Forsenda þjóðaratkvæðis um ESB er að Alþingi og ríkisstjórn vilji stefna að aðild

Sigurður Ingi, sjávarútvegs- og landbúnaðarráðherra tók af skarið með það nú í vikunni, hvernig skilja beri stefnu stjórnarinnar gagngvart ESB. Þjóðaratkvæði er ekki á dagskrá nema Alþingi og ríkisstjórn vilji á ný stefna að aðild.

Auk setningarræðu forsetans er yfirlýsing Sigurðar Inga s.l. fimmtudag ein helstu tíðindi liðinnar viku því að óneitanlega hefur verið dálítið óljóst hvernig skilja bæri ákvæðið í stjórnarsáttmála nýrrar ríkisstjórnar um ESB, en þar stendur:

“Gert verður hlé á aðildarviðræðum Íslands við Evrópusambandið og úttekt gerð á stöðu viðræðnanna og þróun mála innan sambandsins. Úttektin verður lögð fyrir Alþingi til umfjöllunar og kynnt fyrir þjóðinni. Ekki verður haldið lengra í aðildarviðræðum við Evrópusambandið nema að undangenginni þjóðaratkvæðagreiðslu.”

Ýmsir hafa túlkað ákvæðið svo að ákveðið hafi verið að efna til þjóðaratkvæðis um framhald viðræðnanna og spurningin sé sú ein hvenær atkvæðagreiðslan fer fram. En sá skilningur virðist ekki uppi í ríkisstjórninni. Sigurður Ingi útskýrði afstöðu stjórnarinnar í viðtali við Bændablaðið s.l. fimmtudag og segir þar m.a. skv. frétt mbl.is:

„Það er mat beggja stjórnarflokka og meirihluta landsmanna að okkar hag sé betur borgið utan sambandsins. Ef það breytist þá er það okkar stefna að þjóðaratkvæðagreiðslu þurfi til.“

Ráðherrann segir að Íslendingar séu á sömu braut og Maltverjar á sínum tíma og Svisslendingar. Svisslendingar hafi hætt viðræðum við Evrópusambandið um inngöngu í það og sett málið ofan í læsta kistu. Maltverjar hafi að sama skapi hætt viðræðum en tekið upp þráðinn aftur nokkru síðar vegna breyttra aðstæðna.

„Það sem við höfum sagt er að það verður ekki gert hér nema að á undan hafi gengið þjóðaratkvæðagreiðsla um hvort Íslendingar vilji ganga í Evrópusambandið, vegna þess að það er lykillinn að því að sækja um,“ segir Sigurður Ingi. Næsta skref sé úttekt á stöðu viðræðnanna og samtal við fulltrúa sambandsins. 

„Það getur vel verið að þeir segi að viðræðunum sé bara sjálfhætt með þessari ákvörðun og þá þarf ekki að taka þessa umræðu frekar,“ segir hann ennfremur og bætir við. „Ef þú spyrð mig persónulega sé ég ekki á næstu árum að ástand í Evrópu og heiminum verði með þeim hætti að íslensk þjóð muni óska eftir inngöngu í Evrópusambandið.“

Spurður hvort hann sé með þessu að segja að eins og staðan sé í dag miðað við skoðanakannanir og úrslit þingkosninganna sé mjög ólíklegt að slík þjóðaratkvæðagreiðsla verði haldin á kjörtímabilinu svarar Sigurður: „Eins og ég segi þarf eitthvað stórkostlegt að gerast í heiminum til þess að íslenska þjóðin vilji sækja um aðild, já.“

Engum kom á óvart að Össur skyldi bregðast foxillur við ummælum Sigurðar Inga í viðtali við RÚV. En hitt kom á óvart að hann skyldi telja sig hæfari en ráðherrann til að túlka stefnu nýrrar ríkisstjórnar. Hann virtist hafa gleymt því að hann hætti sem ráðherra í lok maí.

