Sigmundur og Bjarni: Ekkert í pakkanum og ekki eftir neinu að bíða

Aðildarviðræður snúast um það hvernig ríki lagar sig að regluverki ESB. Sérlausnir eru tímabundnar og verða að rúmast innan regluverksins sem sjálft er óumsemjanlegt. Umræðan hér á landi um ESB er á villigötum. Varanlegar undanþágur frá regluverkinu fást ekki, aðeins tímabundnar undanþágur.

 

Þetta sagði Sigmundur Davíð Gunnlaugsson, formaður Framsóknarflokksins á fjölmennum og velheppnuðum umræðufundi Heimssýnar um framtíð aðildarviðræðnanna í Norræna húsinu í gær og bætti því við að ekkert ríki hefði nokkru sinni farið í það sem kallað væri könnunarviðræður við ESB. Allt tal um að halda þyrfti viðræðum við ESB áfram til að kanna „hvað væri í pakkanum“ væri tóm vitleysa.

 

Bjarni Benediktsson, formaður Sjálfstæðisflokksins talaði á mjög svipuðum nótum og Sigmundur Davíð. Flokkur sinn teldi að viðræðurnar hefðu þegar siglt í strand. Þær ætti því stöðva og ekki taka þær upp að nýju nema fyrir liggi í þjóðaratkvæði að Íslendingar vilji ganga í ESB. Nú sé ljóst að aðildarríki verði að framselja enn meira af fullveldi sínu en gert hefði verið ráð fyrir þegar sótt var um aðild og þá einkum á fjármálasviðinu.

 

Bjarni vitnaði til orða þýsks þingmanns sem sagt hefði nýlega í samtali við íslenska þingmenn að ESB væri einstefnuakstursgata. Ríki gætu ráðið því hversu hratt þau færi eftir þeirri götu en það væri ekki hægt að aka í öfuga átt i og bakka út úr henni aftur. Mat flokks síns á hagsmunum Íslendinga væri að betra væri að standa utan ESB. Það sýndi styrk Íslands að nú vildu Kínverjar gera viðskiptasamning við Ísland áður en þeir semdu við ESB.

 

Árni Páll Árnason, formaður Samfylkingarinnar, sagði að hann væri ekki tilbúinn til að afsala ESB fullveldi Íslands en hann væri tilbúinn til að deila fullveldi Íslands með ESB. „Það eru mikil tækifæri sem felast í ESB,“ sagði Árni og rökstuddi það einkum með því að þá fengjum við „gjaldgengan gjaldmiðil“. Illmögulegt yrði að afnema höftin með óbreyttum gjaldmiðli.

 

Árni Þór Sigurðsson, þingflokksformaður VG, sagði að VG hefði markað þá stefnu að ESB-aðild samrýmdist ekki hagsmunum Íslendinga. Sú grundvallarstefna VG væri óbreytt. En VG hefði jafnframt lagt áherslu á opna og lýðræðislega umræðu um málið. Margir hefðu vænst þess að unnt yrði að ljúka viðræðunum fyrir lok kjörtímabilsins, en strax í haust hefði verið fyrirsjáanlegt að það tækist ekki. Því væri eðlilegt að endurskoða viðræðuferlið og og láta nýtt Alþíngi taka ákvörðun um framhaldið. Hann sagði einnig tímabært að ræða hvað gert yrði við EES-samninginn ef ekki kæmi til aðildar að ESB.

 

Guðmundur Steingrímsson, formaður Bjartrar framtíðar, taldi afstöðu flokks síns ótvíræða. Björt framtíð vildi ljúka viðræðunum. Hann sagði eitt mikilvægt gagn vanta inn í þessa umræðu núna, aðildarsamninginn sjálfan. Guðmundur fullyrti að í kjölfar hrunsins hefðu Íslendingar komið að lokuðum dyrum í alþjóðasamfélaginu. Þeir hefðu staðið einir og enga vini átt.

 

Framsögumenn svöruðu síðan fyrirspurnum. Sigmundur Davíð taldi að Íslendingar gætu svarað því í þjóðaratkvæði hvort þeir vildu ganga í ESB án þess að fullbúinn samningur lægi fyrir. Bjarni Ben benti á að þeir sem vildu fá fullbúinn samning gætu þá greitt atkvæði gegn því að viðræðum yrði slitið. Árni Þór sagði að VG hefði gagnrýnt þá miðstýringu og skort á lýðræði sem einkenndi ESB. Guðmundur lagði áherslu á að Íslendingar veiddu að stórum hluta fisk sinn úr stofnum sem aðrar þjóðir sæktu ekki í og þar væri því grundvöllur fyrir sérlausn. Árni Páll taldi að sérlausnir einstakra ríkja væru algengar innan ESB. Bjarni Ben viðurkenndi að ýmsar sérlausnir fyrirfyndust innan ESB. Svíar fengu að sjúga „snus“ upp í nefið, Eistar fengu að skjóta úlfa í jaðri skóganna og Malta fékk líka smávegis sérlausn í sjávarútvegi. En engin af þessum sérlausnum snerust um stórfelld efnahagsleg hagsmunamál aðildarríkja eins og sjávarútvegurinn væri hér á Íslandi. Viðræður hefðu staðið í bráðum fjögur ár en ekki væri vitað um eina einustu undanþágu sem Íslendingum hefði verið boðin.   - RA

Athugasemdir

[Ásmundur (IP-tala skráð) 6.2.2013 kl. 15:04]

Sjálfstæðisflokkur og Framsóknarflokkur gera hvað sem er til að þóknast útgerðarmönnum. Þeir víla jafnvel ekki fyrir sér að ljúga upp í opið geðið á þjóðinni.

