Fjögurra ára aðildarviðræður hafa engu jákvæðu skilað nema milljarðaeyðslu

Senn hafa viðræður um aðild og aðlögun að mörg þúsund blaðsíðna regluverki ESB staðið í fjögur ár. Viðræðurnar hafa engu skilað sem jákvætt gæti talist fyrir okkur Íslendinga en kosta okkur árlega mörg hundruð milljónir. Jafnframt hafa allar kannanir í fjögur ár sýnt að meirihlutinn, og nú seinast tveir þriðju hlutar landsmanna, hafnar inngöngu í ESB.

 

Vinstrivaktin hóf göngu sína í maíbyrjun fyrir tveimur árum og hefur síðan tekið virkan þátt í umræðunni um aðildarumsóknina og ESB með daglegri birtingu pistla svo að aldrei hefur dagur fallið úr. Heimsóknir gesta nema nú um 143 þúsundum. Nú þegar alþingiskosningar nálgast og fjörtíu dagar eru þar til kosið verður þykir okkur sem stöndum að Vinstrivaktinni við hæfi að gera tímabundið hlé á greinaskrifum. Vefsíðan var ekki til þess stofnuð að hafa afskipti af því hvernig stjórnmálaflokkar haga framboðum sínum eða hvað fólk kýs í næstu kosningum. En þegar kosningaúrslit liggja fyrir munum við hefja birtingu greina að nýju.

 

Þeir sem birt hafa pistla sína á Vinstrivaktinni munu vafalítið láta til sín heyra á öðrum vefsíðum. Ragnar Arnalds mun t.d. rita pistla fyrir bloggsíðuna http://www.heimssyn.blog.is . Þórarinn Hjartarson skrifar á eigin síðu http://eldmessa.blogspot.com . Guðmundur Brynjólfsson, Gunnlaugur Ingvarsson, Bjarni Harðarson og Anna Ólafsdóttir Björnsson  munu næstu vikur skrifa á bloggsíðu Villikatta sem styður framboð Regnbogans, villikettir.blog.is, en auk þess á eigin bloggsíður, s.s. Bjarni á bjarnihardar.blog.is og Gunnlaugur á gunnlauguri.blog.is

Sýður upp úr hjá VG vegna ESB

Athugasemdir

[Ásmundur (IP-tala skráð) 17.3.2013 kl. 17:54]

Þetta er enginn kostnaður miðað við þann gífurlega ávinning sem fæst með aðild.

Hins vegar eru þessu fé hent út um gluggann ef aðildarviðræðum verður slitið. Þess vegna hrynur nú fylgi Sjálfstæðisflokksins.

Þeir sem hæst tala gegn aðild verða að fara með veggjum næstu árin eftir aðild eins og reyndin varð á Möltu.

[Ómar Bjarki Kristjánsson, 17.3.2013 kl. 18:40]

Haha. Svokölluð ,,vinstri" vakt pakkar saman og segir bless. Og skildi engan undra vegna þess að ómálefnalegheitin eru alveg óskapleg og hún er búin með bullkvóta sinn.

[Kolbrún Hilmars, 17.3.2013 kl. 19:08]

Ásmundur huldumaður og Ómar Bjarki hafa nú þegar þakkað fyrir sig, hvor á sinn hátt og í takt við eigin háttvísi.

Ég þakka því einnig Vinstri vaktinni fyrir mig.  Vv hefur skapað bæði upplýsandi og skemmtilegan umræðuvettvang um mál málanna; ESB aðildina.

Sjáumst/skrifumst vonandi síðar.  Þjóðmálin hverfa ekki í apríl komandi.

[Rafn Guðmundsson, 17.3.2013 kl. 20:15]

ekki sammála þessu - við erum mun nær esb í dag en fyrir 4 árum og er það gott

[Ásthildur Cesil Þórðardóttir, 17.3.2013 kl. 23:52]

Takk Vinstri vakt fyrir frábæra pistla og upplýsingar, vonast til að þið komið sem fyrst aftur, því þið eruð algjörlega ómissandi í barráttu okkar fyrir frjálsu Íslandi. 

[Jón Steinar Ragnarsson, 18.3.2013 kl. 03:07]

Við erum miklu fjær Rafn minn Ví andstaðna við inngöngu hefur aukist jafnt og þétt síðan 2009 og eru 3/4 þjóðarinnar nú anssnúnir inngöngu. Þú mátt þó vera í þínu lalalandi með Ásmundi. Hlifið bara fólki við liggaliggaláinu ykkar. Það er orðið pínlegt að horfa upp á þetta.

[Valdimar Samúelsson, 18.3.2013 kl. 10:19]

Það er sama hvar Rafn og Ásmundur segja. Það verður ekkert ESB ef vilji ´fólksins ræður og ef fólkið fær ekki að ráða þá flokkast það undir landráð. Landráð var líka framin 16 júlí 2009 og engin gerði neitt í þeim efnum. Við drögum til baka umsóknina og helst með því að geta hakað við á kjörseðilinn núna við þessar kosningar.

