Sex falsrök þeirra sem heimta áframhaldandi viðræður

Undanfarin þrjú ár hafa viðhorfskannanir sýnt yfirgnæfandi og vaxandi andstöðu við aðild að ESB. Æ fleiri telja óverjandi með öllu að aðildarviðræðum sé haldið áfram og benda á að rökin sem höfð eru uppi til stuðnings áframhaldandi viðræðum séu yfirborðsleg og fráleit.

Um leið og Vinstrivaktin færir Frosta Sigurjónssyni árnaðaróskir með það nýja hlutverk sem hann hefur tekið að sér, þ.e. að leiða lista Framsóknarflokksins í Reykjavíkurkjördæmi norður í komandi þingkosningum, birtum við hér stuttan pistil sem hann skrifaði nýlega um nokkur helstu falsrökin sem aðildarsinnar veifa:

„1) Að-kíkja-í-pakkann röksemdin

Sumir vilja kíkja í pakkann og sjá hvað er í boði. Vonin virðist sú að í pakkanum leynist undanþágur sem dugi til að snúa landsmönnum til aðildar. Ekki er þó gefið að andstaða við aðild sé sprottin af vöntun á undanþágum. Líklegra er að andstaða við aðild vaxi af því að fólk hefur kynnt sér ESB. Það er allavega orðið ljóst að ESB-aðild veitti aðildarríkjum lítið skjól fyrir efnahagskreppunni. Evruvandinn er óleystur og ESB beitir aðildarríki sem glíma við efnahagsvanda hörðu. Fólk skilur að það er ekkert nema ESB sem er í pakkanum.

2) Lýðræðisrökin

Sagt er í réttlætingartón að ekki megi svipta landsmenn réttinum til að kjósa um aðildarsamning. En var ekki þjóðin svipt rétti til að svara því hvort hún vildi aðild að ESB? Er lýðræðislegt að minnihlutinn geti hafið aðildarferli gegn vilja meirihlutans?

3) Það verður að ljúka verkinu

Almennt er góð venja að klára þau verkefni sem maður byrjar á. En það þýðir samt ekki að röng eða tilgangslaus verkefni skuli klára, bara af því að þau eru í gangi. Umsóknin fór af stað við afar undarlegar aðstæður og á forsendum sem eru löngu brostnar. Þjóðin, og eflaust þingheimur, var í áfalli eftir hrun. Hraðferð inn í ESB á 18 mánuðum var kynnt sem heildarausn á þeim vandamálum sem þjóðin glímdi við. Nú, þremur árum síðar, glímir ESB við mun stærri vandamál en Ísland. Aðild er greinilega ekki sú lausn sem menn héldu.

4) Tekur því ekki að hætta núna

Íslensk stjórnvöld og stækkunarstjórar ESB fagna því reglulega hve vel hefur gengið í viðræðunum. En hvernig getur það passað ef viðræðurnar eru búnar að taka tvöfalt lengri tíma en reiknað var með í upphafi og enn ekki byrjað að takast á um erfiðu kaflana? Samningur er því ekki í sjónmáli og engin mörk á því hvað viðræður geta dregist í mörg ár.

5) Megum ekki útiloka evruaðild

Utanríkisráðherra óttast að verði viðræðum slitið þá sé möguleika á evruaðild fórnað. Skýrslu Seðlabankans um kosti í gjaldmiðlamálum má samt túlka á þann veg að evran sé litlu betri en krónan. Auk þess sé evruaðild útilokuð fyrr en eftir allmörg ár. Við bætist að erfitt er að spá hvort myntbandalagið lifi næstu tíu ár.

6) Fáum málið út úr heiminum

Jafnvel yfirlýstir andstæðingar aðildar hafa fallið fyrir þessum rökum. Næsta víst sé að þjóðin muni segja stórt nei við aðildarsamningi. Aðildarsinnar muni þá láta málið niður falla næstu árin. Þetta er óskhyggja. Norðmenn höfnuðu aðild í tvígang í þjóðaratkvæðagreiðslu og aldrei létu norskir aðildarsinnar segjast. Þeir eru enn að.

Þótt rök viðræðusinna fyrir áframhaldandi viðræðum séu fjölbreytt þá standast þau ekki skoðun. Það er löngu orðið tímabært að Alþingi stöðvi aðildarferlið, enda væri það heiðarlegast gagnvart ESB."