Í framhaldi af þessum orðaskiptum hélt fréttastofa RÚV því fram í hádeginu í gær að orð Sigurðar Inga gengju þvert á fyrri yfrirlýsingar Sigmundar Davíðs Gunnlaugssonar, forsætisráðherra, þegar stjórnarsáttmálinn var kynntur á Laugarvatni hinn 22. maí s.l. Þessu þverneitar hins vegar Sigmundur Davíð. Orð Sigurðar Inga væru auk þess í samræmi við það mat sem forseti Íslands kynnti í þingsetningarræðu í gær, aðstæður væru ekki þannig að þær kalli á þjóðaratkvæðagreiðslu „Einfaldlega vegna þess að Evrópusambandið sjálft er hvort eð er ekki í stakk búið til þess að klára viðræður.  Það er mikilvægt að hafa í huga að þar eru menn ekki að tala um það að Evrópusambandið vilji ekki að Ísland gangi inn heldur ætli menn ekki að klára þetta á meðan óljóst er um niðurstöðu þjóðaratkvæðagreiðslu og óljóst hvers konar samband Evrópusambandið verður,“ segir Sigmundur.

Þessi orð Sigurðar Inga og Sigmundar Davíðs hafa óneitanlega mjög skýrt afstöðu ríkisstjórninnar til málsins. - RA

Athugasemdir

[Valdimar Samúelsson, 9.6.2013 kl. 15:28]

Það er engine  spurning en við verðum að loka á allar umræður og skirt nei við ESB. Við erum búinn að hanga á þessum viðræðum frá því að össur braut stjórnarskránna og hegningalög kafla X um landrá til að fá´sínu framgengt.

Nei við áframhaldandi viðræðum og Stórt nei vegan Inngöngu í ESB. Við eigum ekki að bíða og sjá til þegar fólkið I landinu hefir sýnt skýra afstöðu í mörgum könnunum. Já össur með litlum staf.

[Sigurður M Grétarsson, 9.6.2013 kl. 18:37]

Ég hélt nú að það væri hugmyndin að þjóðin ákveði hvort hún vilji halda aðildarviðræðum við ESB áfram. Ef stjórnvöld ætla einfaldlega að taka þessa ákvörðun þá eiga menn ekkert að vera að gefa sig út fyrir að vera þeir lýðræðissinnar að vilja láta þjóðina taka þessa ákvörðun heldur einfaldlega að koma til dyranna eins og þeir eru klæddir og viðurkenna að þeir ætli ekki að spyrja þjóðina heldur ákveða þetta sjálfir. En væntanlega fylgjast þessir menn með skoðanakönnunum um vilja þjóðarinnar til að halda aðildarviðræðunum áfram og boða til þjóðaratkvæðagreiðslu þegar meirihluti kjósenda hefur "rétta" skoðun á því máli.

Valdimar Samúelsson. Það að væna mann um landráð er mjög alvarleg ásökun. Það að gera það án nokkurs rökstuðnins eins og þú gerir hér segir mun meira um þig en Össur sem þú ert að kasta skít í með þessari svo vægt sé til orða tekið fáránlegu ásökun. Ef Össur færi í meinyrðamál við þig þá ættir þú ekki möguleika í þeirri söðu og vegna þess hversu alvarlega þessi dæmalausa ásökun þín er þá þyrftir þú heldur betur að taka upp veskið.

Er þér alveg fyrirmunað að ræða um kosti og galla ESB aðildar Íslands án þess að fara út í þessa hrikalegu lágkúru?

Eða getur þú útkýrt hvernig það getur talist til landráðs að vilja skoða kosti og galla þess að Ísland taki þátt í samstarfvettvangi 27 og um næstu mánaðarmót 28 SJÁLFSTÆÐRA OG FULLVALDA lýðræðisríkja í Evrópu? Samstarf sem hefur bætt verulega líksjör almennings í þeim ríkjum sem hafa tekið þátt auk þess að hjálpa verulega við að halda frið í álfunni. Hvernig gertur það verið landráð að vilja skoða möguleika að taka þátt í slíku samstarfi semj að öllum líkindum mun bæta verulega lífskjör almennings hér á landi?

[Kolbrún Hilmars, 9.6.2013 kl. 19:22]

Sigurður,  af hverju ætti þjóðin nú allt í einu að fá að kjósa um það hvort hún vill halda áfram viðræðunum við ESB?  Fékk þjóðin að kjósa um hvort hún vildi hefja viðræðurnar?  

Það kemur málinu ekki endilega við hvort af verði ávinningur eða tap af ESB aðild.  Stór meirihluti þjóðarinnar þarf að komast að niðurstöðu um slíkt ÁÐUR en umsókn að aðild er innsend. 

