Eftirlit með skoðunum innan ESB!

Embættismenn ESB hafa nú ákveðið að fylgjast kerfisbundið og skipulega með öllum umræðum og"óæskilegum" skoðunum fólks á netinu um ESB.

Í því sambandi er nú unnið að því að þjálfa einskonar skoðanalögreglu sem geti skráð og kortlagt þessar óæskilegu skoðanir og geti líka hratt og örugglega gripið inní atburðarrásina og hindrað þannig að óæskilegar eða óheppilegar upplýsingar eða skoðanir um starfogeðli ESB geti þannig borist til fjölmiðla og mögulega skaðað þannig hugsanlega ímynd og hagsmuni ESB stjórnsýslunnar.

Sérstaka aðgát og eftirlit skal hafa með þeim landssvæðum þar sem ESB er óvinsælt og liggur undir gagnrýni. Þetta kemur fram á vefsíðu breska dagblaðisns The Daily Telegraph þann 3. febrúar s.l. í grein eftir Bruno Waterfield fréttaritara blaðsins í Brussel.

www.telegraph.co.uk/news/worldnews/europe/eu/9845442/EU-to-set-up-euro-electon-troll-patrol-to-tackle-Eurosceptic-surge.html                    

En vitnaðer í trúnaðarskjöl og áætlanir sem að blaðið hefur undir höndum, en heimildir og framkvæmd þessarar áætlunar byggir á ályktun úr trúnaðarskýrslu framkvæmdastjórnar forsætisnefndar frá í júlí 2012 sem ber vinnuheitið;

"Pólitískar leiðbeiningar um opinberar upplýsingar og upplýsingabaráttu"

Þannig ætla kommísararnir og búrókratið í Brussel að koma sem mest í veg fyrir óheppilegar umræður og óæskilegar skoðanir og vernda þannig hina "einu réttu, hreinu, sönnu og viðurkenndu skoðun"   um algera yfirburði og endalausar dásemdir ESB stjórnsýsluvaldsins.

Fyrir utan þær tugmilljónir evra sem veitt er árlega í kynningar og áróðursstarf á vegum Sambandsins þá á nú að veita 1 milljón punda til að byrja með í þessa sérstöku áróðursaðgerð.

Við hér á Íslandi þekkjum orðið þessi áróðursvinnubrögð og peningamokstur ESB valdsins. Því að þau eru nú nánast grímulaust stunduð hér um allt þjóðfélagið.

Áróðursmálaskrifstofa ESB á Íslandi hefur yfir að ráða hundruðum milljóna og beitir þeim miskunnarlaust til að útbreiða fagnaðarerindi ESB um einstaka yfirburði þessa stjórnsýsluapparats. Með vaxandi þunga og eftirlitslaust bera nú þessir erlendu aðilar og spunarokkar þeirra hérlendis fé á einstaklinga, fyrirtæki, fjölmiðlafólk og fræðimenn og þá aðra aðila sem ginnkeyptir eru til fylgilags við hinn eina sanna boðskap Brussel valdsins.

Við skulum standa í fæturnar og láta ekki ginningarfíflin villa okkursýn! GI

Athugasemdir

[Ásmundur (IP-tala skráð) 5.2.2013 kl. 15:21]

Enn bullar Vinstrivaktin.

Hér er ekki verið að koma í veg fyrir að ákveðnar skoðanir fái hljómgrunn og að sjálfsögðu er ekki um neina skoðanalögreglu að ræða enda er skoðanafrelsi í hávegum haft í ESB.

Hins vegar er talið rétt að koma í veg fyrir að rangar upplýsingar komist á slíkt flug að ekki verði hægt að leiðrétta þær. Þannig geta kjósendur tekið afstöðu á grundvelli staðreynda. Þetta framtak ESB er því með hagsmuni almennings að leiðarljósi.

Við hefðum betur haft einhvern slíkan aðila sem hefði leiðrétt bull ESB-andstæðinga sem hér hefur yfirgnæft umræðuna sem fyrir vikið hefur verið á afar lágu plani.

Ef bullið hefði verið leiðrétt af til þess bærum aðila hefði skapast grundvöllur fyrir raunverulegar umræður um kosti og galla ESB. Sú umræða er enn ekki hafin.