Athugasemdir

[Ásthildur Cesil Þórðardóttir, 2.12.2012 kl. 12:53]

Algjörlega frábær greining og ég tek undir hvert orð.  Gott að fá þetta svona í réttum búningi.

[Valdimar Samúelsson, 2.12.2012 kl. 13:21]

Menn verða að vara sig á ESB en þeir geta alltíeinu ákveðið að taka ísland inn vegna séraðstæðna þeim í hag. Geri þeir það þá fara sjálfvirkt um 6 áheyrnarfulltrúar á þing þeirra og við erum partur af ESB og þeirra umráðasvæði þangað til að þjóðarkosningar eru afstaðnar. Hvað þeir geta gert á þeim tíma er svo spurning. Við munum öll þegar heilt olíufélag var keypt af viðskiptafrömuði sem borgað andvirðið með pening olíufélagsins. Þetta er það sem ESB er að bíða eftir já réttu tækifæri til að segja: Já Ísland.  

[Björn Emilsson, 2.12.2012 kl. 15:55]

Líta verður alvarlegum augum á stöðu aðildar í dag. Jóhönnu stjórnin hefur meirihluta á Alþingi með dyggum stuðningi Vinsri Grænna og nú Betri Framtíðar.

[Ásmundur (IP-tala skráð) 2.12.2012 kl. 18:25]

Göran Person nefndi í sjónvarpsviðtali við Boga Ágústsson nýlega að samstaða þjóðarinnar væri nauðsynleg ef sá árangur sem náðst hefur í að endurreisa efnahagslífið eftir hrun eigi ekki að glutrast niður.

Það er varla hægt að hugsa sé meiri skort á vilja til samstöðu en að virða ekki meiruhlutasamþykkt Alþingis um að þjóðin fái að kjósa um aðild þegar ljóst verður með samningum hvað er í boði.

Auk þess er það afar heimskulegt að greiða atkvæði um hvort sækja eigi um aðild. Ef þjóðin segir nei er hún búin að hafna aðild án þess að vita hvað í henni felst.

Það er algjörlega galið að hætta ferlinu í miðjum klíðum. Umsóknarferlið tekur mörg ár. Fyrirfram var fyrirséð að fylgið myndi sveiflast á milli minnihluta og meirihluta áður en samningur liggur fyrir. Það er því verið að kasta burtu stórfé og mikilli vinnu að hefja aðildarferli upp á annað en að ljúka því.

Engin aðildarþjóðanna hefur ástundað slík vinnubrögð. Ef þær hefðu gert það hefðu fæstar þeirra nokkurn tímann gengið í ESB. Þessi sjúklega þráhyggja er eitt einkenni slæmrar geðheilsu þjóðarinnar sem er okkar mesta áhyggjuefni eftir hrun.

Andstaða við að leyfa þjóðinni að kjósa um aðild þegar hún hefur upplýsingar til þess er tilræði við lýðræðið.

Augljóslega er verið er að reyna að koma í veg fyrir að þjóðin fái að vita hvað er í boði áður en hún tekur afstöðu vegna þess að þá gæti hún samþykkt aðild. Annars myndu menn bíða rólegir eftir úrslitum atkvæðagreiðslunnar.

[Gunnar Heiðarsson, 2.12.2012 kl. 18:53]

Það er við hæfi að Ásmundur taki Göran Person sér til fyrirmyndar, aflóga sænskann krata sem tókst með falsrökum að koma Svíþjóð í EB, en mistókst síðan í tvígang að koma evrunni yfir þjóð sína, einkum vegna þess að Svíar eru ekki mikið fyrir að láta plata sig, að minnsta kosti ekki oft í sama máli.

Með falsrökum, einkum þeim að Evrópubandalagið yrði aldrei að Evrópusambandi, tókst honum að plata þjóð sína til inngöngu, vitandi að grundvallarbreyting væri yfirvofandi á bandalaginu yfir í samband.

Tvisvar kusu Svíar um aðild að evrusamstarfinu og felldu. Þeir þakka sínum sæla nú.

