VG verður að gera út um ESB í vetur

Eftir prófkjör gærdagsins á VG forystan ekki lengur val að láta ESB málin dankast í höndum Samfylkingarinnar.

Lykilatriði til þess að flokkur eigi sér möguleika í kosningabaráttu er að hann gangi í einhverjum takti í stærstu baráttumálum sínum. Ef Ólafur Þór hefði unnið Kragann og Björn Valur komist upp á bekkinn í Reykjavík mátti vel hugsa sér að VG sneri sér að fullu og hefði orðið einhverskonar ESB flokkur. (Flokkurinn hefði getað tekið sér svipaða stöðu og Framsókn þeirra Halldórs og Valgerðar forðum tíð!)

En með sigri Ögmundar í Kraganum er komin upp sú staða að forystan verður að taka tillit til ESB andstæðinga og gera út um málið fyrir kosningar. Eðlilegast er að setja það á ís með skilyrði um að það verði ekki tekið upp að nýju nema að undangengnum kosningum. 

Í Suðurkjördæmi hlaut Arndís Soffía Sigurðardóttir fyrsta sæti í uppstillingu sem kynnt var í gær en hún hefur undanfarið kynnt stefnubreytingu í þá veru að vilja nú líkt og Ögmundur fá ESB málið út af borðinu. Þess kann að vera skammt að bíða að þingliðar VG hlaupi hver í kapp við annan í þá átt að afneita eigin ESB daðri. 

Önnur prófkjör koma Vinstri vaktinni minna við. En rétt eins og pistlahöfundur vakti athygli lesenda á að ESB sinnar hafi sigrað í Sjálfstæðisprófkjöri í Kraganum fyrir skemmstu þá er niðurstaðan algerlega öndverð í Reykjavík. Þeir tveir frambjóðendur Sjálfstæðisflokksins sem helst áttu stuðning ESB sinna voru útrásarpiltarnir Illugi Gunnarsson og Guðlaugur Þór Þórðarson. Báðir guldu afhroð í gær. /-b.

Athugasemdir

[Sverrir Hjaltason (IP-tala skráð) 25.11.2012 kl. 11:39]

Úrslitin í uppstillingamálum VG um helgina eru óskastaða fyrir fyrir Hádegismóaklúbbinn. Eina sem vantar er að Jón Bjarnason hljóti brautargengi. Afturhaldsmórar VG og Sjálfstæðisflokksins munu róa að því öllum árum.

[Ásmundur (IP-tala skráð) 25.11.2012 kl. 12:23]

Það er auðvitað áfall fyrir hinn hávaðasama minnihluta VG að eini frambjóðandi þeirra, Ögmundur, var nærri því að tapa fyrir lítt þekktum frambjóðanda. 

Nú er öldin önnur en þegar Ögmundur var talin ógna Steingrími J sem leiðtogi VG. 

Undarlegt að telja Illuga, sem lenti í öðru sæti í Reykjavik, hafa farið halloka í prófkjörinu. Hann mun leiða annan listann í Reykjavik.

Í ljósi þess að Sjóður 9 er enn að flækjast fyrir honum er þetta mikill sigur sérstaklega ef tekið er tillit till að hann keppti um fyrsta sætið við Hönnu Birnu, sem notið hefur gífurlegra vinsælda.

Guðlaugur Þór hefur ekki verið talsmaður ESB-aðildar. En hvað um það, þá vann hann varnarsigur í prófkjörinu eftir að hafa sætt miklu ámæli fyrir að hafa tekið við miklum styrkjum og veitt fyrirgreiðslu í kjölfarið.

Ýmislegt fleira hefur verið honum mótdrægt. Nú síðast var hann kærður til sérstaks saksóknara fyrir meint umboðssvik og mútuþægni.

Í öll efstu sætin í Reykjavík raða sér stuðningsmenn Steingríms svo að það hefði engu breytt þó að Birni Vali hefði tekist að komast í öruggt sæti þar.

[Seiken (IP-tala skráð) 25.11.2012 kl. 15:24]

Tja Ásmundur.  Eftir þessi úrslit hjá VG í borginni þá fer ég nú að velta því fyrir mér hvort að 4 efstu séu svo eindreignir stuðningsmenn SJS. Einhver benti á að þessi úrslit væru tæplega möguleg nema að fólk hefði ákveðið að standa saman að því að koma í veg fyrir að Björn Valur næði inn. En ef ég væri í VG þá myndi ég hafa áhyggjur af þátttökunni.

Úr því sem komið er þá væri það trúlega mikill sigur hjá flokknum að ná einum manni í hvoru Reykjavíkurkjördæminu fyrir sig. Ögmundur heldur þessu á lífi fyrir flokkinn í kraganum. Ef hann hefði tapað þar þá hefði stefnt í afhroð í því kjördæmi.

[Kolbrún Hilmars, 25.11.2012 kl. 19:20]

Tek undir með Seiken.  Að aðeins rúmlega 600 flokksbundnir VG (af ca 2500?) hafi tekið þátt í prófkjörinu í Reykjavík ætti að vera flokknum meira áhyggjuefni en nákvæmlega hverjir fengu persónulega gott eða slæmt kjör.

Hvað koma sjálfstæðisflokkskandídatar í sama kjördæmi því máli við,  líkt og Ásmundur tíundar hér að ofan? 

Ja, auðvitað ekkert nema VG-istar hafi villst á kjörstöðum?

