Ólýðræðislega aðlögun að ESB verður að stöðva

Það er fróðlegt að skoða þau skjöl sem lýsa samningsafstöðu Íslands í ýmsum málum í viðræðum við Evrópusambandið. Þar er í meginatriðum sagt að Ísland fallist á regluverk ESB eins og það liggur fyrir og að áður en af mögulegri aðild geti orðið þá muni Ísland vera búið að ljúka innleiðingu á öllu regluverki sem ekki hefur þegar verið innleitt.(Sjá m.a.:  http://www.vidraedur.is/gognin/island/samningsafstada-islands/)

Í ljósi þessa á sér nú stað umfangsmikil aðlögun að regluverki sem stór hluti íslenska stjórnkerfisins tekur þátt í á fullu. Þjóðin hefur verið blekkt. Það eru ekki samningaviðræður sem eru í gangi, heldur aðlögunarviðræður sem miða að því að búið verði að uppfylla öll helstu skilyrði ESB þegar mögulegur samningur liggur fyrir. Alþingi og stjórnkerfið eru að þröngva Íslandi inn í Evrópusambandið áður en þjóðin hefur fengið tækifæri til að taka afstöðu til þess.

Þess vegna ber að hætta þessu aðlögunarviðræðum strax.

Svo sem sjá má á nýlegum greinarskrifum utanríkisráðherra er hann hræddur við að honum muni ekki takast það ætlunarverk sitt að þröngva Íslandi inn í Evrópusambandið.

Utanríkisráðherra skrifar hverja greinina á fætur annarri þar sem hann í örvæntingu biðlar til almættisins um að viðræðurnar verði ekki stöðvaðar.

Jafnframt lætur hann að því liggja, eins og í grein í DV í dag, að Íslendingar muni halda yfirráðum sínum yfir fiskveiðiauðlindinni. Samt hefur ráðherrann í 11 ár svikist um að setja fram samningsmarkmið um þetta veigamikla mál. Undirsátar hans hafa sett fram samningsmarkmið í nokkrum veigalitlum málum, en samningsmarkmiðin eru þó oftast engin því eins og að ofan segir þá segist stjórnkerfið þar fyrir hönd íslensku þjóðarinnar fallast á regluverk ESB og lofar að innleiða þær reglur sem ekki eru þegar í íslenskum lögum.

Það verður kosið um þetta mikilvæga mál í kosningunum í vor. Stjórnarflokkarnir ætluðu að klára þetta verk á kjörtímabilinu. Það hefur mistekist.

Erfiðu kaflarnir ræddir síðast

Athugasemdir

[Ómar Bjarki Kristjánsson, 9.1.2013 kl. 13:57]

Noh, nú er pilað út stóra trompinu.

Úrsögn úr EES.

[Ásthildur Cesil Þórðardóttir, 9.1.2013 kl. 14:02]

Sammála það á að stöðva þessar viðræður strax og gefa þjóðinni kost á að kjósa um hvort viðræðum verði haldið áfram. 

[Hilmar (IP-tala skráð) 9.1.2013 kl. 14:09]

Fyrir nokkru var Vinstri vaktin að hneykslast á að umsóknin væri bjölluat í Brussel, og að ríkisstjórnin væri að eyða tíma þessa blessaða ESB til einskis.

Það liggur alveg tært og klárt fyrir, og hefur gert lengi, að ESB og ríkisstjórnin guðsvolaða, hafa verið að bíða eftir ásættanlegum byr til að keyra aðlögunina í gegn.

ESB er gerandi, ekki fórnarlamb bjölluats. Það er ESB sem dælir út mútufénu, og það er ESB sem tekur þátt í því að koma í veg fyrir, að við, fórnarlömbin, fáum endanlega og formlega staðfestingu á því, að um engar undanþágur verður að ræða.

Við þurfum því að sitja undir þeirri taktík, að gerendur dragi málin á langinn, eins lengi og þarf, meðan ríkisstjórnin skapar nægilega ásættanlegar aðstæður fyrir undirskrift aðlögunarsamninga. Sumsé, að skapa nægilega vond lífsskilyrði, nægilega mikla svartsýni og vonleysi, eða með öðrum orðum, nái að brjóta niður sjálfsvirðingu þjóðarinnar.

Það er kominn tími til þess að stöðva þetta heimilisofbeldi Steingríms og Jóhönnu.

[Elle_, 9.1.2013 kl. 14:49]

Stoppum ofbeldið, en óþarfi að kjósa um það, þar sem við vorum ekki spurð í fyrstunni.  Við ættum ekki að vera dregin einu sinni enn til að kjósa um nauðung núverandi óstjórnar, eins og ICESAVE 2+3 + stórnarskrá Jóhönnu, Eiríks og Þorvalds.

[Ásthildur Cesil Þórðardóttir, 9.1.2013 kl. 15:07]

Það væri bara til að skapa sátt Elle mín, auðvitað eiga menn enga kröfu á að þjóðin verði spurð núna, vegna þess að hún var ekki spurð í upphafi, en til að allir verði eins sáttir og verða má, þá er ég sérstaklega að hugsa um það fólk sem virkilega telur sér trú um að hér séu einhverjir samningar í gangi, að kíkja í pakka. 