Göran Person er ekki hátt metinn í Svíþjóð, eftir svik sín við þjóðina, nema auðvitað hjá bláeygðum krötum. Hann verður því að ferðast um heiminn og miðla "visku" sinni meðal þjóða sem ekki þekkja hans innræti. Þetta hafa kommisarar í Brussel áttað sig á og nýta því mannin í þeim tilgangi að boða fagnaðarerindi ESB. Væntanlega halda þeir einhverju kjötbeini að honum til þess.

En í Svíþjóð getur þessi maður ekki haldið fyrirlestra, nema kannski innan innsta kjarna krata.

[Pétur (IP-tala skráð) 2.12.2012 kl. 19:39]

"Engin aðildarþjóðanna hefur ástundað slík vinnubrögð. Ef þær hefðu gert það hefðu fæstar þeirra nokkurn tímann gengið í ESB." Einmitt. Ef þjóðirnar hefðu fengið allar upplýsingar um ESB, þá hefðu fæstar gengið í sambandið, þá hefði skynsemin ráðið. Mörg ríki voru ekki hrifin af að missa sjálfstæði sitt, né af afskioptasemi ESB í innanríkismál þeirra, en hafa verið blekkt með gylliboðum til inngöngu í sambandsríki þar sem útgönguleiðir eru læstar. Hins vegar eru Þjóðverjar himinlifandi, því að þeir hafa töglin og hagldirnar enn á ný. En aðrar evrópskar þjóðir höfðu ekki góða reynslu af yfirráðum þeirra á 20. öldinni, eins og menn rámar í.

Tökum t.d. Danmörku, sem gekki í EBE árið 1972. Um helmingur Dana voru alfarið andsnúnir ESB og Maastricht-sáttmálanum, þótt meirihluti hafi verið hlynntir EBE, sem var viðskiptabandalag. Ólíkt ESB, sem er sambandsríki. En það er ógerningur að segja sig úr sambandinu af ýmsum ástæðum. Meirihluti Dana sem hafa hafnað evrunni tvisvar, prísa sig nú sæla yfir því að tekizt hefði að hafa vit fyrir landráðaliðinu (samrunasinnunum).

Ef Ísland hefði verið meðlimur að ESB og með evru, þá væri það í dag komið hraðbyri til helvítis eins og Grikkland. Enda þótt íslenzkir alþingismenn og embættismenn séu duglausir og spilltir, þá er það engin afsökun fyrir því að þjóðin afsali sér sjálfstæði sínu. Eins og fyrr er getið, þá er ekkert í pakkanum nema Lissabonsáttmálinn, CFP og CAP. Fiskveiðistjórnin fer við aðild alfarið úr höndum íslenzka atvinnuvegaráðuneytisins og í hendur franmkvæmdastjórnarinnar í Bruxelles. Þetta veit ESB-sinninn Steingrímur J., en hann er of mikil gunga til að viðurkenna það.

Það eina skynsemilega er að stöðva aðlögunina og kalla "samninga"nefndina heim.

[Ásmundur (IP-tala skráð) 2.12.2012 kl. 21:07]

Pétur, þetta er ótrúlegt bull hjá þér. Geturðu ekki betur? Þú virðist ekkert botna í ummælum mínum. Ertu virkilega á því að ESB-þjóðirnar hefðu fengið allar upplýsingarnar með því að slíta viðræðunum?　

Ef Íslendingar kunna ekki fótum sínum betur forráð en svo að við værum á leið til helvítis eins og Grikkir ef við værum í ESB þá er svo sannarlega ástæða fyrir Ísland að ganga í ESB.

Grikkir kenna sjálfum sér um ástandið. Það gera Spánverjar líka sbr ummæli prófessors Elviru í Silfri Egils í dag. Mikill meirihluti þessara þjóða vill vera áfram í ESB með evru. Það er þeirra eina von.

Helvíti er hins vegar raunhæf örlög fyrir Ísland eitt á báti í svo mikilli upplausn að meirihlutasamþykktir Alþingis eru ekki einu sinni virtar.

Án bandamanna með ónýtan gjaldmiðil sem er ýmist með míglek gjaldeyrishöft eða er auðveld bráð til skortsölu fyrir vogunarsjóði nægir ekki að sýna aðgætni til hins ýtrasta. Spurningin er bara hvenær allt hrynur til grunna. Við sleppum ekki jafnbillega næst og 2008.

