Friðarverðlaun Nóbels dregin úr Coco Puffs pakka í Osló

Sjaldan eða aldrei hefur veiting friðarverðlauna Nóbels vakið meiri hneykslan, reiði og fordæmingu en nú. En friðarverðlaun Nóbels voru í gær 10. desember afhent af Norsku Nóbelsnefndinni, þremur af helstu toppfígúrum ESB.  

 

Veitingin vakti ekki aðeins hörð viðbrögð í Noregi, heldur mjög víða um heim. Fjórir núlifandi handhafar friðar- nóbelsverðlaunanna með Desmond Tutu bikup í broddi fylkingar hafa mótmælt þessu harðlega, ásamt mótmælum fjölda annarra virtra friðar- og mannréttindasamtaka svo sem alþjóða samtakanna Amnesty International. 

 

Þessir aðilar telja að ESB stjórnsýsluráðið sé engan vegin verðugt þessara verðlauna og að veiting verðlaunanna til ESB sé skandall sem standist ekki lög né reglur, um veitingu þessara verðlauna. 

Hörð mótmæli hafa líka verið í Noregi gegn þessari ákvörðun og hefur mótmælum ringt yfir Norsku Nóbelsnefndina undanfarið frá fjölda einstaklinga og fjölmennra félagasamtaka. Mótmælagöngur voru farnar í Osló um helgina til þess að mótmæla þessari hneysu.  

Norska Nóbelsnefndin er skipuð sex eðalfulltrúum hinnar sannkölluðu Norsku valdalítu þ.e. sérvöldum toppfígúrum fræðaelítunnar og svo fulltrúum Norsks atvinnu- efnahags- og stjórnmálalífs. Formaður nefndarinnar er enginn annar en sjálf silkihúfan Thornbjörn Jagland fyrrverandi forsætisráðherra og formaður Norskra krata til margra ára. 

Margar skoðanakannanir í Noregi hafa sýnt að mikill meirhluti Norsku þjóðarinnar er þessu algerlega andsnúinn og telur að Norska Nóbelsnefndinni hafi með þessu sett verulega niður og misbeit sér í grófum pólitískum tilgangi til þess að upphefja ESB og lofsyngja einbeittan ásetning þeirra til að búa til "The United States of Europe" Margir telja þetta beinlínis hlægilegt og hjákátlegt dekur og að þarna sé Norska Nóbelsnefndin og valdaelítan að hefna sín á Norsku þjóðinni sem hefur alls engan áhuga á ESB aðild og hefur í tvígang hafnað ESB aðild þvert á forsögn og einbeittan vilja þessarar valdaelítu, sem orðið hefur ítrekað að lúta í lægra haldi. 

Þó svo að ESB sinnar í Noregi hafi fyrir löngu játað sig þar sigraða með lafandi skottið á milli lappana, þá telja þeir samt eftir alla niðurlæginguna, að þessi óverðskuldaða medalía sé smá smyrsl á þau söltu sár. 

Eftir stöðugar ófarir ESB trúboðsins hér á Íslandi þá grípa ESB sinnar nú þessar fréttir frá Osló á lofti um það hvaða kanínur voru dregnar upp úr Coco Puffs pakkanum þar, til þess að þétta þunnskipaðar raðirnar og halda skipulögðu undanhaldinu enn um sinn eitthvað áfram.

G.I.

Athugasemdir

[Ómar Bjarki Kristjánsson, 11.12.2012 kl. 16:59]

EU og allir þeir er unna samstarfi ríkja á friðargrundvelli fengu þessi verðlaun. Evrópskur almenningur fékk þessi verðlaun beisikklí.

,,Vinstri-vakt gegn ESB" og heimsýnar slektið fengu eigi þessi verðlaun enda eru þu uppfull af kjánaþjóðrembingi og vilja ófrið manna í millum og í þeim friðarspillandi tilgangi styðja og framkvæma nendir aðilar munnbrúk gagnvart öllu því sem erlent er.

þýðir ekkert fyrir ykkur að fara í fýlu þó þið hafið ekki fengið friðarverðlaun Nóbels. Bara ykkur að kenna. Við hin, allur meginþorri evrópsks almennings erum bara sátt.

[Kolbrún Hilmars, 11.12.2012 kl. 17:49]

Ómar, þú ert "nottla" upptekinn í þinni sveit og veist ekkert um mótmælagöngurnar í Noregi? 

Meginþorri evróps almennings - og þú, eruð bara sátt? En sætt.

Voruð þið samt ekki eitthvað að nöldra síðast, þegur Obama fékk friðarverðlaunin? 

[Kolbrún Hilmars, 11.12.2012 kl. 18:10]

PS.  Verði þér að ósk þinni Ómar, þá máttu strax byrja að æfa þig í tungumálunum.  T.d. í staðinn fyrir beisikklí þarfu að segja "Zum Grundsatz".

Það er ekki vel séð að tala "ammrísku" í ESB...

[Ásthildur Cesil Þórðardóttir, 11.12.2012 kl. 21:30]

Var að hlusta á fréttir hér í Danmörku í gæt og gat ekki betur séð en hér væru mótmæli gegn þessari friðarverðlaunamóttöku.  Það á einfaldlega að leggja þessa friðarverðlaunanefnd niður, hún er ekki starfi sínu vaxinn.

[Ásmundur (IP-tala skráð) 11.12.2012 kl. 22:09]

Það er ekki nema að vonum að það veki gremju hjá Vinstrivaktinni að ESB hljóti friðarverðlaun Nóbels enda vinnur það gegn þeirra eigin áróðri um ESB sem grýlu.