Stefán Haukur Jóhannesson, aðalsamningamaður Íslands við ESB:

"Hagsmunir Íslands munu ráða för..... Stefán sagði það vera á kristaltæru að aðrar þjóðir hefðu ekki veiðiréttindi við Ísland,....."

http://evropa.blog.is/blog/evropa/entry/1092640/

Graham Avery, einn af heiðursframkvæmdastjórum ESB:

"Reglan um hlutfallslegan stöðugleika tryggir stöðu íslenskra fiskveiða í  ESB-viðræðum".

http://evropa.blog.is/blog/evropa/entry/1120738/

Joe Borg fyrrum sjávarútvegsráðherra ESB:

http://www.pressan.is/pressupennar/LesaOlafArnarson/borg-blaes-a-babiljur?Pressandate=20110723

"Andstæðingar aðildar Íslands að ESB hafa haldið því stíft fram, að ekki sé um neitt að semja, þar sem aðild Íslands feli það eitt í sér, að Ísland undirgangist allar reglur ESB, sem miðist fyrst og fremst við hagsmuni stærstu þjóða sambandsins. Ekkert tillit verði tekið til hagsmuna Íslands og enginn möguleiki sé á að fá undanþágur frá neinum reglum.

Joe Borg blés á þessar bábiljur fullyrti, að ESB reyni að taka tillit til hagsmuna þeirra ríkja, sem óska eftir aðild. Malta fékk ótal undanþágur frá reglum ESB. Flestar þeirra voru tímabundnar og oft var um aðlögunartíma að ræða til að Möltu gæfist tóm til að laga sig að reglum ESB. Sumar undanþágurnar eru hins vegar varanlegar, m.a. á sviði sjávarútvegsmála." 

Eva Joley þingmaður á Evrópuþinginu:

"...þar sem þið búið ekki við grannþjóðir gætuð þið náð hagstæðum samningum um sjávarútveg ykkar..."

http://eyjan.is/2010/10/17/eva-joly-vill-ad-island-gangi-i-esb-segir-rangt-ad-esb-asaelist-audlindir-islands/

[Ásmundur (IP-tala skráð) 6.2.2013 kl. 16:31]

Nú trúi ég því að fylgið fari af rjátlast af Sjálfstæðisflokknum og Framsóknarflokknum. Landsmenn eru ekki þeir aumingjar að láta bjóða sér að oddvitar þessara flokka ljúgi svona gróflega upp í opið geðið á þeim.

Þegar við bætist að þetta eru hvorutveggja auðmenn og/eða erfingjar mikilla auðæva er ljóst að ekki er allt með felldu ef þessir flokkar fá mikið fylgi í kosningunum.

Stjórnmál snúast mikið um hvort hagur auðmanna eða almennings eigi að vera forgangsatriði hjá stjórnvöldum. Engum þarf að blandast hugur um afstöðu þessara kóna. Bjarni Ben hefur lofað því að lækka skatta auðmanna mikið komist hann til valda.

Gunnlaugur I., stjórnarmaður í Heimssýn, hjálpar til við að reita fylgið af ESB-andstæðingum. Ofstæki hans og ruddaháttur á fundi Heimssýnar með talsmönnum flokkanna í gær hefur eflaust haft öfug áhrif.

Menn vilja ekki vera í liði með ofbeldismönnum. Þetta var ótrúlega ruddalegt í ljósi þess að Árna Páli var sérstaklega boðið á fundinn. 

[Rafn Guðmundsson, 6.2.2013 kl. 17:08]

ég er viss um að 'pakkinn' verður stútfullur af góðgæti handa okkur ísl og bíð enn

[Jón Frímann Jónsson, 6.2.2013 kl. 19:29]

Það er bara ekkert að marka Sigmund Davíð eða Bjarna Ben. Báðir þessir menn eru í stjórnmálum að allt öðrum ástæðum heldur en að standa bak við hagsmuni almennings á Íslandi. Enda er maðurinn milljarðamæringur og með óhreina peninga í vasanum. Alveg eins og Bjarni Ben. Enda báðir aðilar gjörspilltir.

Þetta með að "kýkja í pakkan" er fundið upp af heimssýn. Þar á meðal Sigmundi Davíð sjálfum. Þetta er nefnilega ekki komið frá þeim sem styðja ESB aðild Íslands. Það að vitna í bullið í sjálfum sér er greinlegt merki þess að Sigmundu Davíð viti ekkert um Evrópusambandið og ég stórlega efast um það að hann hafi nokkurntíman kynnt sér það.