Bullið náði hámarki með því að krefjast þess að aðildarviðræðum yrði slitið meðan fólk er enn haldið miklum ranghugmyndum. Þannig er reynt að blekkja fólk til að samþykkja að slíta viðræðum gegn eigin hagsmunum.

ESB-andstæðingar gera iðulega engan greinarmun á skoðunum og staðreyndum. Staðreyndir eru ekki skoðanir og skoðanir geta aldrei verið lygi.

[Ásthildur Cesil Þórðardóttir, 5.2.2013 kl. 15:29]

Heyr Heyr!

[Hilmar (IP-tala skráð) 5.2.2013 kl. 16:01]

Maður hefði haldið að "lýðræðisbandalag" myndi eyða tíma og orku í að koma til móts við vaxandi andstöðu, í stað þess að eyða fé til að finna leiðir til að þagga niður í andstæðingunum.

En auðvitað er þetta náttúrulega enn ein staðfestingin á því, að Brussel er hin nýja Moskva, og sem slík á hún marga launaða áróðursmenn víðs vegar í Evrópu.

Það er svo bara orðin spurning um tíma, hvenær næstu skref verða tekin, sem er innleiðing á geðveikrahælum fyrir þá sem dirfast að efast um ágæti sæluríkisins.

Hitt er svo ágætt fyrir Íslendinga að skoða, hvernig stendur á því að ESB sinnar hafa raðast á alla fjölmiðla á Íslandi, nema Moggann. Var það skipulögð aðgerð? Var eigandi Samfylkingar, Jón Ásgeir, í boði einhvers þegar hann sölsaði undir sig megnið af fjölmiðlum á Íslandi? Eru fjölmiðlar Björn Inga á framfæri ESB? Við vitum að verulegir fjárhagslegir erfiðleikar voru við reksturinn.

Eru í umferð menn sem þvo fé fyrir ESB?

[Gunnlaugur I., 5.2.2013 kl. 17:50]

Algerlega óafvitandi þá sýnir Ásmundur nú alveg grímulaust sitt rétta ritskoðunar andlit.

Hann réttlætir ESB skoðana lögguna með því að með þessu glæfralega uppátæki "megi koma í veg fyrir að rangar hugmyndir komist á flug" eins og hann orðar það, svo pent.

Ég efast um að nokkrir af æðstu foringjum hinna illræmdu njósna og öriggissveita KGB eða STASI hefðu getað orðað þessar réttlætingar jafn snyrtilega og pent og Ásmundur segir um að stöðva svona "óæskilegar skoðanir".

[Kolbrún Hilmars, 5.2.2013 kl. 17:50]

Ásmundur er bláeygari en ég hélt.  Auðvitað stefnir ESB að skoðanaeftirliti.

Forverar þess í Evrópu hafa aldrei vanrækt þann þátt.   Allt frá Göbbel til KGP og Stasi. 

[Elle_, 5.2.2013 kl. 19:52]

Hann nefnilega lætur eins og hann sé bláeygður.  Maðurinn veit nákvæmlega hvað hann er að gera.  Hugsið ykkur að hann skuli vinna fyrir ríkisembætti, fyrir okkur. 

Hvaða ríkisembætti og stofnanir hafa ekki tekið við eða sloppið við Brussel-mútur/peninga?  Hvað fjölmiðlar fyrir utan Morgunblaðið?

[Ásmundur (IP-tala skráð) 5.2.2013 kl. 21:55]

Örvænting og heimska Gunnlaugs hefur náð nýjum hæðum.

Það er mikil örvænting fólgin í því taka setningu, breyta henni svo að merkingin gjörbreytist, og setja hana svo innan gæsalappa eins og um beina tilvitnun sé að ræða.

Og það er mikil heimska að halda að maður komist upp með slíkt á sömu síðu og upprunalega setningin er.

Færsla Vinstrivaktarinnar er ekki í samræmi við fréttina í hlekknum. Þar er hvergi  minnst á neitt sem skilja má sem skoðanalöggu eða kortlagningu á óæskilegum skoðunum.

Þó er fréttin greinilega skrifuð af andstæðingi ESB og því ber að taka henni með varúð. 