Hvort Össur hafi framið landráð með frumhlaupinu á vegum flokks síns má líka meta - e.t.v. fyrir Landsdómi, nú þegar hann hefur verið virkjaður.

[Valdimar Samúelsson, 9.6.2013 kl. 19:30]

Sigurður. Það er líka talið landrá í kafla X um Landrá ef einhver horfir á og gerir ekkert. Ég sé samkvæmt lögum þá var framið landráð á alþingi 2009.´Sigurður aftur. Vilt þú lesa kafla X og svara mér aftur. Það er skilda hvers manns að benda á svona mikið brot. Viltu líka svara mér hvort alþingi hafi undanþágu vegna laga um Landráð 

[Sigurður M Grétarsson, 9.6.2013 kl. 20:09]

Valdimar Samúelsson. Hvaða brot ert þú eiginlega að tala um?

Kolbrún Hilmars. Umsóknarferlið er þegar í gangi og því kjósum við ekki um það hvort á að hefja það því það er þegar búið heldur snýst spurningin um það hvort við eigum að klára viðræðurnar og bera niðurstöðuna undir kjósendur í þjóðaratkvæðagreiðslu eða hætta viðræðum,

[Kolbrún Hilmars, 9.6.2013 kl. 21:01]

Sigurður,  hvaða rök eru það eiginlega að "umsóknarferlið er þegar í gangi"! 

Af hverju skyldi það nú vera?  Sótti umsóknarferlið um sjálft sig?

[Ásmundur (IP-tala skráð) 9.6.2013 kl. 21:02]

Enn eitt svikamálið? Sigmundur Davíð og Bjarni Ben voru margspurðir um það fyrir kosningar hvort ekki yrði örugglega kosið um áframhald viðræðna og staðfestu þeir það báðir í hvert skipti.

Yfir 60% kjósenda vill að kosið sé um aðild skv nýjustu skoðanakönnun. Í ljósi þess lofuðu B og D kosningu um áframhald viðræðna. Að sjálfsögðu ber þeim að standa við það loforð.

Það er ekki rétt að meirihluti kjósenda sé á móti aðild, heldur aðeins meirihluti þeirra sem tóku afstöðu. Meiri en helmingur tók ekki afstöðu eða svaraði ekki enda enn ekki ljóst um hvað verður kosið.

[Sigurður M Grétarsson, 9.6.2013 kl. 21:20]

Nei að sjálfsögðu ekki. Alþingi tók ákvörðun um að sækja um aðild að ESB. Á þeim tíma sýndu flestar skoðanakannanir að meirihluti þjóðarinnar vildi láta gera það. Þrír stjórnmálaflokkar voru með umsókn á stefnuskrá sinni eða landsfundarsamþykktum og fengu þeir meirihluta þingmanna til samans. Þessir flokkar voru Samfylking, Framsóknarflokkur og Borgarahreyfingin. Þeir tveir síðarnefndu hættu svo við að hafa þetta á stefnuskrá sinni en samt sem áður studdi meirhluti þingmanna að sækja um og bera síðan aðildarsamning undir þjóðina í þjóðaratkvæðagreiðslu.

En þetta skitir reyndar ekki máli. Það er búið að sækja um og því snýst ákvörðun í þessu máli ekki um það hvort sækja eigi um því það er fyrir löngu búið að gera það og viðræður langt komnar heldur snýst ákvörðunin um það hvort það eigi að klára ferlið eða hætta við. Skoðanakannanir sýna að meirihluti kjósenda vill klára ferlið og kjósa síðan um aðildarsamninginn. Það er þess vegna sem núverandi stjórnarflokkar vilja ekki halda þjóðaratkvæðagreiðslu um það. Þeir vita að þeir verða undir í slíkri þjóðaratkvæðagreiðslu. Þeir hafa því tekið ákvörðun um að hundsa vilja meirhluta þjóarinnar.

[Elle_, 9.6.2013 kl. 21:30]

Alltaf sömu ósannindin í Ásmundi.  Engu þjóðaratkvæði var lofað.  Sagt var að ekki yrði haldið áfram í viðræðum nema að undangenginni þjóðaratkvæðagreiðslu.  Punktur.  Það þýddi aldrei að endilega yrði haldið þjóðaratkvæði. 

