Gísli Garðarsson:

Ég svara síðari spurningunni með valkosti f), „að hagsmunum Íslands sé betur borgið utan ESB“, en ég hafna öllum valkostunum í þeirri fyrri, þar sem afstaðan hlýtur að velta á aðstæðum.

Ég geri grein fyrir svörum mínum í 98 orðum slétt:

Stefna Ungra vinstri grænna, sem ég hef tekið þátt í að móta, hefur ávallt verið sú að hafna aðild að Evrópusambandinu, enda þótt við tökum þá afstöðu á grundvelli hugsjóna frekar en hagsmuna.

Engu að síður er UVG lýðræðisleg hreyfing.

Þó þjóðin sé sammála okkur í að hafna Evrópusambandsaðildinni þá hafa skoðanakannanir hingað sýnt að töluverður meirihluti þjóðarinnar sé fyrir því að viðræðum verði lokið. Meðan svo er er það „skýlaus lýðræðisleg krafa að aðildarviðræður verði kláraðar og niðurstöðu þjóðaratkvæðagreiðslu hlýtt“, svo ég vitni í ályktun landsfundar UVG 2011.

Breytist þessi forsenda skal tafarlaust draga umsóknina til baka.