Allar ESB-þjóðirnar eru sjálfstæðar fullvalda þjóðir með samvinnu á jafnréttisgrundvelli á takmörkuðu sviði öllum þjóðunum til hagsbóta. Þetta er ákvörðun þeirra sjálfra og í henni felst ekkert fullveldisafsal.

Fullveldismissir er það þegar ein þjóð tekur yfir fullveldi annarrar þjóðar. ESB-aðild á ekkert skylt við slíkt. Það má segja að aðrar ESB-þjóðir muni deila fullveldinu með okkur á þessu sviði og að við munum deila fullveldi þeirra með þeim.

Hálfvitahátturinn í málflutningi ESB-andstæðinga er með algjörum ólíkindum.　Bendir það ekki til þess að málstaðurinn sé afar veikur? Fullyrðingar um að um ekkert sé að semja þrátt fyrir sannanir um annað er aðeins hluti af þessu ótrúlega bulli.　

[Ásmundur (IP-tala skráð) 2.12.2012 kl. 21:17]

Gunnar, hvað tilgangi þjónar þessi rógherferð þín gegn Göran Persson?

Væri ekki nær að taka afstöðu til ummæla hans sem ég vitnaði í. Ertu ósammála því að samstaða sé mikilvæg til að glutra ekki niður því sem hefur áunnist í að reisa við efnahagslífið eftir hrun.

Fyrir utan þessa einu tilvitnun í Göran Persson var hann ekki til umræðu í athughasemd minni. 

[Ásthildur Cesil Þórðardóttir, 2.12.2012 kl. 21:51]

Ein hvernveginn er svo komið í dag að ég fletti yfir þennan Ásmund, mér finnst hann bara engan vegin svaraverður, þannig er það bara

[Rafn Guðmundsson, 2.12.2012 kl. 23:38]

hmm - mér finnast þessi 6 rök bæði góð og gild. auðvitað á að 'kíkja í pakkann'

[Ólafur Björn Ólafsson, 3.12.2012 kl. 00:13]

Mér þykir það hálfasnalegt að stór hluti þjóðarinnar trúi svona bulli eins og "að kíkja í pakkann"...

Það er ekkert til hjá þessu sambandi sem heitir að "kæikja í pakkann" hann er bara eins og hann er pakkinn og það kemur fram á heimasíðu þeirra hvað er í boði. Það eina sem þjóð getur gert sem langar að komast inn er að samþykkja allann pakkann.

Svo er ég einstaklega sammála Ásthildi Cesil, varðandi Ásmund, leiðinlegur pakki þar á ferð sem lítið vit kemur frá...

Kveðja

Kaldi

[Hilmar (IP-tala skráð) 3.12.2012 kl. 08:25]

Aumingja Ekki-Mundi. Hann er alveg á brúninni. Skiljanlegt, það eru engar góðar fréttir frá þessu ruslbandalagi. Allt í hönk.

Evran ónýt, þjóðum boðið að forða sér frá henni, bara ef þær hætta ekki í ESB.

Met atvinnuleysi. Hærra en nokkru sinni fyrr, þökk sé evrudruslunni. Bretar vilja í burtu, en gengur ákaflega treglega að fá þjóðrvilja viðurkenndan, enda ekki í anda ólýðræðisbandalagsins, að leyfa fólki að kjósa um það sem máli skiptir. Þjóðernisbrot eru að vakna upp til vitundar, og vilja ekki lengur vera valdalaus vinnudýr fyrir erlendar elítur.

Já, Lyga-Mundinn okkar hefur farið hamförum af heift og bræði, ræðst að frjálslyndum hægri flokki í Bretlandi, og kallar hann öfgaflokk, bara af því að hann vill burt úr ruglinu. Og ræðst að persónum í þessum flokki, með ótrúlega ósvífnum aðdróttunum, en þolir ekki ef einhver andar á Göran, ESB pabbann í Svíþjóð,, og missir sig í veinum og kveini.

Eitt er þó í lagi hjá Ekki-Munda, hann er ekki Mundi, og hann er ekki Harðarson. Það hjálpar til, að vera ekki þekktur sem ESB vitleysingurinn á Moggablogginu.

[Ásmundur (IP-tala skráð) 3.12.2012 kl. 10:15]

Blekkingaráróðursmeisturum ESB-andstæðinga hefur orðið ótrúlega vel ágengt.