Ef Vinstrivaktin hefur haft einhvern trúverðugleika varð hann nú að engu. Viðurkenningin kemur meira að segja frá landi sem vill ekki ganga í ESB en hefur samt greinilega miklar mætur á því.

Íslenskir andstæðingar ESB-aðildar verða hins vegar að búa til grýlu því að rökin eru engin. Á Íslandi er útilokað að hafa mætur á ESB og ganga ekki í það. Það væri hreint glapræði eins og hér horfir. 

Það eru auðvitað alltaf skiptar skoðanir á því hver eigi að hljóta þessi verðlaun. Óánægjan hefur oft verið mun meiri en núna. Rök andstæðinganna eru heldur ekki upp á marga fiska.

Þeir telja það út í hött að veita ESB slík verðlaun vegna niðurskurðar í ríkjum Suðurevrópu og vegna þess að ESB beri ábyrgð á ástandinu þar.

Að sjálfsögðu var niðurskurður nauðsynlegur enda undirgengjust þessi ríki hann sjálfsviljug. Þau kenna heldur ekki ESB og evru um ófarir sínar heldir taka fulla ábyrgð á þeim sjálf.

Það hentar hins vegar áróðri sumra að halda öðru fram.

[Halldór Egill Guðnason, 11.12.2012 kl. 23:39]

"Nóbellinn" er dauður. Marklaus, ótrúverðug evrópukratadella, verðlaus og algerlega út úr öllum kortum, eftir þessa útnefningu. Það, að Ómar og Ásmundur taki verðlaunin sem sín, með þessari útnefningu, er sennilega annað hvort brandari tveggja húmorista, sem nærast á því að æsa aðra á blogginu, eða dæmi um hve hægt er að heilaþvo illa upplýst fólk, með smá "sporslum".

Góðar stundir.

[Ásmundur (IP-tala skráð) 12.12.2012 kl. 00:12]

Gaman að fylgjast með því hvernig ESB-andstæðingar í afneitun bregðast við fréttum af friðarverðlaunaafhendingu Nóbels til ESB. Þessi verðlaun rústuðu algjörlega málstað andstæðinganna.

Að hætta í ESB og sitja uppi með EES-samning er að fara úr öskunni í eldinn enda fylgir því fullveldisafsal. Þetta gerir David Cameron, forsætrisráðherra Breta, sér fulla grein fyrir.

Úrsögn Bretlands úr ESB kemur því ekki til greina af hans hálfu.

http://www.dailymail.co.uk/news/article-2246192/We-risk-like-Norway-quit-EU-says-Cameron--PM-warns-Britain-unable-influence-laws.html

[Ólafur Björn Ólafsson, 12.12.2012 kl. 00:28]

Þau orð sem Ásmundur viðhefur "Að hætta í ESB og sitja uppi með EES-samning er að fara úr öskunni í eldinn enda fylgir því fullveldisafsal"

hljóma eins og að ef maður gerir samning við klúbb, þá missi maður æruna en ef maður gengur í klúbbinn fái maður hana aftur...

Einstefnusýn, rörsýn, og fleiri slík orð er hægt að nota yfir þessa kjána sem vilja í ESB. Meira þarf ekki að segja um þá.

Kaldi

[Ásmundur (IP-tala skráð) 12.12.2012 kl. 08:40]

"ef maður gerir samning við klúbb, þá missi maður æruna en ef maður gengur í klúbbinn fái maður hana aftur.."

Þetta er rökleysa vegna þess að í henni felst ranglega að samningurinn sé verri en enginn samningur. Samningurinn er betri en enginn samningur en það er best að ganga í klúbbinn.

Þessa ályktun má draga af því mati Camerons að það sé slæm skipti og fullveldismissir að segja sig úr klúbbnum og sitja uppi með að fá tilskipanir frá Brüssel án þess að hafa haft neitt um þær að segja. 　

Hér er um efnahagslega velsæld og framtíð komandi kynslóða að tefla. Slíku fórnar maður ekki á altari þjóðrembu.　

[Hilmar (IP-tala skráð) 12.12.2012 kl. 09:51]

Ómar minn, þú mátt taka öll þín alternikk, og flytja til fyrirheitnu Búlgaríunnar þinnar. Það er eina leiðin fyrir þig til að fá ESB. 75% þjóðarinnar er ekkert á leiðinni inn, hvorki á næsta ári, því næsta eða einhver önnur ár. Meirihlutinn hefur talað, þó svo að lítill minnihlutahópur lítt greindra krata reyni að koma í veg fyrir að hann tjái sig.

Ég hef heyrt að það sé enn hægt að gera góð kaup í Búlgaríu og Rúmeníu, á ösnum til að draga fjöldskylduvagninn.

Blessaður notaðu tækifærið, og skelltu þér á einn, eða tvo, svona áður en ESB fólkið þarf að slátra þeim og éta, til að lifa af.

[Bjarne Örn Hansen (IP-tala skráð) 12.12.2012 kl. 09:52]

Þetta er náttúrulega álíka fáránlegt, eins og að gefa Óbama friðarverðlaun.

Það má segja, að friðarverðlaunin séu veitt í þeim skilningi.  Að Óbama, og aðrir leiðtogar Evrópu, hafi tekið það frumkvæði að myrða óvinina, svo að án óvina, sé hægt að hafa frið.

Það er fyrir þetta, sem "elítan" í Skandinavíu, gaf friðarverðlaunin.  Sem eru í sjálfu sér, afar skörp sögn um það, hvaða "hugarfar" þar ríkir.