Það á að stoppa þetta ofbeldi eins og það hófst.  Þið getið síðan safnað liði, kannski 50 þúsund manns og knúið fram þjóðaratkvæði fyrir miklu-minnihlutann sem spurði stærri-hlutann aldrei hvað hann vildi. 

[Elle_, 9.6.2013 kl. 21:49]

Sigurður, hvaða samning á að kjósa um?  Það var aldrei um neinn samning að ræða og þúsund sinnum búið að færa rök gegn þessu samningstali ykkar.

Þetta snýst ekki um ótta við niðurstöðuna, en um að minnihluti alþingis + hvorugur stjórnarflokkurinn í heild sinni + miklu-minnihluti þjóðarinnar vill þangað inn.  Það snýst líka um að eyða ekki endalausum milljónum og milljörðum í einkamál Össurar og co.

[Valdimar Samúelsson, 9.6.2013 kl. 22:36]

Sigurður lestu kafla X um landráð og lestu stjórnarskránna. Þessu umsókn var ólögleg. meira að segja lögfræðingur Alþingis sagði svo. Hefir þú aldrei heyrt frá því að Alþingi gerir ólöglega hluti sama hvaða flokkar eru undir stjórn. Þú veist kannski ekki að ESS málið var ólöglegt eða ert þú einn sem heldur því fram að sá ferill hafi verið löglegur. 

[Ásmundur I (IP-tala skráð) 9.6.2013 kl. 23:17]

Fráfarandi Alþingi samþykkti þingsályktun um að sótt yrði um aðild að Evrópusambandinu án þess að gefa þjóðinni færi á því að segja álit sitt í þjóðaratkvæðisgreiðslu.

Núverandi Alþingi hefur meirihlutavald til að ákveða að hætta við aðildarferlið án þess að spyrja þjóðina álits enda er það í fullu samræmi við upphaf og feril málsins.

Eina sem núverandi stjórnarflokkarnir sögðu í kosningabarátunni var að þær yrðu ekki hafnar aftur NEMA að þjóðin yrði spurð álits.

Sú hugmyndafræði að reyna að stjórna Alþingi með skoðanakönnunum er ný leið til að þykjast ráða. Tími til komin að fráfarandi valdhafar geri sér grein fyrir því að þeirra tími er liðin og kemur líklega ekki aftur fyrr en ESB líkið hverfur úr lestinni.

[Sandkassinn (IP-tala skráð) 10.6.2013 kl. 08:01]

Þjóðin kaus að hætta þessu aðildarferli í síðustu þingkosningum. Landinu verður ekki stjórnað með skoðannakönnunum heldur kosningum, þær eru afstaðnar og menn fá ekki kosningar aftur og aftur bara af því þeir eru ósáttir við niðurstöðuna.

[Ásmundur (IP-tala skráð) 10.6.2013 kl. 14:27]

Geðsjúklingar sækja í Vinstrivaktina. Væntanlega grunar flesta hver er á ferðinni í #12 og þykist vera ég.

Úrslit kosninganna urðu á þann veg að kosið skyldi um framhald viðræðna. Báðir stjórnarflokkarnir höfðu það á stefnuskrá sinni. Ef þeir falla frá því eru það hrein svik.

Flokkar sem lofa öllu fögru til að komast til valda en standa síðan ekki við gefin loforð án þess að um sé að ræða málamiðlun í stjórnarmyndunarviðræðum eru stórvarasamir.

Fólk á hafa vit á að kjósa aldrei aftur slíka flokka.  Þeim er einfaldlega ekki treystandi.

[Sandkassinn (IP-tala skráð) 10.6.2013 kl. 18:36]

Mér finnst nú Ásmundur #12 vera með þetta, hann er rökfastur. Þú gætir tekið þér hann til fyrirmyndar.

[Elle_, 10.6.2013 kl. 20:39]

- - - 'Geðsjúklingar sækja í Vinstrivaktina.' - - -  Og öfgamenn líka.  Hann ættti að vita.  En það kallast hvorki loforð né stefna flokka eða ríkisstjórnar þó einn og einn stjórnmálamaður hafi, fyrir kosningar, ýjað að hugsanlegu þjóðaratkvæði.  Var það ekki annars Ásmundur sem sagði Steingrím og hina samfylkingarmennina í VG hafa unnið frábæra vinnu meðan þau sviku VG í einu og öllu?