Þess vegna er þeim mikið í mun að gert verði út um aðild áður en blekkingarnar verða afhjúpaðar með samningi. Vísbendingar sem skoðanakannanir gefa eru auðvitað ekki marktækar nema blekkingarnar haldi.

Dæmi um þennan ótrúlega árangur er sú blekking að um ekkert sé að semja í ESB. Þessu er haldið fram þó að allir samningar ESB við nýjar aðildarþjóðir mörg undanfarin ára hafi að geyma varanleg sérákvæði.

Það breytir engu þó að hver núverandi eða fyrrverandi forystumaður ESB á fætur öðrum upplýsi þjóðina um að við fáum slík sérákvæði. Heilaþvotturinn er pottþéttur hjá ótrúlega mörgum.

Þetta eru auðvitað aðalrökin fyrir því að slíta viðræðunum. ESB-andstæðingar virðast þannig gera sér grein fyrir að málstaður þeirra sé svo veikur að þeir verði að beita blekkingum til að ná árangri. 

Gætið ykkar á blekkingaráróðri ESB-andstæðinga.

[Hilmar (IP-tala skráð) 3.12.2012 kl. 10:44]

Já, ekki má gleyma aðdáendum ruslbandalagsins í Noregi, þeir eru svo fáir orðnir, að ekki er einu sinni messufært. Jafnvel þó notuð yrði smæsta kapella. Því var ekkert annað í stöðunni en að viðurkenna staðreyndir, og leggja niður aðdáendaklúbbinn í Noregi.

Nojarar vita nefi sýnu lengra, enda tvisvar búnir að fara í gegnum tómu pakkana frá Brussel.

Hugsið ykkur spælinguna fyrir þá sem trúðu á pakkajólin. Búnir að bíða í mörg ár eftir að ESB setti pakkana undir jólatréið, og spenntir Nojarar rifu þá upp, og viti menn, galtómir af öllu spennandi. Ekkert nema lög og reglur frá Brussel. Þá hefði nú verið betra að fá símaskránna.

Nei, Íslendingar láta ekki Éessbéið og Samfylkingu blekkja sig, við höfum orð og gerðir Norðmanna sem leiðarljós í samskiptum okkar við þetta bévítans blekkingabandalag.

[Ásmundur (IP-tala skráð) 3.12.2012 kl. 10:50]

Það sem samið er sérstaklega um í samningum við væntanlegar ESB-aðildarþjóðir er ekki kallað undantekningar heldur sérákvæði ("special arrangements").

Slík sérákvæði eru felld inn í lög ESB og teljast því ekki undantekningar. Dæmi um þetta eru sérákvæði sem Svíar og Finnar fengu í landbúnaðarmálum.

Vegna verri samkeppnisstöðu vegna kalds loftslags var þessum þjóðum leyft að styrkja landbúnaðinn þó að lög ESB hafi ekki heimilað það fram að því. Reglan gildir fyrir allt landsvæði fyrir norðan 62° N breiddargráðu. Hún mun því gilda hér á landi.

Vegna sérstöðu Íslands má búast við mörgum varanlegum sérákvæðum. Auk þess eru reglurnar okkur hagfelldar. Td ræður söguleg reynsla aflaheimildum sem mun tryggja okkur einokun á veiðum í íslenskri landhelgi.

Það er skondið hvernig þeir sem hamra á því að um ekkert sé að semja við ESB fara fram á áframhald verndartolla. Verndartollar eru hins vegar brot á grunnstoðum ESB og verða því aldrei leyfðir.

[Hilmar (IP-tala skráð) 3.12.2012 kl. 12:02]

Haha, enn á ný röflar uppáhaldið okkar um undanþágur. Blessaðir Finnarnir, sem sitja uppi með handónýtan landbúna eftir vistina í ruslbandalaginu, þurfa að senda inn skýrslu og beiðni á næsta ári, þegar bandalagið ákveður hvort þeim verði heimilt að niðurgreiða landbúnaðinn sinn áfram, tímabundið.

ENGAR, nákvæmlega ENGAR undanþágur eru varanlegar. Og verða ALDREI, ALDREI nokkurn tímann.

Sumsé, á næsta ári fá Finnar að vita það, hvort þeir megi styrkja landbúnaðinn næstu fimm ár. Það er aldeilis öryggið sem bændur Finnlands lifa við, eða þannig.

