Breskir kjósendur snúast gegn ESB-aðild

Á sama tíma og forysta ESB leggur höfuðáherslu á að auka miðstýringu innan sambandsins, nú síðast á fjármálasviði með sameiginlegu bankaeftirliti sem skrefi í átt að sameiginlegri fjármálastjórn (Fiscal union), vex andstaða við aðild í ESB-ríkjum sem ekki hafa tekið upp evru. Svíar virðast staðráðnir í standa utan við slíka yfirstjórn að ekki sé talað um Breta sem standa staðfestir gegn auknum samruna. Almenningsálitið í Bretlandi verður æ gagnrýnna á áframhaldandi aðild að ESB og þrýstingurinn á David Cameron að efna til þjóðaratkvæðagreiðslu um aðild, af eða á, fer ört vaxandi.

Stóraukið fylgi mælist nú við Breska sjálfstæðisflokkinn UKIP (UK Independence Party) sem virðist í góðri leið með að verða þriðja stærsta aflið í breskum stjórmálum ef marka má skoðanakannanir og úrslit í aukakosningum á síðustu vikum. Flokkurinn sem hefur að meginmarkmiði úrsögn Bretlands úr ESB var stofnaður 1993 í andstöðu við Maastricht-sáttmálann. Hann á nú þrettán fulltrúa á Evrópuþinginu í Strassburg og fékk 16,5% atkvæða í þeim kosningum 2009. Almenn stefna hans er af andstæðingum sögð hægri sinnuð og pópúlísk, en flokkurinn boðar m.a. aukið beint lýðræði að svissneskri fyrirmynd.

Vikuritið Economist, sem almennt er hallt undir ESB-málstaðinn, fjallaði í liðinni viku í leiðara og sérstakri úttekt um breytinguna á afstöðu Breta til ESB undir fyrirsögninni „Goodbye Europe". Telur ritstjórnin að æ erfiðara verði fyrir David Cameron að standast  þrýsting úr eigin flokki gegn þjóðaratkvæðagreiðslu um aðild að sambandinu. Sjálfur vilji hann helst halda Bretum áfram innan ESB en skilyrði fyrir því sé að dregið verði úr völdum Brussel-stjórnarinnar, andstætt við það sem er að gerast í reynd.

En breskir íhaldsmenn eru ekki þeir einu sem gerast ókyrrir vegna breytts almenningsálits heima fyrir. Einnig innan Verkamannaflokksins sækja andstöðuöfl við ESB-aðild í sig veðrið. Þannig lögðust breskir krataþingmenn á sveif með gagnrýnum íhaldsmönnum sl. haust við afgreiðslu á fjárlagafrumvarpi ESB og náðu sameiginlega að knýja fram breytingu til lækkunar. Þessi staða eykur enn þrýsting á breska forsætisráðherrann að efna til þjóðaratkvæðagreiðslu um ESB-aðild.

Að sama skapi færast í aukana bollaleggingar um aðra kosti en beina aðild í samskiptum við ESB. Sumir nefna í því sambandi að Bretar gætu sóst eftir aðild að Evrópska efnahagssvæðinu, en þegar andstæðingum aðildar verður ljóst hvernig EES virkar með skylduáritun á tilskipanir frá Brussel, gerast þeir fráhverfir. Samningur Svisslendinga við ESB kemur einnig inn í þessa umræðu og jafnvel að hverfa eigi að nýju að EFTA-aðild, sem Bretar sögðu sig frá 1973 um leið og þeir gengu í ESB.

Í ESB takast þannig á afar ólík sjónarmið nú þegar harðnað hefur á dalnum hjá sambandinu vegna skuldakreppunnar, sem ekkert lát er á. Jólaglaðningurinn frá hagfræðingum Evrópska seðlabankans er ekki beint uppörvandi þessa dagana. Samdráttur í vergri þjóðarframleiðslu á ESB-svæðinu ætlar að reynast 0,5% á árinu 2012 og stefnir áfram niður á við á því næsta.

HG

 

Athugasemdir

[Ómar Bjarki Kristjánsson, 16.12.2012 kl. 13:33]

Var ekki einhver bullgrein hérna á svokallaðri ,,vinstri-vakt gegn eu" bara fyrir stuttu þar sem það var útlistað hve óskaplega slæmt væri að EU næði ekki samkomulagi um sameiginlegt bankaeftirlit? Jú, það var það. Einhver bullgrein.

Svo þegar samkomulag næst náttúrulega sem vonlegt var - þá er hent upp bullgrein þar sem það er orðið alveg óskaplegt að það skuli hafa nást samkomulag!

Er soldið dæmigert fyrir Faxtækja-sinna, að það er alveg sama ef EU kemur við sögu hvort það er út eða fram, ofan eða neðan - það er alltaf = Vont. Sem kristalskýrt dæmi um það er að það er alveg sama hvort Evran veikist eða styrkist að upp koma bullgreinar frá Fax-sinnum um hva allt sé óskaplega vont.

Maður þarf eiginlega að vera fábjáni til að taka nokkurt mark á skrifum svokallaðrar ,,vinstri-vaktar gegn EU". Sem virðist og vera raunin.

[palli (IP-tala skráð) 16.12.2012 kl. 13:54]

Já Ramó, málið er að nota ný orð, eins og faxtækja-sinnar. Það virkar örugglega, og auðvitað að endurtaka þau aftur og aftur og aftur.

Það er málið!! Akkúrat það sem vantaði í þetta hjá þér!!

Nú sjá allir að þú ert sko að tala af viti eftir allt saman!