[Sandkassinn (IP-tala skráð) 10.6.2013 kl. 20:59]

já hann hangir hérna alla daga :)

[Sigurður M Grétarsson, 10.6.2013 kl. 23:48]

Elle. Það eru í gangi samningaviðræður við ESB um aðild Íslands að sambandinu. Það er samningurinn sem ég var að tala um. Það er rangt að það hafi verið færð rök fyrir því að ekki sé um samning að ræða. Það hefur hins vegar verið borið alls konar bull á borð um samninginn þar með talið að við séum í aðlögunarferli en ekki samningaferli sem er hauga lygi enda hafa þeir sem það hafa sagt ekki getað bent á í hverju sú aðlögun er fólgin. Einnig hefur því verið haldið fram að ekki sé um neitt að semja því þetta snúist bara um að ákveða hvernig Ísland lagar sig að reglum ESB. Í því efni hefur verið vitnað í ummæli hátt settra manna hjá ESB. Staðareyndin er hins vegar sú að öll aðildarríki ESB hafa náð fram varanlegum breytingum á ESB reglum í sínum aðildarviðræðum. Það væri því á skjön við hefðina í samningaviðræðum ESB við umsóknarþjóðir að semja ekki við okkur um slíkt í sjávarútvegsmálum.

Við erum því klárlega í samningaviðræðum og það er engan vegin fyrirséð hvernig samningurinn muni líta út á endanum. Ett er þó alveg á tæru. Við munum ekki þurfa að heimila útgerðum annarra þjóða að viða úr okkar fiskistofnum þó við göngum í ESB.

[Sigurður M Grétarsson, 10.6.2013 kl. 23:52]

Gunnar Waage. Það er rangt að þjóðin hafi kosið að hætta aðildarviðræðum í seinustu þingkosningum. Stjórnarflokkarnir fengu nauman meirihluta atkvæða eða rétt rúmlega 51% og samkvæmt skoðanakönnunum var það í fæstum tilfellum afstaðan til ESB sam réði vali kjósenda á flokkum. Samkvæmt skoðanakönnunum vilja rúmlega 60% þjóðarinnar klára aðildarsamning og bera hann síðan undir kjósendur. Það væri því að myndast gjá milli þings og þjóðar ef ákveðið yrði að slá viðræðurnar af.

[Sigurður M Grétarsson, 10.6.2013 kl. 23:54]

Ásmundur I. Vissulega hefur meirihluti þings vald til að slíta viðræðum. En það er svolítið skrítið að heyra núna þá sem harðast börðust fyrir því að þjóðaratkvæðagreiðsla um það hvort ætti að halda viðræðunum áfram eða ekki þegar síðasta ríkisstjórn var við völd tala gegn því núna. Hvað hefur breyst sem gerir slíka þjóðaratkvæðagreiðslu minna nauðsynlega núna en var í tíð seinustu ríkisstjórnar?

[Elle_, 11.6.2013 kl. 00:39]

Sigurður, hverjir börðust og það harðast fyrir því að þjóðaratkvæði um hvort ætti að halda viðræðunum áfram eða ekki?  Það var einn og einn og sjálf vildi ég það aldrei, vildi bara að ruglið sem var pínt yfir okkur væri stoppað. 

Það er enn og aftur rangt að það hafi ekki verið færð rök fyrir að ekki sé um samning að ræða.  Það er ekki 'alls konar bull' eða 'haugalygi' að við séum ekki í samningaferli eða samningaviðræðum.  Það er verið að breyta embættum og stofnunum í stórum stíl í samræmi við erlent veldi og lög þess.  Það er bull að það kallist samningur eða semja.

[Sandkassinn (IP-tala skráð) 11.6.2013 kl. 06:49]

Sigurður þetta er kolrangt hjá þér, flokkarnir tveir fengu 38 þingmenn samanlagt og eru með sömu stefnuna í málinu sem hún var sett fram með mjög skýrum hætti fyrir kosningar. Þessar vangaveltur þínar yfir einhverri skoðannakönnun breyta afar litlu þegar einnig er horft til þess að stjórnarflokkarnir báðir guldu hreint afhroð, voru nánast þurkaðir út með sína Evrópustefnu. Í þessu tilliti eru þessi 51% og 38 þingmenn stórsigur Evrópusambandsandstæðinga.