Og fiskurinn?

ALDREI, ALDREI nokkurn tímann munu Íslendingar fá að ráða fiskveiðimálum okkur innan ESB. Það er ráðherraráð 25 ráðherra, m.a. ráðherrar spilltustu þjóða Evrópu, sem ákveða ALLAR fiskveiðiheimildir, og hverjir fá að veiða.

[Elle_, 3.12.2012 kl. 15:38]

Alveg óþolandi Brusseldýrkunin í honum og skipti engu þó þeir væru í skotbardögum á torgum þarna. 

Ekkert um að semja, ekki neitt fyrir fullvalda ríki.  Sjálfstæður maður þarf ekki að semja við handrukkarann í næsta bæ um undanþágu fyrir að fá að halda peningaveskinu sínu í friði fyrir honum og genginu hans. 

En gallinn við málflutning Frosta er að hann notar orðin samningur og viðræður og það er ekkert og var ekkert slíkt í gangi.

[Ásmundur (IP-tala skráð) 3.12.2012 kl. 21:11]

Aðalatriðið fyrir okkur er að reglan um hlutfallslegan stöðugleika tryggir að við höldum öllum aflaheimildum í íslenskri landhelgi til frambúðar. Til þess þarf ekki undanþágu eða sérákvæði.　

Hvort yfirstjórn fiskveiðimála er í ESB, þar sem við getum verið í forsvari, er aukaatriði. Stjórnsýslan í ESB er margfalt faglegri en á Íslandi. Við munum njóta góðs af því.

Rangfærslur ESB-andstæðinga geta verið með algjörum ólíkindum. Nú reyna þeir að telja fólki trú um að sérákvæði Finna í landbúnaðarmálum sé aðeins tímabundið þó að það hafi staðið í 17 ár. Hvað næst?

ESB er auðvitað ekki óbreytanlegt um alla eilífð. Það aðlagast tíma og aðstæðum hverju sinni. En þess er ávallt gætt að slíkar breytingar gangi aldrei gegn mikilvægum hagsmunum einstakra þjóða.

Þess er jafnvel krafist að allar þjóðirnar samþykki breytingarnar. Auk þess verður það sem er fastmælum bundið í samningum ekki afnumið nema með samþykki viðkomandi þjóðar.　

[Elle_, 3.12.2012 kl. 21:30]

Blessaður haltu blekkingunum og rangfærslunum innan ykkar litla minnihlutahlutahóps.  Okkur kemur ykkar gróði og hlutföll og stöðugleikar ekkert við. 

Við ætlum að halda fullveldi og sjálfstæði utan Brusselveldisins meðan þið getið logið í ykkar litlu holu.  Við getum veitt okkar fisk og þið lifið á ykkar eina sílissporði.

[Hilmar (IP-tala skráð) 3.12.2012 kl. 22:55]

Mundi minn, það hefur sennilega farið framhjá þér, bara búið að segja þér miljón og einu sinni, að það er engin regla um hlutfallslegan stöugleika. Hún er ekki til, hvergi í lögum og hvergi í reglum. Enda er enginn stöðugleiki í sjávarútvegsmálum ESB, nema spillingin, náttúrulega. Hún er hvergi stöðugri eða hlutfallslega meiri.

Í þínum sporum myndi ég leita uppi manninn sem laug þessu að þér, og tala hressilega yfir hausamótunum á honum. Það er ekki gott ef menn komast upp með það að ganga um ljúgandi.

Og þetta með Finnland, blessaðir Finnarnir þurfa á fimm ára fresti að fá undanþágu frá lögum og reglum ESB. Þeir þurfa þess á næsta ári. Þeir þurfa að skrifa heljarskýrslu, og bænaskjal með beiðni um leyfi. Þú veist, vegna þess að ESB leyfir engar varanlegar undanþágur.

Ég hélt að þú vissir allt um ESB Mundi, en ég hef sennilega haft rangt fyrir mér um það.

[Gunnar Heiðarsson, 4.12.2012 kl. 11:45]

Ásmundur #8, ég er ekki í neinni rógherferð gegn Göran Person. Skrif mín í athuasemd hér fyrir ofan um þann mann eru mín fyrstu skrif um hann, og þau koma til af þeirri ástæðu að þú nefndir hann sem heimildamann. Hefðir þú ekki gert það, hefði ég ekki ritað neitt um hann. Þannig að tala um rógherferð gegn þeim manni, þó sannleikurinn sé sagður um hann í einni athugasemd á bloggsíðu, er harður dómur. Þú mátt væna mig um slíkt ef ég sjálfur rita blogg um manninn, sem litlar líkur eru á, nenni ekki að eyða tíma mínum í hann!