Íslendingar eiga að ljúka aðildarviðræðum við ESB og drífa sig að samþykkja aðildarsamninginn. Annars er ljóst að þetta getur aðeins endað með gjaldþroti á Íslandi.

[Hilmar (IP-tala skráð) 6.2.2013 kl. 21:17]

Jamm Freemann, þetta eru vitleysingar sem ætla sér að kíkja í pakkann, verð að vera sammála þér um það. En Mundi og þessi Rafn verða þér ábyggilega reiðir, enda vilja þeir kíkja í pakka sem ekki er til.

Veistu um einhver ráð til að koma þessum einfeldingum í skilning um þetta grundvallaratriði? Hvað er hægt að gera svo Mundi skilji, en verði ekki alltaf svona reiður út í okkur hin fyrir að reyna að hjálpa honum?

Þú Freemann, ert náttúrulega svolítið æðri ESB skepna, þú skilur að það er enginn pakki, en samt áttu svolítið í land. T.d. þetta með gjaldþrot Íslands vegna skorts á ESB aðild. Nú vill svo til að ESB ríkin í suðri eru í raðgjaldþrotum, þannig að ESB aðild hjálpar þeim ekki. Þú þarft bara að skilja, að ESB ríkin fara í gjaldþrot einmitt útaf ESB, alveg eins og Ísland var næstum því gjaldþrota af því að við erum svolítil ESB í gegnum EES.

Ef við hefðum verið full ESB þjóð, þá værum við örugglega gjaldþrota í dag. En sem betur fer, við höfum svolítð sjálfstæði ennþá, eigin gjaldmiðil og nokkuð staðföst 70% þjóðarinnar sem hafa meira vit á þessum málum en þú og óæðri félagar þínir.

[Valdimar Samúelsson, 6.2.2013 kl. 21:47]

Bretar hræddir um auðæfi sýn ESB vill að landgrunnur Bretlands sé þeirra.

Erum við ekki að bíða eftir loforði frá ESB með að fá að halda okkar auðæfum.

Sjá viðhengi á grein Daily Express

 í bloggi mínu http://skolli.blog.is/blog/skolli/

[Elle_, 6.2.2013 kl. 23:01]

Loforð frá Brussel eru ekki pappírsins virði og við höfum ekki eftir neinu að bíða frá þeim.  En ég veit þú vilt ekkert með ESB hafa, Valdimar.  Spurningin þín gæti samt misskilist á hinn veginn.

Jón Frímann verður bara að hugsa upp nýjar og nýjar leiðir til að hóta okkur gjaldþroti ef við trúum ekki á fáránlegar álfasögur.

[Ásthildur Cesil Þórðardóttir, 7.2.2013 kl. 00:12]

Málið er þetta eins og marg oft hefur komið fram líka frá kommisserum í ESB, það er enginn pakki til að kíkja í, einungis aðlögun að öllu regluverki ESB, menn sækja ekki um inngöngu í ESB nema til að fara inn, og þá þarf að ríkja ríkur vilji þjóðar til að fara inn.  Það er í raun ekkert sem heitir að skoða í pakkann.  Þetta er klappað í stein og kemur frá æðstu stöðum ESB.  En það má alltaf einhvernveginn láta sig dreyma um útópíu, en hún er samt ekki til í raunveruleikanum.

[Ásmundur (IP-tala skráð) 7.2.2013 kl. 08:16]

Hér er enn meira um sérlausnir og undanþágur ESB:

http://blog.pressan.is/sigurlauganna/

Þetta er meira að segja unnið fyrir Davíð Oddsson.

Þurfa ekki Bjarni Ben og sérstaklega Sigmundur Davíð að fara að hugleiða afsögn eftir að hafa orðið uppvísir að grófum lygum?

[Valdimar Samúelsson, 7.2.2013 kl. 10:42]

Já Elle. best að bóka það vil ekkert með ESB að gera. Ég var að lesa grein sem ég fékk frá vini í Bretlandi en þar er talið niður hvernig þetta ''New World eða ''One world'' byrjaði. ESB er komin lengst í þessu og Mastrict samningurinn er partur af prógramminu. Bill Cliton og auðvita Busharnir eru í þessu plotti. ÓLafur okkar er/var í þessum klúbb. Ég vissi mest af þessu ern eftir að sjá hvernig þetta var sett upp eftir áraröð þá fór maður heldur betur að svitna. Ég kem með Blogg og þessa grein  

[Valdimar Samúelsson, 7.2.2013 kl. 10:44]

Það er augljóst núna afhverju Bush dró herinn héðan en það hefir verð samkomulag um valda skipti.

[Ásmundur (IP-tala skráð) 7.2.2013 kl. 13:39]

Í DV  í gær er góð úttekt um þær undanþágur og sérlausnir sem Ísland í ESB á von á í sjávarútvegsmálum.

Þetta er mjög uppörvandi lesning fyrir aðildarsinna.

[Elle_, 7.2.2013 kl. 14:49]

Ásmundur, fullvalda ríki þarf engar kjánalegar undanþágur af náð frá Brusselveldinu til að fá að ráða hlutum sem það nú þegar ræður.