eigum við að halda okkur víðs fjarri þeim.

Þetta er paranoja sem virðist furðu algeng eftir hrun. Hér er aðeins um það að ræða að ESB styður sínar aðildarþjóðir í deilum þeirra við aðrar þjóðir.

Þetta er ekki neitt sem við þurfum að óttast. Þvert á móti ættum við að fagna því að við munum búa við slíka vernd eftir inngöngu í ESB.

Það eru ekki aðeins aðildarþjóðirnar sem njóta verndar ESB. Þjóðir sem eru í umsóknarferli gera það líka að vissu marki. Þess vegna hefur viðskiptabann ekki verið sett á okkur enn sem komið er.

Nú þegar ríkisstjórnin vill slíta viðræðunum munum við finna illilega fyrir því nema að ljóst sé að aðeins sé um stutt afmarkað hlé að ræða.

Meðal annars verðum við að sýna fram á vilja og getu til að losa gjaldseyrishöftin innan viss tímaramma. Annars blasir brottrekstur úr EES við.

Það er hins vegar ljóst að með krónu sem gjaldmiðil er óhugsandi til lengdar að vera ekki með gjaldeyrishöft í einhverri mynd.

[Elle_, 15.6.2013 kl. 01:08]

Eins og það var orðið friðsamt í hléinu sem bilaða platan hætti að skrifa þessar endurteknu dýrðarromsur fyrir mútustofu sambandsins.  En hvað sem hann tautar og raular munum við halda okkur víðsfjarri þeim og þeirra valdabákni. 

[Kolbrún Hilmars, 15.6.2013 kl. 14:18]

Ásmundur hefur skipt um "plötu", Elle.   Með hræðsluáróðri í stað dýrðardásemdar.

Við munum semsagt finna "illilega" fyrir hinu góða friðsama ESB apparati... 

[Elle_, 15.6.2013 kl. 17:10]

Nú já, nú á að fara að nota gamla takta hótana- og hræðslusambandsins.  En ég tók eftir þessu illilega og hélt það væri skrýtla.  Eins og þarna (Misvísandi  - -): Eins og hjá fleiri ESB-andstæðingum er örvæntingin mikil - - - Þó að síðasta ríkisstjórn hafi unnið þrekvirki svo að eftir var tekið um allan heim - - -