Hitt er rétt hjá þér að orð Persons um samstöðu eiga alltaf við. En það þarf ekki vitring til að vita það. Rauninni eina fólkið sem opinberlega skilur ekki þá staðreynd hér á landi, núverandi valdhafar!!

[Thordur Sigfridsson (IP-tala skráð) 4.12.2012 kl. 18:57]

Ásmundur, þú talar um hlutfallslegan stöðugleika sem að vissulega getur hugsanlega verið rétt en ég er með 3 spurningar til þín.

1. Yrði mögulegt (ef að af "samningi" verður) fyrir t.d. spænskar eða breskar útgerðir að hreinlega kaupa eina eða jafnvel allar íslenskar útgerðir?

2. er þá eitthvað sem að mundi hindra þær útgerðir í því að sigla með allan aflann til sinnar eigin verksmiðju í sínu heimalandi?

3. Það er jafnvel hægt að setja upp dæmi þar sem að erlendar útgerðir gætu keypt fiskvinnslur sem og báta, haft eingöngu starfsfólk frá heimalandinu, greitt þeim laun í viðkomandi landi og sent síðan frystan fiskinn út til heimahafnar... semsagt ekki nein atvinna eða innkoma í plássinu. Er þetta kannski ekki mögulegt í reglugerðum ESB ?

Kveðja

[Ásmundur (IP-tala skráð) 4.12.2012 kl. 21:08]

Thordur, erlendir aðilar geta ekki keypt íslensk sjávarútvegsfyrirtæki og siglt með aflann úr landi nema þeir hafi efnahagaleg tengsl við landið.

Bretar voru ósáttir við að spánskir togarar keyptu bresk fyrirtæki með kvóta í breskri landhelgi og sigldu með aflann til Spánar. Þeir höfðuðu því mál fyrir Evrópudómstólnum sem dæmdi að setja mætti skilyrði fyrir slíkum kaupum um efnahagsleg tengsl við landið.

Eftir það hefur kvótahopp ekki verið teljandi vandamál í ESB. Bretar hafa útfært þessi efnahagslegu tengsl á eftirfarandi hátt:

"1. Landa þarf a.m.k. 50% aflans í Bretlandi, eða

2. a.m.k. 50% áhafnar þurfa venjulega að vera búsett á bresku strandsvæði (UK coastal area), eða 3. verulegur hluti útgjalda útgerðarskips þarf að eiga sér stað á bresku strandsvæði, eða

4. sýna þarf fram á efnahagsleg tengsl með öðrum hætti (m.a. með samsetningu framangreindra þátta), til hagsbóta fyrir íbúa sem háðir eru fiskveiðum og tengdum greinum.

Þessar reglur hafa verið samþykktar af ES og má því ætla að sambærilegar reglur væri hægt að setja hér á landi til þess að hindra flutning kvótans til annarra ríkja."

http://rafhladan.is/bitstream/handle/10802/1217/46%20Visbending%202008.pdf?sequence=48

[palli (IP-tala skráð) 5.12.2012 kl. 08:03]

Svarið við spurning 1 er sem sagt JÁ!!

..en við eigum að vera svakalega hamingjusöm með að fá að vinna fiskinn (50%) og að áhafnirnar séu íslenskar (50%).

Vá hvað það er frábært.

Íslenski fiskurinn í eigu erlendra kvótakónga.

Jón Ásmundur Frímann, þú ert bara of fokking heimskur til að átta þig á hlutunum. Heilaþveginn fábjáni og félagslegt úrhrak sem hrökklaðist af Íslandi því enginn vill umgangast hrokabyttu og besserwisser frekjudollu eins og þig.

Viltu ekki bara finna þér líf þarna í Danmörku og hætta að bögga okkur með þessari dellufroðu þinni. Það er enginn að taka mark á þér, það er enginn sem álítur þig ekki fíflið sem þú ert, og Ísland mun ekki ganga í ESB.

Get a fokking grip, stupid.