[Pétur (IP-tala skráð) 5.2.2013 kl. 22:03]

Hvort sem Ásmundur er í raun Sigurður M. Grétarsson, sem er á launalista Samfylkingarinnar eða ekki, þá skín í gegnum hans athugasemd, að hann vill ákaft að Moggabloggið verði ritskoðað, svo að aðeins "réttar" skoðanir komist í gegn.

Ég veit það, að hugsanalögregla/netritskoðun af hálfu ESB mun aldrei verða að veruleika hvorki í Bretlandi né Danmörku. Tjáningafrelsið í þessum ríkjum er óafturkræft.

[Ásmundur (IP-tala skráð) 5.2.2013 kl. 22:58]

Vænisýkin aftur komin á fullt.

Það er hvergi bannað í lýðræðisríkjum að lesa blogg og leiðrétta þegar rangt er farið með staðreyndir. Það er heldur ekki bannað að koma með mótrök gegn skoðunum annarra.

Að bendla slíkt við lögreglu, ritskoðun og skort á tjáningarfrelsi er auðvitað algjörlega galið.

Eru allir greindarskertir hérna?

[Hilmar (IP-tala skráð) 5.2.2013 kl. 23:18]

Svo einhver svari spurningunni þinni, Mundi minn, nei, það ert bara þú sem ert greindarskertur hér.

Vonandi að þetta upplýsandi svar verði þér til hjálpar í erfiðri lífsbaráttu.

[Elle_, 5.2.2013 kl. 23:48]

Ásmundur, mér finnst þú nú dálítið ranglátur, ekki að það sé neitt nýtt.  En ég var ekki fyrr búin að sleppa orðunum um að þú værir ekkert bláeygður og vissir nákvæmlega hvað þú værir að gera, þegar þú réðst á okkur og kallaðir okkur skerrt.  Hvílík geðvonska.

[Þorsteinn (IP-tala skráð) 6.2.2013 kl. 08:43]

Já, getið þið ímyndað ykkur Ísland í ESB, með besserwisser eins og Ásmund að hafa auga með okkar skoðunum, og sjá til þess að við höfum réttu skoðanirnar eins og hann.

Hryllileg tilhugsun. Nóg að hafa þennan vanvita blaðrandi á þessari vefsíðu, en hann yrði auðvitað valkostur nr.1 fyrir hugsanalöggu ESB á Íslandi.

(þ.e. ef við gerum ráð fyrir að hann sé ekki þegar á launum við þetta)

[Ásmundur (IP-tala skráð) 6.2.2013 kl. 10:10]

Enn einn sem gerir ekki greinarmun á staðreyndum og skoðunum.

Hann lítur á tjáningarfrelsi sumra sem hugsanalöggu sem eigi að sjá til þess að fólk hafi réttar skoðanir.

Eins gott að slík paranoja verði ekki það sem koma skal á Íslandi. 

[Helga Kristjánsdóttir, 6.2.2013 kl. 11:07]

Sæll, ó-vinur! Hvað vorum við nú að fjasa um síðast,? Já, Vænissýki og minnimáttarkennd. Veistu að ég fór í hnút um daginn,þú veist hvernig þessi sýki er,byrjar í hvirflinum og fer svo með ógnarhraða niður eftir hryggsúlunni og rúllar í hnút. Hvað helduru,ég setti færslu Vinstrivaktarinnar á Facebook,vinkona mín og fyrrverandi tengdadóttir Aðalheiður Birgisdóttir (Samfylkingarkona) ,setti upp vandlætingu,, að ég hægri manneskja skuli flagga VV ÚH! hvað ég skammaðist mín. Kíki í kvöld.

[Jón Frímann Jónsson, 6.2.2013 kl. 20:49]

Það sannast því sem sannast reynist. Það er hægt að ljúga hverju sem er ofan í ESB andstæðinga.

Þessi frétt er uppspuni eins og annað sem er að finna í Breskum blöðum. Hérna eru nefnd nokkur góð dæmi um slíkt rugl í ESB andstæðingum.

[Ásmundur (IP-tala skráð) 7.2.2013 kl. 10:35]

Ruglið um ESB  er víðar en á Íslandi. Sennilega er það þó hvergi meira en hér.

Ég efast um að formenn sumra helstu stjórnmálaflokkanna komist upp með grófar lygar um ESB nema hér á landi.