Þú getur ekki bara farið fram á nýjar kosningar um málið einfaldlega af því að þér líkar ekki niðurstaðan. Alþingiskosningar eru bindandi og siðferðisleg skylda liggur nú á stjórnarmeirihlutanum að fylgja sinni meginstefnu sem kynnt var í aðdraganda kosninga. Sú stefna er að stöðva aðildarferlið. Allt annað væru hrein svik.

Ekki gleyma því að hér er þingræði og nú er það þingsins að taka endanlega ákvörðun í málinu í framhaldi af afstöðu almennings sem er nú orðin skýr. Það verður væntanlega gert á sumarþingi með þingsályktunartillögu BF sem verður kolfelld.

[Ásmundur (IP-tala skráð) 11.6.2013 kl. 13:37]

Ég sé núna að sá sem ritar #12 kallar sig Ásmund I. Það hefur hins vegar oft gerst áður að geðveikur maður hefur skrifað hér í mínu nafni í blekkingarskyni.

Ég held reyndar að hér sé verið að leika sama leik og að sami einstaklingur sé hér á ferðinni enda er athugasemd hans eins konar spegilmynd af minni athugasemd.

Sigurður, ertu ekki að rugla Ásmundi I saman við mig sem hef alltaf verið hlynntur viðræðunum?

Nú held ég hins vegar að málið snúist um hvort greitt verði atkvæði um áframhald viðræðna eða þeim slitið endanlega enda lofuðu báðir stjórnarflokkarnir að halda viðræðunum ekki áfram nema að undangenginni þjóðaratkvæðagreiðslu.

[Kolbrún Hilmars, 11.6.2013 kl. 16:31]

Er ekki tungumálið skemmtilegt? 

Ásmundur og skoðanabræður telja að kosningaloforð stjórnarflokkanna hafi kveðið á um að kjósa ætti um "áframhald" ESB viðræðna.  Allir aðrir skildu kosningaloforðið sem svo að kjósa ætti um "framhald" ESB viðræðna. 

Þetta tvennt hljómar áþekkt en  merkingarlega séð er haf og himinn á milli.

[Sigurður M Grétarsson, 11.6.2013 kl. 17:58]

Elle. Það voru meðal annars þigmenn Sjálfstæðisflokks og Framsóknarflokks sem börðust fyrir því á seinasta kjörtímabili. Við skulum sjá til  hvort stefna þeirra í þeim efnum hafi breyst og hvernig þeir færa rök fyrir því.

Við erum aðilar að EES samningum og höfum í tvo áratugi þurft að breyta milli þrjú og fjögur hundruð reglum á ári vegna þess. Þannig hefur það verið og þannig verður það á meðan við erum aðilar að EES samnginum. Það er alveg óháð því hvort við erum umsóknarríki um aðild að ESB eða ekki.

Það hafa hins vegar engar breytingar verið gerðar vegna aðildarumsóknar okkar að ESB. Þess vegna eru fullyrðingar um slíkt einfaldlega haugahelvítislygi.

Við erum einfaldlega í samningaviðræðum og þegar samningar hafa náðs þá kjósum við um aðidlarsamning. Verði hann samþykktur þá hefst aðlögun sem nauðsynlegt er að klára áður en til formlegarar aðilar kemur. Þetta er ferli sem tekur eitt og hálft til tvö ár. Króatar hafa verið í þessu ferli sem lýkur um næstu mánaðarmót þegar þeir verða formlegir aðilar að ESB.

Það eru reyndar undantekningar frá þessu varðandi atriði sem menn verða sammála um í aðildarviðræðum að sé ekki hægt að framkvæma innan þessa tímaramma. Í slíkum tilfellum er yfirleitt annað hvort gefin tímabundin undanþága frá þeim reglum eða framkvæmd hafin fyrir þjóðaratkvæðagreiðslu. Hvað seinni kostinn varðar er hins vegar gengið úr frá því að það sem búið verði að framkvæma fyrir þjóðaratkvæðagreiðslu verði auðveldlega afturkræft.

Engar slíkar breytingar eru hins vegar hafnar hér á landi.