Án gríns, Ramó, þá þyrftirðu helst að kíkja í greindarvísitölupróf. Þú þarft að sjá það á svart og hvítu að þú átt ekkert erindi í rökræður. Þú skilur ekki einu sinni orðið.

Hættu nú að gera þig að fífli, greyið mitt. Það er pínlegt að horfa upp á þetta, og þú ert ekki að gera þínum málstað neinn greiða með því að tjá þig. Þú heldur það bara, en það er ekki svo. Treystu mér.

[palli (IP-tala skráð) 16.12.2012 kl. 13:56]

Já og hér er breska heimildarmyndin The Real Face of the E.U., þar sem kemur fram m.a. Nigel Farage, formaður UKIP og algjör snillingur:

http://www.youtube.com/watch?v=mPEdUUuycTo

[Rafn Guðmundsson, 16.12.2012 kl. 17:10]

ég er sammála þér Ómar - er ekki eini tilgangur með þessari síðu að koma í veg fyrir að íslenskur almenningur geti tekið upplýsta ákvörðum um inngöngu í ESB. hvaða verkfæri eru notuð (hræðsla/bull ...) skiptir ekki máli

[Ásmundur (IP-tala skráð) 16.12.2012 kl. 17:16]

David Cameron hefur útskýrt fyrir Bretum að með úrsögn úr ESB yrði Bretland EES-land og myndi við það verða stjórnað að miklu leyti með tilskipunum frá Brüssel.

Þegar þessar staðreyndir komast til skila mun áhugi almennings á úrsögn úr ESB dvína. Öfugt við marga Íslendinga hlusta Bretar á rök þeirra sem vit hafa á málum.

Var ekki Vinstrivaktin annars að upplýsa okkur nýlega um að það væri ekki hægt að segja sig úr ESB? Hún ætti endilega að láta Breta vita.

Áhugi Breta á að segja sig úr ESB á sér sálfræðilegar skýringar enda ganga þeir með þessum hætti gegn eigin hagsmunum. Sem fyrrum heimsveldi eiga Bretar erfitt með að vera í ESB án þess að ráða þar öllu.

Þeim er sérstaklega uppsigað við evru sem veikir þeirra eigin gjaldmiðil.

[Ásmundur (IP-tala skráð) 16.12.2012 kl. 22:12]

Hugsmiðja hægri sinnaðra efasemdarmanna um evru viðurkenna að það þjóni ekki hagsmunum Breta að segja sig úr ESB:

http://www.euractiv.com/future-eu/eurosceptics-admit-eu-membership-news-513238

Tillaga um að efna til þjóðaratkvæðagreiðslu um úrsögn Bretlands úr ESB var kolfelld með 483 atkvæðum gegn 111 á breska þinginu fyrir nokkrum vikum.

Þessi draumur Vinstrivaktarinnar virðist því ansi fjarlægur.

[Hrólfur Þ Hraundal, 16.12.2012 kl. 22:19]

Það er slæmt að þú skulir ekki finna heilsusamlegra lesmál heldur en þessa síðu Ómar Bjarki. 

En það verður ekki öðrum um kennt en þér sjálfum og á andlegri heilsu Rafs berð þú svo ábyrgð þar til vitlausra spítalinn handa háskólanum rís þarna í hlíðinni við Vatnsmýrina.

Ásmundur hin trúaði á mál David Camerons má trúa hverju sem hann vill, enda er hér trúfrelsi.  Rétt er það og hjá Ásmundi að það getur kostað fórnir að brjóta af sér fjötra.    

 

[Rafn Guðmundsson, 17.12.2012 kl. 00:08]

alltaf gaman að fá svona málefnalega athugsemdir Hrólfur - halltu áfram góðu verki

[Ásmundur (IP-tala skráð) 17.12.2012 kl. 07:47]

Elle og Hilmari hefur bæst "góður" liðsmaður. Eins og þau forðast Hrólfur alla málefnalega umræðu enda ljóst að rök hníga að ESB-aðild Íslands. Ein á báti, með ónýtan gjaldmiðil í höftum og gífurlegar skuldir á slæmum kjörum, eru okkur allar bjargir bannaðar.

Að sjálfsögðu hefur Cameron og norska sérfræðinganefndin rétt fyrir sér. Það liggur í augum uppi að því fylgir fullveldisafsal að taka við tilskipunum frá Brussel án þess að hafa neitt um þær að segja í stað þess að taka fullan þátt í ákvörðununum með hinum ESB-þjóðunum.

[palli (IP-tala skráð) 17.12.2012 kl. 09:58]

Og þú heldur að þessi dellu-áróður í þér, Jón Ásmundur Frímann, fari allt í einu að virka núna, vegna þess að ......  ???

Ykkur ESBsinnum er ekki viðbjargandi. Hvernig er hægt að vera svona veruleikafirrtur?

Það er bara fyndið að fylgjast með ykkur haldandi í síðustu hálmstráin um leið og þið lýsið þig aftur og aftur yfir hvað þið hafið svo mikið rétt fyrir ykkur.

Ennþá fyndnara eru allar þessar lygar sem þegar hefur verið upplýstar, en ekki eins og að það stoppi möntrugrautinn.

Það ætti að senda alla ESBsinna í viðtöl hjá geðlæknum. Það er ekki í lagi með þetta lið.

[Elle_, 17.12.2012 kl. 17:58]

Vorum við Hilmar nokkuð að skrifa að ofan?  Ætti það að kallast heiður fyrir okkur að Ási litli, aldarinnar stórskáld, skrifar um dáðir okkar og dyggðir þó við séum hvergi nærri?  Var annars nokkuð rangt við það sem Hrólfur sagði?  Það lítur ekki út fyrir það.