[Elle_, 9.1.2013 kl. 17:01]

Nei, ég er ekki sammála þessu, Ásthildur, að við ættum að skapa neina sátt um nauðung.  Og hef aldrei verið sammála þessu, alveg sama frá hvaða sjónarhóli ég lít á það.  Ósættið sem þú talar um, verður bara að vera vandamál þeirra fáu sem í alvöru halda að verið sé að kíkja í nokkurn skapaðan hlut.  Og þó það væri verið að kíkja, kemur málinu ekki við.

Og svo er ég sammála Hilmari að ofan.  Það var löngu vitað að Brusselliðið væri að vinna með Össuri og co. við að draga landið þangað með góðu eða illu og hvað sem það kostar.  Við eigum að stoppa þennan yfirgang, bæði Brussel og stjórnarflokkanna.

[Hilmar (IP-tala skráð) 9.1.2013 kl. 17:22]

Sátt??

SÁTT????

Eru að koma kosningar?

Það þarf enga fjandans sátt við fólk sem lýgur og svíkur.

Það getur vel verið að það gangi erfiðlega að setja saman trúverðugt framboð Dögunar, með þingmönnum sem eru hlynntir aðlögun að ESB, en það er innanhúsmál Dögunar.

Aðrir hafa engan áhuga á því að mynda einhverja fjandans sátt, svo hægt sé að dekstra handónýta þingmenn inn í flokk sem skiptir bara engu einasta máli, ef hann ætlar að útvatna stærsta hagsmunamál þjóðarinnar.

Enga fjandans sátt, út með þetta ESB kjaftæði, og út með þá þingmenn sem tilbúnir eru til að svíkja sitt föðurland.

[Kolbrún Hilmars, 9.1.2013 kl. 19:12]

Ja, ég kem nú alveg af fjöllum.  Hvernig geta ESB andstæðingar myndað sátt með ESB sinnum?  Með því að ganga aðeins hálfa leið inn í ESB apparatið og vera að hálfu fyrir utan? 

Ekki gefur ESB apparatið kost á því að ég best veit!

[Jónas Kr (IP-tala skráð) 9.1.2013 kl. 19:42]

Getur Vinstri vaktin nefnt einhver lög sem hefur verið breytt vegna samningaviðræðna við ESB. Þá á ég við lög sem falla ekki undir EES samninginn.

[Ómar Bjarki Kristjánsson, 10.1.2013 kl. 00:05]

Nei þeir geta það ekki. það er ekkert aðalmálið. Aðalmálið er propaganda álíka og þegar íslenski kommúnistaflokkurinn/sósíalistaflokkurinn tók línuna frá Stalín og svo voru þeir að paufast við að rökstyðja línuna með propaganda. Mjög athyglisvert að kynna sér það. Oft á tíðum mjög skrautlegt propaganda. þ.e.a.s. það er hefð fyrir þessu í samhengi ysta vinsturs á íslandi.

[Ómar Bjarki Kristjánsson, 10.1.2013 kl. 00:29]

Hér er dæmi um hve umræðan gat orðið einkennileg í ranni ysta vinstrisins á íslandi. þarna voru þeir búnir að fá nýjustu línuna frá Moskvu. Heyrðu! þá voru þeir komnir í Bandalag með Hitler!

,,Sovétríkin gera ekkiárásarsamning; við Þýzkaland og rjúfa þar með heimsbandalag fasistaríkjanna gegn kommúnismanum."

http://timarit.is/view_page_init.jsp?issId=210859&pageId=2736475&lang=is&q=vi%F0%20%FEar%20me%F0%20fasistar%EDkjanna%20og

,,Vinstri" vakt er soldið sona.

[Helga Kristjánsdóttir, 10.1.2013 kl. 00:43]

Man nokkur eftir að Ruv. hafi kynnt það landsmönnum,að þessi pakki að kíkja í eða samningar við Esb eru alls ekki til,það var allan tímann aðildarferli. Samt tel ég að all flestir viti nú að hann er/var blekking.Er hann ekki snilli blekkinganna, hann Össur sem ég hef oft leitt getum að í ath.semdakerfum. Hvað ætli við höfum oft hrópað á hjálp, vegna þessa dæmalausu ólýðræðislegu kúgunar.Eigum við síðan að skapa sátt Ásthildur góð,til þess að lymskuleg áætlun þessarar Jóhönnustjórnar nái fram að ganga.Nei og aftur nei,það getur aldri verið annað en réttæti,að við kjósum núna.

[Ómar Bjarki Kristjánsson, 10.1.2013 kl. 00:50]

Ef þið eruð svo upptekin af að kíkja í pakkann ykkar og sjá þar aðildarferli ásamt aðlögun ýmiskonar - þá eigið þér ekki að tala um ESB samningaviðræður. þið eigið að tala um EES! það sem þið eruð að segja er að Ísland eigi að fara úr EES. þetta hefur ekkert með samningaviðræður við ESB að gera ykkar tal.