[Sigurður M Grétarsson, 11.6.2013 kl. 18:03]

Gunnar Vaage. Það er engan vegin hægt að líta svo á að þó flokkar með tiltekið mál á sinni stefnuskrá nái meirihluta í kosningum að þjóðin hafi samþykkt það atriði þó svo þeir hafi með meirihluta fengið umboð til að framkvæma það. Enda búum við við þingræði eins og þú segir og því hafa stjórnmálaflokkar sem fá meirihluta atkvæða í raun fengið umboð til að gera hvað sem er hvort sem það var á stefnuskrá þeirra eða ekki og meira segja til að gera þveröfugt við það sem þeir lofuðu.

En það er á tæru samkvæmt öllum skoðanakönnunum að meirihluti kjósenda vill klára aðildarsamning og kjósa síðan um hann. Ákveði Alþingi annað hefur myndast gjá milli þings og þjóðar. En þeir hafa samt sem áður klárt umboð til að gera það enda hafa þeir enga skyldu til að fara að vilja þjóðarinnar. Það er ekki einu sinni svo að forseti geti vísað þeirri ákvörðun til þjóðarinnar því það þarf ekki lagasetningu til að slíta aðildarviðræðum heldur aðeins þingsályktun. Þess vegna þarf ekki undirskrift forseta fyrir slíkri ákvörðun.

[Sandkassinn (IP-tala skráð) 11.6.2013 kl. 18:37]

jú það hvílir skylda á þeim þingmönnum sem mæltu fyrir því að stöðva þetta ferli, að þeir efni það loforð. Vissulega hvílir pólitísk skylda á þeim að klára það.

Það sem þú ert að mæla fyrir er bara anarkismi.

[Elle_, 11.6.2013 kl. 19:13]

Gunnar og Sigurður- Við búum við lýðræði.  Lýðræði með þingbundinni stjórn.  Sumir stjórnmálamenn hafa kannski viljað rugla þessu saman við þingræði og kallað það það. 

Sigurður- Hvaða stjórnmálamenn nákvæmlega voru það sem börðust og það harðast fyrir þjóðaratkvæði um að stoppa hinar svokölluðu viðræður eða ekki (Bjarni Ben ýjaði að þjóðaratkvæði en var óskýr)?   Svarið skiptir máli þar sem þú notar þetta á andstæðinga og núverandi ríkisstjórn.  Það voru nokkrir andstæðingar, óskiljanlega, sem vildu þjóðaratkvæði um að stoppa eða ekki vitleysuna.  Voru það ekki þeir andstæðingar sem voru að vinna með ykkur í allavega stjórnmálaflokkum og þorðu ekki eða vildu ekki standa á móti vegna flokksveikleika?

Sigurður- Segðu ekki þá 'haugahelvítislygi' að embættum og stofnunum hafi ekki verið breytt vegna Össurarviðræðnanna.  Heilar hæðir í embættum, fullar af dýru vinnuafli, fóru að fara í ruglið strax og mútustyrkirnir komu.  Í Tollembættinu sem dæmi.  Spurðu svo sjálfan þig hvort Brussel hafi verið að breyta embættum og stofnunum í stórum stíl til að þóknast Íslandi.  Svarið er NEI.  Vegna þess að þeir eru ekki að semja um nokkurn skapaðan hlut sem skiptir fullvalda ríki nokkru máli.  Þetta skuldabandalag ykkar er nefnilega ekki samvinna fullvalda ríkja.

[Ásmundur (IP-tala skráð) 12.6.2013 kl. 08:23]

"jú það hvílir skylda á þeim þingmönnum sem mæltu fyrir því að stöðva þetta ferli, að þeir efni það loforð."

Þess vegna verða þeir að hafa þjóðaratkvæðagreiðslu um framhald viðræðna eins og þeir lofuðu.

Það var hins vegar galið að lofa því að slíta viðræðunum en gera jafnframt ráð fyrir þjóðaratkvæðagreiðslu um framhald þeirra.

Ef viðræðum er slitið þarf að byrja ferlið upp á nýtt með miklum kostnaði ef þjóðin samþykkir að halda þeim áfram. ESB tæki varla þátt í slíkum skrípaleik.

Þess vegna hafa menn hætt við að slíta viðræðunum og tala nú um að gera hlé á þeim.