[Ásmundur (IP-tala skráð) 25.11.2012 kl. 21:15]

Kolbrún, ég var að svara ummælum í færslu Vinstrivaktarinnar um Illuga og Guðlaug Þór. Ertu hætt að nenna að lesa boðskapinn? Gagnrýni þín hlýtur því að beinast að höfundi færslunnar.

Ástæðan fyrir lítilli þátttöku í prófkjöri VG í Reykjavík er eflaust að þar var ekki um neinn slag á milli fylkinga að ræða. Þetta var í raun aðeins spurning um hvort Björn Valur kæmist í öruggt sæti eða ekki. Hvorki hann né þeir sem eru á þingi fyrir Reykjavík vilja slíta aðildarviðræðunum. 

Öðru máli gegnir um prófkjör VG í Suðvesturkjördæmi. Þar var reynt að koma í veg fyrir að  Ögmundur næði 1. sætinu og það munaði litlu að það tækist. Það var því meiri ástæða til að kjósa þar. Þátttakan var því mun meiri en í Reyjavík.

Að mínu mati er þetta afleit niðurstaða fyrir Ögmund og þau öfl sem standa á bak við hann. Ögmundur var lengi vel talinn einn helsti forystumaður Vinstri grænna. Hann rétt nær að sigra lítt þekktan nýliða.

Þetta er ekki síst slæm niðurstaða fyrir Ögmund í ljósi þess að báðir þingmenn kjördæmisins tilheyra hávaðasama minnihlutanum. Niðurstaðan sýnir óánægju með þeirra framgöngu á kjörtímabilinu. 

[Elle_, 25.11.2012 kl. 21:26]

Nei, þetta var nefnilega góð niðurstaða fyrir Ögmund.  Hann sigraði þó þú gerir alltaf lítið úr honum og Jóni fyrir að falla ekki eins og heimsk púsluspil að vitleysunni í ykkur.  Þeir eiga það síst skilið allra í VG þrátt fyrir ykkar skítkast.

[Elle_, 25.11.2012 kl. 22:10]

Og svo vogarðu þér að tala um hávaðasaman minnihluta en þú ert í honum sjálfur með Jóhönnu og Össuri og öðrum Brusselförum og heimaköttum.

[palli (IP-tala skráð) 26.11.2012 kl. 10:42]

Ég sagði það fyrir þónokkru síðan að Jón Ásmundur Frímann myndi smá saman byrja að tjúllast meira og meira með komandi tíma. Hann á eftir að missa endanlega vitið þegar þessi veruleikafirrti óskhyggju heimsmynd hans hrynur.

Það bara fyndið að horfa upp á þennan sjúkling opinbera eigin vankanta og sína sjúku sál.

Þetta er eins og að horfa á lítinn apakött í litlu búri, hoppandi upp og niður, og öskrandi sífellt út í loftið.

(og einhvern veginn heldur hann að fólk sé að taka hann marktækan!!)

Hvernig er hægt að vera svona djúpt sokkinn í ótrúlegustu ranghugmyndum um sjálfan sig og heiminn, að maður heldur út þessum delluáróðri viðstöðulaust árum saman?

En já, svona er að vera þroskaheftur (skv. honum sjálfum) félagslegt viðundur  í Danmörk, sem getur ekki eignast vini eða fundið vinnu, en þarf nauðsynlega einhvern málstað til að telja sjálfum sér trú um að eigið líf sé ekki það andlega klóak sem það er.

Hvað nákvæmlega fær hann til að halda að fólk hlæi ekki að bullinu í honum, er eitthvað handan míns skilnings á sálfræðilegum vandamálum.

En gott svo sem fyrir andstæðinga aðildar að hafa þetta furðufífl að básúna bullið. Það gefur líklega ekki rétta mynd af ESBsinnum, þeir eru flestir ekki svona langt leiddir í afneitun og þráhyggju (og þó).

Það breytir engu þótt staðreyndirnar æpi framan í þennan vitleysing, hann mun aldrei skipta um skoðun né hætta boðskapnum. Þetta er lítið grey sem hefur tapað vitinu.

Það ætti án gríns að banna hann, honum sjálfum fyrir bestu, en líka svo að hann hætti að eyðileggja umræðuna á þessu bloggi.

Vinstrivakt? Halló? Það er ekkert athugavert við að henda honum út. Þetta er niðurrifsafl af verstu gerð. ESBsinnar sem lesa þetta blogg eru líka flestir sammála þessu. Hann gerir engum greiða. Þetta er eins og bein lýsing frá Kleppi, og fólk hættir að nenna að lesa þetta blogg bara út af þessari endalausu truflun í þessum náunga. Þetta er eins og böggandi lítil fluga sem fer ekki í burtu.

[Kolbrún Hilmars, 26.11.2012 kl. 13:06]

Ásmundur #5.   Hvort okkar nennti ekki  "að lesa  boðskapinn."?

T.d. þann í upphafi síðustu málsgreinar pistilsins: "Önnur prófkjör koma Vinstri vaktinni minna við..."   Ekki er beinlínis hvatt til þess að ræða þau frekar í athugasemdum.

[Ásmundur (IP-tala skráð) 26.11.2012 kl. 21:25]

Kolbrún, það er að sjálfsögðu full ástæða til að svara öllum vafasömum fullyrðingum.

Engu breytir þó að sá sem viðhefur þau telji þau koma sér minna við en eitthvað annað.