Minnir á í denn þegar kommúnistar voru að skamma Kína - að þá skömmuðu þeir Albaníu.

það getur ekki verið að nokur andstæðingur ESB sem skrifar hér á síðu sé vinstrimaður í nútímaskilningi. Ef svo er vil ég fá signal þar að lútandi.

[Valdimar Samúelsson, 10.1.2013 kl. 07:03]

Ef þetta kallast ekki nauðgun á þjóðinni hvað er þá nauðgun. Þjóðarsálin veit hvað nauðgun er en flestir þingmenn vita ekki hvað nauðgun er og stjórnvöld ekki heldur.

[Ásmundur (IP-tala skráð) 10.1.2013 kl. 09:24]

Valdimar, það væri nær að segja að andstæðingar aðildar séu að reyna að nauðga þjóðinni.

Þetta er jafnvel ein svívirðilegasta nauðgunartilraun allra tíma á íslenskri þjóð enda um að ræða árás á rétt þjóðarinnar til að ráða eigin málum.

Ákvörðun um aðildarumsókn var tekin með fullkomlega eðlilegum og löglegum hætti.

Hún var samþykkt í báðum stjórnarflokkunum og síðan á Alþingi með öruggum meirihluta atkvæða þrátt fyrir að þar höfnuðu margir þingmenn umsókn gegn eigin sannfæringu.

Þjóðaratkvæðagreiðslan fer fram þegar samningur liggur fyrir. Það er fráleitt að það hafi verið sjálfsagt að það færi einnig fram þjóðaratkvæðagreiðsla um hvort hefja skyldi þetta ferli enda eru engin fordæmi fyrir slíku.

Í Sviss var þó í þjóðaratkvæðagreiðslu ákveðið að hætta við það eftir að EES-samningurinn var kolfelldur enda þá orðið ljóst að aðild yrði felld.

Það er svívirða að láta þjóðina kjósa um eitthvað sem hún veit ekki hvað er, sérstaklega eftir linnulausar blekkingar sem rísa hæst í því að telja henni trú um að það sé ekki verið að semja um neitt.

Til marks um að hér er um sérstaklega grófa árás að ræða stendur til skv tillögunni sem liggur fyrir Alþingi að slíta viðræðunum án þess að  þjóðin greiði fyrst atkvæði um það.

Í blekkingarskyni er talað um að viðræðum skuli ekki haldið áfram nema að undangenginni þjóðaratkvæðagreiðslu án þess að neitt sé ákveðið um hana, enda er það endanlegt ef viðræðum er slitið.

Það væri óðs manns æði að slíta viðræðunum auk þess sem það mundi kosta okkur morð fjár. Það er ekki hægt að slíta þeim og taka þær upp aftur að eigin geðþótta.

[Valdimar Samúelsson, 10.1.2013 kl. 09:41]

Ásmundur viltu segja þetta aftur.: Ákvörðun um aðildarumsókn var tekin með fullkomlega eðlilegum og löglegum hætti. Viltu gera það fyrir mig eftir að þú hafir lesið stjórnarskránna þá sömu og verið er að reyna að breyta og líka að lesa Landráðakaflann í hegningalögunum. Í vinsemd viltu gera þetta.

[Valdimar Samúelsson, 10.1.2013 kl. 09:49]

Ásmundur. Komdu líka aftur með þetta sem þú skrifar.: Það er svívirða að láta þjóðina kjósa um eitthvað sem hún veit ekki hvað er, sérstaklega eftir linnulausar blekkingar sem rísa hæst í því að telja henni trú um að það sé ekki verið að semja um neitt.Ertu að segja að við þessi Íslenska þjóð sem höfum haft sjálfstæði í aðeins 60 ár að við vitum ekki hvað við viljum í sambandi við ESB sem var sama og við vissum með ESS. Börn í dag vita þetta. Viltu gera þetta fyrir mig eftir að þú lest stjórnarskránna og hegningalögin í kafla X grein 85 og áfram. Þetta er svívirða hjáþér.

[Ásmundur (IP-tala skráð) 10.1.2013 kl. 11:02]

Valdimar, ESB-aðildarumsókn er auðvitað ekki brot á stjórnarskrá enda ekki um íhlutun erlends aðila í innanríkismálu að ræða. Við ráðum algjörlega okkar för í þessu milliríkjamáli.

Við getum ekki vitað hvort við erum hlynnt samningi sem við höfum ekki séð. Það eru meira að segja líkur á að margir trúi blekkingum andstæðinga aðildar og hafni því aðild sem þeir myndu samþykkja þegar samningur liggur fyrir.

Þess vegna eru slit á viðræðum algjörlega galin hugmynd þeirra sem eru staðráðnir í þvinga fram eigin vilja með öllum tiltækum ráðum í eigin sérhagsmunagæslu gegn hagsmunum almennings.