[Ásmundur (IP-tala skráð) 18.3.2013 kl. 11:20]

Stefna Sjálfstæðisflokksins gengur ekki upp nema að verið sé að blekkja kjósendur.

Ef viðræðum er slitið er ekki inni í myndinni að taka þær upp aftur. Ef Íslendingar breyta um afstöðu og vilja ganga í ESB seinna þarf að sækja um aftur og byrja upp á nýtt.

Að slíta viðræðum þýðir því að aðildarumsókn er úr sögunni og enginn áhugi er á að taka þær hugsanlega upp aftur seinna. Ef svo væri, væri aðildarviðræðunum frestað.

Slit á viðræðum eftir að umsókn hefur verið samþykkt af stjórnvöldum á sér engin fordæmi í ESB. Jafnvel Sviss er enn með opna aðildarumsókn. 

Í stefnu Sjálfstæðisflokksins kemur hvergi fram að þjóðaratkvæðagreiðsla skuli fara fram - aðeins að aðildarviðræður skuli ekki teknar upp aftur nema að undangenginni þjóðratkvæðagreiðslu.

Þjóðaratkvæðagreiðslu er hins vegar ekki lofað enda er það galin hugmynd að slíta viðræðum og hafa svo þjóðaratkvæðagreiðslu um að sækja um aftur.

[palli (IP-tala skráð) 18.3.2013 kl. 12:45]

"Ef viðræðum er slitið er ekki inni í myndinni að taka þær upp aftur. Ef Íslendingar breyta um afstöðu og vilja ganga í ESB seinna þarf að sækja um aftur og byrja upp á nýtt."

Já en það mun ganga svo hratt og vel fyrir sig, skv. Samfylkingunni. Við erum í EES og ekkert mál að klára allra síðustu kaflana. Tekur bara 10 mánuði, var það ekki?

"Að slíta viðræðum þýðir því að aðildarumsókn er úr sögunni og enginn áhugi er á að taka þær hugsanlega upp aftur seinna"

Já, það er nefnilega þjóðin sem ræður. Ef þjóðin vill umsóknina úr sögunni, þá er það bara þannig. Þjóðin kýs um það í Alþingiskosningum, og ef svo fer þá þyðir það einfaldlega að þjóðin er einfaldlega ekki að kaupa þessar lygar um að við þurfum að sjá aðlögunarsamning um tímabundnar undanþágur til þess að sjá hvað sé í boði. Það segja m.a.s. ESB fólkið í Brussel. Eigum við að trúa ykkur ESBgeðsjúklingum frekar en sjálfu ESB?

Er ekki tími kominn að þú náir bara smá taki á þessari þráhyggju þinni, Ásmundur?

"Í stefnu Sjálfstæðisflokksins kemur hvergi fram að þjóðaratkvæðagreiðsla skuli fara fram - aðeins að aðildarviðræður skuli ekki teknar upp aftur nema að undangenginni þjóðratkvæðagreiðslu."

?!? ..kemur hvergi fram að þjóðaratkvæðagreiðsla skuli fara fram, aðeins umsókn aftur að undangenginni þjóðaratkvæðagreiðlsu? Ertu að missa það endanlega, Ásmundur?

Eru Alþingiskosningar kanski ekki þjóðaratkvæðagreiðlsa?

Það vantar bara eitthvað í þig, Ásmundur.

Sættu þig bara við það að þjóðin hefur engan áhuga á þessar dellu í þér og þínum. Þjóðin sér í gegnum möntruáróðurinn og lygaþvæluna í ykkur. Farðu frekar að spá í þínum innri vandamálum, litla geðsjúka grey.

[Ásmundur (IP-tala skráð) 18.3.2013 kl. 23:04]

Valdimar, skv nýrri skoðanakönnun Capacent, sem var birt í fréttum Stöðvar 2 í kvöld, vilja 54% þjóðarinnar klára aðildarviðviðræðurnar en aðeins 34.5% slíta þeim.

Þetta þýðir að 61% þeirra sem tóku afstöðu vilja klára aðildarviðræðurnar. Það er góður meirihluti.

Það er því miður ekki útilokað að viðræðunum verði slitið með ofbeldi. Til að koma í veg fyrr það getur Sjálfstæðisflokkinn ekki verið valkostur í kosningunum.

Ef þjóðarvilji fær að ráða verður kosið um aðild eftir nokkur misseri. Ekki er hægt að fullyrða neitt um hvað þjóðin vill þegar þar að kemur.

Ýmislegt bendir þó til að þá verði fylgi við aðild miklu meira en núna enda miklar líkur á að samningurinn komi þjóðinni gleðilega á óvart eftir allan blekkingaáróðurinn.

Auk þess verður enn ljósara en núna að krónan er ónothæfur gjaldmiðill sem verður að vera í höftum til frambúðar. Einnig má búast við betra ástandi á evrusvæðinu.

Þetta vita þeir ESB-andstæðingar sem vilja beita ofbeldi til að koma í veg fyrir þjóðin fái að sjá samning.